Chuan Po Po (Argyle Centre Phase I) (Closed)

一次偶然行旺中，見到呢間鋪頭。就買來試一試，雖然價錢唔貴，但係一d都唔影響佢嘅出品，好正宗，辣度適中，味道好好。下次經過仲會買來食，辣得好過癮。俾個like你地！…Read More

以前食過覺得唔錯今日再去試 點知就出晒事😐嬲到我忍唔住想打個食評（第一次打）嗌咗個水煮肥牛餐 $75唔講以為嗌咗水煮雜菜額外送肥牛🤔啲牛又少又難食 我以為自己食緊鞋底 咬極都咬唔爛 咬到我牙骹都鬆晒 啲菜又唔新鮮又有苦味 完全唔知喺度做乜 🤔呢個價錢喺旺中可以買其他嘢食仲好🤗🤗…Read More

次次叫，次次都漏單成間嘢d人都發緊夢叫響羚，漏響羚上次叫兩碗，竟然可以漏一碗麵響羚，叫過三次，漏兩次有邊次先會執齊野問親點解會漏，就只會答唔夠人返工唔夠人返工，就唔好開門做生意啦…Read More

旺中入面有間外賣小店，主打四川麻辣菜式🌶。由於小店提供免費外送服務🛵，係旺角區翻工既我，都經常性會食下😌通常我都係叫佢既粉麵餐，都好抵食架～有2️⃣款薯粉可以選擇，分別係寬粉同細粉，口感都爽口彈牙，唔會太煙靭而咬唔斷😋辣道方面，最細係BB辣，到最大既菊花辣😂。一般而言，中辣已經好足夠，而且有得加麻，冬天食真係幾爽、幾暖胃🤣配餸方面，都係正常車仔麵檔提供既餸菜。值得一提，佢既豬皮差唔多有手掌心咁大✋🏻👍🏻📝是日 • 點菜3餸麵（$43）：豬皮/ 肥牛/ 芝士丸 / 紅薯細粉 / 麻辣小辣 (多麻)…Read More

我叫A餐，已經一早2-3點落定，我行過去令已經好忙，服務一半薯粉多過啲餸，第一次幫襯叫兩款餸都跟足，$38如果可以跟理飲品就ok,外賣下一次可以填外賣電話/查詢會比較好！:(:(…Read More

完全不知所謂⋯⋯⋯分別兩次經OpenRice落order叫外賣。第一次比漏響鈴第二次，竟然可以比漏一碗粉一句唔好意思，就覺得無問題覺得退錢，就無問題店舖交食物比客人前，唔check單就出一句少左個人返工，就要客人原諒佢比漏一碗粉徹底失望⋯⋯⋯⋯⋯⋯⋯⋯⋯⋯…Read More

之前試完尖沙咀分店，生酮緊既我實在唔知可以食乜，就諗起川婆婆旺角同尖沙咀最大分別係旺角冇個櫃睇到啲野食，感覺比較衛生啲。尖沙咀係到收銀嗌要啲咩，而旺角係用落單紙自己剔✅感覺上比較清晰同方便旺角開起旺角中心入面，人流好多，但依然好有效率落完單等5分鐘左右就有，旺角設有堂食有張小枱仔但埋等既時候有兩張櫈仔。但地方就比較迫，人流多既時候會擔心比人撞到我嗌左同上次尖沙咀同一樣野食，六餸，不過今次嗌左bb辣，小辣辣得濟bb辣又唔夠味但足料好多食完夠飽肚…Read More

今日去咗旺角舖頭返工，晏晝諗唔到食咩，就隨便叫川婆婆。WhatsApp落咗單之後等咗一陣就送到，超有效率。我最鍾意食川婆婆嘅麻辣淨餸，因為佢食湯底好濃好入味，一定要多蒜多麻，哈哈非常適合我呢啲重口味嘅人。佢哋嘅雞柳都幾滑，每次食我都會加兩蚊加雪菜，成日諗唔到食咩我就會叫川婆婆。今次再叫多咗個麻辣口水雞，我覺得小食來講其實又唔係好特別，就係普普通通正正常常嘅一個麻辣口水雞。如果大家都鍾意食麻辣，都可以試吓。(不過食完有少少頸渴😂)…Read More

好過分叫左三個餸 淨係俾咗一款俾我而且唔係我叫嘅嗰款 唔知你哋員工到底做緊乜可以咁唔清醒 今次真係好失望 唔會再去食都唔會推介friend去食都會同friend講埋呢件事叫佢哋一定要小心…Read More

身為一個無辣不歡既人，遇到好食既舖頭就一定要mark低佢，日後得閒可以再去食下。本身我無為意到有呢一間舖頭，係我朋友帶我食過一次之後，川婆婆正式成為「可以再食List」既一份子。今次我叫咗麻辣鴨血($28)同辣汁牛柏葉($18)，麻辣鴨血係我每次都會買既小食。因為佢個麻辣汁真係好正，辣辣地再夾埋已經浸到入哂味既鴨血，真係無得頂。相反，個辣汁牛柏葉就有啲失色，因為佢既辣只係浮於表面既辣，啲汁又好普通，無真正融入啲牛柏葉到。後尾我將啲牛柏葉浸係麻辣鴨血既汁度先好食返啲😂如果你鍾意食麻辣鴨血，可以試下川婆婆！…Read More

已經係第三次幫襯旺中嘅川婆婆。講真，旺角搵到唔係打邊爐鋪嘅麻辣鴨血都幾難，又要價錢相宜，又要好味，加上又要係黃店同就腳，我諗係得川婆婆。今次嗌埋麻辣牛柏葉，試下點樣。麻辣鴨血（$28）照舊水準高，唔會辣到好辛苦但又有麻嘅味道，鴨血有啲甜（？）味，煮得好入味。相反牛柏葉（$18）都係寫住麻辣，但佢個辣湯浸味係淺層啲嘅麻辣，唔係好滲到喺牛柏葉入面，我食嗰陣浸埋落麻辣鴨血個碗度，即刻入味好多，建議可以配合食用。…Read More

我是透過外賣自取取餐，顯示領取號碼給員工看，她應該是短頭髮的女生，看了看，指著外賣，當時只有一個外賣，就示意自己拿。完全沒有想要拿給我的意思，雖然當時只有一個外賣，但我不能確定這就是我的。反正整個過程沒有跟我說過一句話，就眼神示意我自己拿，這樣。…Read More

一行五人，去買野食，收銀個女仔態度差到乜咁都算，又唔覆單，咁睇完都岩所以無理，有野食就好，咁拎完野食，啲野大大袋咁拎走，佢地又忙又無位check,就咁拎走咗，到咗目的地發現5碗麵得兩碗岩，有兩碗啲野完全錯（可能求其放咗人地碗麵落黎）咁都唯有照食啦，但唔知點解可以直頭俾漏一碗！我地有叫其他小食，所以數唔到碗數，發現後打電話俾旺中呢間鋪，打唔通搵唔到人，後來要打去尖沙咀間鋪搵人轉接先搵到負責人⋯後來唯有退錢，處理咗件事。其實唔止一次但今次真係覺得特別過分所以要打呢一篇嘢，好鍾意食呢間嘢但次次都係咁機會仲可以俾到幾多次…Read More

我們長大了，時代變了，朋友圈子變了，還記得當年青蔥歲月，第一次和朋友mmkk去去旺中留連整天，到了黑夜仍不願歸家嗎？旺角中心，今天與昔日的印象，好像沒有什麼變化，仍然是每個人那mk年代的代名詞。好啦偽完文青，又繼續去食野嚕，之後我地上左二樓食麻辣野，冇錯就係川婆婆，其實依間係全香港都有幾間分店，旺角有、尖沙咀同銅鑼灣都有，之前都食過佢地嘅米線，都幾好味架，今次我地試下佢嘅小食，我地叫左個紅油抄手同麻辣皮蛋，但點解紅油抄手係熱嘅仲要放湯嘅？好啦，識食一定係要食完個皮蛋再將啲雲吞一粒一粒咁放落去皮蛋個汁度降溫，之後再飲返紅油抄手啲湯。雖然全部都好想食，但因為掃街我地冇嗌好多野，食到有啲飽，行過去食甜品嚕。…Read More

«1125»平食三餸$40 煙韌薯粉×麻辣鴨血﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷三餸粉麵套餐 $40手打魚蛋 魚腐 鴨血三款餸份量都夠晒我食，樣樣都有2-3粒，仲有索汁魚腐🥰鴨血口感扎實，唔係好滑個隻但都入到味～ 手打魚旦以為都係圓形個啲，原來係手工形狀嘅丸🤪 個樣唔突出但食落有魚肉鮮味，值得一試🤗紅薯寛粉口感正，大條有咬口，煙煙韌韌咁～ 酸辣湯底食個陣唔覺好辣，食完之後先feel到後勁😆﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣川婆婆旺角彌敦道688號旺角中心1期2樓SB04號舖…Read More