川品雲南米線

Open Now

Now Closed

近排成日見到推薦川品搞到心郁郁想試 禾同米線係真愛 🤣大角咀成日俾人鬧態度差山長水遠去到新蒲崗店招牌麻酸辣湯底𢳂起杰杰哋第一啖飲落都幾鹹 花椒味好出 酸味欠奉 味道平衡一般般 🙂‍↔️累積之後鹹到涸喉搞唔掂又唔係一無是處 🙈配料有酸菜 芽菜 韭菜 炸黃豆幾豐富全部餸都唔錯而且份量好紮實辣度頗濃烈 中辣同三哥嘅中辣差唔多大家要自己衡量吓接受程度 🌶️試咗朋友嘅胡椒豬肚湯感覺比較人工好似落咗現成豬骨濃湯醬咁白雪雪味精重 豬肚份量好多跟埋嘅腐竹浸咗湯都幾好食兩款湯底都不過不失啦 😗米線 Al dente 嘅喂 ⁉️朋友叫咗腍啲但食落一樣咁硬叫咗米線關注組經常推薦嘅豬頸肉同雞扒記住同店員講另上 俾湯浸住就唔好食㗎啦 😼呢度啲炸嘢可以媲美老闆娘炸得好乾爽碟底完全唔油炸雞扒好！好！食！❤️‍🔥表面薄薄一層炸粉 緊緊裹住雞肉唔會皮肉分離雞肉超級厚肉多汁 擺咗一陣依然肉汁飽滿 💦豬頸肉都係卜卜脆好爽口不過好難超越雲川 😜結論係順路可以一試但係冇大家講到咁神啫 🥴位置都算易搵喺啟德行去 Mikiki商場對面過兩條街就到～📍 川品雲南米線新蒲崗康強街17A號地舖大角咀道38號新九龍廣場地下023-026號舖

好好味嘅湯底 好食嘅米線話說附近嘅米線鋪最近好紅未開門11:50就見到長長人龍果斷放棄新蒲崗食米線仲有其他好選擇，同一條街就有川品。食麻辣胡椒湯底真係好暖胃，特別係冬天超正。麻辣胡椒米線小小辣雞扒拼豬扒 ＄68超惹味 重口味之選 但會有啲咸雞扒勁大塊 煎得好香沙嗲小小辣米線雞扒拼魚腐 $61好香好濃 花生味好香魚腐就普普通通 食辣野唔少得叫番杯凍檸茶！總括大大碗份量足，好多配料味道唔錯，街坊小店都唔少人幫襯，去開新蒲崗可以食

呢間品川米線，間中食lunch都會過嚟呢度食佢嘅米線，平時食lunch時間佢哋都好多人幫襯，有時仲會多人到截埋單。佢嘅米線係有唔同嘅湯底有麻辣酸辣沙嗲湯同埋清湯，但係佢個清湯其實唔係一般嘅清湯，係好似沙嗲湯咁樣既色，所以如果叫清湯唔好期望佢個湯真係好清。今次我叫呢個就係，沙嗲湯墨丸豆卜米線， 佢呢度嘅豆卜好食，而且好索湯，加埋個沙嗲湯一齊👍🏻👍🏻唯一想提下就係佢哋人手唔係好夠咁，經常出餐都會比較耐，有時出一碗米線可能要15分鐘，所以如果趕時間嘅就考慮下叫外賣或者提早打嚟落單。🙄🙄

兩碗麵，野食冇問題。但係加多左個鹽酥雞， 問有冇甜辣醬，好普通一個要求，有個阿姨話要小食先可以甜辣醬， 認證左係鹽酥雞之後有個眼睛妹服務員 話公司規定吾可以俾甜辣醬？ 仲要係長篇大論話規定就係甘😂隔離臺聽到都o曬嘴….想問比小小甜辣醬有幾難？有幾貴？ 點解會甘孤寒？ 仲要態度勁差我就唔信公司真系會規定呢啲搞笑規矩去其他店食就一定會配醬，甜辣醬wor？！ 有幾難？😂😂😂真系令人匪夷所以，仲有態度好差先係重點。

我諗新蒲崗既朋友無人唔識呢間川品米線，因為一到中午放飯時間無論係外賣定堂食都一定係門口大排長龍😂咁當然一定有佢嘅吸引力，而最吸引到我嘅地方，就係同外賣平台合作不定期會有優惠😊優惠係抵到唔洗$50就有得食一碗熱辣辣嘅豬頸肉😚我呢碗就係啦🤣😋單拼米線（豬頸肉）豬頸肉份量都唔錯😌食起上黎仲熱架😚有幾塊仲要煎到脆口添🤗又唔似出邊嗰啲豬頸肉咁多肥膏🙂跟住要讚讚佢嘅米線夠淋😙我呢個就係清湯，但係有辣肉碎同酸菜，啱晒我呢啲唔係話好食得辣嘅人🤭舔舔脷指數👉🏻7😋/10😋滿分 值得一試😋

試過堂食同嗌外賣都等好耐最過分等左一個鐘其實做唔切 可唔可以改善下個流程食物係好食既 但係次次都等咁耐人都燥午飯時間更加離譜 ………………………………………………..

啱啱好趕得切喺午飯時間入座💕💕5分鐘後門口已經排咗人龍座位唔算闊落，甚至有啲迫🫣🫣但見到每一枱個樣都係好愉快地等待間接令到我都好快樂地等咗15分鐘🤣🤣由坐低開始已經聞到好香嘅酸辣味😋今次叫咗👇🏻👇🏻豬頸肉拼雞扒酸麻辣湯小辣$68 +凍檸茶$7🔶豬頸肉果然係王牌，肉質好食，唔會柴唔會鹹🔷炸雞一嚟到食第一嚿脆卜卜好好食，但之後浸晒湯就差咗少少，不過仍然都覺得好食，雞肉好Juicy📣📣重點講湯底，本身配菜可以加芽菜韭菜芫荽同蔥，加上仲可以加酸，不過我全部冇加，主要係想試清楚湯底個味道💕💕💕湯底飲落好濃厚，唔會好稀，有淡淡嘅甜味同麻既感覺，反而酸嘅感覺係最突出，依碗嘢真係好驚喜😍😍😍對於口味清淡嘅我唔能夠飲晒成碗湯，但每啖米線食落吸晒湯汁嘅味道，真係超級正👍🏻👍🏻不過眼見隔離枱四個男人全部飲晒成碗湯就好佩服佢哋🤪🤪個湯真係唔錯😋😋🐝—————————我是分隔線—————————🐝總結：未試過嘅快啲去試吓啦，我已經諗定隔兩日再去食多一次再試真啲，對於依個麻酸辣，真係刷新咗我依個米線控嘅新味蕾🫵🏻店名：川品雲南米線 (新蒲崗)地址：新蒲崗康強街17A號地舖#hkig #foodie#foodblo

醬爆丸同魚腐酸湯米粉真係一對好拍檔！醬爆丸外脆內嫩，醬汁香濃，味道十分入味，食落去好開胃。魚腐酸湯米粉湯底清新酸爽，魚腐滑嫩，與米粉完美結合，吸收咗湯汁嘅鮮味。米粉煮得剛好，口感滑順，整碗菜式色香味俱全。特別適合想食輕鬆又美味嘅朋友，真係非常推薦！

麻辣胡椒湯（腩肉/鴨血）湯頭先麻後香，胡椒既辣令湯既層次更加豐富，適合鐘意濃味既人。腩肉夠厚夠大塊，油脂感足夠。鴨血夠滑，但略嫌薄同份量較少（只有三塊）。米線滑而且份量足。衛生方面，地板同櫈有啲污糟同鋪位後方有點臭味。凍飲加$7 總計$57食物🌕🌕🌕🌕🌑環境🌕🌕🌑🌑🌑價錢🌕🌕🌕🌕🌑服務🌕🌕🌕🌑🌑

係新蒲崗好好味嘅雲南米線，每到lunch time外面都會排長龍。川品個辣味真係好味。豬頸肉或雞扒或豬扒都好足料大份，另外加款送就好豐富。推介魚腐，係同平日嘅魚腐唔同的。而紫菜佢真係成大餅紫菜俾你。面質可以揀軟硬度，也可轉薯粉。外賣可以門囗掃碼落單十分方便。

依間係我超愛既米線店之一甚至可以講係九龍區最好食果間(利申:我覺得) 湯底有好多種無論係正統麻酸辣定係比較少見沙嗲湯甚至最近仲有出酸菜魚湯底 我每樣都試過鍾情於麻酸辣湯辣度可以自己決定我覺得第一次嚟/如果平時唔算太食到辣可以先由最小既微辣開始就算係最低級別都已經好辣所以野飲係必需!!超過癮會一啖一啖咁接住食完全停唔到落嚟份量都好夠 雖然佢主打係米線而最吸引我就係餸有好多款揀但一定一定要試炸野無論雞扒/豬扒/豬頸肉都試過外皮炸到好香好脆肉質仍然好嫩滑

每次經過都見舖頭坐滿晒人出邊排晒隊等攞外賣今日中午見人少少，就入去試一試佢酸辣湯+鴨血+蘿蔔+牛肉湯底好有後勁，建議唔食得辣嘅人唔好揀咁辣蘿蔔甜，都算難得！(成日喺出邊叫蘿蔔一係冇味，有時仲會酸講起就嬲)牛肉滑、鴨血冇怪味所有配料湯底都做到應有水準而且價錢合理，糧尾恩物題外話，職員服務唔錯值得嘉許，見佢勁忙但都唔會做到黑晒面

係附近返工，基本上 一星期食3次咩湯底都試過哂 自己一路都好鐘意食米線食過大角咀覺得好好食 過咗嚟喱邊返工見到有 就日日嚟食 下就食後生個個同事好好 因為基本上樓面得一個人 好忙 但個個同事長期都好好態度咁有日收工，又好涷 想食個胡椒湯同朋友一齊食 一人一碗 自己叫咗菜底 朋友就食米線咁嚟到 我真係嚇親 係少過我平時下午食勁多 我問店員 咁係個呀姐嚟 唔係平時個個 我話 點解啲份量少咗 同平時差好遠店員入完廚房 出嚟話 廚師問我有啲唔同咗？我話平時下就嚟食開 份量都唔係咁少然後店員話係咁少菜㗎 菜底仲有冇其他問題我就真係已經無言 我答 你都講到咁 我可以有咩問題我知就收工 咁唔夠埋，不如直接暫停佢 唔好勉強 同埋個位同事 真係超無禮貌 我提出份量少唔係要退錢或者咩 係平時份量成日都唔同 今次係過份，唔會再去！

呢間米線已經見過好多人介紹見約開朋友就順便嚟探訪一下！🌼豬頸肉米線（酸麻辣湯小辣）大大碗米線裝到勁滿😋，侍應上枱嗰陣都寧捨小心💪🏼💪🏼米線本身已經走晒青同茜啦。首先試飲湯底，酸辣味道好出色超夠味‼️食每啖米線都忍唔住要𢳂夠滿滿嘅湯一齊食😋個人覺得小辣都好夠辣啦，再嗌中辣應該要飲好多水😝跟住再試名物之一嘅豬頸肉👉🏻豬頸肉份量多，切到佢係煎過先上的，就算浸咗湯都食得出焦香，超好味！

大角咀都小有名氣既川品雲南米線開左分店係新蒲崗😋Soy Egg 🥚同9 Flag 🏳️經過見到就入左去試下係唔係真係咁好食😋必試: 無是但總結: 我個人會寧願去譚仔😟是但食評🌟💬✰環境 🙂 細間 逼夾🙂小店格局 無咩特別裝修🏡 都叫做乾淨企理 D位都放得幾密唔算坐得好舒適 🙂✰小鍋米線 酸麻辣湯 招牌腩肉 醬爆丸 ($48) 🐷🍜 唔夠酸 唔夠麻 腩肉有騷味😟酸麻辣湯唔夠酸 唔夠麻😟D香料好似爆得唔夠香 唔夠出😟酸味都唔夠 個湯入落去得高湯味咁醬爆丸係普通醬爆丸 無咩特別招牌腩肉寫住招牌喎 搞到期待值飆升可惜期望愈大 失望愈大😟無咩味道可言 似白烚豬肉💦🐷仲要有豬肉騷味 都幾失望😟✰小鍋米線 麻辣胡椒湯 麻辣鴨血 炸醬 ($48) 🌶️🍜 胡椒味失左蹤😟胡椒味完全唔夠要𢳂到底 連埋D胡椒粒一齊食先有胡椒味🌶️麻辣味都係唔夠麻 唔夠香😟都係得高湯味 偏咸但高湯應該都足料既 飲到雞湯同豬骨味🐔🐷麻辣鴨血夠入味 但麻辣味都係唔夠強勁🦆未到好滑 但有未到好實果隻口感上不過不失🙂炸醬好重豆瓣醬味 好夠咸 但唔夠香味😟我expect 會炒到麻麻辣辣同埋有提鮮作用但現實係幫個麵加咸左only😟✰口水雞 (