Video
Opening Hours
Today
11:30 - 21:30
Mon - Sat
11:30 - 21:30
Sun
11:30 - 17:30
Above information is for reference only. Please check details with the restaurant.
依間係我超愛既米線店之一甚至可以講係九龍區最好食果間(利申:我覺得) 湯底有好多種無論係正統麻酸辣定係比較少見沙嗲湯甚至最近仲有出酸菜魚湯底 我每樣都試過鍾情於麻酸辣湯辣度可以自己決定我覺得第一次嚟/如果平時唔算太食到辣可以先由最小既微辣開始就算係最低級別都已經好辣所以野飲係必需!!超過癮會一啖一啖咁接住食完全停唔到落嚟份量都好夠 雖然佢主打係米線而最吸引我就係餸有好多款揀但一定一定要試炸野無論雞扒/豬扒/豬頸肉都試過外皮炸到好香好脆肉質仍然好嫩滑
continue reading
每次經過都見舖頭坐滿晒人出邊排晒隊等攞外賣今日中午見人少少，就入去試一試佢酸辣湯+鴨血+蘿蔔+牛肉湯底好有後勁，建議唔食得辣嘅人唔好揀咁辣蘿蔔甜，都算難得！(成日喺出邊叫蘿蔔一係冇味，有時仲會酸講起就嬲)牛肉滑、鴨血冇怪味所有配料湯底都做到應有水準而且價錢合理，糧尾恩物題外話，職員服務唔錯值得嘉許，見佢勁忙但都唔會做到黑晒面
continue reading
係附近返工，基本上 一星期食3次咩湯底都試過哂 自己一路都好鐘意食米線食過大角咀覺得好好食 過咗嚟喱邊返工見到有 就日日嚟食 下就食後生個個同事好好 因為基本上樓面得一個人 好忙 但個個同事長期都好好態度咁有日收工，又好涷 想食個胡椒湯同朋友一齊食 一人一碗 自己叫咗菜底 朋友就食米線咁嚟到 我真係嚇親 係少過我平時下午食勁多 我問店員 咁係個呀姐嚟 唔係平時個個 我話 點解啲份量少咗 同平時差好遠店員入完廚房 出嚟話 廚師問我有啲唔同咗？我話平時下就嚟食開 份量都唔係咁少然後店員話係咁少菜㗎 菜底仲有冇其他問題我就真係已經無言 我答 你都講到咁 我可以有咩問題我知就收工 咁唔夠埋，不如直接暫停佢 唔好勉強 同埋個位同事 真係超無禮貌 我提出份量少唔係要退錢或者咩 係平時份量成日都唔同 今次係過份，唔會再去！
continue reading
呢間米線已經見過好多人介紹見約開朋友就順便嚟探訪一下！🌼豬頸肉米線（酸麻辣湯小辣）大大碗米線裝到勁滿😋，侍應上枱嗰陣都寧捨小心💪🏼💪🏼米線本身已經走晒青同茜啦。首先試飲湯底，酸辣味道好出色超夠味‼️食每啖米線都忍唔住要𢳂夠滿滿嘅湯一齊食😋個人覺得小辣都好夠辣啦，再嗌中辣應該要飲好多水😝跟住再試名物之一嘅豬頸肉👉🏻豬頸肉份量多，切到佢係煎過先上的，就算浸咗湯都食得出焦香，超好味！
continue reading
大角咀都小有名氣既川品雲南米線開左分店係新蒲崗😋Soy Egg 🥚同9 Flag 🏳️經過見到就入左去試下係唔係真係咁好食😋必試: 無是但總結: 我個人會寧願去譚仔😟是但食評🌟💬✰環境 🙂 細間 逼夾🙂小店格局 無咩特別裝修🏡 都叫做乾淨企理 D位都放得幾密唔算坐得好舒適 🙂✰小鍋米線 酸麻辣湯 招牌腩肉 醬爆丸 ($48) 🐷🍜 唔夠酸 唔夠麻 腩肉有騷味😟酸麻辣湯唔夠酸 唔夠麻😟D香料好似爆得唔夠香 唔夠出😟酸味都唔夠 個湯入落去得高湯味咁醬爆丸係普通醬爆丸 無咩特別招牌腩肉寫住招牌喎 搞到期待值飆升可惜期望愈大 失望愈大😟無咩味道可言 似白烚豬肉💦🐷仲要有豬肉騷味 都幾失望😟✰小鍋米線 麻辣胡椒湯 麻辣鴨血 炸醬 ($48) 🌶️🍜 胡椒味失左蹤😟胡椒味完全唔夠要𢳂到底 連埋D胡椒粒一齊食先有胡椒味🌶️麻辣味都係唔夠麻 唔夠香😟都係得高湯味 偏咸但高湯應該都足料既 飲到雞湯同豬骨味🐔🐷麻辣鴨血夠入味 但麻辣味都係唔夠強勁🦆未到好滑 但有未到好實果隻口感上不過不失🙂炸醬好重豆瓣醬味 好夠咸 但唔夠香味😟我expect 會炒到麻麻辣辣同埋有提鮮作用但現實係幫個麵加咸左only😟✰口水雞 ($42) 🐔 唔夠麻 唔夠辣 麻麻地🙂都係唔夠麻 唔夠唔辣味道係偏甜 雞唔算煮得老🙂但又唔係話十分嫩滑味道上一般 口惑上合格🙂
continue reading