Baba Nyonya Restaurant

tea set 來説，份量都唔少排骨🐽份量多，3大件，啖啖肉，汁底見到都知濃郁✌，入口濕濕地☺️，每啖麵都非常掛汁，惹味、濃郁😋，而且唔食辣🉑以食到❗配料好足：芽菜☘️新鮮、粗身、有口感索曬味嘅豆卜半隻蛋🥚炸乾蔥又惹味🤗跟餐飲：熱馬拉拉茶甜甜地馬拉味、面上有泡泡、口感順滑😊…Read More

住咗天水圍咁多年都未食過呢間餐廳，見某外賣app外賣自取有八折，就叫黎試吓。最扺真係17:30前下午茶時段叫，價錢平D，我覺得份量都無特別少咗，好抵食。本身以為會份量少D，所以兩個人叫咗三個餐，食到勁飽！馬來咖哩牛腩飯配熱飲 $38.4（8折後價錢）咖哩汁好香，辣味恰到好處。牛腩亦好入味，肉質都炆得幾淋。不過唔知點解有啲三色豆，好奇怪。香茅小猪排蝦湯麵配熱飲 $35.2 （8折後價錢）香茅豬排就普普通通，肉質硬，味道是快餐店質素。蝦湯都算香濃。不過整體就不推薦了。魚腐滲滲喇沙配熱飲 $35.2 （8折後價錢）呢個我最鍾意，本身都鐘意食喇沙，估唔到價錢咁平味道都做到中上。椰汁味好香濃，辣道啱啱好。推薦！以$30幾蚊包埋飲品黎講，都的確抵食。…Read More

之前見朋友買，今次終於自己食到啦。見到外賣平台做緊自取有優惠，就叫咗個外賣。今次叫咗香茅小豬扒乾咖喱撈麵，同埋叫咗南洋咖啡。小豬扒唔會太厚太硬，食落去大小啱啱好，咖喱好惹味，少少辣，一啖又一啖，咁就食晒。其實唔係好知南洋咖啡係乜，所以買來試吓🤣好似係烘豆嘅方式有啲唔同，最底部飲到有好濃嘅煉奶。…Read More

叫左檳城湯米早餐（$36，外賣+$2）選擇好多，揀左香茅骨同班蘭咖央馬拉包（+$2）早餐內容豐富，雞肉腸、炒蛋、香茅骨跟一碗米粉同包，份量十足。香茅骨係炸豬排再切成細條，冇骨，幾香口，炒蛋唔老，馬拉包好似普通餐包咁，冇烘底，跟咖央都幾有新鮮感，杯拉茶幾好飲，甜度剛好，整體成個早餐味道合格。今次係叫外賣但留意到啲侍應十問九唔應，啲客叫左佢好多聲，佢先應人叫人等一等，不過廚房出餐既效率還好，落單後10分鐘拎到外賣。…Read More

🍽魚腐乾咖喱撈麵🍜滿碗餸菜，有4件魚腐，4件豆腐卜，4件魚片，2件薯仔🥔，半隻蛋 🥚，全部都索曬味，正❗而咖喱汁底惹味、濃郁😋，每啖麵都非常掛汁都幾辣❗但都🉑以食到😜配料好足：芽菜☘️：新鮮，咬落索索聲，粗身，有口感炸乾蔥：好惹味餐飲：熱馬拉拉茶☕甜甜地馬拉味😆、口感順滑😊魚腐乾咖喱撈麵🍜魚腐魚片半隻蛋🥚豆腐卜薯仔🥔芽菜☘️熱馬拉拉茶☕…Read More

1️⃣ 巴東牛肉🐮🔹牛肉🐮口感軟腍，唔會幹唔會鞋口，份量不少👏🏻🔹醬汁撈飯都一流😋2️⃣ 沙巴酸甜魚🐟🔹魚肉幾厚身，口感唔錯，味道酸酸甜甜好開胃，外層炸粉唔會厚，好味😋🔹配料有新鮮嘅三色椒🫑同洋蔥🧅、仲有惹味嘅乾蔥。3️⃣特色小食：五香肉卷🔹大家都話好味，裏面除了有豬肉，應該有芋頭蓉。4️⃣參巴通菜☘️通菜嫩口，呢個參巴醬原來都幾辣吓😛5️⃣熱薏米水🤍唔會太甜，都幾多薏米…Read More

因為住響附近，所以間中都會幫襯呢間餐廳記得之前疫情期間都會買佢哋嘅海南雞飯食，因為覺得呢度嘅雞都算幾滑另外我亦比較多下午茶時間幫襯，因為下午茶餐都幾多選擇而且價錢唔貴今次揀咗雞扒蛋飯配熱桔仔茶，味道唔錯，個飯配咗甜豉油，飯底下亦有花生同青瓜，都幾醒胃，口感亦豐富，以下午茶餐嚟講份量都ok桔仔茶其實好少餐廳有得飲，另外亦可以揀桔仔水或薏米水呢類同樣冇咁大路嘅餐飲$40幾蚊一個馬來西亞下午茶餐，我覺得已經係幾抵食了！…Read More

我想問早一年前左右呢間娘惹d 員工廚師去哂邊，宜家個海南雞飯變切雞飯，以前飯隔離d 伴菜花生我會食哂，今日呢碟我諗你食哂d花生我保證你腎出事，咸到呀媽都唔認得，d雞以前又大舊又滑，自己食一隻我都肯定食得哂，家陣d雞又老又鞋，同街邊兜某茶餐廳真心有得揮，以以往既水準我自己最少食300蚊埋單一個人，宜家我懷疑果碟海南雞飯都唔知值唔值68，我係樓上間茶樓買個叉雞飯都仲有誠意過佢，貴公司不如好好審視下你地d食物水準同樓面質素，一開始變就請埋d 唔知咩人番黎，聽電話就粗聲粗氣，落完單佢仲cut線cut得快過我，仲要多謝都無一聲，我幫襯你幾廿蚊係好少錢，但係我比68蚊食個切雞飯我仲要受你氣，多謝喇 我寧願唔食…Read More

同屋企人入天水圍食野，見個名咁得意就試下 啦！係印尼同馬來西亞菜，叫左精選午餐：肉骨茶，海南雞飯，喇沙面，咖哩薯仔薄餅， 份量就一般啦！海南雞冇乜肉食，肉骨茶淡而無味，最好食喺嗰薄餅薄餅有啲煎蛋係上面，加埋咖哩汁就好惹味。…Read More

意想唔到咁好食，叫咗一個二人餐同埋兩個晚餐，全部嘢都好好食！吉仔茶同埋馬來拉茶好飲！馬來咖喱牛腩飯好食，胡椒排骨湯又好正！甜酸雞球意想唔到咁好食，啖啖肉冇骨！海南雞飯啲雞夠滑！加分！希望佢哋繼續做，好食😋！領展商埸少有嘅馬拉餐廳，餐廳名字比較古怪，唔知佢嘅意思，初時以為都係求其做一直冇試，見佢三周年有優惠卷去第一次食，估唔到幾好食！會再encore！👍🏾👍🏾👍🏾👍🏾👍🏾👍🏾👍🏾…Read More

晚餐時段叫咗峇峇二人餐🤍～～$168二人餐包咗特色小食、南洋風味菜、娘惹主菜、兩個飯🍚、飲品🍹菜式有好多款～選擇豐富😌😌💕🍤香脆蝦餅好香口好正🤤入面真係有一隻隻蝦🤪🤪即叫即炸☺️☁️🥬參巴通菜🍗南洋芋頭雞煲🍹美綠恐龍🦖🍚油飯🍗峇峇無骨海南雞(半隻）+$38呢個海南雞好滑😍見每一枱都有叫～嫩滑可口😆❣️皮薄爽滑😛😛…Read More

一排無食，呢間野變垃圾🤮全部吾熟，蘿蔔糕壞左，話比佢聽壞，佢拎來聞完話無野🤔好似呃佢甘，係都叫佢取消雞翼啦，中間吾熟，海南雞又梅。。。態度又超級差，吾怪得食飯時間都無人…Read More

收工經過T Town去咗食tea，我本身都飛開星馬旅行。疫情冇得去要搵啲星馬菜解辣。本身想叫啲糕點食，不過佢話冇貨，短期都冇。之後叫咗下午茶餐魚腐滲滲喇沙配熱拉茶。拉茶夠熱，甜度適合，似當地嘅味道咁有落煉奶。喇沙湯底濃厚，不過我嫌佢落得太多辣椒碎影響少少個湯底味道。我又唔太食得辣，食到出晒煙。商場冷氣冇乜，食完辣野都會影響食客舒適度。加配咗咖喱角，味道好食，抵食8蚊就有兩舊。不過奇怪係佢係跟泰式辣醬，本身咖喱角係唔應該落醬。總體來講抵食，下午茶都冇乜人，座位好舒服。…Read More

第一次食呢間餐廳，亦都係每一次食濕撈米粉，可能因為我要等埋朋友先食，個米粉上左5分鐘後先食，一食落去，d米粉已經發漲哂，但都唔太影響口感，反而覺得好大碗，唯獨係個醬汁真係無咩味，基本甜豉油加湯撈岀黎的味道，食到一半個陣，會因為個味道太單一，而覺得有點兒辛苦🙈，如果可以有其他野撈埋感覺可能會好d，另外香脆骨呢就無咩評價，正常野，反而個青檸茶就估唔到幾好飲，個茶底有茶味，而且青檸個清新酸味，又幾夾個濃茶，好飲。完…Read More

入到商場見到呢間都幾多人排隊，出於好奇心就去試吓啦～～咁啱11點幾去到仲係早餐，依家又係第五波嘅時候，就梗係買外賣返屋企食啦！喺呢間嗌外賣要行到最裏面嘅收銀處俾錢，所以經過其他人嘅時候聞到真係好香好吸引！！榨菜手撕難米粉手撕雞嘅份量都幾多，本身就冇咩特別嘅調味，米粉同手撕雞就靠雞湯底啦！加咗榨菜落去湯底明顯多咗一浸榨菜雞湯嘅味道，如果唔係好接受到榨菜味，建議就唔好加入去湯到啦，因為會影響到成個湯底😂 如果淨係手撕雞米粉，雖然看似清淡，但其實雞湯味都幾濃，好容易令人一啖接一啖就無曬lu~~~香茅骨米粉香茅骨係豬骨嚟嘅，由於佢炸過我又唔想影響佢嘅口感，所以就冇加到去湯底度。香茅骨識落鬆軟，而且加咗佢哋特製嘅調味，食落都幾惹味。配上雞湯底，真係唔錯！餐入邊有得揀炒蛋同多士，我哋就揀咗斑蘭咖央多士～～曾經睇過啲節目話咖央多士製作過程都幾繁複，而且係馬來西亞好出名嘅食物，又見到係呢間餐廳特製嘅斑蘭味，所以對佢真係好有期望！但因為外賣啦返到去個麵包都淋晒，而且啲將偏甜斑蘭味唔重，但都幾特別嘅～好唔好食就見仁見智啦😂飲品就叫咗青桔仔水，薏米水～佢比錯咗青桔仔茶，不過都唔緊要啦飲落去就好似係檸檬茶咁。薏米水，入面都幾多薏米下，好足料！佢嘅薏米應該係有浸過啲糖水嘅，要攪拌好耐啲薏米糖水先會用溶，唔鍾意太甜嘅朋友可以試吓叫嘅時候叫佢小甜，不過就唔知會唔會少咗薏米呢🤔…Read More