Rock Salt Japanese Restaurant (MOKO)

今晚專登試咗呢間人氣日本料理店，點咗壽司定食套餐，內容幾豐富。主角壽司質素確實有驚喜——三文魚腩油脂甘香，赤貝爽脆鮮甜，醋飯溫度同酸度都平衡得幾好，飯粒握得實而不硬，可見師傅手勢唔錯。定食跟配嘅牛肉烏冬亦係亮點：湯底清甜唔膩，烏冬滑溜，肥牛份量足料，浸住湯食好暖胃。特別追加嘅半打生蠔更加係高質！蠔身飽滿，入口creamy，帶淡淡海水味，完全無腥氣，配上酸汁啱啱好，食完仲想encore。不過價錢確實進取，人均消費接近$230，雖然食得飽，但性價比未必人人接受。服務方面略為失望，雖然店員有禮貌，但晚市未滿座，人手明顯唔夠，舉手成日都要等好耐先有人理，趕住食嘅話可能會冇耐性。整體而言：食物質素對得住價錢，但服務同節奏可以再調整。如果係追求食材質素、唔介意貴少少，呢間值得一試；但若果預算有限，就可能要等特別日子先嚟奢侈一下了。今晚到訪日本料理店，壽司定食配牛肉烏冬，追加半生蠔非常鮮甜爽滑，令人驚喜！壽司質素高，魚生新鮮、醋飯平衡，整體味道出色。惟價錢偏貴，未必人人接受得到，但份量足夠食得飽。員工服務態度一般，舉幾次手都無人理，有待改善。如果價錢調整返多少，會更加理想。…Read More

今日排唔到迴轉壽司，結果嚟咗呢度食個壽司定食。原本冇抱什麼期望，居然有驚喜 。叫咗精選壽司定食 。先來一個烏冬，烏冬入邊兩片牛肉好腍好好味。壽司魚生也很新鮮 。加$15換了一杯西柚梳打，比想像中大杯 。侍應招呼也很好，晚上壽司定食跟午市價錢一樣。大滿足。唯一是用餐時間限時90分鐘，不過都夠時間食嘅。…Read More

不懂為什麼聽到我說話了但是不理人？最後實在來不及了起身走了倒知道要追過來讓我買單了，結果是店員忘記在我第一次問的時候把bill給我，實在可笑，耽誤時間，服務態度超級爛，店員都是幹什麼吃的。…Read More

由銅鑼灣分店一直食到而家，早排見到多咗差評都有啲擔心，但今日去食質素依然喺度，開心🥳🌼上選壽司定食配牛肉烏冬大胃王必叫！超多嘢食，有沙律、蒸蛋、麵豉湯、壽司，仲要有牛肉烏冬！壽司件件都好新鮮，絕對對得住佢嘅價錢～特別係三文魚子軍艦好鮮甜😋😋🌼魚生沙律定食比較細食嘅女仔可以叫依個，一樣都有烏冬（冇牛肉）。雖然係魚生沙律，但係啲刺身超肥美，啖啖肉🥹食落勁滿足！🌼日式牛肉火鍋定食牛肉中規中矩，未至於入口即溶，但都唔會鞋，而且一路有個爐熱住，食落keep住熱辣辣😆如果配料再多啲就好～另外，叫咗兩杯酒，感覺普普通通唔係特別好飲，覺得唔需要叫～…Read More

父親節午餐，和屋企人去了岩鹽吃午餐。點了兩個定食：1. 滑蛋豬扒定食2. 魚較定食餐廳勝價比很高。**餐廳環境與服務：** 環境整潔舒適，服務迅速有禮，定食上菜速度合理。**結論：**今晚的雙拼定食體驗非常愉快！兩款定食都展現了日式料理的用心與水準。**滑蛋豬扒定食**像個熱情奔放的朋友，用濃郁滋味和飽足感瞬間征服你；**魚較定食**則像個溫柔細膩的朋友，用鮮美細緻的口感讓你回味。無論你是哪種胃口的擁護者，在這家店都能找到心頭好。下次再訪，或許會試試其他定食，但這兩款的經典地位，絕對值得推薦…Read More

最近聽朋友介紹，MOKO喱間餐廳推出全日供應的午市餐牌，價錢親民而且選擇多，於是約埋朋友去試一試。日式牛肉火鍋 $148我叫左份牛肉火鍋！牛肉切片薄身，油花分佈平均，肉質都算幾好。湯底有少少偏甜，火鍋配料方面都幾豐富，有娃娃菜、金菇、豆腐、冬菇等，好滿足。火鍋套餐仲包埋一份前菜拼盤，有魚生同日式蒸蛋。我本身都好鐘意食日式蒸蛋，喱個蒸蛋蛋香濃郁，滑嘟嘟，價錢雖然唔貴，但都唔係求其交差，質素媲美高級日式料理店。最後仲有雪糕做甜品，$148 有前菜、主菜、甜品，值得推介既地方係佢係唔限時，好岩同朋友傾計食飯。…Read More

晚市8點半後有discount，入座前說，免服務費再9折，相當於8折。因為折扣比較多，我們再三確認，害怕理解有誤，都得到肯定回答，方才入座。但是買單的時候，說法就變了，對於顧客的提問拒絕回答，甚者黑臉，只管讓你結帳買單。食物一般，但是服務真的非常差評。逃避就是你們的服務嘍而且大家小心單點的菜單，單點菜單比set餐還要貴，真的中伏。而且餐具感覺洗的非常不乾淨，很多鐵鏽，而且稱裝食物時，有一些蟹肉掉出來也沒有擦乾淨…Read More

雜錦燒肉定食$268整個餐只有六至八塊肉，每次烤三塊，烤肉未有熟透便需要換火，換了三次火後，向職員反映情況，職員表示換三四次酒精燃料是正常現象。故要求職員協助能否把生肉放進微波爐加熱？因為整枱是老人家及小孩。職員表示沒有這個服務。銀鱈魚豆腐鍋$188用同一款酒精爐，豆腐鍋只有保持微暖，問了職員，說食材全部都已熟，但感到只是把食材浸於水中，似乎收費與預期有點差距店內人手完全不足，店員雖然願意作出協助，但嚴重影響用餐時間…Read More

冇諗過會咁難食🤮🤮🤮 啲串燒雞翼，牛舌，豚肉…… 全部咸到苦；食材本身冇味（唔靚）靠師傅落鹽又過分重手，唔知係咪如店名用「岩鹽」，淨係食到死咸；燒番薯仔同粟米就每舊都有一半是燒燶的😵😵😵。斧飯完全淡而冇味。唯獨壽司是正常，餐飯先叫勉強食得飽，魚料唔算話好新鮮，偏薄切，只可以叫做唔難食。其他食物都好一般，沒有特別出色，值得推介🤷🏽🤷🏽🤷🏽食物同menu 上面啲相好大分別。服務一般；不會再訪。…Read More

呢間日本餐廳嘅午餐平均價位為$180，期待可以享受中高品質的日式美食。不過，實際卻令人大失所望，我會用大*樂質素嚟形容。首先，餐廳的座位安排頗為擠迫，除非坐在卡位嘅位置，否則會覺得好迫，用餐氣氛大打折扣。食物方面，雖然午餐套餐包含主食、沙律、蒸蛋、湯及刺身，份量相當充足，超飽，但味道方面卻是一無是處。若餐廳著重於「量多」，卻忽略了「質優」，咁就真是徒勞無功。主食令我極度失望，尤其是牛舌，竟然硬過牛肉乾，咬下去完全沒有豐富的口感，咁樣嘅質量，真係對唔住餐廳的收費。我相信如果餐廳能夠注重食材的烹調和調味，其他配菜其實根本唔需要，淨係做好主食我都可以接受這個價位。…Read More

行完MOKO 3樓童裝，已經接近晚飯時間，近近地試吓岩鹽，等咗5分鐘就可以入座，一眼就睇中松葉蟹肉釜飯，打開蓋香噴噴，口感豐富，先生食四色丼定食，佢話比放題刺身好食，我試過覺得中規中矩，仲有雞肝和雞翼，雞肝沒有想像好吃，皮不是很脆，烤魷魚是我最愛，一客份量都多，最後都食唔完…Read More

今日，去食個午餐，好多人等位，入到去，求其叫個set lunch, 問侍應，可樂跟餐需要加錢嗎？侍應回應，係話唔需要，咁就要左可樂。唔夠30分鐘，有位侍應問我可唔可以調位，我諗都食飽，唔好阻住人啦，就直接出去俾錢。俾完錢，先發現貴左，以為俾錯單，有禮貌查詢，個位收錢先生，串串地講，你叫左可樂呀麻。其實加錢唔緊要，你地職員唔清楚，俾錯資訊客人都唔緊要，但係禮貌真係好緊要。其實之前都會嚟食下飯，經過今次，真係唔好啦！完…Read More

之前都食過岩鹽啲套餐, 質素中上！見咁耐都未食過佢啲釜飯, 即管試下！我叫呢個係北海道海鮮釜飯, 個餐跟個沙漏, 要等個沙漏漏曬先至開蓋, 好有儀式感！賣相其實唔錯, 跟餐有沙律、三舊魚生、麵豉湯同一啲漬物！仲附送甜豉油用嚟撈飯！有一杯免費果汁。啲海鮮焗完之後變咗半熟, 但因為本身冇落調味料, 所以成個飯其實冇乜味, 但啲鮮味焗完之後又流失咗, 其實都唔知自己食緊乜, 尤其是海膽, 冇曬原有嘅質感同味道, 最失敗係嗰隻蟹腳, 又乾又柴（唔記得影添）🤮 我覺得佢應該將啲海鮮分開上, 咁就唔會嘥咗啲新鮮海產！雖然佢啲飯有啲驚喜, 有蛋絲、白飯魚同栗子, 但加咗佢哋隨餐附送嘅甜豉油, 啲味變得更加古怪, 只有嗰嚿鰻魚係同啲甜豉油夾。後來我加返正常點壽司嘅豉油落去啲飯度, 味道即刻提升曬！我仲試咗兩啖雜錦角切魚生丼定食, 啲飯完全冇醋味, 而且有啲硬, 完全失水準！侍應服務有水準, 不過一入去就講用餐時間只有90分鐘, 每樣食物食完就收曬啲碟, 好似好趕咁樣, 其實出面都冇乜人等！其實唔明一間開咗咁耐嘅連鎖店, 味道調教咁失手, 質素又唔穩定, 又成日趕人走咁, 你叫我哋點樣唔返大陸😅…Read More

又貴又唔好食，環境又俾唔到正常水準嘅享受。食完心情差過未食，唔會再黎。嘢食完全達唔到水準，就連佢地嘅魚生都係好差，啲魚/海膽無佢應有嘅味道，只食到苦同臭，有一隻仲要臭到入唔到口。日式牛肉火鍋，啲肉仲衰過大家樂大快活嗰啲一人火鍋。唯一OK嘅係芒果奇異果蝦卷，但係好酸。然後隔離兩三檯都有小朋友好嘈係到叫，搞到成個area好似兒童遊樂區，完全聽唔到人地講野，職員又唔理。咁樣一餐就收六百蚊，都唔知自己食左咩。…Read More

幾骨子嘅一間日本餐廳，又唔係話超級貴，性價比高。之前因為好迷戀佢個滑蛋豬扒飯，所以成日都嚟食，但係發現每次食完都過飽，晏晝食完夜晚果餐都唔使食，所以呢排就冇再食滑蛋豬扒飯。換咗嘅係食壽司拼盤，因為我唔係太鍾意食全生嘅壽司，所以我通常都嗌炙燒壽司，佢入邊有幾種係我鍾意食嘅，例如好似炙燒三文魚、吞拿魚、帶子，如果有埋灸燒「芝士」壽司就最好啦！而家食到灸燒芝士嘅壽司都比較困難，好少地方有。佢個套餐有野飲，又有茶碗蒸同沙律，有MOKO卡仲有雪糕送，飽到傻左。…Read More