Iwate Zen•Kan (Closed)

個晚同老公去食，叫左個岩手拉麵同地獄拉麵我就食地獄1辣，其實對我黎講都幾辣架，但真係辣得好過癮，好正！拉麵軟硬度岩岩好，叉燒又夠林，吾痴牙，因為我係出面食過既都無呢間既水準，真係一分錢一分貨…我老公都係甘講！…Read More

鋪面好有日本感覺既餐廳，所以令我好想食。午市時間都多人，等左大約十分鐘就入去食。入到去數數座位，有13張，唔怪之得要等。醬油义燒烏冬-湯底幾滑但嫌有少少咸。义燒半肥瘦又夠lum,蛋好似有少少熟得滯。烏冬無得彈，好煙un又夠滑，加錢好值得…Read More

以大角咀區黎講，呢間拉麵店嘅價錢都算偏貴。鋪本身唔大，約有十幾個座位，但環境都算唔錯。至於味道方面，確實同價錢相乎，值得推介! :) :) 蟹膏冷稻庭– 限量每日5碗，必試之選! 有少少非常野味，配咗好特別嘅魚餅，即刻冇咁單調。蟹膏份量唔算多，加咗少少三文魚籽。稻庭烏冬好彈牙，絕對唔係平價貨! 岩手拉麵-通常用番舖名命名嘅都係招牌野，所以多數都冇死! 呢碗麵其實即係雜錦，咩都有d。湯底好濃好香，唔太重味精，麵質亦好煙韌。 總體黎講都值得一試，但唯一美中不足係午市都要加一! 如果LUNCH加埋一要成$8X-$9X就貴咗少少囉!…Read More

拉麵要好吃，湯底是靈魂，麵是主角，配料能使主角和靈魂甦醒。多次走到大角咀均被這店外表吸引，今天試吃了，不用等位，真開心。菜單的選擇不多，而且午餐時間沒有lunch set, 要散叫，再看一看價錢，覺得有點貴，不過既然一場來到，就即管一試。我們3人點了兩碗拉麵，一個番茄沙律，沖繩餃子和炒雜菜。先講拉麵，兩碗麵的湯底都好喝，不太多味精，不太油膩，濃度適中。拉麵，略嫌行貨，但不失拉麵的本色，當然不能與手做的拉麵媲美。配料有蔥花，木魚碎，义燒。三種配料都抵讚，不但沒有破壞那碗拉麵，還令拉麵加分。蔥花份量適中，切得碎碎的，令你吃麵時，每一口也沾到少少蔥花。木魚碎，既香，又能帶出湯底的鮮甜味。义燒，肥瘦適中，切得厚薄適中。整碗拉麵算是有驚喜。:)吃後感覺不貴了，因為這價錢能吃回值票價的拉麵。沖繩餃子很特別，圓形一塊上碟，不是一隻隻的，餃子煎得香脆，但咬落依然有吃餃子的感覺。其他不用多說了。…Read More

太耐沒有去大角咀這地方﹐決定到此一遊食晚飯天氣好熱但無損食一碗熱辣辣拉麵既心情睇門面其實比較細﹐可坐既位不多點餐時心郁郁﹐咩都想試﹐最後叫左'岩手拉麵'﹐入面有牛肉﹑叉燒﹑蛋﹐賣相同其他拉麵差不多﹐對一個未去過日本食拉麵既人黎講﹐我無法作太大比較但以一個極喜歡食麵既角度﹐我認為.......其實只係OK湯底有豬骨味﹐泛奶白色﹐但奈何唔夠濃郁﹐味道較單調而半生熟蛋亦不是做到那種'剛剛好'的狀態﹐最美味既半熟蛋應仍呈半透狀態帶有橙黃碗中的蛋...有點過熟麵很爽口﹐口感不錯﹐一碗有齊豬牛﹐滿足不同願望店員很親切﹐亦會主動問男友的辣味拉麵味道是否太辣不妨一試﹐但不吃也未至可惜P.S 太餓了..食到一半食影^^"…Read More

經過好多次都排長龍，今次6點半黎食終於唔使排啦啦啦啦!!!!!六點半入去都有兩檯客人，地方唔大，得兩張4人檯，吧檯位都係得四五個。我地兩個人，被安排到4人檯，本身已有一對情侶在用膳見到佢地碗拉麵賣相都唔錯。地方好光猛，感覺好乾淨，Menu 都係一張過咗膠嘅A4紙心大心細嘅我總係揸唔到主意。。男友揀咗岩手拉麵，我問侍應嘅意見，他介紹了海鮮拉麵，另外亦推銷了該店的新菜式芝士豚肉餅，男友一聽就"擰"晒頭，因為他討厭芝士的奶味。侍應話呢隻豚肉餅無芝士味，可以一試。先黎海鮮拉麵，味噌湯底竟然唔太鹹，出面好多拉麵店嘅味噌真係鹹到似豉油味反而呢碗，切頭淨飯一口湯底，會有少許鹹，但食到後期，我竟然飲到湯底帶有些少甜味!!!配料粟米，海苔都不錯，唔太硬，亦唔會太淋。兩隻剝咗殼嘅蝦，一隻差不多手掌咁大隻嘅帶子，同一隻蠔。值得一提係蝦好爽口，但一d雪味都無，反而有蝦嘅鮮味!!!!隻蠔俾咗男友食。帶子煮得剛剛好，唔會太老。岩手拉麵，男友俾咗少少肉我試，我最記得係叉燒，本身叉燒係汁燒，上碗都帶有燒汁，好好味!!湯底相對係淡口過我碗麵(當然啦)，鍾意濃湯底可以考慮其他湯底正當個麵食咗一大半，個豚肉餅終於黎就咁睇其實唔太吸引我，因為我對炸物無太大嘅興趣而佢賣相實在太似吉列豬扒。不過我一定要試咗先，因為驚有芝士味驚喜係真係一d芝士味都無之餘，食落一d油膩，熱氣嘅感覺都無反而咬落有肉汁，唔乾身，而且肉餅唔實。所以我地好快就清晒碗麵同豚肉餅(≧∇≦)焦侍應見我地停晒手。就黎問我地係唔係上埋個雪糕個雪糕佢請我地係因為我地肯試佢個肉餅掛XDDD我都無諗到我地有甜品送，因為搭檯果對情侶無丫嘛雪糕糯米糍唔會雪到好似冰咁咬唔落，但見到裡面係起晒霜真係估佢唔到唔怪得我幾次黎都見到佢排長龍，真係有佢嘅原因下次有機會都會再黎:)…Read More

嘻！入到黎唔知有咩好食，上網睇完都話呢個好!沖繩餃子，味道唔錯，除咗法式餃子係呢個形狀，呢款都係第一次見到，好鐘意個汁丫，同餃子個味道好配合，不過個餃就略為薄咗d，餃子邊緣脆脆既口感，將佢薄身既缺點取代，咬兩啖就無晒啦XD再嚟試岩手拉麵!好鐘意拉麵個口感，可能因為湯多既關係，我地2個人食加底既麵量，初頭食麵有點偏硬，但食下食下口感剛剛好啊! 個流心蛋真係好流心!!入面有豬軟骨，同日式叉燒，但都係得一，兩片。。。。之後怕試唔真個豬軟骨，叫咗碟汁煮豬軟骨!呢個真係不得了，個軟骨煮到好似墩花膠咁焾!!其實真係焾得濟。。。差點令我誤會係肥豬肉XD賣相唔錯，熱食好味，但都係果句，唔係好多。。。。XD***特別一提，個湯我克意飲咗兩啖，食完無好口渴既感覺。…Read More

在星期天的下午, 到大角咀閒逛, 發現此小店, 但當時門外掛着還在準備中的牌, 未能馬上一試, 於是决定六點後再來! 我地(2人) 於六點到達, 不需等候已可直接入座. 點了岩手拉麵, 和牛拉麵, 冲繩煎餃及汁燒帆立貝. 待應下單後話和牛賣晒 (剛開晚市就話賣晒), 推介$138一碗嘅角切和牛拉麵, 又話冲繩餃子未準備好, 叫我地轉其它野. 坦白講, 雖然要成24蚊一粒(共兩粒)，但帆立貝不錯. 拉麵就好細碗, 和牛粒約1CM×1CM, 約10粒。以呢個質素，埋單要加一 (仲係食完要即走, 坐多陣都唔得)，真係有點兒那個! 兩個人埋單要三百三, 食咗十五分鐘,唔會再有下次! …Read More

餐館內的裝修有心思，有風格。型格得來又有點溫暖的感覺(可能因為我坐bar枱)。先來一客宮崎和牛拉麵, 和牛是日本空運到港, 豬骨湯底值得一讚，香濃而不膩，溫泉蛋有日本水準，不過有多點甜味會更完美！ :) 蔥油叉燒拉麵-叉燒的炭燒味道實在令我驚喜！ 冲繩餃子-外層脆到方原十哩都聽到我食! 醬汁清新開胃，值得一試。 松葉蟹海膽炸薯蓉球-鎮店之寶, 我本來對炸物和薯蓉興趣不大,但也對這菜式情有獨鍾。食法特別，要先把海膽和魚子混進薯蓉裡。入口好juicy, 不覺油膩和乾涸。 …Read More

聽朋友推薦話大角咀有間好食嘅拉麵舖。但因之前去完日本試過出名嘅一蘭，通堂等舖，心諗開係大角咀有幾好呀？今日路經果區於是前往一試，結果真係名不虛傳。我俩分別點選咗和牛拉麵同最大路嘅豬軟骨拉麵，啲拉麵非常彈牙，湯底亦濃郁。🐷軟骨都炆得好㛦。唯一係有小小意見係和牛拉麵得個幾片和牛，於是借意同個肥仔老細反映，條肥仔講話果幾件和牛係真係日本A4級和牛，好貴㗎！進食其間再加兩道小食；沖繩餃子同紫心蕃薯都非常好味，值得一食。…Read More

這天下午跟朋友一行五人到來上址用餐, 由於已經過了一點半,店內人不多,只有吧枱才有人坐, 店內陳設比較帶一點”憚”味, 但枯木雕刻做"鳥”, 啡黑色的鳥實在又看不出什麼感覺,有的感覺可能只聯想到”燒焦的鳥”, 東洋藝術好多時都是這樣,往往色調低沉, 同歐式那種色彩斑爛帶來的令人精神一振的比較, 就好像一套黑白片, 懂欣賞的人不多 :( ,我們各人都叫了不同的拉麵, 而我自已則要了岩手招牌拉麵, 整個拉麵外觀都可以的, Beige color soup 帶比較濃的芝蔴味 , 第一次食到咁重芝蔴味嘅拉麵湯, 栗米粒粒, 紫菜都適量, 不太多亦不太少, 日式义燒沒有太肥但稍稍簿身, 麵質硬度又是適中, 上面加番一撮青蔥絲, 不知怎的現在做的日式拉麵都好像不再落”筍條”了, 可能同南方人對”筍”這食物有比較負面的看法有關,因為其他友人的沒有試過, 無法給評語***這店比較有趣的一點: 落單只可以一次! 有點奇怪, 即是中途不得加單??有生意都不做, 用意何在? 當天我們沒有落第二次柯打, 所以不肯定是否真的不接受再落柯打咁巴閉***…Read More

呢間小店真係好迷你 座位只有約十個到 價錢合理招牌!岩手拉麵! 香濃豬骨湯一d都唔漏 有芝麻香配料有豬軟骨, 叉燒, 溏心蛋麵質軟滑 唔係好彈牙果隻我好鐘意食淋麵架 好正! 不過鹼水味重左d溏心蛋伴湯食都好好味! 推介!…Read More

好幾次行過都好想試....終於今次去排隊,排左一陣(因為前面果2PAIR 人放棄走左~~)入面其實好細,三張4人檯, 3位吧台。但個人好鍾意, 因為人情味重。價錢合理。淨係可以落一次單無得補飛, 我地2個人叫多左........食唔晒.....出菜好快, 快到一次黎齊咁濟, 食唔切 D野凍左唔好食, 特別係個餃子一定要即食先好味其中個松葉蟹海膽薯球真係一定要食~~~~!!!好好味!!…Read More

雖然自己不是一個「拉麵控」，但有時候也會心思思想吃碗有水準的日本拉麵。可恨自己並非住在中環、銅鑼灣、大坑、尖沙咀等區，香港最有水準的日本拉麵都不近自己:(，就近的拉麵店一來選擇不多，二來水準普遍也欠理想:(，最差勁的「日雅代」早已劣評如潮，結業多時，位於奧海城二期內的「札幌拉麵屋」數年前幫襯過一次之後，早已被自己列入黑名單內，永不錄用:(，其餘數間自己曾經幫襯過的日本拉麵店，好像「尚湯」、「小台場日本料理」、「小林扎幌拉麵」等，不是有欠正宗，便是水準一般，使自己在本區之內，幾乎從來不吃日本拉麵:(。最近，在本區食街埃華街，甜品名店 Black & White 旁邊的一個地方淺窄的舖位內，竟開了一間小小的日本拉麵店「岩手膳館」，是旺角區「岩手拉麵」的分店。既然難得在大角咀內有一間拉麵生力軍進駐，於是成功吸引到自己在某一個晚上來到捧場，看看能否對這區了無生氣的日本拉麵店帶來新意思:):)。店子確是小，小得只能容納兩張四人桌子和三個吧位，即使全場坐滿，也只能同時間招呼十一位客人而已。正因為這個原因，店內有一些看來有點苛刻的條款要求客人遵守，例如每檯客人只可落單一次，人齊方可入坐等。不過這店既然地方只得那麼少，那這些條款還是可以讓人理解的。但不幸的我與太太兩人，這一晚便因為這店子地方太細的關係，而要在設計頗為特別的店子門口外面等候了十多分鐘才可以等到有客人離開，可以入內用膳。店子雖小，環境尚算可以，店內最特別的，是在其中一面粗糙的牆身上，有一些樹枝狀的裝飾，而在樹枝的左右兩邊，還各自站著兩隻和三隻以陶泥捏成的小鳥，頗有特色。而吧檯上的三瓶扭曲了的汽水瓶裝飾，也殊堪玩味:)。店裡的食品除了主打的各款拉麵外，還有多款小食，價錢相比起區內大部分其他日本拉麵店來得較為昂貴，用料較為名貴的幾款拉麵，價錢都要過百元一碗，與區內大部分食肆的收費相比，這間拉麵店的食品價錢都算得上是甚為進取。兩夫妻分別叫來了「廣島蠔拉麵」和「岩手拉麵」做晚餐。此外，還多叫了一客店中推介的小食「松葉蟹海膽炸薯蓉球」作為伴麵小吃。我的「廣島蠔拉麵」有三隻廣島蠔做主角，此外，還有半隻溏心蛋和少許紫菜、洋蔥絲做配菜。這麵的湯底是麵豉湯，味道及格，但麵豉味道還可再濃郁些。麵條煮得稍軟了點，而且吃來帶有少許鹼水味，質素不是太高。溏心蛋比拉麵來得好，味道還不錯，而最好的是那三隻廣島蠔，夠大隻之餘，也能吃得出蠔味來，而且口感也佳，是整碗份量不太多的拉麵中自己最滿意的一環。老婆仔的 「岩手拉麵」的湯底則是豬骨湯底，材料除了溏心蛋、紫菜和洋蔥絲外，還有日式叉燒、豬軟骨與和風牛肉，而這拉麵所配的麵條，則是蛋白麵，麵質的優劣處，就與我的拉麵一樣，沒有多大分別。在日式叉燒、豬軟骨與和風牛肉三款主要配料中，以豬軟骨的水準最佳，軟熟而入味，比偏瘦的日式叉燒與較為細碎的木風牛肉來得好吃。至於湯底方面，味道尚可，但同樣地，仍可以再濃郁些，味道將會更好。小食「松葉蟹海膽炸薯蓉球」的炸薯蓉球頗為大件，炸薯蓉球上放有海膽和魚子，賣相不差，而松葉蟹腳的蟹肉，則早已埋藏在炸薯蓉球內。這薯球的味道其實是不錯的，也夠熱燙，可惜所用的海膽不夠靚，吃來有點腥苦味，則令這本來不錯的小食的分數打了不少折扣。這間「岩手膳館」日本拉麵的水準，就這次自己幫襯的印象所得，雖然與全港最佳的拉麵店相比仍有一段距離，但在大角咀區內，它的拉麵水準，已算得上是比上不足，比下有餘了。…Read More

曾經路過此店, 決定有機會又一試, 是日終於有時間特意過來, 時間尚早, 客人不多:)一試招牌樓拉麵, 第一口湯都不錯, 夠味但不是很濃, 都可接受, 麵條軟硬適中, 份量剛好, 半隻溏心蛋, 很惹味豬軟骨, 一咬稔身的肉質, 但骨不是很脆口的, 薄豚肉一塊, 不是很多肥的部分, 但吃下又不夠肉似的, 可能多一塊才能夠的感覺, 粟米及紫菜適量, 恰到好處的配料, 整體不過不失, 但未有令人覺得是最出色的拉麵…Read More