岡本櫻田 (Closed)

年幾前去過一次平平無奇今日見得閒再試一次點知今次再比上次失望我唔知係咪今日下午人太多定係本身慢好多食客都係摧連罐裝汽水都要摧而本身今日想食壽司就搵左佢想試下小店壽司刺身但餐牌見到既唔岩心水就叫左呢個什錦刺身定食話包沙律，湯同飲品等左一陣刺身先到刺身眼見厚切唔錯可惜味道太重雪藏味油甘魚最為嚴重難食到最後淨兩件就離開而今次叫左熱菜蜜係唔錯但餐牌講既沙律同味噌湯到走都未見有見食飽就走人下次都係去其他店再試試…Read More

聽朋友話海膽炒飯好食就去試下，點知個飯好腥，而且收費貴，由於在樓上，服務生經常未能顧及，而且燈光昏暗，不論環境，服務，味道都唔合格。個人就覺得麻麻，素質差，消費卻徘徊係$100左右，唔建議係呢間食。…Read More

今日好想食日本餐但又唔想食放題，朋友建議食呢間小店，入去時感覺好有家庭feel,侍應可能係店主囡囡好殷勤服務，店主與他的兒子就當大廚的任務，我們點了4款晚餐（因餐牌比較小時只好隨意點晚餐吧～）但主菜方面得特別可選配飯或拉麵，大家當然二話不說一起配拉麵，先來燒牛肉，牛肉沒有燒香的感覺，只係像家庭般煎煎而已，上面再加小許醬汁，食落有點像茶餐廳，刺身幾新鮮:)，魚片都很爽及滑:)，拉麵來了~看下去有點像茶餐廳的麵，有彩色的豆:(，感覺怪怪的，最重要麵是不熱，拉麵不熱真的是敗筆，我們各人吃了兩口便放棄了，卷物也一般質素，相信全晚最好食都係刺身及寿司機下次可以只叫冷食比較好…Read More

星期六晚接到釣友電話，約去大埔東昌吃海鮮晚飯。以為係一般釣魚活動後的清蒸、香煎海上鮮；到場後才發覺係間平民日式餐廳！店面環境有點窄，但閣樓還算寬大！在等人齊前先來一些小食、飲品。沒想到朋友介紹的居然係豆漿，但飲落味道唔錯，難得還相當有口感小食是墨魚咀及蟹子沙律；墨魚咀非常爽脆，甜味適中；而蟹子沙律也是理想的頭盤！人齊了，主角陸續出場。先上的鱲魚刺身，雖然唔係高級餐廳般賣相，師父刀功還是可以的！鮮味不在話下，口感更非常掂😊再黎係師父秘製嘅半熟雞魚夀司, 呢樣可能係我食過最好食嘅夀司👍👍當中夾住D生蔥, 可能係佢成功嘅原因! 我一口氣食咗四件!熟食有天婦羅、牛仔柳。 水準絕不下於貴佢兩倍嘅餐廳!餃子鷄翼, 可能係呢間平民餐廳嘅招牌菜！去左骨嘅雞中段, 中間包著肉餡, 賣相、味道都好有特色。幾條鹽燒池魚仔也做得相當有心機，味道好就唔使多講。最後上嘅湯肯定係全晚最精華所在！係日式面鼓湯+中式烹調魚湯jam出特色, 有朋友連湯渣都唔方過!:):):):):)…Read More

大埔★岡本櫻田個人太熱氣無嘜胃口，今日lunch想食清D，啤酒肚提議去食我成日話要試既岡本櫻田，又幾好啵日本野感覺清清地:)入面座位唔多，我諗有5-6張枱。裝潢簡單，天花既日式吊燈算係比較和風既裝飾 入到黎好有去左日本鄉村家庭式小餐店既感覺，d職員好似一家人咁？！令我地都有d回到家既親切感睇下個lunch menu，嘩勁平！除左個魚生飯全部午餐都係$3x連飲品！壽司午餐（$32）：5件自選壽司再加配飯／拉麵／烏冬～先黎一碗烏冬。雖然ｄ配料好簡單只有雜豆同海帶＆個烏冬只係普通果種唔係好彈牙，但係襯埋個湯好正，食唔出佢係咩湯但好似加左少少奶咁好milky跟住到主角sushi，揀左２件三文魚１件甜蛋／酢青魚／辣味墨魚仔５件色水咁靚既壽司放埋一齊都幾吸引，食落都新鮮，個人最鐘意甜蛋唯一可以改善係d壽司飯，佢用既係白飯無落醋，好似差咁d野咁...啤酒肚一黎就睇中左個特別推介。魚生壽司飯定食（$45）：嘩嘩嘩！好驚喜簡直豐富到你唔信。。。d魚生多到完全遮蓋左下面d白飯除左數之不盡既蟹子，仲有甜蝦＆螺肉＆醋漬鯖魚＆魷魚＆蟹柳＆（疑似）鮑片！！佢應該叫魚生大雜薈，好似一路食一路係到尋寶咁 只不過個飯都係普通白飯唔係壽司飯黎嫁～跟餐飲品除左麵豉湯同汽水竟然有豆漿甜左少少，如果落番少ｄ糖就好喇！埋單$77/2ppl。救命真係抵到爛味道的確唔算係好突出，但咁既價錢食到咁既質素已經無得輸啦肯定會再黎支持下依間咁有心既小店…Read More