SHAN HAI CHING BISTRO

山海經位於荃新天地二期地點夠晒方便，無論地鐵西鐵都能夠直達，餐廳以木系為主，擺放木質嘅桌椅，環境簡潔而舒服，店員有禮，細心，非常滿意二人餐，特價368茶碗蒸細細碗熱辣辣雞蛋，蒸到非常滑溜，入面有冬菇粒同埋一粒嫩滑既雞肉溫泉蛋沙律蔬菜新鮮嫩綠，蕃茄新鮮，用咗蘭王蛋鋪上蔬菜面，仲有一些白飯魚，明太子作調，帶有輕微嘅辣，全部加埋一齊食好好味，又清新串燒最出色嘅就係燒雞皮，燒到好香嘅雞油出晒嚟，卜卜脆，薯片嘅口感青椒油浸花甲花甲凍凍的，味道鮮甜，帶有麻辣的味道，上面鋪滿蔥花，每一啖都好惹味鹽燒䱽魚䱽魚size唔算大，魚肉好滑，又唔腥，燒到外皮非常脆，魚皮仲有焦香嘅味道，旁邊配埋蘿蔔酸汁一齊食，令到味道加添色彩牡蠣味噌鍋配手打烏冬鍋入面有四隻蠔，仲有好多娃娃菜同埋菇，一邊食一邊用火滾住每一啖都熱辣辣湯底滾到奶白色又夠鮮甜，到到最尾落埋啲烏冬，烏冬彈牙爽口，連埋湯一齊飲，非常入味…Read More

今日約咗朋友去荃灣吃日式料理！ 最近友人推介一間高質抵食的日式小酒館！山海經位於荃新天地2地下一門町市場J39-40舖。 荃灣西站D出口步行過來就到！ 裝修以日式風格為主調，簡約時尚的居酒屋的設計；十分典雅！ 這裏食物選擇多： 刺身、拉麵、燒物、沙律、套餐和多款小食等； 日式酒類和飲料選擇都很多！🥙四色丼這個定食套餐份量十足：有前菜海帶絲、 麵豉湯和白飯！ 四色丼：三文魚、吞拿魚蓉、左口魚和魚籽! 全部材料舖滿一大碗飯，仲加上葱絲和芝麻！ 食材超新鮮：厚切三文魚鮮味有咬口， 吞拿魚蓉超鮮甜美味；左口魚切成薄片，入口甘甜好滋味；魚籽大大粒鮮甜卜卜脆，在口裏溶化！ 配上白飯，真的超好吃！🐮澳洲和牛丼定食澳洲和牛肉的質量高， 肉質鮮嫩，有豐富的油花，煮得剛好有粉嫩的紅色！ 肉質非常嫩滑，鮮味可口！ 雞蛋漿配牛肉和白飯來吃令口感順滑，增添了鮮甜美味！ 前菜海帶絲鹹香爽口，麵豉湯的味道也很地道，絕不馬虎；熱辣辣好好飲的！🐔雞皮餃子有4大件， 雞皮煎炸得很香脆可口，能吃出雞的鮮味！ 內裏的餃子肉鮮嫩多汁，配上酸汁料更突出整體鮮甜的味道；又解腻！🍺 SAPPORO生啤先來杯冰凍啤酒來吃雞皮餃子就最適合，SAPPORO嘅啤酒泡好綿滑，超正！🍇巨峰燒酌梳打這杯飲品賣相一流！ 巨峰提子味梳打香甜清新，加了燒酌的酒味，整體的味道都提昇不少！這間的日式料理小店食物高質又做有特色，價錢唔貴又親民；是一大班朋友喝酒、吃飯消閒的好去處！…Read More

荃灣又一新打卡居酒屋🏮入到去座位寬敞裝修好靚用上木系主調，門口天花有好多和風嘅燈，用嚟打卡就啱啦！佢哋嘅師傅有20幾年日式料理經驗，價錢唔貴性價比高。午市嘅套餐有前菜茶碗蒸、熱茶，份量大。佢哋啲職員好有禮貌，上菜嘅時候會講解食材，有少少廚師發辦嘅感覺😸牛肉豆腐定食好驚喜係成個鍋上枱，牛肉用湯汁燉煮而成😛醬汁甜甜地味道香濃，用嚟送飯就啱。除咗牛肉好食之外。豆腐都係主角，豆腐兩邊煎香，吸收左牛肉嘅香氣 起鍋前加入生雞蛋🍳令味道升級，佢哋嘅蛋係日本蛋，所以可以放心食！藍鰭吞拿魚三重奏定食師傅話條魚勁靚，新鮮空運，來自長崎縣🤩的確係唔食唔得，入邊有赤身、中拖同吞拿魚蓉。我要推薦赤身，勁香軟香濃吞拿魚肉香氣，魚肉長時間喺口腔停留。至於中拖羅肥瘦適中，甘香而有濃郁油脂香😝每個定食都會配有前菜、味噌湯、白飯、茶碗蒸 ，值得一提係茶碗蒸，勁香蛋味，而且好幼滑，入邊仲有啲雞肉好好jap。味噌湯用咗鰹魚去做，所以飲落去魚嘅鮮味比較出。小食方面，推薦三文魚刺身，幾十蚊有五片超級肥美，除咗山葵之外仲有四季紅，幾十蚊都有呢種唔常見嘅調味食材，好抵呀，因為我之前食廚師發辦見過🙂‍↔️…Read More

係荃灣跑完青公來回，好肚餓，行到荃新天地2期就睇到下有咩餐廳好食，見到呢間日本餐廳的定食好似好抵食，都係百幾蚊有有定食套餐，就決定入去試下。每個定食都跟左茶碗蒸同前菜，麵豉湯。雜錦刺身定食＄168有兩隻大大的赤蝦，好新鮮爽口；帶子，上面仲要魚子，好鮮甜；三文魚，夠肥美；八爪魚，爽口彈牙；有熟的鰹魚，魚油味好濃。澳洲和牛丼定食＄148啲和牛舖得好靚，片片嫩嫩的粉紅色，中間仲有隻流心蛋，成個賣相好靚，牛肉味濃郁，配埋粒粒分明嘅米飯黎食，真係oishii。乳酸梳打，加＄12甜甜酸酸，好開胃。巨峰燒酌梳打＄48入口甜甜的，酒味唔會好濃，好適合女仔飲。呢到D套餐性價比真係幾高，又坐得舒服，每個職員的服務都好好。…Read More

放工又比人捉咗去夾公仔，指定要去荃新天地嗰間，商場地下有多間食肆，見到有間新開嘅日式料理「山海經小酒館」，裝飾充滿日本居酒屋風格，以木架區身成卡座，牆上仲貼滿日本poster同布藝，今晚一於食呢間啦✌🏻晚市有十款定食套餐，套餐包括前菜、麵豉湯、主食同米飯，百幾蚊一個set非常抵食👍🏻雜錦刺身定食赤蝦｜帶子｜三文魚｜鰹魚｜八爪魚刺身方面非常新鮮，赤蝦勁大隻，肉質爽口又鮮甜，次次我都會啜埋蝦頭入面嘅蝦膏😆濃郁又鮮味，帶子厚肉肥美，上面加上三文魚籽喺口入面卜卜爆開，提鮮又令口感味道層次更加提升，三文魚油脂豐富，肥美嫩滑，鰹魚口感軟滑鮮甜，八爪魚Q彈有嚼勁，一啖刺身一啖日本米，真係想再encore😆美國照燒肉眼定食勁大份堆到成座山咁高，上枱時淋上黑椒汁，鐵板嘅熱力「渣渣聲」令香味更加散發出黎，肉眼扒帶少許脂肪，令肉質更加軟腍，牛味濃郁，底下嘅洋蔥先係精粹，洋蔥清甜腍身，拌米飯食一流👍🏻 📍山海經小酒館 (荃灣)荃灣楊屋道18號荃新天地2地下一門町市場內J39-40號舖人均消費：$200食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…Read More

食物一般，味道可以，熟食唔熱，好似放咗好耐先serve比客。收費略貴而且價格收費展示不清𥇦。職員全程黑口黑面，好似欠咗佢地咁，問少少嘢已經好唔耐煩，服務有待改善，但要收服務費。期間見到有其他客離開時在收銀處同職員爭論（詳盡無留意），只見職員不願解釋，只話公司問題，態度奇差，嗰個客都幾忍得，好彩無發生激烈口爭，不過做生意咁對客人就好差。本來只是求其試吓新餐廳而沒有期望，諗住是日本菜而覺得「穩陣」，但中伏了，整體消費體驗好差。…Read More

從來未試過喺OpenRice 留過食評，但山海經係第一間令我肯為佢寫食評餐廳記得第一次經過鋪頭時，純粹抱著試下新野心態，亦好慶幸自己當初有入到，老闆十分熱情，對日本文化非常熟悉，亦會教我地點樣用調味料去突出食物鮮味。老闆係我近年難得遇見好老闆！食物方面，食物水平超高水準，食得出師傅用心，用相宜價錢就可以享用omakase水準服務同食物，成個體驗非常好，每次黎食都會有新體驗。 特別推薦鰻魚飯，用山藥煮成嘅汁，配合滑蛋同鰻魚，帶出獨特嘅鮮味真心希望山海經可以俾更多人認識，祝你地生意興隆！…Read More

今日放工又帶小編爸出動去覓食去咗荃灣荃新天地二期見到一間好靚嘅日本餐廳就食呢間啦晚上有晚餐供應小編揀咗雜錦刺身定食有赤蝦、三文魚、帶子、八爪魚、鰹魚、玉子一碗白飯一碟前菜 一碗麵豉湯另加咗$12要過柚子蜜梳打首先定食上枱好精美每款刺身鮮嫩赤蝦超大隻好爽甜前菜好餸飯茶碗蒸嘅蛋好滑溜小編爸揀咗西京燒銀鱈魚定食鱈魚入口嫩滑燒汁調得好 甜甜地吊出魚鮮味魚皮燒得帶油香 好鬆脆黃飛鴻花生脆鯇腮呢個好特別嘅下酒菜好惹味 賣相以為會辣但食落好似食緊避風塘炒脆肉鯇咁好香口忍唔住一舊接一舊好惹味服務態度好又好貼心預備籃子放客人物品好滿足嘅一晚…Read More

位於荃灣荃新天地二期 主打日式料理 料理多元且別具特色🍤🍱🫕🥗🍢環境帶有現代工業風 擺放木質桌椅 掛紙燈🏮裝潢簡潔卻不失溫馨 職員態度都很好 熱情好客👍🏻✨🥢晚市2人套餐·`♡· 溫泉蛋沙律溫泉蛋滑嫩 沙律新鮮 配合微酸醬汁 令人食慾大增·`♡· 是日串燒4款燒雞軟骨 燒雞翼 鹽燒雞肉 鹽燒蝦燒雞軟骨彈牙夠味 雞翼表皮烤得香脆 肉質多汁而鹽燒雞肉和鹽燒蝦則保留海鮮與雞肉嘅鮮甜 簡單調味凸顯原味·`♡·雞皮餃子香脆好juicy 皮薄不油膩 餡料鹹香帶雞皮炸香的微脆感 非常有驚喜·`♡·九鳳糟滷雞九鳳糟滷雞酒香濃郁 雞肉入味且保持嫩滑上枱時職員會詢問需唔需要切開 方便食用·`♡·牛肉酸菜鍋酸菜爽口帶微微酸香 牛肉軟嫩多汁 湯底鮮美 十分開胃·`♡· 手打烏冬麵條粗身彈牙 筋道十足 吸收晒湯汁嘅香氣✨套餐配送白飯2碗或手打烏冬1份及罐裝飲料2罐✔️加一服務費*⑅︎୨୧┈︎┈︎┈︎┈︎┈︎┈︎┈︎┈︎┈┈︎┈︎┈︎┈︎┈︎୨୧⑅︎*…Read More

帶小朋友去中庭玩完充氣城堡無意間經過呢間餐廳 見佢係新開張左無耐 晚巿套餐都係佰零蚊 火炙刺身丼定饂都係$14X 即管試一試 餐廳標榜酒店廚師主打 食材日本空運到港點左幾個晚巿套餐 又散叫左個炒麵同烤白鱔（白鱔相對有啲貴但想試）質素係喜出望外 樣樣好好 性價比極高 尤其是個火炙刺身丼 刺身好新鮮個鴨胸拉麵勁多鴨胸天婦羅烏冬 竟然仲有天三文魚天婦羅佢有個二人set 同4人set 會貴少少 但下次一定會試佢仲有間房可以坐8-10人 暫時無min charge 下試要約埋朋友包房先得…Read More

黑雨了整天落樓揾野食屋企人叫左個天婦羅烏冬, 我唔太肚餓叫左個溫泉蛋沙律隻蛋好正牛肋肉非常嫩好入味, 仲有個蜆個烏冬係凍烏冬, 店員好熱心介紹點樣食點樣配搭, 好好食, 個湯就係直接攞來點天婦羅個汁清清地用餐分享講真我係覺得佢好食好坐, 出面裝修睇落仲有d似鬼滅d大正時代的屋,在我來講荃灣係飲食天堂, 但住係附近有時覺得如果落樓就可以有幾間好野食就好, 呢間會係其中一個新飯堂, 會再食…Read More

上次試完午餐真係好一般今次試吓晚餐更加一般都更加貴個燒牛肉，肉質比較硬，亦都有牛臊味應該冇醃製過但係問題亦都冇乜牛肉味得浸臊味同埋成嚿香口膠咁唯一優點係下低點着火打卡一流但係個人覺得唔好食另外有個黃飛鴻花生應該係用鯇魚有浸泥味呢款魚正常做法應該都係蒸用炸三文魚嘅方法製作唔好食…午餐同晚餐嘅質量同價錢唔成對比廚師要檢討檢討反而服務還好，有禮貌呢度加分👍雖然係叫小酒館，但係佢哋酒類嘅嘢唔多想飲自己牌子啤酒嘅朋友應該有啲失望…Read More

初嘗午餐垃圾咖喱牛脷飯咖喱完全冇咖喱味鹹味又唔夠甜味又唔夠唔知咩嘢味道嘅咖喱，聽講係中日混合菜最大鑊，連牛脷都冇味道，除咗口感OK之外成個咖喱牛脷飯係極之淡口味啲牛脷又薄得嗰五片出邊某超市啲鹹牛脷好食過佢好多幾十蚊仲要好多片呢個咖喱牛脷飯完全失敗跟住雞扒飯定食仲垃圾都係嗰啲雪藏雞扒！算數啦，做生意要賺錢首先你要做得好食！份量已經夠少一片雞扒幾多錢？佢竟然比半塊！大家心照十零蚊成本你賣咁貴嘅價錢有冇良心？我寧願去隔離一輪食漢堡扒好過仲有個牛肉豆腐有浸鐵銹味個鐵板有冇洗過？不知所謂，另外豆腐明顯百福豆腐質素隱約食到少少酸味根本呢度啲嘢手工就麻麻午餐極其量$40～$50勉強收貨賣成舊水真係搵水魚幫襯唔好叫山海經改名叫山海驚啲嘢食質素真係俾佢嚇親又貴又唔好食唯一可以讚揚嘅環境服務都OK嘢食真係垃圾衰過大檸樂同埋美x快餐…Read More

位於荃新天地2期地下的山海經，是一間新開日式小酒館，提供多款日式料理。推介照燒雞扒定食（$82），雞扒分成兩層，外皮脆口，香氣十足！山海刺身丼（$138）配有燒蝦及多款刺身，飯粒吸收了油香，口感豐富。叉燒拉麵（$68）份量十足，大大碗，味道不錯，性價比高。整體食物質素佳，價格合理，適合朋友聚餐或輕鬆享受午餐時間。🍣🍜…Read More

第一次嘗試就係食生日飯，行到門口已經感覺到有驚喜，服務員態度非常親切👍，在我不知情嘅菜式好似盲盒咁食相當驚喜，菜式不單止好味😋個擺盆都好靚，打卡一流！好值得推介👍👍👍…Read More