山東餃子館 (Closed)

四月初二‧有雨趁天氣還不是太熱，在家吃火窩。在附近街市買點材料，看見這間餃子店，買幾隻餃子吃吃也好。在餐牌上大部份的選擇也有生餃可以買走，買一款的最少要買一打，多過一打便可以自己配搭。要了馬蹄豬肉餃、西洋菜豬肉餃及大蔥羊肉餃子各半打。幾款餃子水準一般，一來包得不緊致，看起來已經漏餡，下熱水淥兩淥，能維持原狀的是少數，有不少也是「餡有餡吃」的。幾款餃的肉吃起來也沒有什麼味道，想必是肉質問題之餘，還有是調味也可以做得更好。當中以馬蹄豬肉餃比較好吃，至少吃得到有馬蹄在內。西洋菜百肉餃你說是什麼菜也可以，而大蔥羊肉餃理應是三款餃子中，味道最鮮明的，卻淡而無味，令人失望。配套可不弱，出齊醋及豆瓣醬的，而幾位阿姐也快手快腳，服務不錯。雖然我是外賣的，但也在店內等了一會，發現沒開空調，雖然炎夏未至，但在餃子店焗蒸氣，也絕不好受。18隻餃子，盛惠30大元，價錢便宜，就是真的。…Read More

本來我都唔想唱衰你地, 但我已經好睇唔過眼!首先食物已經越o黎越唔ok...d餃子皮好厚, 好在涵料夠鮮味, 不過同總店比始終都差d. 尤其係涼拌青瓜, 叫幾次只係一次夠凍...失望~今晚無煮飯, 老公落order叫此店外賣, 都唔係第一次叫以往都係40蚊以上都送, 今晚真係令我好火滾.一開始我已經問幾錢先送外賣上o黎(其實都唔係第一次叫不過禮貌上諗住問多次), 接電話o既阿姐話2碗至3碗麵就送. ok! 咁我就叫o左一個淨餃雙拼($23)同一個捧捧雞絲$18 or $19), 點知佢好冇禮貌咁話咁少, 係都要我叫多樣. 我話唔係喎, 你話兩碗麵就送o既? 我宜家兩樣野都貴過兩碗麵啦! 佢先至話頭先阿姐先送完外賣, 又大風又大雨體諒下啦! 我即刻望出窗口, 冇錯係大風o左, 但真係好細雨咋喎. 我好堅持一定唔加野, 最後佢都係死死氣幫我落order.我想講如果返o左風有d毛毛雨就唔送外賣, 咁夏天成日落大雨咁你地唔洗接電話外賣啦? 冬天大風過今日大把日子都係啦, 咁又唔送喇喎? 仲要你講明叫約2樣就送, 宜家2樣又要求我再加? 你點解唔直接話我知你唔想送外賣, 唔想接我生意呢?其實兩個月前都有件好激氣o既事, 果次我係落舖頭食野, 一入去已經好多人, 阿姐問我地幾位我話5位, 佢話執緊等陣, 就帶左我地去一張4人table佢話坐5人冇問題o架, 雖然5人坐迫d但側邊係可以加一張凳o既, 咁ok啦. 就坐低o既時間另一個阿姐話我mami(側邊位)阻住佢條路入去唔可以坐呢個位, 我望一望真係block左, 但佢行多2步有另一個位可以行到入去送餐比人囉, 仲要我mami即刻起身. 我即刻發火鬧佢地有冇搞錯, 我話5位又係你地帶我地黎呢張table, 宜家又要我mami起身, 仲睇住佢企係度無位坐都冇話安排坐位, 話宜家冇位都冇方法, 服務態度咁差o既食肆你d野食再好都冇用呀!!!!我係唔會再幫襯佢地喇, 因為我受氣受夠喇, 各位小心呢間舖d阿姐, 有d真係好冇禮貌比氣d客受o架.…Read More

早2日探男友屋企人, 好想食餃子, 又想食麵, 記得男友屋企附近有間山東餃子館, 於是過黎食叫左一碗擔擔麵同羊肉餃, 佢個擔擔麵同平時食既好唔同, 因為無甘多花生醬, 而且有d炸菜, 有小小辣 味, 湯連麵一次過食清我都係第一次. 另一個羊肉餃好似蘇左d, 要加d醋先好食d..整體上都唔錯, 下次一定再幫襯, 不過d阿姐態度就一般lol, 改善下啦, 會趕客架!…Read More

以前都會係東京街個面食，但係開左間新店係到後，大數都只會係依間食，保持到山東餃子既水準，食物種類都多左唔少，而且坐得都算舒服，價錢奕係算平，叫一圍野食都可能係一百蚊內，當然好睇你叫咩，如果叫飯就會貴d，如果叫麵食或水餃當然就平d，我最鐘意係麻醬伴麵，用麻醬同d麵一齊食，正!! 最緊要係有d青爪絲係上面，因為麻醬本身比較油，加左d青爪絲都上面，食個時唔會太油，又有d爽爽地既口感，如果水餃王，就可以試下d水餃，都好多唔同口味既水餃!…Read More

呢度係三間分店之中最大最新的一間，以吃餃子的地方來說算是頗舒適的，而且還有兩部大電視，可供食客邊食邊收看。瞄一瞄，決定來碗韮菜豬肉水餃麵，要南瓜麵，飲凍豆漿。豆漿是冰凍的，不過欠缺豆香味。喝罷豆漿，等又等，發覺近十分鐘碗麵都未來，出餐速度慢得可憐。久等之下，麵終於送上。水餃的賣相核突，"岩岩慚慚"的。同埋皮又厚，又明顯煮得過淋；韮菜肉餡，吃不到韮菜香，豬肉既不嫩滑，亦沒有鮮味，更不用說什麼肉汁了。麵底並不爽口，除了顏色像南瓜以外，沒什麼特出。…Read More

上星期5 放工, 好想食d 濕口既野...所以阿B 媽提議我地試新野...呢間鋪頭新開無耐....B媽話有串燒食....有新野梗係即去啦~~~是日晚餐1. 小蔥伴豆腐2. 麻醬伴南瓜麵3. 津白豬肉餃4. 三鮮肉餃麵5. 串燒羊肉 X 2呢度既火記大部份都係生手....結果....轉左枱又唔記得....叫左野又唔黎...不過還可以體諒....因為佢地以前生活既地方D 伙記全部都係咁....食評1. 無味.....平時食開既小蔥豆腐都會有一點點鹽粒...但呢度無...仲有D有咸味有D無.....2. 呢間D 份量比總店少....而且麻醬比較乾.....撈唔勻整碗南爪麵.....3. 餃子味道同總店一樣.4. 餃子味道同總店一樣,但湯就差左一截...5. 呢個簡直唔得.....D 羊肉一D 勁辣一D 無味.....仲要係一串入面一半有羊味....一半無...總括而言.....總店始終最好....不過新店地方大D 坐得舒服D....(相片之後再補)…Read More