Yamaotoya Japanese Cuisine

今次真係不吐不快！同朋友去咗間新開嘅餐廳試水溫，點知由入座到埋單都係一肚氣。首先講服務態度，可以用「極品」形容——唔係讚，係貶！我同朋友午市去食，因為肚餓關係，我扒飯扒得快咗少少，15分鐘清咗個飯，但杯嘢飲仲飲緊，朋友亦都仲慢慢食緊碟飯。點知老闆竟然行過嚟，面口黑過鑊底，直接開口：「食完就埋單啦，出面有人等位啊！」哇，聽到真係火都嚟！我明白生意忙要翻枱，但人哋杯嘢飲都未飲完，朋友仲食緊飯，使唔使趕客趕到咁盡？感覺似被人用掃把趕出門，完全唔尊重食客！再講食物質素，只能講一句「平平無奇」，唔算難食，但絕對同價錢唔成正比。似茶記水準但收緊居酒屋價錢。朋友個飯仲要係暖唔係熱，啲汁淋到啲飯糊咗一半。價錢偏貴都算，但俾咗錢還要受氣，真係頂唔順！總結：呢間餐廳，食物普通、服務零分，老闆嘅趕客功力仲犀利過啲食物味道。除非你想體驗「十分鐘速食挑戰」，否則真心唔推薦！…Read More

【觀塘高CP值火鍋推薦｜山戶屋】 位於觀塘的山戶屋自助火鍋，絕對是區內CP值之選！每位只需$219，即可享受豐富的火鍋體驗，更設有「早割優惠」高達八折，相當划算。 餐廳主打高品質肉類，尤其牛肉選擇令人驚喜——提供三款不同部位的牛肉及爽嫩牛舌，肉質新鮮且分量充足。除了肉類，其他食材選擇亦非常多樣：蔬菜新鮮、飲品選擇豐富，還提供多款熟食，適合不同口味的需求。 環境方面，山戶屋空間舒適整潔，用餐氣氛輕鬆，服務態度親切周到。地理位置便利，從APM商步行僅需5分鐘即可到達。 無論是家庭聚會還是朋友飯局，山戶屋都是性價比極高的選擇，值得一試！觀塘區自助火鍋CP 值最高，肉質佳，有三款牛肉揀仲有牛舌，蔬菜食品飲品選擇多，仲有熟食，環境舒適，好乾淨，服務佳 。APM 行過去5分鐘 。值得幫襯 。$219一位，仲有早割八折，超值👍🏻…Read More

服務態度差, 之前預約了一次, 但到場時候話日子未有提供優惠, 所以大家預約了之後到前要再電話confirm 後才作實, 因為店員態度實在太差, 話唔係去接電話所以什麼都不知道, 食物一般, 湯底無味淡如水, 但環境可以, 價錢一般, 肉類選項小但肉類質素還可以.…Read More

第一次去呢間餐廳食好有驚喜，值得更多人識！！星期日8:30後入席，有8折優惠，可以唔洗用openrice訂位9折優惠，最後2位連加一都只係hkd398!! cp值高過牛大人或者其他連鎖火鍋店🤤🤤唔只價錢，食物質素都好有驚喜🥰鍋底有好幾款選擇，每人一鍋，每鍋可以揀2種鍋底，個人覺得壽喜燒推薦🤤另外，原本以為呢個價錢牛應該比一般食再普通啲，點知肉質油脂都好好，完全唔似200蚊嘅質素，仲可以任食🤤出面都有飲品、菜、丸等常見食材選擇。食完每人會送一杯movenpick作結尾。最後，員工服務都抵讚，feel到餐廳有心做好。下次會再encore🤤…Read More

今日去咗食午餐，點咗一個牛肉蔬菜美肌$78，本身係配白飯嘅，不過唔想太飽，+$5轉烏龍麵。美肌鍋嘅份量細細個，但我覺得材料都豐富，有金菇，有豆卜，有牛肉，有豆腐同埋娃娃菜。蔬菜新鮮，豆卜給晒湯汁嘅味道，好好食。牛肉質素正常，唔係超肥美，但係都唔會嚡口。烏龍麵較粗身，吸唔到汁，如果係手打或者讚岐烏冬更加好！湯底香濃，唔會好鹹，我覺得都唔錯。因為我唔食辣，所以就原味湯底，想食辣可以揀麻辣，或者兩樣都想試，可以叫鴛鴦也可以。餐廳環境都舒適，但空氣爭啲，當日其實天氣都好凍，着咗好多衫。但係射燈太多，唔知係咪開唔夠冷氣，覺得好焗，空氣唔流通。…Read More