屯門小曼谷泰國美食

Open Now

Now Closed

兩個細食嘅人去食，叫咗三樣野+1杯野飲，埋單只係$152，好抵呀😙份量都唔細㗎！一碟串燒有6串，3串雞+3串豬，有埋沙嗲汁比你點柚子沙律唔係好辣，啲柚子大大舊，仲有蝦添另外叫咗碗海鮮金邊粉，入面有魷魚🦑斑塊，青口，蝦仁，仲有勁多芽菜（我最鍾意😻）青檸梳打係成支梳打上，咁熱天氣飲真係好正好爽😄不過餐廳嘅燈光有啲暗，所以我地揀咗門口位🤣門口有大型露天錶位，我去嘅時候係中午12:00，大把位泊唔洗等！超方便！

每次喺屯門諗唔到食咩 都一定會去小曼谷😋😋從來唔令我失望 真係又平又好食😚門口成日都有人排隊 不過都唔需要等好耐大排檔格局侍應全部都係泰國人推薦🌟泰式酸辣鳳爪🌟生菜包🌟串燒 （雞牛豬）🌟椰青 - 好鮮甜 啲嘢肉都好好食🌟芒果沙冰 - 透心涼🌟芒果糯米飯 - 有白米同黑糯米 白糯米比較甜口感較煙靭 黑糯米比較有咬口 叫兩個輪住食就最好😍😍

黎到屯門其實都好多野食揀不過好多時候可能都miss咗呢間因為要專登搭車入去同埋都幾多人排隊我地今次order咗泰式金邊粉，香茅炒蟶子同泰式豬頸肉佢地個金邊粉係雞肉而唔係蝦 $41雖然味道ok不過炒得唔太乾身同埋未係好有穫氣不過呢個香茅蟶子就想推介下$78以咁嘅價錢有成10幾隻炒得好香不過就反而食到底下先有香茅味而且都幾辣下不過以咁嘅價錢可以食到都算係咁豬頸肉味道不過不失正常發揮都尚算烤得香呢兩杯解辣一流 $21

小曼谷位於屯門青山公路新墟段45-77號幸福樓三期地下27號舖, 附近並沒有輕鐵站, 乘輕鐵的話便要從安定站穿過安定邨行往置樂才可, 需時約十五分鐘. 或可由屯門市中心搭接駁巴士前往. 小曼谷算是非常受歡迎的食店, 晚餐高峰時間要等三十分鐘是閒閒地的,所以要食又唔想等便要六時左右準時到了. 個人最愛的食品是炸蝦餅, 肉碎生菜包, 串燒牛, 青咖喱牛腩, 紅咖喱牛腩等, 均是滋味非常的泰式地道小食. 再配上珍多冰或椰汁冰, 加上芒果糯米飯, 人生一大享受也.

小曼谷泰國菜館地址 : 屯門青善街康景花園味道指數：⭐⭐⭐⭐抵食指數：⭐⭐⭐⭐環境指數：⭐⭐⭐服務指數：⭐⭐⭐等候時間：0分鐘一般晚上的時候去小曼谷，必定滿人客。如果想試泰地道泰國菜，但又怕人多等位，可以在下午茶的時去嘆番餐地道泰國菜。這店鋪的設計簡約，就像大排檔的格局。龍眼水每位顧客都會奉上一杯冰凍的龍眼水，炎熱的夏日享用，特別透心涼。豬頸肉粉絲大大件豬頸肉，爽脆彈牙，不油不膩，非常有口感。配上粉絲，非常入味。另外還有牙菜、生菜，並整碗湯米粉更加豐富、更加鮮味。下午茶時段非常抵吃！👍

今日路過見到小曼谷，唔想諗食咩就入去試下食lunch海南雞飯可能泰式無醃酸蘿蔔同紅蘿蔔，只見到得臘腸，雞味道清淡，還好有碟泰式海南雞醬增加雞既味道，油飯比較清淡，無咩油泰式炒飯因為無圖，幻想係炒牛肉，但睇落似用湯煮左d牛肉，再炒個飯一齊放落去泰式豬頸肉佢做小菜會比較好，味道唔錯👍泰式湯粉湯底有味唔錯，唔會太濃味，不過不失龍眼茶送既，真係好好飲平時食開晚餐既味道唔算差，lunch都還可，但勝在夠平，中午仲有一小杯龍眼茶送，算係咁喇

話說早幾日前重回小曼谷 小曼谷未搬之前經常會去食搬咗之後只有去食過一次相架都有一年幾啦， 我六點半去到因為人未齊 等到七點先至入咗去咁我哋開始嗌餸啦。 頭先嗌咗個泰式生蝦以前大大碟 都有十幾隻而家細細碟得八隻少咗好多但係價錢亦加咗 其次買咗條魚蒸烏頭烏頭條魚分量細得驚人 以前大大條而家細細條 我哋仲嗌咗海鮮南瓜冬陰功 薄餅 份量都係比以前少咗笑得最慘嘅就係芒果糯米飯以前都仲係用個碟上嘅而家只係用一個細細嘅兜仔相畀你兩啖冇曬 真係越嚟越貴越嚟越差越嚟越唔好食

史上最難食似泰菜嘅泰菜！中伏度x100000!小人才疏學淺，睇少幾隻字同評價，誤以為係置樂嘅小曼谷😩😩😩飯有生水味！一入口就想嘔！豬頸肉充滿隔夜味！求其熟左加個奇怪獻汁撈埋咁！鳳爪冇味只有陣陣雪味！撈左啲汁後又有生水味！海南雞似恰雞加求其超市買到嘅泰式汁咁！勉強入到口嘅就得個通菜都屬於係難食之最！食到底仲有油益味！本來仲諗住叫多少少野帶飯都要即刻倒番晒出嚟！非常非常之要慎勸各位開飯友，想挑戰最難食泰菜可以一試！不過就要預左冒住浪費食物之名囉！！！永遠blacklist!

人生以來第一次留評價首先我點既係D字頭外送apps因為誤會成置樂小曼谷而落單未試請完全不要考慮！！伏到極致！1.蝦醬炒飯，無蝦醬味連醬油味都講唔出，但居然有蠟腸豆角...... 人生食過最奇怪及難食既炒飯！絕無誇大！2.雜錦金邊粉...一字既之曰：難食、個湯似係濃湯寶落唔夠既味道，有濃濃熱水味！3.馬拉盞炒雜菜，自己睇下，娃娃菜加芽菜就係雜菜，好野！仲要無馬拉盞味架，得鹹味、同辣椒味，如果我未食過馬拉盞既話，我一定會問東南亞一帶食馬拉盞既人係咪痴線架到底何來自信開餐廳！仲要連運收$231!係咪個廚收左工，叫個收銀煮架識煮飯既人都煮唔到呢個驚為天人既效果請各位顧客珍惜生命提外話，我點外送，等成個鐘先到D字apps無客服聯絡方法又取消唔到、店家打極唔聽電話上黎openrice check,又一早關左門勁灰，打算叮野食，突然按門鐘...最後D字apps話賠$23.1卷我下次用！安排失當仲當我乞丐

母親節前夕，諗住避開唔去人多商場，點知麒麟徑亦一堆人潮，7點，乸住張要等十張枱嘅飛，落住豆大嘅雨仲要冒住涼風，等咗廿分鐘頂唔順就貪就手……寧寧舍舍呢間舖冇客，諗住冇咁蹺伏味搵到嚟。入去行經地板、掂圓凳面、洗筷子均覺黐立立……得個笑笑眼嘅靚女看舖，本身打完波又太餓，二話不說，都係點一堆嘢……可能見有老有嫩一口氣叫咁多餸咁豪氣，送兩杯龍眼冰過我哋飲，外賣杯裝，着實口渴，唔死甜有龍眼肉味，300ml左右好快啜風。柚子沙律係幾多柚子肉，不過唔似金柚，勉強交到差。串燒雞牛豬完全冇炭燒嗰陣味，冇滲油感，似用微波爐整熟。最費解係點解淋上去啲醬係腐乳溝花生醬咁味？怪爆感頓生。豬頸肉問題類近，冇燒香質感，靠配送嗰個辣汁打救番。食涯以嚟最難食嘅濕炒牛河出爐，芥蘭、蔥都冇條，牛冇該有嘅味，汁底、河粉味似碗布……4人食咗兩小碗，面面相覷之下留番八成俾枱面，連催眠自己用點豬頸肉啲辣汁倒落去整走陣怪味都冇意欲。比較正常味道係馬拉盞炒通菜。生菜包似搵水灼熟，冇鑊氣。

極其恐怖，未試過唔洗嘥錢試！超級極度恐怖，唔知有幾多人中左伏叫錯左呢間喇！如果有得比負分，佢會值負一億分！啲串燒肉係醃到過晒龍，食到鬆肉粉味，肉冇質感，似腐肉。豬頸肉亦都一樣，唔應該食落肚，影響健康。炒通菜，好咸，咸到癲左 啲菜係黑色架，食到驚！最後我地食淨左好多野，好失望。如果冇心做泰國菜，真係不如執左佢，啲食物好影響人體健康。相信好多人都係外賣平台見到 會以為係置樂嗰間，希望多啲人睇到呢度啲食評，唔好再中伏喇🙃

 真係從來無食過咁難食既泰菜，個名同置樂嗰間有d似，諗住試下。點知.............................叫左個柚子沙律同生菜包食個生菜包都唔同平時食既味，不過都係可以食落口既不過呢個柚子沙律，真係估佢唔到咁難食，已經係外賣返屋企先食，但係d柚子係冰架，d味道又怪，真係食唔落口，浪費晒我d錢呀！真係好少寫食評，但係呢個真係唔寫唔得，希望唔好太多人中伏

叫咗三樣嘢，燒豬頸肉，炸蝦餅同埋串燒， 竟然冇一樣好食仲要係難食到爆！ 豬頸肉仲要唔熟嗰個醬汁難食到不能形容 ， 牛肉串燒啲牛肉梅過梅菜， 沙嗲汁都係垃圾！ 還可以入得口嘅就係個炸蝦餅 因為攞貨返嚟所以比較好少少！ 同屯門區另外一間泰菜小曼x同名以為大家同一樣質素，點知質素差到冇人有！ 另外佢嘅衛生真係非常之差，啲枱同地下都係黐立立！

第一次體會到食完飯都無重無負擔, 完全無嘢食過落肚! 蒙受金錢損失!心靈損傷!味蕾既大挑戰!成堆垃圾cosplay扮緊泰菜!係外賣平台度search到 小曼谷, 以為係置樂果間小曼谷, 仲滿心歡喜咁叫外賣!點知, 叫左幾百蚊「垃圾」! 真係勁嬲!全部食物都係「垃圾」「垃圾」「垃圾」「垃圾」「垃圾」!!!好難食! D 野食無味!難食澱粉質金邊粉兜金邊粉除左我知道金邊粉係含有澱粉質之外,完全係一堆唔知咩材料炒埋一碟既野。 苦味萬聖誕豬頸肉燒豬頸肉帶有苦味,無肉味，乾過我個荷包。究竟係咩東西扮緊豬頸肉?! 花生醬味腐肉串燒有數粒大大舊疑似肉類被支竹籤串起的串燒，用我的味蕾努力嘗試後只食得出一陣花生醬味。完全食唔到疑似肉類係咩味? 難食無味蝦醬炒飯碟炒飯除左符合係有飯之外, 完全食唔出有蝦醬味, 係食唔到有味! 味蕾大挑戰! 最希望係小曼谷會係外賣平台度落架,避免再人屯門區既街坊受到金錢,味蕾既創傷。好希望小曼谷會明白農夫既辛苦,珍惜食物,煮d係人類食得落口既正常東西，避免產生大量廚餘，造成浪費。「鋤禾日當午，汗滴禾下土。誰知盤中餐，粒粒皆辛苦？」《憫農》李紳

係網上外賣平台 order 開頭以為係置樂小曼谷點知一食落口，無一樣野係正常，先發覺比佢個名呃左！從未食過咁難食既泰菜，連無味蕾既男朋友佢都食唔落！簡直係浪費地球資源 玩食物 哂錢 破壞左美好既周未心情！！！仲要都唔平 每樣餸都要$70-$80其中兩樣最難食既菜有….難食金邊粉 入面竟然有9唔搭8既金菇菜 豆干食落無味，個感覺好似係屋企雪櫃將所有食淨餸頭餸尾炒埋一齊古怪冬蔭功個湯絕對唔係飲左一半 係因為一開頭已經倒左落碗 冬蔭功係椰奶+少少辣味組成既湯入面仲有蝦仁 同蟹柳…希望唔好有下一個受傷人 同埋好想同餐廳老闆講「珍惜地球資源 唔好再玩食物」如果openrice可以比負分 我會比負5分