就牛

之前同老婆偶爾係油麻地行過見到呢間鋪，諗住入去是但食就算啦有啲餓，點知唔食由之可，一食就覺得好正，成碗粉好大碗，我一個大男人都食得好飽，連我太太咁細食都食哂成碗，之後我地每個月都會食好幾次，之後我太太仲發現佢果2款調味好好食，加埋落個湯到就連湯都飲埋，我就食沙茶醬，我老婆就食辣果隻，2款都好好食，加上親民價又大碗，140蚊2個人，我老婆果碗仲要38蚊就搞掂，真係抵食夾大件，唔太明點解咁多負皮，同埋大家唔好話咩服務好唔好，環境舒唔舒服，黎得呢種鋪頭，乾淨就已經好好，員工都唔太需要咩服務，基本工作就得，唔好覺得自己黎食飯就要皇帝式服務，正正常常就已經非常好…Read More

呢間餐廳真係好失望。河粉碎得好厲害，食落去完全冇咩口感，根本唔夠彈性。至於牛肉，更加冇咩特別，味道平淡無奇，食完根本唔記得有食過。湯底就更加差，完全冇味，飲落好似飲緊水禁，完全浪費食物，浪費左個胃既容量。整體而言，呢頓飯實在唔值，食完只會覺得浪費錢。超級直升機餐廳。整體嚟講，呢頓飯真係唔值，食完之後只會覺得浪費時間同金錢。服務上亦冇特別好，員工反應慢，似乎唔係好關心客人。實在唔建議大家嚟呢度食，真係有太多更好嘅選擇，可以去其他地方搵更加美味嘅食物，食得開心啲。…Read More

今日飄過旺角見到有$38嘅牛丸麵，所以就入咗去試吓。作為一個獨行俠入到去見到有一啲面壁位，感覺上唔錯。作為一間潮汕餐廳，佢嘅牛丸麵唔係用傳統嘅竹升麵，而係用咗拉麵。不過拉麵啲筋性唔錯，彈牙爽口。值得一起佢嘅牛丸，雖然唔係醬爆牛丸但係都有汁同彈牙。總結嚟講作為一半$38嘅牛丸麵，我覺得整體唔錯。…Read More

經過這裡見到吊龍兩個字，因喜歡食所以冇睇任何野入去，首先貴，都算，已經入咗嚟，如果好食都未必有下次，仲要冇嚟味道！！未試過一碗粉令我可以食到2成走…我甚少留言，留言係好心提醒下一個人客想食千祈唔好去，從未試過咁劣………Read More

嗌咗吊龍粉加牛丸，朋友就叫咗魚蛋魚片頭粉，等咗15分鐘，吊龍一食落去就知係普通牛肉，仲要係醃咗味嘅，一啲牛味都冇，牛丸不過不失，但好明顯都係叫返嚟，而且個湯底油到不得了，而朋友嘅魚蛋粉仲離譜，好明顯就係溝面粉魚蛋，一咬開嗰種膠質，影低咗相可以睇到，連杯嘢飲都可以沖到一pat屎咁，嗌咗杯菜蜜走冰，嚟到成杯冰都算，好明顯係九份水一份菜蜜，一啲甜味都冇，好似飲緊水咁，真係食到一肚氣，收70幾蚊碗，奉勸大家食之前諗一諗…Read More

呢間嘢簡直就係呃Q人！求其喺網上面偷啲圖，又話係新鮮吊籠現切！簡直笑話，求其攞啲牛冧肉切咗片，醃一醃又話扮吊龍，食落仲有渣添，根本就係以前啲鮮牛麵咋嘛，真係食到火都嚟，唔係幾多錢嘅問題，係唔值70幾蚊㗎嘛，真係諗住舉報海關，違反呢個商品說明條例啊！❌❌❌，雖然你話旺角區做遊客生意啫，但係人哋都食得出㗎嘛，個個人傻仔咩，即係你好好地賣你嘅牛三寶，咪好囉！仲有啊，啲廚師係講國語㗎，都唔知係咪黑工？同佢反映佢竟然話唔知喎，仲話係半成品添，激到火都黎！都舉報下入境處先。…Read More

本來想去前面那間人氣雲吞麵試吓，但人太多還是放棄。路經此店外一陣牛味湧現，再瞄瞄店中展示的牛腩外觀肥廋均稱，似乎對版喎，試試看？點知，恨錯難返！牛腩一看，肉帶筋位看似不錯。但肉的部份點解咁瘦咁白？似極煲湯的瘦豬肉。果然，一入口，一啖天堂，一啖地獄。筋位好食，但肉位柴過湯渣。而且無味。再飲湯，味精水加色！無牛味無鮮味。越飲越口渴！中伏呀！！這間主打食牛卻是我有生以來食過最差之一。唯一好的是麵，少有地可以選上海麵，正正常常。這間店叫就牛？吃不吃也罷就！完。…Read More

陪媽媽覆診完，順便食個下午茶先回家！我們在店外徘徊望吓有無牛肚之類食物，店主非常熱情招呼介紹😊 又提醒媽媽出入小心地滑👍牛丸湯河牛丸夾口，有牛味👍金錢肚河媽媽至愛，所以要求要淋👍牛肚好入味👍墨丸米爽口大大粒👍油菜芥蘭檸茶…Read More

兩個月前一次無意中在旺角揾食，見到呢間店新開咁，主打潮汕牛肉就來試試。入店後發覺佢出名吊龍牛肉，好似好正咁，就試一次招牌麵。上餐時麵在熱湯裡牛肉嫩滑有牛味，麵彈牙，好好味。我仲追加試埋牛丸，牛丸都爽口彈牙，呢餐好滿意。兩個月後今日，終於亞仔考完試有時間介紹佢嚟，佢淨係講咗一句perfecto😁見到皇上開心自然歡喜。講吓佢係環境，門面較細，唔易被發現，裝修較簡約，入面的枱椅都係飯堂般似的快餐簡餐格局，估計呢個係唔多客人嘅主因。希望佢可以挨到落去，做旺做大💪服務方面就算好好，沒有黑面的服務員，佢有掃碼點餐，但當客人叫佢落單佢都用自己手機掃客人枱上的點餐碼幫客人落單，沒有半點怨言，而且兩次去都是半滿的，服務員主動叫我用隔離的椅放袋👍👍…Read More

今次黎到潮汕店冇選舉食傳統嘅潮汕嘢，選擇左個飽肚之選。梅菜扣肉飯，估唔到有意外驚喜。 佢個梅菜扣肉飯個賣相已經好得。 五花腩肥瘦均勻Cover係個梅菜上面，飯量啱啱好，仲要有埋碗清湯，雖然唔知點解有清湯😂 首先講下個五花腩，可能因為佢肥瘦均勻嘅關係，食落完全唔覺得肥膩，煮得岩岩好，而個飯撈埋個梅菜真係好香，呢個拌飯再餓啲可以食兩碗🤭今次一粒飯都冇淨😂個梅菜扣肉我諗係我食過最好食嘅梅菜扣肉， 黎緊會試埋佢其他傳統潮汕嘢。老細話佢地會開到凌晨2:00，睇黎黎緊又多一個宵夜打躉好地方了😆…Read More

本身係潮州人見到這間餐廳極為開心。諗住入去回味返潮州的味道。我嗌咗雙拼牛丸加魚蛋河粉$48。店舖裝修完全同內地相似。先講魚蛋魚蛋味道係甜，但嗰種甜唔係本身魚味嘅鮮甜味。而質感真係可以打乒乓波同超市買嘅其中一款魚蛋基本上98%相同。之後諗住將所有期望落體牛丸度。點知比我預期嘅你可以講嘅係可接受。但其實喺其他店舖可以食到相似嘅質素都不難。最後只能讚他的河粉，唔係那種嚡熠熠，而係都可以入口的河粉。儀式食吓最有驚喜嘅就係冷氣滴水店員叫我坐過對面而沒有給我紙巾.我條裙濕咗一半。買單嘅時候店員問我喜唔喜歡食牛肉，下次可以試也提及魚蛋牛丸OK嗎？當時那一刻都真係唔知點回應。好難再回頭…Read More

牛肉，牛丸等都幾新鮮，好食！尤其牛丸湯，湯頭甜，加芹菜好正宗潮式！又有蘿蔔湯配飯👍👍地方整潔，還有印花下次送牛丸一客，會回頭！尤其牛肉飯係吊龍新鮮肉，又不會過熟，飯有加粟米，健康呀！價格合理👍…Read More