Delicious Kitchen (Closed)

10幾年前因住在紅磡的關係，已經有幫襯過「小魚之味」，對其魚腐及魚湯已十分之喜愛。若然有事要去紅磡或尖東，仍舊會去食午餐或晚餐。它的裝修以鮮紅色為主調，並不是我喜歡的類型。但座位寛濶，梳化舒服，卻使人可坐耐一點。餐牌選擇甚多，假日套餐與平日有點不同，價錢也略高少少，由$45元起（如台式擔擔麵）十分便宜。我們選了兩個飯餐：西檸煎軟雞（$65）及香菇銀魚仔蒸肉餅（$65），套餐除主菜㚈，仲包一碗白飯丶魚湯及熱飲，熱飲還可轉薑茶芝蔴湯圓或Q果雪糕，認真抵食。西檸軟鷄做得皮薄而脆，鷄肉也軟滑，而檸汁甜甜酸酸的，做得啱啱好，十分之好味。😋😋😋這個蒸肉餅味道亦唔錯，肉餅質地幼滑而不肥，加上銀魚仔及東菇𢇁，提高這味餸的咬口及咸香，值得一讚。這個餸伴飯一流，若只食餸會略嫌咸少少。最後，其餐茶亦甚有水凖。咖啡香甜，奶茶的茶味亦濃，絕對是值得推薦的小店。…Read More

平日下午茶，冇乜人近乎包場。餐廳有室內同「室外」之分，其實所謂的「室外」，係一個屬於餐廳外商場內的地方。餐廳內全部紅噹噹，相比之下，外面比較好坐，冇咁侷促。認真是包場，幾正架！下午茶餐牌有呢張，其實唔肚餓，lunch 尚未落格。所以叫左最 light 的 T1 多士餐 $26。餐飲都多選擇，下午茶飲品 upgrade 做特飲，熱飲 + 9，凍飲 +11，我轉左蜂蜜薑母茶。個杯肥嘟嘟都幾得意，蜂蜜薑母茶有蜂蜜的香味又夠薑仲好夠熱，飮完成身暖曬。呢九蚊都加得幾值。隔左一陣件多士又到了，見到啲牙籤，三枝有顔色紙，得一枝冇，奇奇怪怪。斷估唔會掉轉左來插啩 我叫左油占（牛油＋果 jam )多，但竟然吃到少少花生醬味.....雙拼突然變左三併，味道好唔夾，簡直「混醬」。估計原因係師傅用同一把刀，之前查完花生醬，冇洗亦無換刀就用來查牛油同 jam, 真係十分方便呀！另一問題是，牛油份量都幾多吓，而且係唔好味果種唔會溶的牛油 （應該是 cheap D果款，「瓊」曬果隻），食到成口漿住，堅係難頂。最後還是 「了」左部份漿口牛油出來，感覺好好多。員工都幾 hea ，除左送餐，基本上係冇出過外面。亦冇騷擾過人，任你坐到捨得走為止。我響果到坐左個幾鐘，都係三十五蚊唧，咁諗又唔算貴。但如果係午餐或晚餐就應該唔會來了。期間，發現枱底有不速之客⋯⋯餐廳要注意下啦。…Read More

今日上到十二半就落堂，見有咁多時間，就去左小魚滋味食lunch平時食晏都滿哂場咁濟，好好彩一去到就有四人位，唔洗等餐牌有勁多選擇，揀左好耐終於揀到我叫左個蜜汁雞排魚湯米線，雞排比想像中大塊，d蜜汁好多，甜度岩岩好，可能因為煎過，雞皮脆脆地，幾有口感魚湯米線魚味好足，但米線可以再淋少少，個人比較鐘意食軟身d既米線熱飲唔洗加錢，熱奶茶唔錯Poly學生證有九折，呢個餐係免加一，所以最後都係食左四十幾蚊咋！好抵…Read More

今次不是第一次吃小魚滋味的魚湯米線了，以前經常吃，很喜歡它的魚湯，很久沒吃，想著今天回味一下。怎料有點失望⋯⋯⋯我叫了蜜汁雞扒魚湯米線，喝一啖魚湯，很淡，沒什麼味道，只有少少甜味⋯⋯像溝了水似的。還記得以前的魚湯是很鮮味和濃郁的⋯⋯⋯雞扒算是脆皮的，雞肉也正常，但「蜜汁」竟然是快餐店鐵板餐的紅色燒汁味道⋯⋯⋯⋯ 最後因為太油膩吃了一半就沒再吃下去了。本身我真是鍾意吃這裡的米線的～廚房要努力做好些啊！加油！…Read More

去紅磡看演唱會，必要在開場前填飽肚子。選了這家，幸運地入座卡位，坐位闊落而舒適。叫了晚市套餐，店員貼心彈性幫我們把馬拉炒雜菜改成通菜。大多數上班族也這段時間入座，吃完準備看軒仔演唱會，所以上菜速度普通。通菜濃度適中，入口柔軟。滋味雞即豉油雞，雞味不重，肉質較鬆軟，醬汁入味。魚湯是我每次必點的菜，湯濃而不咸，菜膽熬成白湯魚香而不腥，魚肉偏滑，菜軟嫩可吃。甜酸生炒骨菠蘿甜中帶酸，醬汁濃郁，生炒骨肉質軟腍，入味。…Read More

Came here for lunch, and ordered a 魚腐魚湯米 and 泰式豬頸肉魚湯米. The food that came was completely plain, soup base diluted and just plain noodles, as expected. The sides came accordingly, but was at most subpar. Simple drinks like cold coffee and hot lemon tea tastes slightly weird. The 豬頸肉 is dry af, like biscuit level dry. I mean if you blindfolded me and gave me a bite I’d think you’ve gave me some odd crackers, no jokes. D R Y.Honestly, we got absolutely baited by the menu, just like their fishes.…Read More

小魚滋味真係超難食，冇諗過一般嘅上海菜，都可以用難食來形容。有位就坐低，已經見到張枱抹完都係好濕，啲餐具好污糟，自己抹完，都抺唔走啲污糟！！！換嗰啲新餐具，都係笠痴痴。兩大兩細，叫咗三個主食一個小食菜肉雲吞拉麵：以我嘅認知，粒雲吞，同灣仔碼頭，有九成半相似．．．差！楊州炒飯：叫得呢個，預咗差極有個譜，都係志在比啲小朋友食飽飯。冇諗過，咁普通嘅炒飯，都可以煮到咁差。叉燒有啲唔知咩味，可能擺左好耐。蜜汁雞扒菜飯：菜飯是正常的，不正常的是雞扒。有雪藏味，個汁超難食，一pat嘢，唔知想點。雞絲粉皮：諗住都穩陣啦，但芝麻醬少得過份，雞絲好鞋，粉皮好厚，只得青瓜可以接受。有圖有真相！！！各位，如果去睇演唱會之前，要搵嘢食，要諗諗，有冇其他更好選擇。…Read More

今日黎到紅磡食我既最愛下午茶之一，小魚滋味，冇記錯應該得返紅磡呢一間喇！之前無意中入去食過一次，之後就返唔到轉頭，每當有時間一定入黎食返個下午茶！我份人好專一，食開一個下午茶叫T13，雞扒魚湯米線跟雪糕。點解咁特別？ 食湯麵最緊要試真湯底，魚湯味濃厚，一定唔係味精！米線夠林，一啖魚湯一啖米線，好好味，其實有家既感覺！:)雞扒上面既汁係酸酸甜甜，好開胃呀！而且雞扒又厚，份量又多。最後再加個雪糕，每次既雪糕都唔同味，keep住每一次既驚喜價錢合理，位置又近火車站，其實真係好鐘意食而且我知道香港得返一間店，我希望小魚滋味可以陪住我度過每一個下午茶最愛下午茶之一推介：小魚滋味…Read More

食過好幾次都覺得佢個魚湯正。今次有8個人去，決定試晒午餐所有set😂😂裝潢紅彤彤的。兩點鐘來到的吉位超多。是日星期三。A 餐是肉排、豆腐和菜飯。菜飯啲菜少到呢....不過除了菜飯偏濕外，其實okay。賣相...算啦😂B餐是魚湯米線配蜜糖雞翼、炸蝦雲吞。這個沒有附送餐湯，因為餐湯就是魚湯。雲吞幾脆。雖然我食到蜜糖雞翼的蜜糖味，但和雞肉兩者的感覺非常不夾！是不入味定蜜糖絲過份甜膩呢？ 🤔超唔夾！始終都是魚湯最正。足料、味道鮮甜、食完沒有味精的感覺！食幾多次都覺得魚湯是必點！👍🏻C餐是乾炒牛河。食了一口。油膩就預左，不過我幾喜歡它味道不借太重咸味。（好奇為何餐牌沒D餐🤔）E餐這個肉餅、野菜雞球飯我真的接受不到個賣相😂這和茶記、員工食堂的頹飯有什麼分別？！ 雖然味道不是難食、醬汁落了不少玉米粉所以好滑，但我對這個餐真的挺失望。A、C和E餐令我評分好想俾OK，但魚湯麵卻是值得俾好評。都是那句，識揀一定揀魚湯米線！…Read More

果日為左等人。。又有少少餓。。 所以一家人係紅磡火車站附近睇下有咩食。。 叫左3個set。。 份量又唔算少。。 菜飯就真係普通左少少。。 雞就幾滑。。牛腩少少un。。但係好入味。。 唯一一舊蘿蔔好硬。。好似無煮過咁。。。。。。雞排個汁幾好味。。 有蜜糖味。。 又有茄汁。。酸酸甜甜幾開胃。。不過最好味就係個湯。。 如果淨係飲湯就濃味d。。我食米線。。 可能米線始終拖左少少水份入湯。。 所以淡左少少。。 不過都好正仲有野飲。。 雖然咁樣食有d奇怪。。不過杯咖啡幾好飲。。 一個set有米線。。有牛腩。。有菜。。有野飲。。真係算唔錯。。…Read More

今日lunch嚟咗係Poly附近嘅致富都會到食嘢，同學介紹呢間叫小魚滋味嘅餐廳，話呢度嘅set lunch好好味，其實平時都成日經過，不過就好留意佢有咩食，今日終於有機會黎試！！😆😆😆我就叫咗個餐係有魚湯米線、煎餃子三隻、同埋金菇肥牛嘅，除咗呢幾樣野之外，仲可以揀要熱飲、湯圓或者雪糕。呢度嘅餃子煎得幾香脆，而且魚湯米線嘅湯都好有鮮味，搞到我食完米線之後都忍唔住飲埋啲湯🤤🤤雪糕方面，呢度雪糕嘅味道係冇得揀嘅，所以唯有食今日限定嘅綠茶雪糕…Read More

Lunch 同friend 食飯，想食魚湯米線～～所以就去左小魚滋味度食～我地比lunch hour 早左少少去，所以唔洗點等位～星期一至五都有唔同既lunch set, 果日個魚湯米線就係配魚腐同鹵水雞翼。米線可以叫佢「多米線」架!!! 咁樣就唔驚唔飽～果魚湯好香魚味!!! 米線都好正!!!!! 唔會太軟或者太硬，配埋魚湯一齊食，一流!!!!!!鹵水雞翼 同埋魚腐，就咸左少少..... 不過都ok ah~Lunch set 可以揀唔飲野，轉Q果雪糕。果日係芋頭味～正!!!!…Read More

每日都有唔同lunch set 可以選擇 今日係星期四 有最好食嘅蜜糖雞翼😍 香脆嘅外皮加蜜糖口感 係高質😍😍 但魚餅就咸咗啲 🙈魚湯米線好正 唔多味精 👍 不過我最鍾意都係佢嘅飲品可以轉雪糕😋 想食雪糕就會想食小魚哈哈😆朋友就叫左另外嘅椒鹽肉排豆腐肉燥飯 夠飽 但賣相都吸引嘅😝poly 學生有優惠 就算唔係poly 學生都係$50加一就有lunch set 算抵食之選😝…Read More

一個餐有主菜有小食, 配飲品/甜品, 滿足貪心為食貓。價錢公道, 但唔可以日日食呢個價魚湯奶白, 鮮味濃陏, 飲完唔頸渴, 應該冇乜味精~米線都好滑, 亦冇過分發大。成碗米線就算唔跟餸都可以clear~雲吞細細粒但入面有2粒蝦仁, 胡椒味重, 比較濃味豬軟骨有成4-6嚿。醬汁味甜, 好濃。但食咗幾件就覺得幾漏...肉可以再稔啲, 而家較大件嘅肉會有啲韌。但軟骨就做得幾好, 入味之餘又能輕易咬斷~芒果雪糕。唔係咩靚牌子, 但天氣熱食雪糕係開心啲~…Read More

今晚和朋友到紅館看風雲劇場，順便到紅磡吃晚餐。朋友推介這家魚湯麵，七時多都不用等位，我們坐下時還有挺多空位的。由於我下午吃了不少小吃，所以並不餓，於是我們點了輕便些的湯麵。但我見其他進餐的人不少人點小菜吃。朋友點了牛根腩湯麵，而我則點了淨湯麵。原來牛根腩湯麵的牛根腩是另上的，變相我們有兩碗淨湯麵。魚湯是有明顯的魚腥味，不過湯並不濃郁，我認為不是特別出色。麵的質感倒是不錯，是擔擔麵，而且煮得不太軟，有咬口。湯麵的份量亦挺足夠的。另上的牛根腩可以保持醬汁的味道濃郁，是不錯的主意。腩肉算是比較林，味道就是一般牛腩的醬汁味啦。另外還附有前菜小食，誠意可加，不過味道同樣一般。整體來說，是一間不過不失的餐廳。價錢亦算親民。由於不用等位，倒是下次到紅館看秀吃晚飯的另一好選擇。下次可以試試它的小菜:)。…Read More