Little Farmer (Closed)

天氣開始轉涼，就開始想食火鍋燒烤，早前路過這家小農夫燒烤食屋，發現有自動串燒放題，今晚就來試試水準。餐廳在荃灣沙咀道球場隔離，地鐵站行只需大約10分鐘。晚市$218加一，不限時食到十一點，最啱三五知己慢慢邊食邊傾。餐廳內全部都是卡位，空間寬敞乾淨企理，裝潢清新光亮，因為用無煙電爐，所以食完亦不會好大陣味。不同的串燒存放在雪櫃，每種獨立盛載，亦有不同的前菜、甜品等。另外亦有時令海鮮，當中更有生蠔任燒任食，抵到爛。飲品櫃有多款飲品可以自取，亦有罐裝啤酒、清酒、梅酒任飲，另外自家製的竹蔗茅根味道一流，正好下下火。餐廳主打的自動轉轉串燒烤爐，中間火力夠猛用來燒肉類海鮮，兩邊火力較細可以用來慢燒蔬菜，而底下有燒烤網用來燒生蠔。餐桌上有不同的自家調配的醬汁和味粉，可以自行為串燒調味。每人送半邊龍蝦，真材實料用上真正龍蝦，味鮮爽甜，並非廉價的波士頓龍蝦可以比較，特別一提店家的蒜蓉牛油十分正，用來配撘不同的食材都十分適合。時令海鮮海鮮水準比坊間的放題高，尤其是任食的燒生蠔，隻隻肥美飽滿，加入蒜蓉牛油放在網上燒，淨食燒生蠔都回本。有不同的肉類，雞、豬、牛、羊都有，其中豬頸肉和半肥瘦羊肉特別推薦。串燒有預先輕輕調味，重口味的可以自行用桌上的調味料自製重慶串燒，沙嗲串燒等。亦有多種的蔬菜平衡一下，蕃茄仔十分新鮮，特別要提一下燒冬菇，加上浜燒汁和蒜蓉牛油慢燒，好吃到流淚。最後也有甜品作結，燒烤當然要有棉花糖，同樣慢燒到外脆內軟，十分滿足。…Read More

簡單的串燒，但慢慢燒慢慢食，係朋友或情侶不錯選擇，眼見食物雖不能說人間美味，但絕對係用心炮制，一家人小本經營，但可能因位置問題而無人問津，實不忍，唯有用自己小小文字，希望為它帶來生機選擇可說是應有盡有，丸子類都係靠多款色及質數來評價，可以俾個滿意佢，因為都係質數中上的冷凍食材，但不得不讚既係雞亦豬肉串等既味道，應該係自己調制過，真係佳作雖然我唔係好食小吃，但可以順便提提，佢有提供中華沙津，日本螺肉等小吃，可以話咁既價錢有咁既服務小朋友亦有照顧到，有雪糕及棉花糖，唔怕大人座得耐小朋友唔耐煩啦…Read More

昨晚同老公下班突然很想吃燒烤食物，就馬上係 Openrice 搜尋，因工作及住家地點都在葵涌，疫情期間想食飽飽後盡快回家，於是在搜尋結果揀選了這間小店試試並即時經網上訂座，進店老闆娘即熱情招待，環境尚算清潔，肉類及蔬果類食物新鮮、醃肉的味道不算咸亦不太多味精、款式種類亦可以，飲品類選擇亦不錯，惟獨甜點選擇太少及好像存放很久似的，我開了兩粒雪糕糯米糍想食，兩粒都雪到乾硬未能入口，另一款忌亷泡芙隨便用碟載著就放冰櫃內，我根本不能下手夾上我碟上喔！所以整體而言，如果是以正常 $238 的價錢再加一任食兩小時，絕對不值；由於現正值疫情期間經 Openrice 網上訂座打九折 (即免加一) ，我都不會再來的了。…Read More

阿姨服務好好，好有禮貌。調味料好多。食材不算一流，尚可接受，有如室內版「吉吉燒」。又有一人半隻芝士龍蝦送。汽水啤酒任飲，都幾抵！地點都算就腳，近路德圍同荃灣廣場附近。值得推介的小店！…Read More

上網見1930前離座168食2小時所以去左試，去到發現價錢轉左做218無限時，不過姐姐知我地係op訂1730所以都照比返優惠價我地，呢樣好nice。不過食物質素極差，种類又少又鹹，肉類牛得一種，味道仲要好差，豬有3種，雞都3種，燒汁極鹹，調味粉味道雖然多，但唔知係濕左定點，倒唔到岀黎，最後我地兩個食唔飽但都唔想再食就埋單走，埋單時先發現，原來價錢係188唔係168，仲要加一，一句講曬，呢餐飯唔值200蚊一個囉!…Read More

荃灣任食燒烤，香港比較少這類自動旋轉任食自助燒烤， 但早在年多前，灶君已在大陸見識過。今次體驗，有點兒港版老番大陸，因上次是一間連鎖食肆，規模、衛生及管理…等都比較專業，今次有點像家庭式經驗，全店兩三個阿姐加一個老闆。不過其中一位講廣東話不太標準的像老闆娘， 招呼態度亦很親切友善，給予人感覺不錯。串燒食品只有一個雪櫃，但整體數量算合格，質量除咗雞腎、雞翼、雞軟骨、台式香腸比較好，羊肉串，牛肉粒都比較難食，其他正常。《飲品 》沒有新派的放題，這麼多種類，但其實足夠你選擇，啤酒都畀埋你飲，雖然唔係傳統大品牌，但這個價錢算很不錯。另有梅酒、清酒都是任飲，可以一提，小農夫是用環保冰粒，好處冰塊不會融化，導致飲品稀釋沖淡，缺點當然怕清潔不乾淨。每位有半只龍蝦，放在爐內燒烤，另有蒜蓉醬配。這種燒烤法，唔會好似自己去BBQ咁, 會燒到一邊熟到燶，一邊生到凍唔熟，而且非常均勻，未試過又喜歡燒烤的朋友，值得來體驗下。另有三款醬汁及多款調味粉，以供選擇，不過調味粉有啲濕濕地，唔係咁易可以倒到上面。《甜品》雪米糍有點伏，要食甜品，倒不如跟佢份表60度，烤棉花糖2分鐘，效果非常好。PS. 其中一隻雞翼好多毛，我估係個別事件，都抆咗一輪毛先有得食。另外醬汁及調味粉都勁重味，所以唔好落太多，唔係好易喊死。食物賣相＝(滿分20) 14食物味道＝(滿分20) 13服務質素＝(滿分20) 15裝修整潔＝(滿分20) 12性價比率＝(滿分10) 7回頭指數＝(滿分10) 8 （個人都幾喜歡吃燒烤）Total：69分…Read More

以前一點也沒有留意呢間，有次路過姨姨話有外賣燒烤，今晚終於試！真係有驚喜啊好好味道！住附近的人真係可以試下！姨姨仲有推介煎餃子，都幾好味平靚正，宵夜一流真的好滿足！…Read More

絕對有下次，今日book左7:30 早左半個鐘入場，店員（阿姐）態度值得一讚，教你點燒 點食 幫你燒埋龍蝦，場內既食物都好入味（可以唔洗點落醬）有冷盤 有刺身 ，將食物（串燒）放上個爐自己轉 等幾分鐘就食得，火力夠猛，唔好靠咁近個爐 如果唔係就會塊面變成乳豬bb🤣。我對食物無咩太高要求，場內既串燒都是新鮮的食唔出有雪凍味，同埋職員服務周到，最緊要食得舒服！ 甜品 有十款左右 野飲 十款左右！價錢親民、扣埋9折 無加一服務費，但職員做到加二既服務！…Read More

2020.02.08晚上消費，一行十多人一至通過平論(不外如是)，😅此食店完全不會做生意的，食品只得十多樣品質一般😅，比起要用二百三十多元仲要加一的收費完全不合此價格，至於店舖服務就好一般了😤，食用時間得兩小時是不夠的😑，因為燒烤電爐實在太漫了，完全不能食飽呢🤬！可是店舖人員就趕客離場😤😤😤，問題是店舖場內連一半的客人都沒有呢！結果我們這一行人只好去了隔離行食糖水填肚了所以我們不會再去此店消費的了。:(…Read More

原本諗住佢有海鮮拼盤送，所以就試一試佢，點知原來要4人以上先有得送大家唔好睇錯呀我book既時間係7:30諗住食飯時間應該都會有好多人點知一去到，竟然無咩人連埋我地個枱都係得4枱人有點意外一坐低店員就介紹係點燒法係邊到拎野食拎野飲，燒完可以落啲咩，非常細心任食時間為2小時，但我地一放啲肉落去睇下要燒幾耐既時間表，原來都要燒成15分鐘，跟住我地一心諗住唔夠時間食，但2個人黎講係非常夠時間既整體黎講啲野食不過不失，算係唔錯2人入坐都有每人送半邊龍蝦，如果可以送多啲海鮮，我就會覺得好值啦…Read More

個晚路經咁岩見到有一間串燒放題, 就諗住入去試下啦我同男朋友兩個人第一次食呢種自轉式既串燒, 自己唔洗郁手好方便 !聽到價錢都算合理, 就決定WALK IN試下啦! 唔洗等即刻有位 !入面環境都幾寧靜, 但裝修設備就感覺有D舊咁食物選擇唔多, 只有肉類同疏菜類別等, 味道都還可以反而各種調味粉同醬料選擇都算多 !但略嫌冷氣同抽風唔多夠, 因為爐好熱, 所以感覺會有點焗促...飲品選擇方面都可以接受, 但無熱飲提供整體環境算係OK, 可以接受~~4人或以上會有海鮮贈送…Read More

係未轉做串燒之前有食過，食物質素都唔錯但位置關係成日唔記得有lee間餐廳今日天氣凍想食燒烤，係OpenRice search 見到餐廳轉左做串燒，決定一試入到去環境冇乜大變，係枱加左個串燒爐野食野飲全自助店員有詳細説明食品位置，之後幫我地開好爐就燒得肉類齊豬牛雞，配料類都有唔少蔬菜意外地鮮甜，食到最後幾輪都係燒蔬菜送的龍蝦細細隻，但都幾厚肉加埋蒜蓉勁惹味肉類有稍微醃過，味道適中唔夠味仲有汁同調味料可以加牛肉粒同豬頸肉好食！前菜飲品櫃有蒜蓉包拎！記得燒，好食！食物大小切割適中，燒起尼好均勻又方便食用本身燒第一輪見有d慢，擔心2個鐘燒唔切結果我燒左1個鐘就食到飽左個爐勁夠熱！燒完第一輪之後就加速2倍咁甜點選擇唔多得雪米糍、泡芙同糖水大推糖水！好多豆！又勁腍！好食！飲品有汽水，紙包茶同啤酒，種類唔算多結論：食物飲品唔算選擇好多，但係每樣都啱食同好食食材又新鮮，坐得都舒服用OpenRice 優惠，埋單每人222真係幾抵…Read More

約左班同事一齊去食好野冇令我哋失望，又好食又好玩。原來醬汁係餐廳自己調味嘅，個汁煮嘢食一流！真係好好味。仲有得燒龍蝦，蠔，魚！最正係佢嘅牛丸，食過咁多款呢間夠特別咬落去會有肉汁出黎!任飮梅酒，清酒，汽水，烏龍茶等等有餐前小食，雲耳，食左好多碟😂串燒有夠多款。推介魷魚，台灣腸仔，燒賣，枝豆。加埋特制汁燒好好食😋環境都算乾淨，地方就唔算太大但都唔會話好迫，5會痴住隔離張枱廁所乾淨，員工有禮貌下次會再去食！…Read More

食物質素唔錯！都算多款式，肉啦，雞翼啦，蔬菜啦，仲有棉花糖，超正！雞腎我重點食，因為太好味！但芝士腸要小心，會爆醬，唔小心會比d滾芝士彈傷。枱上面幾種醬料可以揀，牆上都有晒指示食物燒既時間同建議落咩醬汁，不過食物本身都夠味，落唔落都ok! 除左主食材仲有沙律，糖水，雪米慈，仲好多野飲可以揀。有架車仔分晒類放廚餘，鐵枝，廢物等，幾好！用餐飲券仲抵好多添，2人送每人半隻龍蝦，有手掌咁大架！正！只係串燒盤d鐵枝與鐵枝距離埋得濟，一轉可能只落到10鬆枝，所以2個鐘都係好夠時間XD 鋪頭招呼好好呀！真係溫馨小店，有機會4人去，想試下個海鮮車。…Read More

同朋友黎做節，平平地揀左呢間食懶人燒烤😛。初時以為係普通野食，但一試發覺食材係經常精心挑選，和牛牛丸超好食！！由於唔食牛，大訓份都係揀豬肉燒，比我想像好食，肉質好嫩滑，就算唔加醬汁都已經好夠味，黑毛豬腩肉串燒完之後迫哂d油出黎，所以食落一d都唔肥👍🏻另外加$15有得任飲生啤，不過我地冇加到，試飲左梅酒，好好飲，易入口好岩女仔飲。另外每4位有一份海鮮併盤，職員都好殷勤幫手燒。老細亦走黎教點樣燒好食唯一唔好既係坐位比較近個爐，初初燒會覺得有d熱。…Read More