Little Farmer (Closed)

lunch 2小時其實夠時間食的，個爐好快熱，好快要休息暫停個爐，要早啲開聲開多部冷氣，今日午市只有2枱，原先只有1部冷氣開熱死，lunch是沒有海鮮，睇完食評心裏預左一般會好啲，衛生情況一般(玻璃杯好污糟)，百幾蚊OK啦，lunch都開心，埋單比加一要即走，問食埋枱面都會比鬧，埋單唔走會另收费，服務一般, 其實只要她講多聲或埋單時叫5分鐘內要走解釋多些會多些回頭客。…Read More

第一次去串燒BBQ放題。星期五晚上$260到一位。満心奇待食嘢。點知原來真係唔好食和感受到肉類不是太新鮮嘅。至少雪左幾天才換。食得出！另外我從來未試過去燒嘢食，店家嘅調味食物係唔好食。可以講得只限一次，不會再去多次了🤦‍♀️店家服務態度好的，可惜嘅食物質素太差。連雞翼都可以係難食🧐第一次有咁嘅經歷😅早知相信食評就唔使去試.改食火鍋好過了🙋🏻‍♀️唯一好飲嘅係竹庶水呢個係自家煲一個賣點。不是太甜，不過食BBQ串燒就好失望了。…Read More

認同3月21號h cx y同2月18號alice c y m嘅劣評, 簡直係荃灣劣店, 今晚第一次試，因為見到門口廣告同埋open rice啲相, 諗住入去試試, 誰不知中伏。一入到去，只有一個店員，店舖黑暗污糟，食物選擇超少, 盛器發霉，三文魚甩色隻碟有橙色🤮，蒜蓉醬存放太耐變綠色,食物不新鮮，飯煲內只有很小飯, 仲要又硬又黃,  同舊年open rice啲相係兩回事，千祈唔好再去，中伏🤮, 有一個客人本來book咗枱, 入嚟見到環境即刻掉頭走咗 (佢醒目)最重要係夠鐘唔提你，你賣單離座遲一秒鐘即刻屈你額外加鐘費用。今晚只有三枱客，全是新客，講真點會有回頭客，番嚟寫負評係因為唔想再有人中伏！！！唔信嘅自己入舖頭望一望咩環🤮🤮🤮，食物質素係點樣先決定係咪幫襯。…Read More

買了openrice的優惠券，於是係星期四的中午去試食。約2點左右到達，場內人數不多，卡位坐得舒服，可能人唔多，空間感幾好，場地都乾淨整潔。野食方面，主要係食串燒，估計有10幾至20款串燒選擇。串燒主要肉類為主，仲有少少菜類。肉類都係大眾雞牛羊，如果你要貴價野就沒有，不過肉類個質素幾好，每樣都好食。飲品都算多元化，好正常。午餐折實百幾蚊一個人，任食，我覺得幾好，出去食個意粉閒閒地都80,90蚊，呢間小店係值得支持…Read More

服務態度非常差！！未坐低前態度好好！！坐低後問多兩句唔理走咗去！食物差！選擇小！醬汁差，所有食物質素都唔好！食用時間得兩小時！燒烤電爐太慢，完全食唔飽！未夠鐘店舖人員開始趕客！非常不滿這間店舖！請不要幫襯！…Read More

入去只有加埋我地共兩枱客，安排了轉鏈壞掉一邊的給我們，食物飲品選擇少，醬汁不好吃，旁邊收簽的櫃桶車也是我自己從另一張枱搬過嚟的！我孩子10歲度高也未夠也硬説要收成人價，不停説咁大個要收要收...説食材來貨好貴...一邊吃一邊講😫不想掃興，無謂拗..所以幾十蚊比佢，這樣不誠實，難怪沒客人光顧，很差的一次用餐體驗、中伏了！😫😫…Read More

一間充滿家庭餐廳感覺的任食燒烤食店充滿著家庭手作的感覺，無論飲品，小食，甚至烤肉或海鮮而且有質素兼價格相宜，絕對值得推薦給各位去試一試＜竹蔗水＞店鋪自家煲的，跟那些紙包裝的完全不同，令我整晚都是在飲這個竹蔗水而放棄了飲汽水＜蒜蓉開邊龍蝦>每人會送半隻開邊龍蝦，而且會細心教你幾時要放蒜蓉落去燒＜前菜＞比很多連鎖放題店還要好，那些螺肉不會有冰碎，調味亦恰到好處是未有燒烤可以食之前，可以先開一開胃＜各式肉串，海鮮串，蔬果串＞新鮮，美味，絕對超值…Read More

天氣開始轉涼，火鍋燒烤既大餐又準備開動，身為荃灣又知道有新開燒烤串燒屋梗係要來試一試呢到除左串燒全部任食之外，好多小食例如中華海草、麻辣豬耳等等都有免費提供，飲品同甜品都好多選擇除左一般飲品之外，餐廳仲提供好多自家製飲品例如竹蔗茅根喺其他地方從來未試過自動燒烤爐，把一串串串燒放上爐既運輸帶上，就會不斷自動翻轉，咁樣除左唔使自己整之外，食物都會熱得均勻d本身串燒選擇已經好多，原來餐廳仲有海鮮🦞燒青口、魷魚、蝦等等，為左確保海鮮燒得正確餐廳亦有教學指南🤣蒜蓉龍蝦尾呢個真係好有驚喜，龍蝦肉本身彈牙配合燒到溶晒嘅蒜蓉同埋牛油燒13分鐘剛剛好熱辣辣食得🤣…Read More

踏入11月天氣開始有啲涼涼地，除左打邊爐外，其實串燒燒烤都唔錯選擇，今日就同朋友來荃灣食[小農夫燒烤店]食下串燒呢間小店似係家庭式經營，講到最特別一定係自轉串燒爐，將串燒放入去就自動燒，勁方便，而且串燒種類都好多，加上每枱到有醬料比客人自助調配，呢個服務真係幾貼心，而在每枱都有寫明每款串燒所燒時間，咁就唔會搞到啲串燒燒過籠啦…………呢到除左有汽水等飲品之外，重有老闆娘親手煲的竹蓆芧根水，可以清熱解毒，啱晒食完串燒後飲串燒肉櫃在汽水櫃隔離重有自助清酒及梅酒而每枱都會送龍蝦甜品🍮櫃…Read More

聽朋友説這間不錯，便下午來吃一次果然食物款式多，由蒜蓉包到鴨胸牛肉到棉花糖都有。調味料齊全，可按自己口味調味最正係有自家製竹蔗茅根水，健康又清新。座位也舒服好坐，讚！…Read More

今日和朋友黎到荃灣行街街之後，當然係又到搵野食時間，見到呢間 “小農夫燒烤食屋”， 正好有燒烤意欲😅😅，$218 食串串燒放題，包食包酒水及包吹水，正👍🏻餐廳內部裝修簡潔企埋，抽氣做得好好，全店沒有燒烤味，而且每餐桌上安裝了自動燒烤機，可以隨意放上串串燒，按照餐牌上的燒烤時間，就會自動燒出各項美味嘅美食。女店員送上龍蝦及鮑魚.. 海鮮定食，之後介紹我們可隨意到美食區挑選不同的串燒、甜品、小食和各類飲品。我和朋友爭取時間，各自搵食先，我在飲品區看到有梅酒、清酒、啤酒和其他汽水，我朋友就最了很多不同的串燒！餐廳不但提供了一些燒烤醬汁，餐桌上更發現有唔同的調味粉，提高及帶出各肉颣味道！😋😋食得過癮，飲得盡興，傾得開心🥳最後當然要是真店之寶自家製竹蔗水，清熱解毒😘😘…Read More

日式放題、韓式燒烤放題、火鍋任食頗頗佳是，今日同好朋友慶生，我就找來自轉無煙串燒放題，朋友都大贊有新意又好味。😂這家小農夫燒烤食屋就在荃灣滿樂大廈，門口正正就是巴士站非常方便，甫進內門口位靚姐姐笑容可親來歡迎我們帶我們到內坐下來，然後逐一介紹燒烤程序同燒烤時間，避免燒過熟，還推介這裡的竹蓆茅根真材實料是由她親手煲的，冰冰涼涼解渴清熱降溫。👍我們先來一壺梅酒開一開味蕾，再來一壺清酒決定不醉無歸。前者比較甜有梅香味，後者易入喉濃度較低。來個前菜麻辣豬耳同中華海草先😋四人送海鮮架，嘩😍😍😍😍正啊！有龍蝦啊！我們四個都一致大贊好好味！經輕輕燒烤過肉香彈牙仲好鮮甜，跟住我們燒鮑魚加點靚姐姐秘製蒜茸，香烤後味道昇華，軟熟彈牙口感一流，另外仲有元貝、青口同生蠔都屬新鮮肥美，最後隆重介紹火炙鰻魚燒到金黃色，魚油脂香氣四溢，口感香軟又肥美至今都好回味！👏🍢燒雞翼我至鍾意食，仲有不得了的午餐肉粒，慢慢烤至金黃外脆內軟兼香口，真係停不了口。🍢食完海鮮燒串燒，串燒選擇都十分多樣化，有牛柳、豬頸肉、雞軟骨醃製醬料各有不同味道，我非常欣賞豬頸肉香辣入味口感爽稔，牛柳串肉質鬆軟不韌，牛肉丸有牛味仲爆牛肉汁添🤣🤣，台灣香腸我喜歡味道，大大條有咬口，加上甜甜哋口感不錯。🍢 燒完肉類係時候到蔬菜喇！脆肉瓜頂瓜瓜比我烤得肉嫩汁豐，菠蘿更是燒烤中極品，經燒烤過菠蘿🍍更加香甜可口，粟米如果有牛油就更加好喇！時間好快就過，我們都飲醉食飽，就連最鍾意食雪糕糯米糍的華哥哥都話放棄了，呢個時候靚女姐姐走黎結帳了！她叫我們下次係 OpenRice 訂位喇！有折扣㗎！我們都說：後會有期，一定再嚟！😋😋…Read More

家庭式餐廳十分寬敞食物亦都有好多選擇嘅小農夫，因為係放題任食關係，所以食物選擇多最緊要。前菜有豬耳、雲耳、中華沙律、螺肉等等，串燒無論豬、牛、羊、雞串都有好多唔同嘅選擇，例如豬柳、雞翼、牛柳粒、香腸、芝士腸、台灣香腸等等都有，蔬果類亦都有好多，例如日式蕃薯、蕃茄、菠蘿、秋葵等等有，海鮮類有蝦、扇貝、秋刀魚、 吊片、魷魚鬚，龍蝦亦都有一人半隻。而且佢會有指示教唔同嘅串燒嘅燒嘅時間要幾長，同埋點唔同特製嘅醬汁食，會帶出唔同嘅鮮味。各式汽水飲品任飲。 而且亦都有甜品選擇，例如燒棉花糖、泡芙、雪米糍等等。總括嚟講，食物選擇極多而且又方便，放喺度就會自動燒，一陣拎出嚟就食得，係另一種體驗我好鍾意。…Read More

同丫哥食飯，兩個都無所謂的後生仔就去試一試個燒烤放題。係荃灣廣場對岀大馬路地鋪有燒烤放題。可能不在廣場入面，所以人流較少。在抗疫其間，人流少都好，減少風險。更使環境乾淨舒適。燒烤種類都還可以，有秘製雞翼，辣辣地，幾好食。又有海鮮龍蝦送。加些香蒜，除去海腥味，正！有蠔，青口，大大隻海蝦，都任食。除咗海鮮，仲有牛柳粒，雞肉串。全部擺上烤爐，等佢慢慢烤熟。飲住餐廳自家製的冰涼竹蓆茅根，不錯！差點飲上癮。…Read More

閒日放工和朋友經過荃灣沙咀街，見到一間以串燒和燒海鮮作為賣點的小店，當然要去支持一下，食落至知 - 有驚喜！先講食物，呢間小店可以用「麻雀雖小 五臟俱全」黎形容。肉類方面，豬牛羊雞，每樣都有，仲唔話得嘅係，一串一串嘅肉類絕對係經過挑選而且有心思嘅排列，以羊肉串燒為例，羊肉同脂肪嘅比例就係剛剛好，羊脂太少就不會香口，太多又會導致臊味太重，小農夫便在這方便做到剛剛好。 羊肉串燒以外，不能不提嘅就係雞軟骨，除軟骨部分外，仲會附帶上適量的周邊組織，從而提升整體嘅口感。除左肉類串燒，另一賣點就是海鮮。 小農夫提供無限量嘅海蝦、生蠔、青口、鮮魷魚、八爪魚、多春魚等等，仲有重中之重嘅龍蝦，對於鐘意食海鮮嘅我們絕對係天堂。食物以外，燒烤爐亦係小見嘅自動旋轉式烤爐，岩晒我們這種懶人，省去了幫串燒翻身嘅工作，令我們可以更專心地進食。 調味料方面，更有三種燒烤醬汁和六種味粉，組合之多，可以令你每啖都係唔同嘅味道。有人可能怕自己動手，食物會唔熟或者過熟，但呢方面嘅貪心原來係多餘，老闆好有心思地將各種食物的燒烤時間都一一列出，站係客人角度解決晒所有煩惱。試問咁嘅食店，點可以大大力咁比LIKE 呢！…Read More