上次食過2人餐又抵食，份量十足，今日同埋屋企人又黎，係食3人餐。泰式香茅豬扒煎蛋飯呢個醬汁唔係預期內既香茅豬扒味，係特別嘅風味，不過有啲咸。越式海鮮春卷包生菜米網外皮炸到香脆，生菜的清新爽脆，搭配各種餡料，層次豐富。冬蔭公豬扒湯河粉呢個湯底有啲辣，唔食得辣唔好叫啊，食得辣嘅就一定要叫，湯底勁濃郁，酸辣開胃，係我今餐最中意～香茅豬扒入晒味，濃郁香料味，香茅嘅獨特香氣，河粉吸飽咗冬蔭公湯底濃郁嘅滋味，好出色。泰式鮮蝦餅蝦肉鮮嫩Q彈，緊實彈牙，再蘸上搭配嘅泰式甜辣醬，酸酸甜甜，瞬間令蝦餅嘅味道昇華咗。青咖喱雞扒飯青辣椒替代了乾紅辣椒，口感酸辣甜清香，是咖喱界小清新。雞肉嫩滑同青咖喱濃郁嘅味道完美結合，每一啖都充滿了東南亞的風情～青咖喱醬汁撈飯食簡直得絕配。泰式火山排骨造型超吸睛，排骨堆成小山狀，似火山一樣，肉質鮮嫩多汁，輕輕一嗦，骨肉分離。靈魂在於獨特嘅青色泰式酸辣醬汁融合左檸檬嘅清新酸再加上魚露鮮味，味道過癮。…Read More
