Siu Yung Noodles

住左附近咁耐，成日話食，今次終於的起心肝去食，叫左3個麵1個小食。1.炸水餃如圖所示隻餃空洞到1個點，$10/1隻會唔會有點兒那個呢？！鳳城水餃喎！！！連基本既荀絲都冇…😔2.豬手撈粗豬手夠淋夠色但唔夠味，完全係食唔到南乳味，唔覺同南乳有關係，倒不如叫豉油豬手更為恰當，粗麵過淋，失去左粗麵應有口感！！！3.墨丸拼雲吞麵墨丸泡而不香，雲吞細細粒囉，鳳尾雲吞咁樣，喺超市買包東東雲吞皇好食過佢，麵底依然過淋！！！4.牛腩河的式形牛腩，一夾就碎，牛腩鞋口！！！以事論事，我都唔想係咁彈，而成餐唯一既優勝點係麵食價錢！！！其他真係諗唔到😅…Read More

3月22日揾食肥華和靚媽在大坑東，做完晨運途經此麵店門前，肥華特然想食碗雲吞麵，就同靚媽光顧咗呢間，裝修及枱椅都比一般傳統雲吞麵舖高雅及企理嘅麵店，肥華心諗咁嘅格局此店一碗雲吞麵最少都要俾$42至食到，但當肥華睇過此店菜單，原來雲吞麵及多款粉麵都喺$34起錶價咁嘅平民價錢真喺令到 肥華及靚媽都有驚喜。而今日肥華食到嘅，雲吞麵及水餃麵質素絕對對得住顧客付出個$34價錢，加上此店環境呢兩碗麵食，話佢，平，靚，正，亦不為過以今日嘅水準，肥華必會再來光顧。⭐️⭐️⭐️⭐️⭐️👍🏻👍🏻👍🏻👍🏻👍🏻…Read More

經過太子揾食，見到一間用心裝修過既粉麵店，心諗遊客區裝修咁靚一定係高價魚蛋粉/牛腩麵，比遊客打卡既店舖喇～點知睇左個餐牌，經濟實惠喎，即刻衝入去試吓😋招牌係手工鮮蝦雲吞同家傳牛腩，我地叫咗一碗雲吞魚角麵，但驚雲吞太少，所以叫多一碗淨雲吞(5-6粒），五香牛筋撈麵同一碟菜心～果然係招牌👍🏻雲吞爽口，彈牙材料新鮮，雖然雙拼得兩粒雲吞，但呢個價錢冇異議😌牛筋撈麵都好食，唔會太鹹，牛筋夠淋👍🏻佛心價錢，值得再試❤️唯一不便，只收現金…Read More

今天經過太子，所以在附近找了一家麵店-小蓉麵家。第一次過來吃，想說吃這種麵最適合一個人，雲吞麵在市場上實在有好多競爭 ，比較喜歡小店裏面有比較古色古香 ，感覺係招呼街坊為主，顯得也清靜一點。我只點一個雲吞麵。我習慣都係麵點紅醋吃，😍面也算爽口彈牙。鹼水味不太重。 湯底清甜。大地魚味香。雲吞也足料有四粒，好險有四顆可以吃，未至於好上等好好食，街坊面店滿足口味也不錯,可是位子實在是非常擁擠，假如人多的話就不適合。…Read More

餐廳位置較偏僻，喺條橫街要花啲時間搵，而且出面路面做緊工程，所以都會有少少嘈，但食物質素唔錯。差唔多每個禮拜都食一次，每次都係叫雲吞麪($37)，或者雲吞牛筋麵($44)🍜，因為雲吞同啲麵都好爽，而且份量都係食得飽， 呢個價錢喺太子嚟講算系實惠👍，以前仲有醃蘿蔔，不過而家冇咗嚕🫣，記得要12點9前入座，否則要排隊等位🤫個南乳豬手麵($34)都唔錯，好入味，好濃， 但係食嘅時候就冇咁方便，要少人啲先食，費事同台望住有啲尷尬🤭😝介紹過俾隔離部門嘅同事之後，佢哋成日拉隊落去食，變咗佢哋飯堂， 我反而冇咗個地方打躉:(提提大家記住要自己帶紙巾去廁所，因為店家話佢哋無供應要自己戴。 呢個要留意啦，唔係去洗手間嘅時候就急起上嚟就好麻煩…Read More