Beefy HotPot (Closed)

小肥牛開咗咁多年我都冇試過幫襯，唔係班靚女話要去灣仔飲酒都唔會有機會嚟呢度邊邊，坦白講好驚喜，完全唔知道原來小肥牛係咁樣嘅！花甲鍋 - 花甲肥美嘅程度令到我大笑出嚟，真係好耐冇食過咁靚嘅花甲，雖然湯底清清地冇乜味，但係有呢份花格真係乜都夠晒數，誇張到我即刻叫店員留多一份花甲俾我牛 - 好食好食好好食，牛味真係好濃郁，有趙口，價錢亦都真係唔算貴，質素真係上乘！其他配料都好大大分，魚皮同響鈴都炸得好好，冇乜野可以挑剔！事實上我唔知道原來小肥牛係走呢種平民冇裝修格局，睇返佢嘅價錢真係比起平時打開嗰幾間更加平，所以覺得佢好抵食！…Read More

之前都有嚟水肥牛打邊爐, 平時已經覺得好食. 今次嚟到見到$98/位優惠嘅沙灘珍珠鍋(唔知幾時完), 有飽魚/龍蝦/元貝/沙蜆/海螺/八爪魚等等, 仲包埋湯底, 似泡菜味, 全部海鮮都好鮮甜, 最正係八爪魚夠晒爽口, 仲包埋一份烏冬, 如果細食嘅人基本上已經夠晒飽, 抵食!! 如果硬係要講缺點就係辣嘅湯底遮蓋咗少少海鮮嘅原味當然我地一行人就梗係唔夠飽啦, 仲叫咗其他火鍋料, 到咗火鍋料, 反而辣嘅湯底就襯到絕喇!! 加上侍應們都好有禮貌, 會繼續幫襯…Read More

If you enjoy both steam seafood and ordinary hot pot, here is a good choice.Reasonable and staffs are good care for steam seafood even in Cantonese.…Read More

一早book左3位，點知去到俾張2人台，咁都不特止，仲要夾硬放多張台，但個爐偏埋一邊，咁叫個客點打邊爐😡😡。問佢有冇可拎的爐放中間，但佢話冇。咁我問佢幾時有位可以調，佢就話冇人埋單。問題在於我準時到，而且book左3位，但竟然冇台俾我地，但見其他卡位（可坐4人的位）只有2個人坐😡😡我同個高既男職員反映，佢d態度同眼神勁差！明明佢地安排唔妥當，但一d歉意都冇！！！！如果我冇book台咁安排我都冇咁嬲！但book左台，受到咁既安排而d態度又差又冇歉意，我條氣真係好唔順！…Read More

今日十月ㄧ國慶,同朋友順道慶埋生再加睇煙花,我哋4大2小正苦惱到處都係人既紅假再加上係食飯時間。。又要方便睇煙花所以選定喺灣仔揾食!!即刻上open rice睇睇有乜選擇。。結果我哋選咗小肥牛火鍋大排檔,4大2小叫咗$248位(4歲以下小童不收費)既龍蝦海鮮蒸鍋任食2.5小時既餐,上到枱先來ㄧ大碟肥牛黑毛豬拼盤,之後就到主菜蒸龍蝦,海蝦,元貝,大蜆,花甲,魚,鮑魚...大約8款。。D海鮮非常新鮮。。龍蝦彈囗都算大隻多肉,最驚喜係佢哋送既生蠔都絶不差。。活生生好新鮮雖然比較細隻。。呢餐國慶生日飯大人小朋友都食得好滿足!!…Read More

My friend really craved for hotpot so here we come! There is a pork set (comes with 10 veggies/ mushroom choices) that costs around $178, plus the soup base that's $68, we figure it will be a pretty good set to share between the two of us.Tomato soup hotpot is the best :) sweet and sour goes well with the fatty porkThe pork is really too fat lol... but the other 10 ingredients have just the right portion! When you eat hot pot, you always want all kind of food, but not too much, so this set is perfect!…Read More

同行八人打邊爐，可以openrice預約最方便。枱比較細但都算坐得舒服，櫈底有個箱比你放袋。雖然我地叫個餐有得蒸海鮮，但係我地都係鍾意打邊爐亦無問題。海鮮非常新鮮好味，牛肉亦唔錯。其他配菜同嘢飲任叫任食（不包啤酒），食得又飽又開心!…Read More

同事介紹左公司對面小肥牛做緊個$198 promotion, 聽講有生蠔、龍蝦刺身、海膽食，聽到我流曬口水，今日收工終於約到時間一起品嚐啦。我地一行三人，可以選三款頭盤...生蠔其實好適合我，我本身鍾意食咸，同事喜歡食creamy 就覺得普通。海膽有兩種顔色，鮮豔啲果隻係細粒啲，有少少腥，淡色果隻鮮味重啲。龍蝦刺身 黎到個頭仲係到郁郁下。。應該係好新鮮嘅，不過食落係無乜味，可能係本身小龍蝦嘅肉就唔太鮮甜🤔另外仲有一啲自選嘅打邊爐料，啲丸好好，唔係果啲會發到勁大粒嘅丸，蝦丸好重料，蝦味好濃👍🏻仲有蔬菜任點，其實真係好夠飽！再叫左一渣竹蓆茅根，盛為一人 $245, 哩個價錢黎講覺得非常抵呀！…Read More

灣仔小肥牛之前呢度都已經做咗好耐打邊爐，之後裝修完好似冇人知道開返，新裝修完好乾淨又有卡位。母親節時揀咗黎呢度食，而家先得閑寫返。原本想食九層塔，但係嗰個係四人餐，同埋個內容唔係全部自己想食嘅，所以最後都係自己選自己揀。不過呢度唔好嘅係一定要揀個湯底做底，唔可以淨係齋蒸氣，所以局住要嘥錢嗌個鷄湯底。配料好多，呢個都好重要，雖然最後啲海鮮都好鮮甜，唔使點落配料。侍應戴眼鏡短頭髮嘅好似叫Eva好好介紹就哂我媽咪個選擇，介紹得黎唔hardsell唔pushy好友善，全部海鮮幫我地set好時間，下仲幫我地拆埋開邊，服務一流。龍蝦，鮑魚，花甲，海蝦等等，全保好新鮮鮮甜！！完全唔需要任何配料已經可以鮮甜無比，彷彿海鮮係即捕即食感覺一樣，一啲都冇誇張，仲啖啖肉！！ 花甲仲encore左三次。另外仲有叫咗肥牛，雪花好靚～ 蜂巢豆腐同枝竹配湯底，個鷄食唔晒拎走。呢度卡位坐得舒服，冇時間壓力，下次約朋友打邊爐，呢度係首選。…Read More

小肥牛有好幾間分店，唯獨灣仔呢一間令我回頭又回頭，員工態度親切，食物質素高，今次新推出的$198任食套餐亦無令小妹失望🥇打邊爐除咗最緊要個湯底同個爐之外，頭盤也很重要，好嗎？今次食評主要講頭盤。頭盤刺身我哋三個人可以四選三，生蠔係我哋嘅首選，10隻蠔都係新鮮同埋有海水味，唔係桶蠔扮生蠔架，肉質夠creamy，員工表示每星期返嘅貨都唔同國家，下次再幫襯唔知會唔會再好食啲呢？另外我哋仲點咗拖羅同海膽，拖羅有些少筋，不過都好好油花；海膽就要讚👍一啲都唔霉，鮮味得好緊要。其實淨係食個頭盤已經飽咗一半嚕❤有油花嘅拖羅你睇啲海膽多到套餐包嘅安格斯牛同整本地手切牛肉肉質都好鮮嫩，一啲都唔嚡唔un。而其他任食嘅食品都係新鮮嘅，期待下再來光顧囉…Read More

今天晚上，我和男友+朋友一行5人去這間餐廳吃晚餐。我們叫了極上滋味套餐，包括生蠔，海膽，拖羅，龍蝦刺身，黑毛豬，安格斯肥牛等。首先說說餐廳收費方面，套餐$198，醬油每人$18，小食5個人總共$15，我完全不明白為什麼醬油可以這麼貴，5人總共$90，完全不值得！個人認為一枱人$18便合理一點。而且，套餐竟然不包括飲品，要另外自費，十分昂貴！食物方面，這間餐廳其實主打刺身，大部分食物都很新鮮。反而火鍋配料很普通，其實不應該叫火鍋店，如果想吃火鍋的朋友，應該比較失望，例如我-_- ……好了，現在說說刺身的味道…龍蝦刺身方面，龍蝦十分新鮮，味道十分鮮甜，不過不吃刺身的我，將龍蝦肉放在火鍋內滾一滾 (不要說我浪費食材-_-)，熟透的龍蝦肉，味道一樣鮮甜，而且十分彈牙，十分美味！海膽青瓜方面，海膽份量十分多，而且都算新鮮，本人吃了一點點，味道咸咸的，不過我男友說這些海膽是一些十分便宜和普通的海膽，味道一般。法國生蠔方面，我朋友和男友都說生蠔太細隻了，但十分新鮮，不會太腥，味道不錯。其實我想將生蠔放在火鍋中滾一滾來吃，可惜當我諗到這個想法時，生蠔已經比人吃完了，Sad藍鰭大拖羅方面，這個味道便一般了，拖羅太多根，十分難咬開，我朋友說在日本吃的拖羅，是入口即溶…而且這個拖羅好像剛從冰箱拿出來，還未溶雪，味道不佳。說完刺身，我們便說說肉類吧，其實肉類真的十分少，黑毛豬，肥牛每人只分到1-3塊而已，完全不夠喉啊！安格斯肥牛方面，肥牛是典型的雪花肥牛，肥瘦度適中，肥膏分佈十分平均，吃下去時，十分美味！本地肥牛方面，雖然比較細塊，但肥膏都十分平均，味道不錯！西班牙黑毛豬方面，黑毛豬十分大塊，不過比較肥了一點，但味道都不錯。海鮮什錦包括2隻大蝦，鮑魚和蜆。大蝦十分鮮甜美味，鮑魚十分爽口彈牙，蜆味道都不錯。不過，深海龍躉肉便味道一般了，沒有什麼魚味。說完肉類，我們便說說丸類吧，其實丸類每人只分得很少粒，每款丸只吃到1-2粒，都是不夠喉啊！味道方面，所有丸都十分特別，而且爽口彈牙，十分美味！比較特別的是黑松露水餃，蝦肉十分鮮甜，配上咸咸的黑松露，味道簡直一流！北海道帶子size適中，而且不會太堅韌，味道不錯！蟹子蝦丸十分鮮甜，而且又彈牙，十分美味！好了，說完套餐的食物，我們便說說免費任食的蔬菜，菇類和雪糕吧…蔬菜和菇類都算新鮮，每次份量都算多，味道不錯。雪糕是軟雪糕，雪糕十分冰凍和甜，作為飯後甜品一流！飲品叫了竹蔗水，不會太甜，味道不錯。價錢方面，套餐每人$198，小食$15，醬油$18，竹蔗水$76，另加一服務費，每人總共各$258，5人總共$1288。總結來說，如果喜歡吃刺身的朋友，可以來這間餐廳一試，因為食材真的十分新鮮！但如果是喜歡吃火鍋的朋友，真的不要來這間餐廳吃，真的會令你失望… 而且，$258一個人我寧願去吃放題，至少任飲任食，而且食物選擇又多，至少多熟食啊>_<…Read More

約埋同事食飯透過openrice訂座非常方便，原本訂2100，我同另一位同事收工早咗，8:30去到都有位安排，可以食住小食飲住啤酒等埋其他人先打邊爐，小肥牛當然要食牛，手切肥牛一流，軟棉棉，其他配料脆骨腩、9菜餃、松露水餃、手打丸...食材新鮮，唔錯，象拔蚌刺身$138/隻，5個人叫咗兩隻都唔錯，好抵食，聖子都好好食，同同事傾得太開心都忘記影相，聖子上檯好靚才記得要影相整個用餐過程好舒服，服務員會係適當時間出現，唔錯…Read More

今次在openrice 買咗九層塔的優惠真係幾抵食、雖然要付小食、醬油費，但是值得付。食材可能有所不同，但係海鮮鮮甜班片蒸太久好硬，湯底也很好用螺片、雞、魚煲出來的，大滿足…Read More

呢幾日又凍返少少，約左兩丁友小肥牛打邊爐。地方少少唔就脚，灣仔地鐵站來到都要10分鐘左右，冇辨法，太耐冇係灣仔揾食，冇心水。象拔蚌刺身就首選，鲜甜。平時好少食到新鲜北极貝刺身，今晚就試試，不错湯底清湯一鍋。小肥牛果然"少肥牛"，冇咩選擇，牛頸脊一碟。最後蒸蟹脚，由於冰鮮，蟹柳乾左D，少左蟹汁。一般般。環境還可以，少左圆檯。唔會太逼。…Read More

一小時打邊爐，揀1款肉類為主菜，有肥牛，豬，魚。其他菜，丸任食。丸子都有成十款，質素唔錯，芥辣蟹子丸都幾好味; 嚮鈴好脆，有豆味! 蔬菜類有南瓜，蓮藕，白蘿蔔，粟米，芋頭，黃芽白，白菜，都新鮮。竹庶水任飲，味道ok。 有糖水，但無食。服務態度幾殷勤! 環境算乾淨。食完全頭全身打邊爐味，如果抽氣做好點就好了。。。埋單90元一人，食物味道正常，午餐玩下打邊爐，算係咁喇。…Read More