Little Farm Restaurant (Closed)

今日係太子睇完中醫就係附近搵食，見到有間幾田園風的餐廳，加上最近追完大叔的愛，人氣話題絕對係春田田，係睇錯左小田田做春田田的情況下， 就吸引左入去試下啦~平日夜晚客人唔算特別多，唔洗等位就可以入坐。餐廳環境舒服，有田園的感覺。而且食物選擇都唔少~ 啱晒同朋友一齊來食~磨菇湯配紫薯包 - 磨菇湯夠香，紫薯包微熱夠新鮮，味道唔錯。咖喱雞扒配糙米飯 - 咖喱味道雖然香但有點太辣，飯同雞扒的分量偏少，飯仲要有D唔好味的飯焦，真係扣晒分!香煎牛柳粒南瓜汁意粉 - 牛柳粒夠嫩滑，意粉睇落好淋但比想像中有咬口，配南瓜汁唔算最夾但味道其實都唔錯。整體而言，其實質素只算係一般，食物都可以話係一分錢一分貨，幸好坐得舒服，可以加返少少分。如果經過可以試下，但唔需要專程來食。…Read More

推薦指數：⭐️⭐️⭐️⭐️無意中Facebook介紹依一間，見到啲嘢食吸引，價錢都好似幾抵食！原來仲有紫薯系列，好興奮😍 自行用ipad order好方便！必食💯1++韓牛漢堡鐵板蛋包飯 $118配左芝士汁，超級拉絲😍成個飯撈埋好好食！份量大，3個人share岩岩好！➖個紫薯沙律幾驚喜！係自選形式的。估唔到幾足料，睇得出係良心食店😋個紫薯汁同沙律竟然幾夾👍➖脆皮豬手飽到嘔，好大份😍店員好好會叫我地影埋相就比佢地切。個皮真係焗得好脆！好好味➖萬眾期待嘅紫薯心太軟⋯係失望嘅👎 零紫薯味，只食到麵粉味☹️不過焗得好靚，流心效果做得好好！味道就要改善喇。➖間舖頭唔算太多人，係一班人吹水嘅好地方，食物質素又唔錯，會再來的😉…Read More

好耐無上黎寫食評，不過今日去小田田真係好想專程寫少少稱讚一下小店。事關今日天氣熱辣辣，原本想去深水埗掃街，結果都係想搵間餐廳坐低傾吓計。由深水埗一直行到太子，也沒有遇到心水地方可以方便舒舒服服坐低，誰不知行到大南街近太子突然發現一間好有特色小店。我被門外滿滿春日小花園的門面吸引了。看看餐牌，下午茶竟然與連鎖快餐相若，很是驚喜除了選擇多以外，食品也富特色很合我心意。高度推介清新水蜜桃芝士厚西多配田園沙律滿滿爆出來的芝士加上一粒粒的水蜜桃，加上兩片厚厚的西多夾，口感豐富而不油膩。必食推介。朋友點了魚柳芥末醬薯皇，份量不少，樣子也甚為吸引，亦看得到廚師的用心。飲品方面，我們額外加的$12/杯去點特色夏季特飲，美得令我們都嘩然強烈建議大家額外多付一點也要點特飲，因為淨係用黎影相都值回票價可能因為食物太靚 ，朋友有好傾環境又舒服 所以不知不覺我哋都坐咗好耐。一個唔覺意又到晚餐嘅時間， 見到旁邊有客人嘅晚餐甚是精美。 反正我哋都要食晚飯所以朋友就建議不如繼續喺度食晚飯啦。紫色的面包好靚喔，餐湯係將雜菜打成茸嘅濃湯，入口濃郁而不會覺得有味精。反而兩度主菜味道感覺平平無奇，但勝在賣相精美。 晚餐附送的果凍（相信是薰衣草果凍）外表平平無奇，但味道清新，滿滿天然薰衣草的香氣卻沒有做假的死甜化學味，很驚喜最後當然要食埋甜品先走啦，紫薯窩夫雪糕，超級巨型，建議起碼有兩隻以上先好叫。特別鳴謝店舖經理及各店員，唔好意思打擾你地6粒鐘，由下午茶直落晚餐甜品，大家不單沒有黑面，反而很殷勤招呼我們，多謝你們，辛苦了。 今時今日香港租貴人工貴 都可以有間好環境嘅餐廳，有咁好服務態度的員工，價格極度合理， 簡直係飲食業嘅典範。我會盡量多介紹朋友來光顧。…Read More

最喜愛他的牛柳，韓牛。下午，晚上沒飯開有時都過來。餐牌最近改了，多了好多選擇， 材料有啲心思！我最想食糙米飯，我都係想食健康啲。個特飲要比like, 跟－般好不同，阿仔－見到，就已經好開心啦！…Read More

上次食完，覺得呢間餐廳真係唔錯，值得再試，所以又同朋友仔再黎幫襯一下，今次比上次食多左好多野，佢最特別係杯野飲，跟餐叫就抵好多，最後幫佢宣傳下，如果起facebook like佢地就有小食送…Read More

同朋友約左出去太子行街，行到攰最好就係搵個地方休息一下，食埋個晚飯朋友又冇好提議，就上上open rice睇下有冇咩正野起附近，eee～～小田田個名幾特別喎，就膽粗粗試下先，見有蛋包飯食，點都要試一試，結果係——意料之外好食下次一定要再黎不過呢間野有個缺點，就係佢點餐係比部pad你，但好多野都話售罄，但其實唔係囉，有供應嘅不過冇更新到…Read More

頭盤叫咗翡翠螺同埋青口，好普通，口感同味道都一般 ， 可以唔好叫 。主菜叫咗 焗豬手、 烤魷魚、 酥皮羊排、 同 大蝦魚扒。焗豬手外脆，可惜唔係內軟， 豬手個身略嫌有啲乾， keep唔到啲肉汁。烤魷魚個味道調得幾好， 覺得好香，可惜都係有啲乾 ，烤魷魚要早一日訂 ，餐牌上面冇，打電話book枱嘅時候可以order ，都可以一試。酥皮羊扒唔錯，如果羊排可以生返少少仲好，肉會嫩口啲。最後叫咗個甜品 ，居然好好味， 諗住冇乜特別 ，只係一塊焗麵包，加咗啲生果同cream，但係麵包口感好好，好鬆化， 推介！加分位 係呢間餐廳有花茶，可以同朋友一邊傾偈，一邊飲茶。總括嚟講呢間餐廳都抵食， 雖然食物唔係好高分， 但係相對價錢嚟講 都ok。…Read More

今日老公話帶我去食好嘢，神神秘秘咁帶咗我去太子一間叫做小田田主題餐廳到食嘢，佢話同事介紹佢呢間餐廳好正，所以帶我嚟食😆入到餐廳門口已經比牆身嘅裝飾所吸引，行到餐廳入面見到啲裝修係以田園風格為主題，感覺好像置身係田園一樣，好舒服😌因為臨近新年，餐廳特別為客人設計咗幾款聖誕新年大餐，我哋兩個人都決定叫聖誕新年大餐，因為見到隔離枱客人嘅心太軟甜品所吸引😻😋餐湯係龍蝦羅勒忌廉湯，我哋飲咗一啖覺得好鹹，餐廳職員留意到，就立刻叫廚房整過新嘅湯比我哋，真心覺得佢哋好細心，佢哋仲送咗兩塊自家製嘅紫薯麵包俾我哋食😋好窩心💖新嘅湯好鮮甜好好飲，紫薯包外脆內軟都好好食👍🏻沙律係迷你杯仔火雞凱撒沙律🥗沙律菜好新鮮爽口配埋鬆脆可口嘅多士粒粒Yummy~Yummy😋雖然話係迷你沙律🥗但其實沙津都算多👍🏻頭盤係芝士煙肉焗韓國生蠔拼鹽燒虎蝦，芝士煙肉配埋好重蠔味嘅生蠔👍🏻簡直係絕配😋鹽燒虎蝦🦐好大隻🦐好新鮮🦐好好味🦐芝士焗波士頓龍蝦配龍蝦汁闊麵🍝龍蝦比想像中大隻😻仲要有勁多膏☺️龍蝦好彈牙和好新鮮，真係超級有驚喜，每一條闊麵都充滿香濃嘅龍蝦汁，闊麵煮得軟硬適中，唔會過淋，仲好好食😻另一個頭盤我哋揀咗法式香煎紐西蘭羊架配蘑菇紅酒汁，每一件嘅羊架都被鬆脆可口嘅酥皮包住，最有驚喜嘅係佢係酥皮和羊架中間，搽咗一層香濃嘅鵝肝，我從未食過咁好食嘅羊架，羊架啲肉好嫩，唔會好韌，真係正到冇朋友😋👍🏻我最期待嘅甜品終於上枱啦，佢嘅名堂係白雪紫薯心太軟伴雪糕，見到甜品嗰刻真係靚到唔捨得食，廚師真係好有心機整，見到每個部件都整得好精緻，紫薯心太軟一切開就流晒啲紫薯醬出嚟，蛋糕充滿紫薯嘅香味同埋好柔軟熟，香橙雪芭好清新，成個甜品色香味俱全😻😋真係冇得輸👍🏻👍🏻見到啲紫薯醬流晒出嚟心裏好興奮🤣🤣老公叫咗檸檬茶，佢話檸檬茶茶底好香🍋檸檬好新鮮又唔澀👍🏻我就加咗20元試吓呢杯紅桑子特飲，飲落去酸酸甜甜好開胃，賣相仲好靚添😻餐廳嘅裝修以田園做主題，環境好大好舒服，食物都相當吸引，色香味俱全，特別要讚嘅係佢哋嘅廁所都好乾淨整潔，同埋職員好細心，真心推介呢間餐廳😻👍🏻…Read More

最近去太子大南街睇醫生，一直都知周圍美食多，而又見到一間帶點田園風味的小田田，就約老婆今晚一起試。餐廳裝飾平實帶田園風。南瓜湯配有紫薯多士，南瓜湯味濃，重點是用有機紫薯製成的麵包，紫薯味很出。1++韓牛漢堡鐵板蛋包飯，用上大熱韓牛做漢堡，點可以唔試？？韓牛漢堡厚度爆足，配上蛋和濃香芝士，這就是擋不住的風情。烤韓國濟州島黑毛BB豬鞍，餐廳力推之選，又那有不試的道理。廚師功力十足，加上近來愛豬多過牛，點解？？因為好豬更難球。有機紫薯心太軟伴雪糕，小田田力SELL有機紫薯，咁心太軟有得揀，點會唔揀。溫馨提示大家，心太軟係好食，但雪糕也是重點，快啲去試吓。水果特調梳打和紅太陽（蛋包飯系列免費增送）…Read More

餐廳裝修和食物賣相都是吸引的，但服務態度完全有問題。今天和朋友一起吃晚飯，六時多也許比較早，只有我們一台客人。一進門已經沒有人打招呼，也沒有人帶位，三四位員工連我們進來了也不察覺。。。我們坐下一會後，終於有人給我們一份2頁的餐牌。選好了2個100多塊的鐵板餐，多口問了想知道有哪些飲品，這時店員才突然掏出一部tablet menu。我們頓時呆住，既然不分午市晚市，為甚麼不早拿tablet menu給我們。我們又要重點一次餐，打算叫60多塊的意粉。但這時店員突然說鐵板餐已經落order了，不能改。感覺令人非常不滿，是不誠實地硬要客人點貴餐，令人非常失望。店員態度亦奇差，一直閒聊，完全沒有服務的意欲，要多次要求才願意幫忙加水，服務質素有待改善。…Read More

人到中年係開始要調理身子既，所以朋友介紹左我去睇中醫，就係咁比我發現左呢間抵食小店。呢間小店係係太子大南街，由太子地鐵站行黎都係幾分鐘路程，地點真係超級方便。入面地方唔算大，裝修簡單，但係環境同座位都好舒服。Menu呢度除左主打鐵板韓牛之外，都仲有日式烏冬同西式意粉等等既選擇，重點係價錢都比較大眾化。而點餐方面就好easy，係平板度自己揀完，確定好，隔冇耐店員就會送餐1++韓牛漢堡鐵板蛋包飯$118呢個韓牛漢堡蛋包飯，淨係賣相都大堆頭，除左個蛋包飯，仲有泡菜、粟米、芝士粒做伴碟。滿滿既芝士鋪面，再加d芝士粒，食落啖啖都「芝味」無窮，至於個韓牛漢堡，的確juicy，牛味又夠濃郁，厚度適中，食落自然就有咬口，再加埋半熟既蛋包飯，同入面d野菌，整個配搭都好perfect日式海鮮醬油炒烏冬$98呢個炒烏冬就比較普通，不過勝在夠多料，味道又夠，份量都足架和風醬燒芝麻雞翼$48呢個雞翼好香口，芝麻味香，皮脆，肉嫩，醬汁味又濃有機紫薯心太軟伴雪糕$48心太軟就食得多，不過紫薯味就比軟少見，呢度既心太軟都做得唔錯，即叫即焗，仲超流心，紫薯味又香濃，食落蛋糕又軟心，配個芒果雪糕，balance番個味道，仲唔會蓋過紫薯既香味tim…Read More

今晚真是愉快的一晚，朋友整頓晚餐都引得我哈哈大笑，到回家途中仍忍不住發笑。我們今晚很簡單的去太子附近餐廳晚餐，也方便大家回家嘛。我們對雞翼的愛可用海枯石爛來形容，幾乎十次吃飯八次都要吃雞翼，今晚我們就吃水牛城辣汁雞翼。水牛城辣汁雞翼酸辣道地好味，雞肉也嫩得輕咬就骨肉分離，才一口已經很美味了。煙三文魚黑松露燴意大利飯黑松露的香氣四竄，上面還鋪上幾朵煙三文魚花多漂亮，意大利飯除有黑松露外，還有一顆顆的野菌。鮮香是煙三文魚的一大特色，底下的燴意大利飯兩相配合才能成就出這一道色香味俱全的菜式。爆脆豬手一口咬下的脆度超乎我們預期，比酥皮還酥脆，香脆的豬皮超令人驚艷，一點油膩感都沒有。豬手透亮的筋部膠質豐富，肉質軟嫩，拿捏均勻，亦保有原有肉汁。有機紫薯心太軟伴雪糕光看已非常吸引，心太軟表層鬆脆，聞得到紫薯的香濃，內裡的流心紫薯蓄勢待發要我把它解放。紫薯噴泉不斷溢出，帶點甘甜滋味，非常絲滑順口。特濃朱古力心太軟伴雪糕灑上糖霜後特別可愛，朱古力心太軟同樣鬆化，單吃外層蛋糕已經讓口中彌漫著朱古力的味道，朱古力流心濃度很高，但甜度卻不會太甜，挺不錯的。香芒紫薯奶昔沙冰一入口紫薯的香氣滿佈整個嘴巴，還能咬到新鮮的芒果顆粒，愛喝紫薯飲品的我，都被它征服了，好喝到不知不覺一下子就喝完。水果特調梳打有多樣的水果陪襯，如橙，菠蘿，檸檬，火龍果及葡萄，讓梳打看起來七彩無比，蘇打的顏色就令人想到亞熱帶風味，而水果酸甜的滋味也給人舒爽的感覺。…Read More

餐廳環境簡約，擺設精美，坐得舒服。頭盤係湯加紅薯面包，好香脆同有紅薯味，比較特別。韓牛漢堡鐵板蛋包飯餐廳主打嘅韓牛，我二話不說就叫咗嚟試。漢堡果然鬆軟，咬落牛汁溢出，而且好重牛味，愛牛之人絕對鐘意。隻蛋好大好滑，蛋汁溶入D飯到，好味。烤韓國濟州島黑毛BB豬鞍上乘嘅豬鞍，食落要爽口。繼上次食咗個沖繩豬鞍後，估唔到呢到嘅韓國豬鞍都俾到我JUICY爽口嘅感覺。一切落個豬鞍到，D汁湧哂出嚟，漏到成張枱都係水牛城辣汁雞翼比較辣，雞翼鮮嫩，但略為普通。天婦羅海鮮籃新鮮炸出嚟，熱辣辣，好香脆。…Read More

近期新開餐廳，無記錯大半年左右，之前雜誌介紹過百幾蚊2人假日all day breakfast 已經好想試，又係行過超多人，男友又唔鐘意排隊，上次行過直接話無位，排都唔比排，估唔到2018年第一日，唔洗排大把位，原來因為仲係聖誕新年餐牌比較貴無人去唔係套餐，選擇唔多，得5款……餐包係紫薯包，自定制唔會成陣風，有質感，加左少少蒜蓉牛油好味餐湯係南瓜湯，加左洋蔥唔笠口，又夠香我叫左牛柳粒南瓜燴飯，牛柳粒有少少燶邊，入面仲有好多肉汁，一啖一粒，燴飯都加左洋蔥煮，唔好好笠同滯男友叫左酥皮焗牛柳，唔洗點燒汁都十分好味，個燒汁點伴菜都唔錯，但偏咸左d…Read More

今日嚟咗呢間位於太子嘅小田田主題餐廳到食午餐 入到去裝修都唔錯比較田園文青風 用咗好多木同埋綠色去設計 而且枱凳都好舒服 叫咗個set lunch 泰式紅咖哩羊仔柳配黃薑飯 跟餐仲有田園農湯同埋紫薯包仲有嘢飲送 十分之抵食 田園濃湯係磨菇忌廉濃湯 非常之濃郁 同埋好多磨菇 完全唔係罐頭貨 紫薯包個包皮係深紫啡 色食落好鬆軟而且仲係熱 不過就冇乜紫薯味 紅咖哩配羊仔柳咖哩係泰國風味 好重香料味而且偏辣 羊仔柳煮得好林冇騷味 黃薑飯整得好出色 味道適中而且唔會太過硬 不過份量就較小 1＋＋韓牛漢堡扒鐵板蛋包飯配芝士汁 呢間鋪頭嘅漢堡扒採用咗1＋＋嘅韓牛十分高級而且牛味好濃郁 漢堡扒整到半生熟0軟硬度適中而且多汁 牛肉味都好濃 蛋包飯嘅蛋係整到七成熟 上面好多蛋汁而且打味好濃郁好滑溜 再撈埋側邊嘅勁量芝士一齊食 非常邪惡 因為一個人真係食唔曬 兩個人share再叫其他嘢食就啱啱好 仲叫咗個和風醬燒芝麻雞翼同埋 汁燒蒜片牛柳川貝田園烤雜菌 甜品就叫咗有機紫薯心太軟伴雪糕同埋 特濃朱古力心太軟伴雪糕 紫薯心太軟好有驚喜 佢冇朱古力心太軟咁漏 比較清淡 而且紫薯味都好出 冇諗過紫薯配甜品都咁夾 兩個人食咁多嘢都係四百五十蚊有找 非常之抵 同埋個漢堡扒蛋包飯同紫薯心太軟好想encore 會再嚟食…Read More