小甜屋自家製甜品屋 (Closed)

今晚，響又新街既 "有得餃"食完晚餐，就想揾間甜品店食埋個美味甜品作完美結局。經過佳記 (B仔) 又太多人，泛后甜品又好似無咩人(信心不大)，結果就揀左呢間光猛開揚既 "小甜屋"，點知…中伏了！  凡事都係唔好比佢個光鮮外表呃到，我錯了… 兩個人點左：１）朱古力窩夫：賣相差，唔知想點，窩夫又乾又硬～ 劣！ ２）綠茶心太軟(可自選一球雪糕)：影完一輪相，食埋個窩夫，個心太軟都未到。我知～心太軟要焗丫嘛，等耐D好正常～ 但如果等左30 mins，我倆都玩手機發吽豆，向店員查問多次仍無動於衷又如何？我地係絕對合理懷疑：店員落漏單！  好～ 繼續等！30 mins後，期待已"久"既綠茶心太軟終於焗起…但只換來失望。甜品係以裝飾取勝，望住呢個心太軟，我完全無好想食既衝動！  再講，心太軟既餡好杰，同埋只有好淡好淡既綠茶味！最忟既係，價錢唔平之餘，仲要浪費我咁多時間等一個不知所謂既甜品！ 雖然店舖係以自家製甜品做招牌，但連甜品店最基本既款式都得唔到人歡心，呢個情況…真令店主擔心！

岩岩搬去元朗, 想搵好野食就真係要聽下"元朗土著"介紹。呢間係其中一間, 又新街附近食肆眾多, 成日淨係見泛后甜品, 同新B仔坐滿人, 呢間小甜屋人流相對之下就少好多。一入店舖, 就知老闆用心經營, 店面同廁所都好乾淨, 值得一讚。2個人叫左心太軟同芒果拿破侖。心太軟朱古力味唔夠又唔香, 老婆仲嫌佢太甜添, 令人有點失望 ; 芒果拿破侖酥皮又脆又酥, 中間吉士又唔會太甜, 好味! 只係略嫌皮過薄, 減少左口感。 

今日好得閒就同朋友試下新野啦～點知朋友突然一句～今日要放縱下情慾呀σ(^_^;)好驚。。。想點？原來佢係想放縱食慾，於是兩個人叫咗3個甜品～好Crazy囉。。。。首先係朱古力心太軟味道唔錯～裡面嘅流心真係熱騰騰的流哂出黎，可惜朱古力味唔夠濃～甜就好夠喇，如果可以帶少少朱古力嘅苦味就更好，我地配咗芒果雪糕伴吃，um...牛奶公司雪糕是也，似乎少咗d誠意。跟住黎個綠茶雪糕pancake其實只係用pancake皮包住雪糕同一舊好厚嘅cream～咁佢個皮都做得夠薄夠滑嘅，都係果句，如果個雪糕可以用貴價d嘅雪糕會加多好多分，事關雪糕就係整個雪糕pancake嘅靈魂丫嘛再黎就係我至愛香蕉酥皮卷 OMG點解係兩條餅乾仔咁嘅物體～佢咁樣做法，就令到頭頭尾尾只有皮而包唔到蕉，但其實呢兩條野又幼又細條，所以有蕉嘅部份真係好少，個皮又焗得唔夠香囗，連少少金黃色都無，最敗筆嘅地方係，竟然無落朱古力醬呀。。。可知道朱古力同蕉係天生一對嘅組合呀？！我從來都未見過有甜品鋪嘅香蕉酥皮卷係唔落朱古力醬囉～我係咪應該讚你夠創新？！不過咁～我好佩服個老闆，一個人做哂成間鋪嘅野，落單，整甜品，收錢執枱都係一個人攪掂。實在唔容

幫襯了很多次，今次“的”起心肝留下食評。今天我地試左綠茶 Tiramisu 及士多啤梨拿破侖。綠茶 Tiramisu 跟一球綠茶雪糕，Tiramisu 綠茶味很濃，唯糕身較軟，雪糕則很美味，希望可多些生果。士多啤梨拿板侖算心機之作，吉士不太甜，是自家制作。食家阿囡認為跟心太軟一樣美味。

橙色門面裝潢而且又好開揚既甜品舖絕對吸引到注目 GOOD門口已經貼左某幾款招牌甜品既A4 SIZE相&奪目既精選MENU,總有一款值得你為佢行入去既由於新開張冇耐, 枱櫈同牆身都非常新淨!(而且有MEMO表明小朋友唔可以係梳化上跳動  )甜品師傅係開放式廚房工作, 我去過幾次, 如果唔係繁忙時段只有師傅一人招呼客人&整甜品.變相等待時間較長, 趕時間的話就要諗諗喇~1. 窩夫配芒果&薄荷碎朱古力粒雪糕(可自選兩球雪糕) HKD42    一上枱見到有4件咁多即刻嚇親 整起即刻上枱夠脆 GOOD2. 榴槤漂香 HKD36    榴槤夠足料, 西米做底. 不過柚子肉同佢唔夾.. 有點扣分 OK3. 朱古力味心太軟配芒果味雪糕 (心太軟另有咖啡&綠茶味選擇) HKD45    食過兩三次都keep到有流心, 味道唔會偏甜, 水準之作 GOOD!!4. 炸北海道3.6鮮奶(6粒) HKD30    必食必食必食推介!!!!!!!!!!!!!!!! 個種皮脆內嫩好食到不得了!!    外面炸到脆卜卜但又唔會過火唔會燶! 入面啱啱好成固體但又好滑!    燉奶淋面, 配上淡淡既鮮奶味, PERFE

search openrice, 相片好靚，於是同同事去食下，睇下是否咁好食，誰知，又伏了。。。。睇中個椰王，賣哂，10：00之麻，仲話推介！唯有食ice cream waffle, 同事叫心太軟。上菜果时好興奮，但個waffle硬到爆炸，又奇怪味，又乾。。。心太軟朱古力味好奇怪, 好cheap的朱古力味。。。伏囉！

店內不算多人，環境總算乾淨，但店員服務態度麻麻 ，解答不清楚，好似唔休做，店內recommend的綠茶心太軟賣相不錯，味道不太甜，內心杰左d, 綠茶味唔夠香濃，叫多個杧果西米露，有些杧果肉唔太新鮮。食完唔知點解好頸渴。

慶人日，原本打算外賣精緻蛋糕返家吃，不過蛋糕店仍未開工大吉，所以改為吃甜品。甜品：法式燉蛋、綠茶心太軟配芝麻雪糕燉蛋好有蛋味好滑，焦糖好脆，若再多d雲尼拿子會更開心！(3粒生果就一般)綠茶心太軟比想中甜，唔夠熱。芝麻雪糕ok.環境清潔，燈光光猛。

打完邊爐本來打算吃糖水清熱氣，卻看見這家小店，看外頭照片頗吸引便試試，店座位很少，可能尚早（9pm),所以只有兩枱客。綠茶心太軟：很特別的顏色，外層蛋糕與一般心太軟口感差不多，內層是白朱古力加綠茶；白朱古力味重也較甜，但可以接受，但綠茶味欠奉。橙酒疏乎厘：很有香氣，口感好creamy好滑，意外驚喜。芒果士多啤梨拿破侖：吉士饀很滑，可惜酥皮有點兒厚和硬，切得麻煩時口感也不好。想得出其用心製作，但很多細節上有待改善。

滿足過辣味蕾，又是祭甜品胃的時候。一行七人，不由分說地走到同街的甜品店…《小甜屋自家製甜品屋》，只因見其張貼於門外的甜品照片及款式均看來不俗，於是決定一試。跟同區其他甜品店相比，這裡的格局就比較富活力，加上新開業不久，桌子椅子等均非常「新淨」。menu雖只有一頁兩版，排版及圖片卻鮮明吸引。光看店子的「參考圖」已教人難以選擇，「好多款都好想點嚟食！！！」綠茶tiramisu配綠茶雪糕（$38），tiramisu上的為紅豆蓉，很宇治金時風喔。 棉花糖焦糖燉蛋配鮮果（$40），傳統的焦糖燉蛋加上略為烘過的棉花糖，頓添幾分新意，焦糖燉蛋內還混入了不少雲呢嗱籽（店子更聲稱是高級貨），友人說不俗啊。意大利奶凍（$32），相對起來這個就較為失色，倒是裝飾挺花心思的。 由於店子只有一位甜品師傅（不知是否閒日的關係乎？！？！），隨後數道甜品均各待了好一陣子呢！！（大概是上了一客才上另一客，看來是逐客製作呢）咖啡心太軟配曲奇雪糕（$45），甜品師傅還悉心地於碟上畫上圖案，實在值得一讚。綠茶心太軟配薄荷朱古力雪糕（$45，薄荷朱古力雪糕加$3），這客的威化棒是粉紅色的，十分可愛。還各有一顆糖霜心心於心太軟之

一行六人食飽飯再食甜品~ 叫o左四樣o野...1) 綠茶心太軟    真係好特別~ 綠茶味好勁~ 配雲呢拿雪糕最正!!!2) 開心果雪芭     好多開心果碎~ 不過唔夠凍...同埋d朱古力醬太多又唔溶...    一pat o野咁撻o係度...賣相都唔夠靚...3) 火焰雪山    入面有自選雪糕~ 味道即刻比平時食開o個d豐富o左~    仲有火龍果墊底...幾得意~ 4) 士多啤利拿破侖    無乜特別...勝在吉士醬夠晒多~ 同埋d皮真係好鬆脆好好味~ 見門口有牌推3.6牛奶燉椰皇~ 下次一於試o下先~ 

上次食完之後對此甜品店留下頗好的印象，所以決定食過返尋味，今次食咗個鮮什果涼粉同原個椰皇燉奶，涼粉度度食都差唔多，但個燉椰皇真係無得頂，啲奶燉得好滑，加上好輕微嘅薑汁，食到停唔倒，我揀咗熱嘅，應該熱會好味啲！原來燉椰皇只有星期六，曰先有，仲要限量供應，嘩，好好彩我有幸食到！！

最近好多朋友推薦我食呢間甜品,加上發現係新開既就同友人一同前往品嚐我認為位置有d偏僻，所以大家黎食前要做足準備功課哦本人係抹茶愛好者,餐單上既綠茶心太軟即刻吸引左我！ 而隨之配上既雪糕我簡左曲奇味. 一見個賣相都好滿意。先講個心太軟，我認為水準確實唔錯， 上餐頗快， 心太軟既溫度適中， 用匙巾一打開心太軟就流出抹茶色既流心！品嚐一口後，外皮的抹茶味道，配上濃郁既抹茶流心， 真係好好味！ 加上外皮焗到有少少金黃色， 賣相吸引之餘，同時令心太軟口有少少外脆內軟既口感！ 值得一贊👍至於個雪糕，我略嫌奶味過重而遮蓋左曲奇既味道， 而且一上枱雪糕好硬，要放一陣先可品嚐。P.s.建議叫綠茶心太軟唔好配抹茶雪糕，會令你味覺混亂阿有一驚喜係個蛋卷，咬一口先發現係橙味，配心太軟 都幾得意！另外亦叫左呢個香蕉酥皮卷？（唔記得實際個名😅） 岩岩咬落去入面既香蕉真係好熱口， 不過味道都唔錯， 酥皮亦夠鬆脆， 配香蕉味好夾！唔愛食太甜既人可以試下呢款甜品，甜度唔高但依然好好味！整體黎講水準真係唔錯👍有機會都會食多幾次

行過發覺有間新甜品店，同朋友商議後決定放棄唔去食開嘅泛后，咁就一於試下新嘢，哩間小甜屋雖然店子小小，但係坐得舒服，又有電視睇添！朋友a要咗個士多啤梨拿破侖，個賣相好靚，而個酥皮好鬆脆，層層大小不一，相信係自己焗製嘅，好驚喜，至於裡面啲吉士，好香又夠滑，加埋放得滿滿嘅士多啤梨粒，真係好好味，我同朋友b都忍唔住一再偷吃！朋友b要咗個由侍應妹妹推介嘅開心果芭菲，真係要讚一讚個侍應妹妹好nice，佢好有耐性去介紹比我地。個開心果芭菲都好好味，係一個裡面充滿焦糖碎同開心果碎嘅自製雪糕，啲焦糖碎，開心果碎好脆口，雪糕上面淋咗少少苦苦地朱古力，味道好夾，而且雪糕都有啲焦糖味，甜度啱啱好，朋友b話好好食！至於我就要咗個綠茶心太軟，好似出面其他甜品店比較少食倒，個綠茶心太軟一切開，流心真係綠色㗎，綠茶味都幾濃，都幾好味！今次試完之後，覺得哩度啲甜品都好好，下次會再去幫襯！

 我被自家製甜品的字眼吸引著了，所以來一試！下面的圖片是開心果芭菲，個waitress向我推介的！佢話無乜地方可以食到這個甜品，我想真係？好，就試下啦！首先賣相可以，芭菲上有濃濃的朱古力醬，味道也不錯！到個主角開心果芭菲就只係一般！第一，開心果味不夠，開心果粒也不脆，但雪糕裏有脆脆的焦糖粒和甜度又適中，這是少少的驚喜！諗住個芭菲是不錯的，但到最後，竟然有幾塊小的東西留在口裏，還要用牙不停的＂趙＂！呀?咩呢㗎? 原來係"淋＂咗的粟米片！真的破壞晒個好印象！我覺得有D晝蛇添足！幾失望! 以下是木糠布丁，賣相又係好吸引！可是味道很淡和不夠甜！加上木糠碎太多，所以吃不到奶香味和口感不夠滑！朱古力雪糕還可！有香濃的朱古力味！總括來說，這間甜品店是可以一試！