小桃園餐廳小廚

Open Now

Now Closed

啲菜有好大陣酸縮味 好難食野食就算啦 兩個服務員 中年阿叔黎兩個掛住吹水 唔係做嘢嘅舉手舉左成2至3分鐘又唔走埋去 要人地叫先埋去最離譜嘅係 我諗住去賣左單先再慢慢食 我已經同果兩個服務員講唔好執我枱上的食物唔知佢地老人痴呆定咩野定係番工掛住訓調佢老味 走黎同我執曬佢 咁既服務真係不得了 搞到我番去食完兩啖唔敢再食我本身仲諗住食唔曬去打包走真係比佢地咁能樣搞法我都唔知點樣好垃圾餐廳永遠唔去咁樣服務質素我真係第一次見！

皮蛋瘦肉粥+鹹肉粽 $36又係抵食系列大大碗皮蛋瘦肉粥，多皮蛋又多瘦肉，足料粥底好綿，又多蔥鹹肉粽都係大大舊，而且蒸到整隻都好軟綿綿，入面仲有大大粒鹹蛋P.S. 如果多d 豉油會再加分d呢個set 兩個人share 黎食就岩岩好啦

之前黎過依間餐廳食過午市，覺得奶茶沖得又滑又香，質素應該有番咁上下。估唔到今次再黎大跌眼鏡，味道好差，料又唔多。火鴨炆米，食落口好梅，鴨絲又少，配料唔多，屋企煮仲好味過佢。滷水拼盤，冇咩味，成大舊肥膏都夠膽放上枱。小炒皇係最激氣嘅，可以話係西芹粉花枝，不過多咗啲腰果同蝦米咁，食過其他餐廳嘅小炒皇，好香口，佐酒一流，而且有唔少海味，可能唔同餐廳主打嘅小炒皇都唔同啦。雖然係下午茶，但係總共都要$200，實在唔配咁貴。

一日嘅心情源自於早餐，環境好，心情好，雖然喱度係茶餐廳街坊隔局，但坐喺露天位置，望遠啲，一大樂事☺️黎到茶記，老公當然係叫碗香港代表沙爹牛肉麵配煎蛋，沙爹汁帶點花生粒，微辣不太搶喉，合格我就食個西式化表魚塊厚薄適中，炸得香脆，配上茄汁豆，煎蛋火腿，美味

屯門碼頭啟豐商場一入去成排鋪頭都係餐廳，仲要間間都唔同類型，有時淨係諗食邊間都好苦惱。好彩我今日目標明確，忽然好想食油雞飯，所以就去左小桃園喇。真係冇揀錯，賣相已經令人食指大動。碟頭飯既份量，油雞都鋪滿半碟飯，少少肥既油雞皮非常有光澤，雞肉又夠嫩滑，連伴碟既菜心都好清甜。薑蓉係人手切粒既，薑蔥粒粒分明，少少咸吊下味已經好夠味，唔似一般燒味檔機製既，又稀又水，真係唔點好過點。凍檸茶茶味夠濃，檸檬又夠，我鍾意叫少甜，篤爛晒d檸檬，酸酸微甜咁最正。

今日同女友假期去澳門玩幾日，住元朗嘅我地就當然係屯門碼頭上船啦，咁買左船飛之後，我地就唸住食定d野先啦！見到e間餐廳都幾多人就入去食個下午茶先。坐低望住個海境又幾靚呀！跟住就望下個餐牌先，好彩佢5點幾鐘都重有下午茶叫，下午茶就唔係好多款選擇，同其他茶餐廳差不多，但係就無所謂啦，醫到個肚就可以啦！咁首先我地就選擇左個炸菜肉絲麵再加炒蛋多士啦！炸菜肉絲麵都幾正路，炸菜肉絲都炒得幾好，再加埋個大光麵，大光麵煮嘅時間就剛剛好，炒蛋多士都係無問題。女友就叫左個雞翼再加西多，西多就係一塊麵包上，都幾好味，雞翼就普普通通啦！一杯凍咖啡再加一杯凍齋啡，咖啡餐廳都係用返雀巢咖啡，無咩特別，正路野！整體感覺間餐廳都係正常，無問題，如果有機會再搭船都會黎e度醫肚。

皮蛋瘦肉粥得3小粒皮蛋原來係正常既。。。話說$30幾蚊食個粥餐我都冇咩要求,但尼到個所謂既皮蛋瘦肉粥得3小粒皮蛋,我同個呀姐講,佢同我講$30幾蚊食個粥餐係得禁少,話我地唔可以破懷規矩比多少少!成件事又好冇禮貌!!!

晚上收工，最近都很冷，於是去了附近的小桃園，喜歡它什麼都有，有炒粉麵飯，仲有湯飯，最後選了及弟粥，和鮮蝦腸粉。名符其實食夜粥及弟粥 $35 真的粥底很重要，匙羹一口很綿，入口有米味，無論幾熱都忍不住口，有厚厚豬潤粉嫩，浸出豬潤汁在粥內，手握鮮肉丸，粉腸沒腥味，豬肚爽口，豬腰爽口……足料生滾粥現在香港很少有水準粥店，粥內帶絲絲薑絲，成碗粥香味提升。鮮蝦腸 蝦肉爽口，粉紅色大隻，絕對有酒樓水準，皮不厚粉滑溜♡很滿足一餐。

今日行左好耐，行到好攰了，要去醫肚，去呢度食個下午茶先，這間茶餐廳好耐的了，之前都有來過的，地方夠大間，我們叫了炒麵，也幾大碟，有甘笋絲，椰菜絲，加甜醬一齊食好味，炒麵係幼身的。好味的。蛋治餐，麵包好軟身，蛋唔夠厚身，不過也好滑的。好味的呀。另一個奶滑多士餐，第一次係中間好大件牛油，不過個底烘燶晒，換了一件之後，中間的牛油冇左，只有少少牛奶，然後唔脆架！！奶茶夠滑好香，凍檸水夠大杯夠凍身，三片檸檬的呀！

同個同事放工踩單車去到浪漫嘅燈塔，先發現原來今夜😵咁就去碼頭邊搵間可以泊到單車嘅地方食。見到呢間唔係連鎖店，間鋪仲鬼死咁大咁應該好生意先頂得住鋪租。開頭以為普通茶餐廳，第一個餐牌見到唔多選擇，不晚市二人或者四人套餐燒味飯。我本身唔多食燒味，所以覺得麻麻地。點知同事攞住嗰個餐牌佢話我一定會鍾意食👀入面啲小菜多到呢⋯⋯我隻眼即刻變成心心眼😍😍。不過因為得兩個人，所以唔可以叫多😟住附近既阿妹同事返咗屋企死唔肯落嚟陪我地食。咁我哋好掙扎底下就叫咗鴨腿湯飯、西蘭花蝦醬鮮魷、蕃茄炆黃立䱽。嘢飲反正都係散叫嘅價錢就叫咗杯雜果賓治同埋而家好少地方仲有嘅熱黑奶。湯飯鴨脾唔夠散，佢唔係用菜係用勝瓜煮湯，冬菇響底，湯都唔錯唔鹹送飯一流。上菜用嗰個瓦兜呢就非常之懷舊。西蘭花蝦醬鮮魷👍🏻侍應肥哥哥幫我地寫埋將蝦醬一齊炒，😋非常入味啲鮮魷好厚身𠝹左花隻隻好靚好長。啲西蘭花一咬落去啲蝦醬就咇出嚟好味，鑊氣好夠。佢哋嗰個廚房好開陽下所以聽到佢哋炒野嗰陣「馮馮」聲，聽到都想食，上菜仲好快添唔使等到一樣餸凍哂，可以三樣餸一齊熱辣辣咁食。蕃茄炆黃立䱽都幾大條個汁中好有香港本土既味道，好有層次既甜酸味，條魚就煎得皮脆諗埋個好

又唔知食咩。但佢知我鐘意咩。所以就入咗去。大大個牌。晚飯餐中價二人餐。白飯。兩小碗。除咗個碗細未發現其他西花炒尤魚。一人分量西花剛好熟。尤魚無味似擦膠伴碟醬。蝦膏夠咸夠香夠野味湯。青紅蘿蔔廋肉夠大碗但似溝水無味西檸檬雞。半份夠酸夠甜*炸*得剛剛脆皮夠酸夠甜*煎*得剛剛脆皮只係份量唔夠。唔好期望服務一流環境坐得舒適只係。求其食。隨意食。無要求

病到無哂胃口，去附近商場食粥，茶餐廳嗰邊食過冇咩好感。反而粥店啲水準好好，皮蛋豬膶粥算係幾好食，炸兩亦都算唔錯，最後忍唔住加多條油炸鬼，＄10一條有啲貴，不過係香港來講算幾好食。

十•一假期黎食個早餐，等半個鐘都未有碗粥，追十次個個只叫我等等，谷氣。好辛苦咁等到碗皮蛋瘦肉粥，嘩，皮蛋少少瘦肉絲少少，味道。。。。十幾廿年生意，做乜攪到咁差，可悲。

同朋友行完街，就要去搵野食醫肚啦水煮牛肉，牛肉唔話煮得好老，麻辣味夠食落口辣辣地豉汁黃立䱽，口感唔夠嫩滑，蒸得老火咗，不過我唔太鍾意食魚，只係食咗少少~雖然無泥味，但鮮味都唔覺有~可能豉汁味太重，蓋過魚應有既鮮甜味~魚香茄子煲夠熱，茄子夠淋入哂味，唔會話太咸不過略為多左少少油。

難得放假，一早起身老公就提議入大澳行下，我地住屯門，又近碼頭所以就造就左今次之行，成日都行過啟豐商場都未入過去食野，見到一連兩間「小桃園」，一間係茶餐廳，一間就只係食粥既，朝早唔想食太飽，我地就入去食粥啦!一個套餐粥+小食 $29，我叫左個「菜乾豬骨粥+炸兩」，菜乾豬骨粥幾夠味，唔落胡椒粉都覺得咸咸地，簡單平凡既粥都可以好好味!粥底綿而且足料，有時食開既豬骨都係得骨無肉，但呢個係用排骨架，有咬感!炸兩都好好味，見到D油條都係預先炸好左，唔知放左幾耐，但係食上口都幾脆，另外腸粉既粉皮夠薄，食落唔會太舊”張”住係口內，而且唔痴牙。但因為一路食粥一路食炸兩，有幾件放耐左就變硬了，口感就差左D啦~