Mini Paris Vietnamese Restaurant (Closed)

今日同朋友去荃灣行街街，個朋友行到餓，我地就去揾嘢食，見到呢間鋪頭，諗住食得人就行咗入去，坐底見環境就麻麻喇！不過，希望D嘢食OK啦！我朋友就叫咗一碗生牛肉湯河+個椰青、我唔餓就叫個椰青飲下。嘢食一到，我朋友就立刻攞起筷子食呀！忽然見佢面色一沉、個口個唔停仲有D面容摟曲、素有鋼牙見稱嘅佢都話咬唔開片牛肉，其實我見到佢碗河都睇得出唔掂！而且個湯又淡，於是我朋友就叫個伙記過嚟，禁 UM點食得人呀？同我換過另一樣嘢食，之後我朋友再叫碗香茅豬扒乾檬，不過都係難食囉！豬扒今次咬得開但都係UM、檬粉個魚露汁又好淡，非非非常失望，太差、都冇用個心去做嘅！:(Summary: 最好唔好挑戰自已個胃，唔係就要買定胃藥喇！都唔知間鋪起邊度入貨嘅，D牛肉可以禁差，都夠胆死畀人食，佢賠得番棚牙畀人咩！！老人家或者有牙齒問題嘅人眞係要特別小心呀！…Read More

今日朋友請食飯, 佢選擇左黎呢度宴客, 一行三人, 原來唔夠四人不得坐卡位....但好多兩個都係坐卡位囉.....諗左一輪....點菜喇.....一人一個懞粉/飯....叫多個拚盤......我同男友叫既東西都來了, 一直都只差我朋友既懞粉...結果要叫阿姐追下先到....=.="我叫左個札肉雞絲湯檬, 朋友叫左個雞翼湯檬, 男友就叫左個越式炒飯我個懞粉, 我覺得係偏淡, (冇越棧咁好味!) 不過都係OK, 男友就話個飯唔夠食, 食佢唔飽....結果就食埋我個懞粉.....到個拚盤, 不過不失, 唔係好食, 亦唔算難食.....雞翼我覺得係最好…Read More

以前係灣仔食過, 每次食都好好味, 都有好耐無食, 今次行開見到呢間小巴黎緊係要試試啦~我地2個人叫左香矛豬扒湯河,春卷撈檬同 紅豆冰香矛豬扒湯河, d豬扒好稔, 稔到..你都唔信佢係豬扒, 都唔駛咬, 你好輕力用隻筷子"了"開, 佢就會散. d肉好入味, 個湯底都唔錯不過個河粉煮得耐左, 太稔. 簡單d講, 唔係唔好食, 只係太稔...d肉太稔無咬口,d河粉太稔唔得滑身.春卷撈檬, d春卷新鮮炸熱辣辣, 個檬都好爽口, 唔會一舊舊或者太硬, 適中. 個撈檬汁真係唔錯, 不會太酸, 落多左都唔會搶喉..糖醋份量落得唔錯而且見佢個樽入面放左檸檬頭, 所以個汁都有陣淸新的感覺..good!紅豆冰, 我可能習慣飲開廣東式既, 所以呢個以椰汁為主既有d唔係太岩飲.. 不過都唔差整體都係好食既~ 可以再返食至於服務生(由其係個男部長)... 不停好大聲咁落單..好嘈...似去左大排擋...…Read More

:( 搞乜呢，其他人入來，上菜快到好似係街邊賣小食咁。 我地，坐佐半個鐘，發現D嘢都未來，全場先得兩張檯，唔係好忙者。 后來一催，就即刻上我碗香茅豬扒檬了。 再過多分幾鐘就上埋個半打沙爹串燒了。點解落單個阿審咁白癡可以忘記的呢？！PS, D嘢太多油了，唔係講笑，油多到唔想食！我個香茅豬扒雖然好大件，不過浸囉碗湯檬度霖曬，一D都唔香脆，D檬又油lup lup! $28蚊半打沙爹串燒，雞牛豬只可以3、3點，一般，好一般，花生醬太多了，多到爆！后來上返樓上入口個檔買多串燒豬頸肉，$7蚊一串明顯好食過呢度N倍！…Read More

上次去路德圍嗰間~無論係服務定係坐位~都真係唔多得今次食呢一間~感覺好得多首先~有一個貌似經理的人~招呼入座~之後坐的位置~起碼唔係背對背~手碰手~之後今次都係叫撈檬~由於不可以隨意雙併~但可以加10蚊有豬扒ot加6蚊有一隻雞翼~所以~我加左豬扒扎肉蝦撈檬比扎肉撈檬貴3蚊而我係得到3隻蝦仔...下次叫返雞絲好過.......呢一間的刀工~差d wo~點講撈檬講刀工？因為入面d青瓜law呢一間小巴黎~d青瓜切得好求其....搞到好似手指咁闊.................撈檬的青瓜太大...好搶味之餘...仲令我唔想食...所以太大條的青瓜我都冇食~同個檬都唔夾呢間有一個優點就係佢的魚露比路德圍嗰間濃dd~咁唔洗加到好似浸湯咁都未夠味而10蚊嗰塊豬扒呢~"鞋"左少少....味係ok的~35蚊~可以一食~…Read More

久居荃灣, 小巴黎的香茅豬扒飯和乾檬可謂昔日打波後的營養品. 小店近年由荃昌遷至荃豐後至今未曾光顧, 逐約因獨居而經常午飯從缺的友人小聚. 人大了口味大異少年時, 對蘇打香茅葱油豬扒已不甚留戀, 反而對自己從來未試過此越菜小店的生牛肉河大感興趣, 是否套餐之選實無關痛癢, 反正這裡的咖啡茶想信只會有驚無喜. 上枱的湯河沒有附加香料, 相關的香料統統都洒上了, 就缺了塊青檬. 湯頭有點濁, 不過牛骨湯的甜是有了. 河粉稍為粗身但浸湯後尚算滑身. 生牛肉片還是肥牛料, 幸而夠瘦, 無半點油脂, 蠻有嚼勁, 繞圈子與傳統黃牛肉幾近異曲同工. 一個好當然說不上, 但整體感覺與越南街頭味道蠻相近. 友人戀舊, 點的仍是當年最愛的香茅豬扒飯. 偷了點豬扒撈香茅葱油, 果然味道十年如一, 奇怪自己當年竟然能連扒兩大碟!…Read More

以前沙田果間好食,呢間真係唔掂.食左個越式拼盤 /咖哩飯.個越式拼盤真係好油,春卷一般.係雞亦好小小之外其他真係唔好味.呃錢,冇咩好食.curry亦都好普通.…Read More

細細個同老豆係到食. 個時仲未搬來荃豐. 搬左之後第一次來食. 叫左個生牛湯濛+豬肉蝦粉卷阿姐的服務態度係0. 入來唔SERVE, 坐低左放低柸茶10秒就問你食咩. MENU都無份俾我. 碗粉感覺比以前細O左. 個湯無以前咁濃郁, 好淡. 問佢攞青檸, 勁黑面.食完碗粉, 碟蝦卷20分鐘先來. 佢個SOURCE 都OK. 個卷都好足料.總結: 失望. 荃灣開左好多新的越南菜都俾佢好食, 而佢亦唔算特別便囉. 仲食佢都係因為老字號. …Read More

20/12/2008叫左個生牛粉同一個香茅豬扒粉生牛粉牛肉切得太厚,食落好韌,要趙好耐先吞到落肚香茅豬扒:不過不失,香茅味唔夠熱o茶d紅茶味勁到落左三塊檸檬都只係飲到茶味唯一可取之處就係佢地既粉做得唔差…Read More

噚晚收工後，去荃灣行吓行吓就決定喺呢度開飯，因為都有一段日子冇食越南菜嘞！幫襯過呢間食肆無數次，不過係其他分店，而呢間就係第一次！呢間分店唔似小巴黎一貫嘅裝修，反而似普通茶餐廳的格局，冇晒圓藤傢俬，兩邊設有紅色軟墊嘅卡位，中間就有幾張方枱同大圓枱，惟一似嘅係門口個招牌同埋個餐牌！我哋唔係太肚餓，所以淨係叫咗幾樣： 香茅豬扒撈檬：呢間店最出名係呢樣嘢，所以好多時都會叫。豬扒件數少咗，不過炸得幾香，香茅味頗重，咬開肉汁豐腴，唔乾身亦夠嫩滑！檬粉上枱成嚿嘢咁，不過鬆開就幾爽口彈牙，佢放喺枱面嘅魚露先至係靈魂所在，味道鮮美，香酸甜辣有齊晒！加埋檬粉入面嘅炸蒜片、花生碎同蔥粒，口感又變得複雜嘞！食時又凍又爽，真係唔錯！ 越式拼盤：個拼盤有兩塊濱海，兩條春卷，一塊炸蝦餅同埋兩隻香茅雞翼，嘢食好似少咗啲噃，仲有蝦餅冇酸甜汁跟嘅？ :( 濱海上枱時仲係熱嘅，面頭嘅餡料款式唔多但係幾好味，不過好油喎！春卷剛剛炸好，熱辣辣脆卜卜點魚露食一流，不過冇一兩片生菜跟又係失敗！炸蝦餅因為冇汁跟就點魚露食，唔彈牙，唔似蝦肉似係墨魚膠，唔係咁得！最差係雞翼，冇香茅味之餘又凍又乾咬落似柴皮！ :( 成個拼盤係個春卷得，仲要六十幾蚊，下次都係淨叫算嘞！呢個拼盤冇生菜跟，但係配菜就有啲醃青瓜咁，不過係唔得嘅因為有朕「押」味，我哋嗱嗱淋撥埋佢一邊，叫人點食？如果食晒個拼盤食嚿咁嘅青瓜，嘔梗～ 咖喱羊腩：咖哩汁幾杰身，香就香嘞，不過唔夠滑！味道幾濃郁，唔會太辣，點包食當然係最好味！羊腩都炆得幾腍身，不過冇晒羊味，淨係似食緊一嚿肉，薯仔又係好稔，但係太大嚿唔係好索到汁，影響咗味道！ 蒜蓉包：點嚟係食咖喱嘅，不過佢都整得幾好，面頭好多蒜蓉又夠脆，淨食都幾好味！ 生牛肉湯河：叫就叫生牛肉，不過上枱時個樣就似七成熟。牛肉都切得夠薄但煮得太耐，控制得唔好熟過頭，冇咗生牛肉嘅滑，仲有啲嚡口，肉味亦冇乜！河粉就好滑溜亦好彈牙，湯底淡咗啲，要另加魚露先有味道！:( 凍檸七：就係一杯冇涉及技巧嘅飲品，你同我都可能整到同一口味，所以冇嘢講！嘢食就尚算可以，不過啲服務就真係唔得！我哋坐低食咗一陣侍應已經開始抺嘢，但係又一路再有客入，呢樣嘢我就真係唔得，抺嘢啲水會周圍彈，人客仲食緊嘢，唔係咁衛生，不過好多食肆都係咁我又係唔知點解！我哋食食吓想加一杯凍檸七，個抺緊嘢嘅阿姐好大聲問要乜嘢呀？嘩！嚇死人咩？個阿姐入咗單又拎咗我哋張卡出樓面然後繼續抺嘢！杯嘢一路冇嚟，叫追都搵第二個，當時都冇乜人啦，咁間單切幾片青檸唧，唔知點解要咁耐都比唔到我哋！至搞笑係第二次追時，一個阿姐去切青檸攞埋罐七喜比我哋，咪係咁間單囉！ 呢陣時我哋叫咗呢樣嘢超過二十分鐘，口渴嘅都已經唔再口渴，嘢都食晒可以埋單走嘞，再唔嚟我哋就唔要先拎過嚟！整就二十分鐘，我飲就一分鐘都唔駛搞掂！吹脹！總係覺得小巴黎發得太大，擴張太多，質素都已經唔可以同以前比較！而家嘅出品冇咗舊時越南菜嘅神髓，只係好似茶記咁大量生產，淨係一個生肉河同以前食到嘅真係差天共地！…Read More

年多前到過荃灣另一間"小巴黎"分店, 吃過"香芧豬扒飯"後非常滿足 可惜今天在荃豐中心"小巴黎"所吃到的......1. 香芧豬扒撈檬朋友之選, 味道/賣相沒什麼特別, 但豬扒很大塊.2. 春卷是bite size的春卷. 皮很硬, 味道欠佳.3. 香芧豬扒糯米飯煎蛋繼續大塊豬扒(打孖上) 糯米飯感覺上跟咸肉粽相若, 同樣有綠豆做餡.飯太軟太黏, 可是頗香椰汁味.煎蛋不是想像中的太陽蛋之類, 而是包飯去炸.整體麻麻地.4. 馬拉盞炒通菜通菜很靚, 可惜份量奇少, 馬拉盞亦不足, 味道偏清淡.5. 串燒羊肉串少許可接受的羶味, 口感似豬肉, 不過更要軟身.肥妹個人認為撇除醬汁反而更美味, 才能吃出僅有的串燒香味.服務一般; 離開時更發生一段小插曲.朋友不小心把2張一百元鈔票掉到收銀機中, 阿姐發惡話掉到這個位置上, 很難撿起來.她當時的樣貌和態度真的......很差, 很不友善.相信不會再次光臨, 原因不是燥狂收銀阿姐, 而是食物大退步!!…Read More

坐落在荃灣荃豐中心不起眼的地下層,店雖不大可是門面裝修可算雅致,價錢擺明做附近寫字樓打工仔年輕人以及和街坊的生意,地點近港鐵站。吃過一次後還想再來,最好約夠四個人,便不會搭台,慢慢吃可也! 欲免向隅,我吃 2:45 , 吃完後就逛這商場的商店然後就一直買一直買@@*香茅豬排飯--精髓在於豬排醃得完全入味*扎肉濛撈--越式味道鮮香酸甜辣全部都做到了,濛粉爽口*奶茶--跟地道茶餐廳不同,又是另一種茶香,不錯*三色冰-- 滿滿的椰奶香味, 超可愛的,有綠豆蓉,紅豆及珍多,賣相不錯…Read More

聽家人說這兒的環境和食物質素也很好，便一行三人前來試試。在openrice沒怎留意這餐廳如何差，便傻愕愕地走去吃。一進門口，服務員不停地叫嚷，找客人也用不著這樣呢！點菜了，服務員初時細心地聆聽我們要點甚麼，然後看到有客人進來便只顧招呼他們，對客人不太尊重。又到上菜的時候，我不太懂如何形容食物，只覺得好吃就好吃，不好吃就不好吃，整體上食物還可以的。不過本人覺得三色冰是最好的，入面十分多材料，很不錯。不過點三色冰的時候，員工把單拿去了，幸好最後還給我們，否則便被人冤枉走單了。這餐廳我還是會給一次機會的。…Read More

3 Aug,2008 晚餐一開波就俾人叫坐對座而當時又唔係多人已經有 D 火，呢個亞姐講o野唔掂，趕客！算啦都係食o野飲啖水冷靜o下先但冇坐對座，有客到先轉。呢度 D 樓面好參差，食完另一個亞姐又執檯唔該前唔該後加水又冇問題連自己都覺得唔好意思。今時今日未必要好到咁o既服務態度，但呢位亞姐肯定係做得到呢行。各位老闆希望住意o下員工質素啦，同樣講唔該、多謝都會有唔同演譯o架！叫o左個香矛豬扒湯檬，呢個係最明智又最簡單o既選擇；亦係今晚叫做食得過又唔錯o既唯一一款。跟住串燒就可揀雙拼，叫o左有豬就試牛、雞啦。雞算OK但牛就鹹+勁硬+乾屍咁！再黎咖喱牛腩飯，失望！又係鹹+勁硬+乾屍。結果食到牙都冇力，唯有放棄唔食。總結：以後都係放棄外出食同牛有關o既菜！呢間係食過叫小巴黎最差o既一間！…Read More

好多年前已經知"小巴黎", 不過好多年冇食, 呢年醒番起呢間野, 不過都係幫襯沙田分店, 覺得又逼又趕, 坐得又唔舒服, 野食又唔好食.早一兩個星期經過呢度, 發現原來呢度有間, 就入黎食. 叫左好多年前佢最出名既"香芧豬扒檬", 豬扒炸得好香, 但又唔乾身, 肉仲好嫩滑, 又夠香茅味, 唔錯!!!最近要呢度好少人, 坐得好舒服, 又唔趕, 不過當時隔離裝修緊, 有啲嘈, 希望佢快啲裝修完啦.…Read More