Mini Paris Vietnamese Restaurant (Closed)

呢度香茅豬扒真係無得頂，係我食過最正0既香茅豬扒。仲要一碟兩件豬扒，大件夾抵食。牛肉飯都好好味。…Read More

去書展前...先醫肚...lunch hour去....差不多滿哂人呀....好在搵到兩個位sip埋去姐...午餐都好多野揀呀....價錢又唔貴...平時夜晚去都唔會叫飲品...但午餐加$5就有特飲喇...好經濟!雖然多人....但唔洗等好耐就有野食生牛肉湯河:最中意個湯底....好清..但好夠味道...牛肉唔會切得太薄..仲好有咬口同肉味...豬扒雞翼飯:蔥油yummy!! 無左佢就會好似乾啃白飯咁....豬扒很讚...!!!不過雞翼太咸喇..係唯一要扣分既地方!埋單每人$30都唔洗....比滿足還要滿足...…Read More

原本想去食漢堡包,點知唔齊人,最後都係食番碟頭飯.最後食了南乳雞肶飯,由於這個飯的肶係即炸關係,最少要預留15鐘等待,趕時間就不要叫了. 雞肶炸到熱辣辣又唔會炸到肉質好乾,雞肶肉還是滑滑的,醬汁雖說是南乳味道和顏色,只是味道幾似腐乳的,醬汁唯一唔好是太過杰,唔愛杰醬汁的人可能不太喜歡 凍奶茶幾好味,做法似港似唔係越南味道呢 這個餐27元包飲品,如要轉凍飲要俾2元,熱飲不用加錢,這餐合共29元正 …Read More

2月28日, 做gym之後睇戲之前, 今日抽起條筋想食越南野. 銅鑼灣d越南野都食得七七八八, 於是就同呀比行到灣仔食呢間都係由銅鑼灣搬到灣仔之後都無食過嘅小巴黎試下喇~::: 烤牛肉凍檬 ::: $23絕對係極大堆頭嘅撈檬!! 不論係配料同檬粉都好多!! 配料方面有烤牛肉, 花生蒜粒, 蔥粒仲有大量生菜絲~ 全部材料都好惹味, 甚至係搶味. 檬汁偏甜, 撈埋所有野都十分唔錯, 啖啖都勁多料, d粉大兜到我都食唔晒!烤牛肉好碎, 碎到根本食唔到一塊正常嘅牛肉… 雖然真係好好味不過就油得滯~::: 咖哩牛腩飯 ::: $28又一次中招, 同朗豪坊foodcourt既金寶咖哩一樣, 稀到好似湯咁, 撈落飯到變湯飯~ 完全唔似越南咖哩, 冇香味淨係得少少咖哩粉味. 有d香料喺裏面不過食唔出任何味道~ 牛腩亦好普通, 又唔入味… 食物水準參差甚大!小巴黎除咗貼牆d卡位以外一律都係坐無椅背圓凳. 我地入去唸住坐卡位啦, 有個呀姐話張台reserved咗… 食小巴黎都要訂位唔係下話?! 不過算啦, 整體舖頭都算乾淨企理, 而且星期六晚市都唔係好多人. 都ok抵食啦~ 有緣的話都可以翻食, 不過一定唔會再食咖哩!…Read More

小巴黎的食物一向有水準，特別是豬扒最好吃! 所以我今天亦吃了豬扒飯。蔥油好香，豬扒入味!雖然各分店的食物水準有別，但亦相差不多。但講到服務，卻以灣仔這店最差~我自知午市人多，從來都唔擇位，阿姐叫我坐邊我就坐邊。但有一位客人，可能想坐入少少，收銀阿姐竟然話 “真係麻鬼煩，你一個人咋，想座幾多個位呀?”自問係一個唔搞事既人，亦知阿姐脾氣一般，所以已經好小心。點知都在俾錢時出事。事由我在收銀處俾錢時，阿姐放左一張櫈在收銀櫃旁，我一個唔小心俾張櫈”卡”親，幾乎跌倒，張櫈亦被推入了收銀櫃枱，點知阿姐對唔住都無句，仲即時怒目看著我!! 我於是又望住佢，跟住佢就話我：阿姐，你張張櫈推入來，我一下睇唔到行出來，你想跣死我呀!!!”天呀, 我真係未試過咁委屈，同埋未見過咁惡既服務員! 我以後都唔會再來這間店吃!…Read More

好多謝大家收睇全新一季既太子飯局，今集主角就係東哥。觀迎東哥！係呢! 呢個新年財神公仔送俾你，作為見面禮，希望你今晚能盡吐心中情。今晚我會請大家食越南菜！我們會一路品評每個菜式，一路傾下最近發生既事。2008年係混亂既一年，股市上上落落，但一踏入2009年，大家隨即見到好多有關東哥既新聞。1.可唔可以同各位觀眾講下，十年有多了，為咩事會突然扮財神？(手放在頸上)我諗我希望藉住財神既演出為我自己同身邊的人帶來好運2.可唔可以同大家分享一下，穿財神服主要有咩佩件，仲有著得辛唔辛苦？財神的衫：有大件袍、披肩、腰帶、官帽、鞋、鬚3.扮財神有無一些指定對白或者指定動作？(抓住自己的鬍鬚) 講恭喜的說話！4.第一眼看見eddy wong有咩看法？財神絕對唔背後講人！不過我對佢觀感幾正面！幾NICE幾可愛!好勒！知道大家口水都流，為大家介紹第一味菜，越式拼盤－裹面有扎肉、濱海、春卷、蝦片，用魚露來點吃，魚露滲入食物中，令食物更鮮更好吃，春卷肉同蔬菜比例剛剛好，油炸兩次而不肥膩，色澤金黃而香脆！好食好味！5.介唔介意同觀眾講下，做財神有咩著數？ 無著數！(點一下自己的紅包)6.你有無試過，有人摸你？或者要同你抱抱？可唔可以同大家分享你既感受？有拉！摸又有、抱又有拉！新正頭無所謂拉！7.年三十晚銅鑼灣段，你被一個妙齡女子玩鬍子，點解你無即時阻止佢？你係唔係好享受？新正頭無所謂拉！咩都俾佢玩啦8.可唔可以同大家講下，財神究竟派左幾多張票？ 我淨係識派，唔識數！數目的野要問運財童子！第二味，香芧豬排飯八件豬排裝（當然加錢先會有的吃），豬排有南乳及香芧既香味，特別好吃，再加上蔥油伴碟，將飯豬掛搞亂，將蔥油飯香滲透整個豬排飯，真係人生一大樂事！9.據聞網上一些討論區，惡批當局安排失當，財神又有咩睇法？我認為電影公司應該利用公司的過往的經驗同數據，認真用科學方法評估最優派飛數量！10.介唔介意同觀眾講下，一百萬零一夜推介場，財神有否出席？有！有出席！11.咁你係排隊時，見到無籌人士既爭拗，財神有否內疚？有無打算自首？有唔開心，但唔會自首！12.至於戲上映時，燈仍射在運財童子身上，財神當時心情係點樣？好緊張！13.對於個袋被人摸過既阿伯，財神又有咩睇法？我坐得好遠，唔係太清楚件事的發生，好難評論，不過主持你問到，我姑且講下我的睇法：我唔相信比人摸袋的阿伯係存心...14.聽到在場有不少女仕大大聲的回應阿伯，財神又有咩睇法？唔係不少女士，係一位女士?！覺得果位女士真係幾大膽！第三味，蝦肉湯檬，醋湯同蝦肉比例剛剛好，醋香蝦香，最重要係蝦湯底夠濃！連湯一路喝一路飲，真係人生一大快事！15.財神到香港版mv，拍攝場地係科技園，其實有無咩象徵意義？可能係諷刺科學院相信風水！當年豪花百萬睇風水，今年財神免費來！16.財神係科技園拍賀詞時，點解忘記左同皇上拜年呢？當時拍攝工作太多ng,太緊張、太忙了！我依家就係度同皇上拜年！祝皇上新一年事事順景、生活美滿！17.有無想過何時才完成財神到香港版mv呢？呢個一樣要問運財童子了！如果09年初完成唔到，咪等10年先羅出黎同眾版友拜年！第四味牛柳粒紅飯，牛柳很鮮，肉汁很豐富，而紅飯是整個的，沒有混合其他米，所以吃起上來特別飽! Good! 18.財神對於將來有咩睇法？現在的處境並唔理想，危機四伏，金融海嘯、失業率高企！不過希望明天會更好！19.情人節來臨，財神有無掛住以前愛過既人？無呀！工作、工餘學習、兼職等太多事情要兼顧，無暇去想！20.財神感情路上，有無d咩遺憾？ 要引用 William Hung: No regret !21.相信好多觀眾都好想知道，財神究竟有咩擇偶條件要合眼緣拉！我比較喜歡女性化的女士！唔好男仔頭！22.黎緊係演藝事業中有咩發展大計？ 黎緊復活節檔期應該有新的演出！到時大家拭目以待拉！多謝你出席今次既飯局！希望你今年能出產更多好戲，給與香港觀眾更多歡樂！今晚既晚飯價錢合理, 味道不錯!…Read More

一向好鍾意小巴黎的香茅豬扒，但今次真係好失望.....:(:(居然冇左一向既軟腍腍、肉味香濃又多汁的水準!!!d豬扒超乾身! 仲老過99歲的老人家!! 冇味!!! 好硬!!! 總知非常差!!! 唔通轉左廚師???:(真係好失望!!! :(:(…Read More

今晚一個人食晚飯，經過小巴黎，醒起佢有個出色豬扒飯，於是就入去叫了一個外賣飯盒。以前成日幫襯屯門或者荃灣的小巴黎，佢地d阿姐0既服務態度從來都非常極之差，次次差不多都要受氣收場。今次，估唔好好有驚喜，仲留下深刻印象。入到去店長，走近門口收銀，直接order了一個豬扒飯，個服務員既有眼神接觸，仲好好笑容，我話要多葱，佢亦好有禮貌咁應允，一收完錢，仲做手勢請我坐低等下。唔夠2分鐘，佢已經攞住個飯盒出來俾我，仲笑笑口話﹕"幾快!!!"，之後我都回應佢﹕"又係喎，好勁呀，係咪一早整定等我買? " 估不到，買一個$25的外賣飯盒，都能享受到令人喜出望外的服務。抵讚!!! 不過，我冇特別問佢叫咩名，如果唔係，可以點名讚佢呢!!!豬扒飯就保持一貫水準，豬扒很腍很入味，係個葱唔夠鹹。…Read More

荃灣小巴黎我都成日食, 服務都幾好架, 但就未去過灣仔呢間, 估唔到呢間係我第一次幫襯, 亦係我最後一次!!! 大約 2:00pm, 舖入面都冇乜人, 本來被 "安排" 一張近門口既圓枱, 但裡面明明有張卡位, 於是我地咪行去卡位度坐囉! 果張枱成張枱都係上手食淨既碗碟, 我地坐低左成 10mins 都冇人執野, 一個阿姐就只係顧住 pack 外賣, 一個就執其他枱, 明明 d 遲黎過我地果 d 反而執先。我地等左 10mins 都等到好不耐煩架啦, 於是就大聲叫阿姐黎啦, 佢就好晦氣講: "等等啦", 但兩個都只係顧住 pack 外賣, 於是我地就答佢: "等左好耐啦!" 嘩....佢竟然答我: "等得耐都要等架, 想快就去食快餐啦!" 嘩真係火都黎埋!!! 灣仔小巴黎, sure no next time!!!…Read More

半年前試過一次,見佢LUNCH時門口好多人等位,以為好掂,原來係因為D員工呀姐態度散慢做唔切,所以先堆到一門口都係客,食物同價錢都OK,唔錯.....食物水準未算一流,但係D員工態度真係九流........今日LUNCH想再去食,但係一諗到要等就真係怕怕,於是我諗住打電話落左ORDER先轉頭落去扲啦,點知佢話要自己行落去買,冇得ORDER定先喎,於是AT THE END我都冇去買,所以話唔好見D食市門口企滿人就以為係正野,原來D客只係堆砌出黎架咋!!P.S.我以後都唔會再去…Read More

話說昨日女友想食越南嘢, 見到小巴黎諗住一試 !! 入到去, 唔爆, 自己揾卡位坐, 當時已 feel 到唔掂, 全鋪得一個阿姐做嘢 !!! 坐低, 等阿姐執枱落 order, 阿姐話等等 ; 5 mins later, 再叫, 阿姐再話嚟緊 ; 再 5 mins later, 有多一個戴眼鏡嘅阿姐出嚟幫手, 呢個阿姐又話等等, 當時已經哋, 我話 : "咁等到幾時, 等到今晚好冇 ???", 阿姐好寸咁答 : "唔駛做呀 ??? 唔等得咪走 lor !!!" , 嘩, 呢D咩態度呀 !!!!!!!! 最後等咗 15 mins 先嚟執枱落 order, 其間2位阿姐 service 其他比我哋遲嚟嘅客都冇人嚟執枱 !!!!食物方面 : 生牛河唔熱, 扎肉撈朦, 三色冰一般評語 : 食物好一般, 服務超九流 !!!! 有錢都唔会再嚟 !!!…Read More

2點幾入唻食LUNCH間鋪仲幾多人無卡位坐，普通位坐得好唔舒服，張枱又細，仲差過茶餐廳叫左個生牛肉湯河，只不過係$20，真係幾抵不過加凍飲要加5蚊，25蚊有個粉加野飲都算係咁啦！唔叫野飲抵Ｄ我一話加野飲阿姐立即好好聲氣咁同我講多謝幫襯個粉都算唔錯，D牛肉真係生既，唔老，都OK我湯幾濃味，我都飲左成半碗，我覺得幾好飲，加少少青檸仲野味飲埋個湯做LUNCH對我唻講岩岩好，男仔可能唔夠食啦！但唔知點解好多人話哩間野好差好唔好味，我D同事都係咁講可能水準唔穩定我又咁岩好彩地食到次好味既下次我都會再唻食哩個生牛肉湯河既！…Read More

昨天下午師傅避無可避, 終於比個同僚捉住一同用膳, 師傅唯有免為其難咁應約一次啦, 於是問下同僚有邊到好介紹啦, 點知佢就帶左師傅黎呢間食店! 呢間食店師傅前前後後行過N咁多次, 但都冇一次想入黎食, 今次唔知係間食店執到枝好簽定係師傅執到枝下簽呢?入到去店內勁多人勁逼, 勉強坐底後, 師傅就睇下有咩好食, 坦白講師傅對呢間食店都不敢有咩厚望, 於是就揀左最緊簡單嘅食物, 希望唔會太難食啦, 於是就叫左生牛肉湯河同埋凍檸檬茶!等左一陣碗生牛肉湯河就擺左喺師傅面前, 師傅第一時間試下個湯底, 湯底都幾咸, 味道唔得, 飲左兩啖師傅已經冇飲喇, 再試下d牛肉, 生牛肉已經變成熟牛肉, 而牛肉都幾韌幾老, 一d都唔好味, 而河粉又唔係幾滑, 總言之就好似雞肋咁, 食之無味棄之可惜啦; 凍檸檬茶一d都唔好味, 差!總括而言食物質素絕對唔掂, 服務又差, 呼呼喝喝咁, 環境又坐得唔舒服, 不過價錢都幾平, 廿蚊一碗河粉, 凍飲加五蚊, 但如果要濛粉就要加兩蚊, 呢下真係有d搵笨, 食越南濛要加錢,真係有d離譜; 今次真係多得呢位同僚唔少, 你話師傅點會想同佢共膳得架, 呢間食店一定冇下次, 皆因完全冇水準, 喊梗!…Read More

十二時左右, 無嘜人, 只有幾張枱坐住幾個人, 個的侍應真攪笑, 有客人入嚟, 佢地唔係講”歡迎”, 而係不斷地講”坐理一邊… 坐埋一邊…..”, 客人話”兩位”, 又係講”坐理一邊”, 客人話三位, 有一位未到, 佢又係講”坐理一邊”, 無講唔該架, 不過, 入嚟既客人都無理佢講嘜, 照樣各人坐一邊, 於是佢就咀藐藐, 其實全店只有兩成滿, 好心就由得人坐, 到時有客入嚟先叫人轉都唔遲啦, 唉..都費事講食物啦, 一般下等貨式, 咖哩炒飯送麻繩一小條, 食到一半無晒胃口, 隔離枱食到一半要聽電話, 個個侍應就行埋想收碟同去問佢”食完囉…?”, 真係…. …Read More

因為係呢頭返工,所以間中都會去食.好欣賞佢個凍檬(我未食過其他鋪頭既凍檬)有青瓜&花生同蔥,好開胃同夏天食一流,同埋好鐘意食佢d香茅豬扒同雞翼,幾有香茅味.其實呢間野食粉麵黎講都算幾平,2x蚊有交易不過湯檬有時都比較咸,一時時啦d阿姐態度一般啦,不太好都唔算差(此終係啊姐ma)衛生都算ok…Read More