Cafe Terceira (Closed)

打完風的周末商場總會特別多人😂大約十二點到去到食通天，見到大部分餐廳都大排長龍，小島澳門菜都唔例外😂一行三人叫左三個holiday lunch set，百二蚊包埋加一有餐湯，主菜同餐飲（凍熱同價）:- 東望洋芝士鮮茄焗豬扒飯：豬扒尚算厚切，飯底偏濕潤同唔油👍🏻- 澳葡芝士牛肝菌焗鴨肉飯: 飯底唔咸同少油，鴨絲尚算多，幾好味😋唯一不足係碟頭偏細- 秘製咖喱雞配白飯: 咖哩汁比上次食既略嫌加多左水，稀左少少。雞肉同薯仔份量ok待應服務態度都幾好，餐廳格局企理乾淨，上菜速度都算快。整體來講都算性價比偏高的…Read More

最近最多人講嘅話題一定係點樣用啲消費券，我就去左出名多回贈嘅時代廣場買野，回贈voucher就用左黎試哩間澳門菜，因為一來見幾多人幫趁又未食過，二來香港唔太多地方有葡菜食。小島嘅座位都好闊落舒服，兩個人都係坐四人枱，唔怕唔夠位放野食。佢地除左散叫仲有二人同四人餐，不過套餐靈活性唔大，所以我地就散叫。蜜桃梳打($38) - 幾香蜜桃味，唔會太甜太多汽。荔枝沙冰($46) - 好香甜荔枝味，沙冰打得好滑，完全冇碎冰，唔會飲到一半就飲唔倒。葡式檸檬白酒香茜煮海蜆配香烤牛油多士($138) - 海蜆好大份好多蜆，四個人食每人都分倒好多隻蜆，蜆肉冇沙唔會太細隻，白酒汁味道香濃但唔會有酒苦味，將牛油多士蘸白酒汁食味道都唔錯。葡式香烤乳豬件薯角($268) - 乳豬皮好薄好脆，皮下面連住少少肥膏，肉質唔會太老太鞋，食時蘸埋另附嘅辣汁會更加好味。薯角份量都幾多，兩個人share食啱啱好。經典原味葡撻($15) - 葡撻撻皮幾鬆化，不過略嫌中間蛋漿硬左少少，唔吸澳門好食。木糠布甸($28) - 餅碎同忌廉層次分明，忌廉幾滑，唔會太甜或者太乾，係唔錯嘅飯後甜品。總結，食量份量偏大，主菜比甜品出色，座位闊落舒服，去唔倒澳門都可以止下癮。…Read More

💎總評分：8.0/10-香港唔多澳門菜，難得有間喺商場入面又坐得舒服就古且一試。Menu大部份都係澳門葡國菜式，小食主菜甜品都有唔少option🤤，澳門特色食物豬PA飽、乳豬、魷魚筒、葡撻、Pasta & Rice全部都有。裝修以藍色為主調，並非走高級路線但倘算有心思。1️⃣ 澳葡小食雙拼 $82葡國菜名物馬介休點可以唔叫🇵🇹~又貪心想試埋墨魚球所以叫雙拼。兩款都整得香脆👍🏻，馬介休加左芝士份外野味，墨魚球相對下彈牙，配以沙律醬同辣醬任君選擇。2️⃣澳葡鴨肝芝士牛肝菌焗鴨飯 $148焗飯送上枱時已經聞到濃濃嘅肝菌香😋，米飯偏硬但倘可接受。鴨肝同鴨肉嘅精華融入米飯🦆，加埋辣肉腸、欖橄、鴨肝，加埋仲灑喺上面嘅芝士碎🧀，相當惹味，推介🌟!3️⃣ 椰香葡國雞配脆豬包 $138Menu上嘅 classic dish，相當足料，唔知點解會有半隻蛋🥚，應該純粹for賣相，雞有4-5件，同樣都係加左辣肉腸同欖橄再灑上芝士碎。葡汁椰香味濃🥥，點焗得香脆嘅包一流。4️⃣ Apple Crumble $58對apple dessert情有獨鍾嘅小編呢度個crumble表示失望👎🏻。首先crumble 味道好似就咁將藍罐曲奇整碎左咁😔，但係口感就似係D曲奇放耐左疏晒氣變淋左咁🤢...亦食唔出蘋果同cinnamon(或者佢根本無落)味道。唯獨雪糕還可接受，但質素有代改進。食個便飯嘅商場餐廳，見有唔少食評批評服務質素同店員態度，小編今次就無遇到不愉快經歷😃。欣賞佢menu夠多，選擇價錢合理。-環境服務：⭐⭐⭐食物質數：⭐⭐⭐⭐打卡指數：⭐⭐…Read More

Tonight we planned to have Macanese cuisine for dinner since it have been a long while we have been to Macau. Cafe Terceira was located at Times Square, Causeway Bay.Their menu was comprehensive, offering a wide range of authentic Macanese cuisine such as appetizers, meat, crispy bun, seafood, rice or noodles, drinks and desserts etc. Peach soda - It was sweet and refreshing, with strong peach taste. Macanese snack combo - It consisted of bacalhau cheese and potato balls and Macanese squid balls. Squid balls were very chewy and both balls were fried till the skin was very crispy. Cheese and potato balls were soft and cheesy, warm inside too. Macanese classic pork chop bun served with potato wedges - Bun was toasted till crispy and the pork chop was chewy and juicy, huge in portion. Potato wedges were fried till soft and crispy, with peri peri sauce and ketchup provided. Roasted barramundi with clams in lemon, coriander & butter sauce - The skin of the fish was roasted till charred in taste and the fish meat was soft and juicy, absorbing the essence of the gravy, which was slightly sour and clear, very appetizing. Affogato - It was a coffee-based dessert, with a scoop of vanilla ice cream placed separately from a glass shot of espresso. When mixed together, espresso was creamy and bitter, with the vanilla ice cream sweet and milky. …Read More

有時代廣場D coupons 好少食到澳門菜 就黎哩到試下唔知係唔係澳門菜唔啱我口味呢😶 個人覺得整體食物唔同我期望咁 烤乳豬同葡國雞味道正常啦小食拼盤就麻麻地😥馬介休球好鹹 而且沙拉菜唔新鮮葡撻普普通通 似超市買到咁…Read More

用淨啲商場優惠卷，諗住就快過期就用埋佢。友人提議食呢間澳門菜，香港以澳門為主題嘅餐廳真係少之有少，不妨一試。🤍霹靂魷魚 $88一上枱非常之香嘅酸辣味，食落好惹味，十分開胃，而且魷魚嘅份量比得好大方🙈🙈好快就俾我哋清咗🤍葡式香烤乳豬配薯角 $268乳豬皮烤得香脆，又唔會太肥膩，而且餐廳提供特製醬汁。唯一美中不足嘅地方係乳豬上枱時溫度唔夠熱，乳豬放多一陣就凍咗，有少少豬騷味。同埋乳豬皮嘅毛未處理妥當，見到有10幾條毛係皮上面，見到有啲接受唔到🤢🤍馬介休球拼墨魚球 $82馬介休球唔夠調味，食落去似食緊薯仔蓉，而且入面有一半係空心。墨魚球有驚喜，食落去就好彈牙👍🏻👍🏻🤍鴨肝芝士牛肝菌焗鴨飯 $148雖然個飯賣相非常好，但係飯粒冇味，而且硬，食落去一啲味都冇。要靠整碎鴨肝先有少少味，唔識欣賞。埋用完coupon，人均二百幾。如果原價折前人均消費三百幾就未必會再食🙈味道💛💛💛環境💛💛💛服務💛💛 💛 衛生💛💛💛 性價比💛💛💛📍 小島•澳門菜 (銅鑼灣)🤍銅鑼灣勿地臣街1號時代廣場13樓1302號舖💰人均消費～$300…Read More

好耐無食過葡國野， 行街行到餓就決定去食下啦。餐牌入面好多選擇， 諗左好耐都係決定搵d 平時少食到又有代表性既野。 豬扒飽做得好好食。份量夠大件。 水準之作。燒乳豬做得外脆內嫩。兩個人食就岩岩好。整體黎講，食物同服務都唔錯。 …Read More

平時出外用膳主要都是吃中菜或日本菜，今天突然想吃葡國菜，聽聞銅鑼灣時代廣場有間主打澳萄菜的餐廳，此店揀選多種澳門及葡萄牙直送食材，讓食客雖然身在香港，也能品嚐各種澳葡美食。 大熱天時，來杯鮮青檸梳打，清涼醒胃。此店的鎮店之寶是燒乳豬，要吃一道稱得上好的葡式燒乳豬並非易事，先要乳豬本身夠嫰，也要師傅火候技術到家，葡式燒乳豬跟港式燒乳豬不同，咬下去時皮脆得像玻璃碎裂般乾脆，而肉質柔軟嫩滑，絕不肥膩。海鮮濃湯飯當中的扇貝、青口、等全由葡萄牙進口，海鮮固然鮮甜，但燴飯才是主角，這麼多海鮮加上濃郁蝦湯作上湯燉煮，幾乎所有海鮮精華肉汁都滲入了每顆飯粒之內，每一口都是海洋的味道，鹹鮮並重。咖喱牛坑腩配脆豬包亦是餐廳的特色菜，牛坑腩是牛肋骨下面的肉，今次吃到的牛坑腩油脂分布均勻，牛肉味很濃重，口感很鬆軟，咖喱汁香濃，滲透牛坑腩內，配以香脆的豬仔包，非常滋味。再加碟馬介休炒椰菜，馬介休類似香港人吃的鹹魚，用來炒菜，相當冶味。甜品是雪糕咖啡，意大利濃縮咖啡注入雪糕上，咖啡的濃香味和軟滑的雲呢拿雪糕相當匹配。 …Read More

約咗朋友嚟到Time Square 行街，但未行就先肚餓咁當然唔好餓親自已個肚仔，知道呢度嘅12樓有間食澳門菜，就上嚟試吓啦！上到嚟12:30PM，唔使排隊，正！最鐘意唔使排隊的餐廳有Set lunch ,唔想諗食咩的朋友可以選擇唔想焗限啲Set Lunch，就可以選擇餐牌內的食物，一樣都吸引！不過，都提提大家，如果用coupon 的朋友，就唔可以叫Set Lunch,一定要散叫啊蝦子黑松露意大利麵—好重芝士味，非常之濃郁，不過，唔喜歡芝士的朋友，就留意啦小食雙併—即是手打墨魚球3粒、芝士馬介休薯球3粒，我較喜歡芝士馬介休薯球豬扒包—有筋的豬扒，咬唔開，失色，好彩啲配菜薯角都脆口好味豬扒包係澳門菜的特色，做到咁的水準，真係要改善改善！葡式烤乳豬—個皮夠脆，肉又嫩滑，非常好味，只得5件，有小小貴，但個底又放咗好多薯角，夠晒飽…Read More

香港疫情漸趨緩和，但世界各地依然嚴峻，要去旅行，只怕還是遙遙無期，近的如澳門，已超過兩年無去，非常懷念當地的葡國菜。今晚和太太特意來到銅鑼灣時代廣場一間葡國餐廳(Cafe Terceira)晚膳。Terceira是葡萄牙一個小島，此店的中文名叫小島.澳門菜都頗為貼切，店舖不算大，佈置簡約，富有葡國風情。餐牌看到的美食，多款都是我喜愛的。葡式烤乳豬 - 用多種香料、白酒、檸檬等醃足十多小時，風味十足，乳豬肉嫩多汁，外皮香脆，味道遠勝多年前在葡萄牙當地吃到的烤乳豬，師傅的功架，值得讃賞。海鮮濃湯飯 - 大隻新鮮元貝、青口和大蝦，泡製鮮甜味美的海鮮飯。咖喱牛坑腩配脆豬包 - 牛腩炆得淋軟入味，配以香脆豬仔包，相當滋味。馬介休炒椰菜 - 馬介休即醃製過的鱈魚，用來炒椰菜，帶點咸香味，相當好吃。甜品是葡式布丁和雪糕咖啡，味道和賣相都很好，最後還有咖啡，享受了一頓豐富的葡式晚餐。…Read More

一班朋友一齊食晚飯，呢度都坐得幾舒服。叫咗勁多野食，勁食一餐幾開心，澳門葡國菜d菜式例如馬介休球、燒乳豬、蜆等，基本野餐牌上都有。酒精飲品味道幾好，內有水果，幾清新。菜係細碟咗少少，普普通通，但炒得幾香蜆幾好味，新鮮大粒肉。一碟都幾多，有芫荽加分！d汁好好味。青口，個忌廉汁好濃好好味！用旁邊d面包點汁，一絕。d蝦一般，唔大隻又唔算爽口，意粉個汁平平，不過唔算難食。個飯有咬口，又香又入味。但舊鵝肝同個飯唔算很夾，浄食個飯已經好perfect。個乳豬都幾香，但係真係肥咗啲。同澳門某高水平葡國菜餐廳係無可能有得比。不過疫情無得周圍去，將就下唔好要求太高咁其實都ok。嗌個拼盆幾開心，一樣有d，當中有馬介休球幾好味，有很濃的芝士在中間好評。薯條還好，點白色醬好味。其中魷魚鬚無乜味比較失望少少，其他不錯。總括嚟講真係食得幾開心，最推介係青口、蜆個汁，其他菜算唔錯了，有個別菜就有進步空間。…Read More

已經好耐冇去過澳門啦，有啲掛住佢哋嘅葡國菜同埋豬扒包😋😋 趁銅鑼灣Times Square最近既優惠，去咗試小島澳門菜👍 晚餐主要係喺a la carte menu叫既，我就試咗佢哋嘅葡式香烤乳豬件配薯角同埋辣肉腸松露芝士豬扒包半薯角😆 兩個都各有特色👍👍 乳豬真係啖啖肉，總共有五件，燒得好香口同埋好脆☺️ 豬扒包就當然一定要試啦！份量好大，豬扒熱辣辣，松露味唔會太重😌甜品就試左佢哋嘅蘋果批，下面既蘋果粒熱辣辣，再加上上邊嘅雲呢拿雪糕，一齊食超正🤗…Read More

好掛住澳門美食，今日特意去銅鑼灣食，叫了主食乳豬可升級加25 有是日餐湯，今日係南瓜忌廉湯，好reamy ，好滑，面有幾粒麵包糠，主食係葡式烤乳豬件$268，肉身好厚，望落雖然得五件，但都好大塊，葡式乳豬的外皮又薄又脆，好鬆化，伴了脆肉瓜粒，薯角，份量好多，叫了杯芒果柚子沙冰，非常清涼解渴，口感綿綿的。另一主菜叫了8安士美國安格斯西冷牛扒$238，還跟了個特色阿根廷青醬，微微酸辣，好惹味，牛扒叫了五成熟，半生熟，軟腍腍。海鮮同樣出色，白酒煮海蜆$138，用了白酒加清湯，加入蒜片、檸檬片及牛油，香味十足。另一澳門名菜，盲鰽魚伴海蜆$168，加了好多款配菜，有橄欖、燈籠椒、菇、檸檬，好豐富多彩。甜品唔少得澳門皇牌，葡撻$15，撻皮酥味濃，夠鬆化，蛋味香，…Read More

朋友生日揀左呢間叫小島葡國菜食，因為疫情既關係好耐都冇得去澳門了😭唯有係度仿澳門一刻啦~呢間外觀望落去很潔淨，燈光又適中，而且有好多位，坐係卡位又可以舒舒服服咁同朋友暢談葡式烤乳豬$268最期待既一味菜色，乳豬皮烤得好香脆，肉都部分又保留到原來既肉汁，入口非常嫩滑，另外有個醬汁係酸甜帶少少辣比你點，不過我喜歡原汁原味所以少點個醬白汁煮海蜆$138海蜆沒有沙，啲蜆雖然比較細隻，不過食落都很鮮味，個多士好鬆軟好味，熱辣辣又少少脆 美國安格斯西冷$238西冷扒叫了五成熟，熟度啱啱好，肉質鮮嫩，我加了點鹽去提鮮，另外佢有香草酱，及燒汁比你調味芒果柚子沙冰$46不會太甜帶香濃芒果味，有少少柚子香味，飲落感覺清新盲鰽魚伴海蜆$168盲鰽煎得很香口，賣相亦很好，魚肉方面很鮮嫩，唔腥，而且魚味很濃，配菜內啲菇吸左魚啲鮮味都好好味…Read More

澳門是美食之地，亦可能是不久將來最快可通關的地方，不過還是等不及了，今晚先去小島．澳門吃一餐澳門風情葡國菜。有新菜式。葡萄牙紅酒燉牛頰肉伴薯蓉葡國腸 $178牛頰肉燉至淋嫩透澈，味道唔錯，葡國腸唔過鹹，薯蓉非常滑，整體滿意。里斯本風味燴蝦鍋 $168 今晚最出色的一道，果然風味，蝦香椰菜香，因為全部預先炒至微焦，保留蝦殼炒出蝦。葡式香烤乳豬件伴薯角 $268招牌沒有令我失望，乳豬皮脆肉嫩，脾肉厚而香滑，瓜茄伴菜煎過的同樣香，大大條薯條吃得開心。澳葡鴨肝芝士牛肝菌焗鴨飯 $148另一道喜歡的菜式，惹味豐腴，答案煎至有坑紋賣相吸引，肥美不膩。深褐色的有味飯帶肝菌香，調味平衡，鴨肉比較硬但可以接受。澳門啤 $38經典原味葡撻 $15同伴飲澳洲啤食葡撻，不過不失。雖然是茶餐廳風格，但位於時代廣場，環境舒適清潔，服務到位，價錢合理。…Read More