Lin Kee Hotpot (Closed)

上一次光顧寧記已是很久以前的事，當時還在舊舖。現在新店的確比以前光猛衛生，食品及服務兩方面都OK喇！火煱生料選擇足夠，墨魚滑、肥牛、麻辣豆腐都是不俗的選擇。至於湯底，當然不少得招牌麻辣煱，味道香辣濃烈。對一些不吃辣的朋友，不仿來一個鴛鴦煱，一辣一唔辣試試。另外，亦有一點值得改進，無論何款湯底，後加的湯底亦都是一樣，湯底原來的味道難免被溝淡，值得注意。…Read More

記得寧記仍在舊址時,第一次光顧竟留下不好印象:(但搬遷後,已第2度再光顧'讚食物水準,大有改善'美食方面,如:墨魚滑、蝦滑、龍蝦丸、肥牛也不錯.湯底方面:可以嘗試台灣麻辣和四川麻辣,都不是錯的選擇!至於飲料方面,,,亦可以嘗試健康的竹蔗水,,很冰涼呢!另外waiter/waitress方面,亦是服務殷勤的員工。環境亦裝修得令人舒服。價錢方面......一分錢一分貨。總括:::好印象。…Read More

已有一段日子沒有到寧記打邊爐了!最懷念的是那兒的台灣麻辣湯底,實在是滋味無窮,難得親愛的偕同小貓到銅鑼灣的寧記打邊爐去,我們首次光顧新舖!感覺比舊舖,更寬敞及光猛.我們的選擇是鴛鴦鍋,一邊是台灣麻辣鍋,另一邊是澳門豬骨鍋.點了美國肥牛,冬瓜片,金錢牛展,生菜,墨魚滑,台灣貢丸,龍蝦丸,水晶蓮蓉包等等,水晶蓮蓉包味道討好,是寧記火:)鍋推介之選!…Read More

昨晚約了友人吃飯, 原來約在尖咀,不過某人因好眼瞓的原故,要我過銅鑼灣.想起人多擠迫的銅鑼灣,我的人多恐懼症又發作.原本想上樓上的德興,不過因為太平的關係,非常多人等位,卒之又來了寧記.去到的時候離特偠時段仲有15分鐘,就坐在門外等.(幾慳,雖然只差10幾蚊)期間知客姐姐問我們等什麼, 我話：「等9點呀」佢話：「等好耐喎,仲有十幾分鐘咁耐喎~」哈,講到好似十幾個鐘咁.期間見到有人上嚟都都爭幾分鐘就俾佢帶左入去,但係貴左~~~傾傾談談,日月如梭,眨眼間就到九點, 夾埋我地得四個人等位, 即刻入得.入去叫了麻辣加豬肚湯底, 兩樣都淡了些, 但這個價錢收貨.叫了的食物, 都非常之快送到來,絕無遲延,漏單的一般任食火鍋的不好處.食物還算可以, 生蠔一碟給你的份量絕不孤寒, 一碟有8至10隻,不會就住就住.墨魚滑很好食, 肥牛也恰如其份。服務也不錯,這真是難得。席間看電視才知陳鴻烈病逝, 他是我「唯一」夜晚還會有興趣看的節目其中一個我欣賞的演員, 只覺惋惜, 人的生命,自己豈可掌握.最後恭喜友人找到新工,亦謝謝友人請了我食飯,有朝一日,我會請你飯飯好好既,有一日........ …Read More

同兩位朋友仔打爐，即刻推介呢度！寧記剛開業我已經係常客，天氣凍時一個月都有一兩次，任食火鍋人多人少都啱！但好明顯唔同鋪食物質量係有好大分別，時至今日，由本來四五間鋪得返(好似)三間，畢竟香港人係要新鮮感，新嘅對手小肥羊/譚魚頭等強敵圍攻，加上佢質素唔穩定，係好趕客。之但係，偏好辣食的我覺得佢呢個價其實香港選擇唔多，所以一直捧場，雖然...佢嘅辣...比起剛開業時確係輕手左好多倍！銅鑼灣店搬鋪後第二次幫趁啦，新鋪比舊鋪比乾淨又好坐，夠光猛夠通風，good~~侍應制服更清潔整齊，招呼更細心週到，係有再培訓的，潮流興升呢~~做海鮮酒家，即係有埋晚飯小菜，唔一定要打爐，不過，我冇興趣。七時朋友仔準時到，我叫開台灣麻辣同津白豆腐，一清一濃，朋友仔鐘意香茜皮蛋多D，又得啫！任食黎講呢度係好新鮮同幾多選擇，當中勁推牛展，又淋又入味，索完麻辣好正！一碟八片我一個例掃兩碟！肥牛其實唔肥，但我鐘意，最緊要新鮮！另鮮蝦滑、牛滑同墨魚滑都係任點，彈牙好味！魚片就一般，朋友話唔夠新鮮。牛骨髓好滑，炸魚片鬆脆，菜夠多款又新鮮，玉米五分鐘食得勁爽甜！豆腐夠滑！一般豬肉片滑牛羊肉片鮮雞件鱔片豆卜蘿白茹菇類咩都有。連譚魚頭名物水晶包最近居然都有，冇奶皇但有豆沙、蓮蓉同素菜3款，試咗豆沙，好味！鮮蝦加14蚊有七隻，唔算大隻但爽甜！鐘意嘅亦可以加$$點三文魚、象拔蚌等海鮮，唔算貴。不過今次冇點任何海鮮，剩係湯底加3位人頭茶芥加一每人實收HK$140，我地七點坐到十點，有好多部電視，我個friend仲睇埋劇集至走，夜晚仲有波睇！當晚少少爆場但唔見人等位，冇熄爐趕客(平日呀，假日唔敢講)，咁嘅價錢咁多選擇質素ok招呼唔錯，夫復何求？！雖然冇咗20 coupon送，但我會繼續幫趁，如果任點嗰個菜單可以keep住有新o野就更好！…Read More

起初以為銅鑼灣寧記結業，好不失望。雖然該店的服務和2小時後就「搶收」食物的態度不好（我和朋友們曾得到這待遇），不過其台灣麻辣湯底真的不錯。後來得知原來是搬到銅鑼灣廣場二期，昨晚就立即去試。新店和舊店明顯走兩個完全不同的路線，也許決心走酒樓路線的關係，新店不論裝修潢、格局、舒適度和清潔度，也是完全升級。最令我和男友驚喜的，是這店的服務十分好，店員普遍有禮貌，對客人的需要照顧週到。例如當晚我們坐的位置是風口位，店員一見我們站著「測風」，就立即過來了解，後來在可行的情況下調整了溫度，又立即說明可以為我們提供披肩；有些女店員十分體貼，不時過來為我們整理餐桌，方便我們取食物和飲料；見我們把食物吃清光，店員又很親切地「稱讚」我們沒有浪費食物。這種服務，實在令我們感到既驚且喜，希望他們能夠繼續保持水準。我們點了台灣麻辣和蕃茄薯仔湯底，味道基本上跟以前差不多，個人覺得台灣麻辣的麻椒香可以增加，辣度也應該提高，因為很多客人也是為了那湯底而來，不需要為遷就本地人口味變革食物的味道，令其失去特色。未知道某種食物（如麻辣鴨血、豆腐等）是否添加了醋去調味（但略為重手），麻辣湯底那邊越吃越酸，這方面店方需要留意一下。食物方面，魚腐、魚皮餃、雞片、生蠔和菇菌類也不錯。以每人＄170 的價錢，我個人覺得食物用料新鮮已經可以接受。當晚的客人都是斯文客，來的有情侶、一家人和一班朋友。由於大桌安排在週邊，中間的都是4人桌，故愛熱鬧的可以盡情熱鬧，想傾計的都能夠慢慢享受，所以吃得十分舒適。如果大家有家庭和朋友聚會，我覺得這地方是值得推介你們的。入座時待應說明限時兩小時任食，當晚店方並沒有催促我們結帳和last order ，未知是否因為當晚未爆場之故。希望店方日後仍然能夠按當晚情況彈性處理，客人必定會加分。是次的晚餐吃得十分滿意，我會再去的。:)…Read More

係全年最熱既一日去左迪迪尼玩真係好辛苦呀！所以要食番多d野黎補充一下能量先(所以揀左任食火鍋)未試過去銅鑼灣呢間分店食去到先知原來搬左喎...好彩只係搬左去對面馬路由於時間太早既關係入到去發現原來我地係第一枱客喎被安排坐左係對正電視機位gd！一路食一路睇電視~平時去開打邊爐既地方都係張枱連埋電子爐的但呢度就將個爐就坐左係枱的下面加埋個湯底岩岩好同枱面成一直線食得好舒服~唔洗舉起手/企起身夾野食~抵讚食物:冬瓜瑤柱海味湯底--幾好味~入面真係撈到瑤柱+金華火煺片(雖然兩者都係細細件,味道都錯)生蠔--不算太新鮮，比之前去的旺角分店差美國肥牛--幾好~唔會係d得脂肪無乜肉既肥牛芝士腸--不太好食~唔建議點黎食~好硬粟米--幾大舊同埋都幾甜其他食物都有叫但係都無咩特別~正常啦所以唔續一提了醬油每枱都有一碟生蒜, 辣椒, 蔥 , 麻油, 白醋服務都想讚下d 侍應生既因為都幾快手同細心有個伯伯幫我地加湯時，會就住倒落去仲用自己隻手擋住怕d湯會淺到客人…Read More