富記飯店 (Closed)

不孝子孫o係父親節正日身處美國西岸, 要到今日先補祝. 本來想揀利苑, 但洗衣街o既分店內部裝修, 我就建議試下富記.叫左:椒鹽九肚魚-- 雖話係小食, 但係分量一d都唔細. 九肚魚已經起晒肉, 香酥脆皮內啖啖肉, 好味!砵酒焗蠔-- $88得四隻, 分量少左d. 砵酒汁調味唔錯, 不過蠔唔夠juicy. 魚湯浸娃娃菜-- 魚湯好鮮甜, 師傅一定有落, 不過好似唔係落左好多. 除左娃娃菜外仲有d雞脾菇, 唔錯.雙果咕嚕雞球-- 雙果係夏威夷果仁同腰果. 雞片yam左粉漿炸, 分唔到係肉定係皮, 我咬第一啖就即刻中奬 -- 雞皮. 仲要食畢整碟都只係得一塊皮, 咁都俾我揀到, 又唔見我中六合彩? anyway, 雞肉係翻炸, 乾晒無雞味, 唔掂擋!飯後送糖水, 係腐竹薏米, 味道okay, 但較稀.埋單$323, 都幾平, 可翻啅.

五月頭一家三口去食宵夜, 我之前睇雜誌話佢D粥好正, 咁我又好like食粥, 咁就去試試, 叫左個套餐, 有兩個粥, 1個小食, 1個菜, 1個炒粉面飯, 所有野都好食(但多味精當然好食), 粥唔熱, 以為套餐可能差D, 咁散叫一個粥, 落單時己清楚講明D粥唔熱, 我要好熱既, 佢都答左話比超級熱既我, 但係到上枱時, 個粥都係就係熱, 但食左兩口就變暖(好似mircowave 叮熱咁). 真係唔係好明煮滾一個粥有幾難.

星期六辛苦趕完project，心情怪怪的不想回家，夜晚來了旺角。週末來旺角其實很發神經，因為到處都人山人海，要找地方吃飯絕不容易...　好在，也多得有朋友在場。如果不是朋友帶路，我永遠也不會知道星際隔離大廈上有幾間餐廳，而且環境與食物皆不俗~　胃口一般，我們兩個人只簡單點了兩個小菜，分別是鮮蝦香芒脆筒與三色炒魚柳。菜式不會太油膩，味道細緻而份量足，再點白飯竟也很飽了。要提一提富記的茶挺好喝，我貪心的倒了很多很多杯!!　服務也好，價錢當然也貴一點，兩個普通小菜下來埋單就$160。如果叫多幾個菜，或點一兩個名貴菜式，大概要人均$200。然而就如朋友所講，這裡質素不錯，可考慮適逢特別時節與家人來吃飯~

很久沒有去富記食飯。上週收到他們來電說先前申請的VIP咭OK了，所以特地去取咭兼食晚飯。自己點的法式片皮雞，冰鎮黃鱔味道無變，伙計介紹的籠仔糯米蟹和腐皮浸皇帝菜也好味，可以再食。埋單時用VIP咭有9折。我哋一行6人平均每人$120 都算抵，問伙計原來午市和宵夜都可以用VIP咭﹐有9折。下次又試吓午飯先。

我試冰鎮芥蘭，簡直搵笨，數埋唔夠三的芥蘭有規律地直插碎冰上，味道真係淸新，白烚嘛，但我真係食唔出呢道名菜有咩特色。48蚊可以買到幾多棵芥蘭呢....招呼一絕!我明明之前食過泰式雞翼，好惹味，今次諗位食過返尋味，點知伙計畀碟乾煎雞翼畀我，我以為跟錯單，誰知話係咁樣喎，我據理力爭，後尾另一位伙計話係廚房搞錯，未加個汁就拎上．．．點知好戲在後頭，所謂真正的泰式雞翼同我兩個月前食係面目全非，我覺得好搵笨，講講下個伙計先話換個廚師，仲話：「係咁架啦，做唔返之前個畀啦，你試先啦！」係佢話如果試唔可以唔計數之下，我一試，結果係鹹，根本唔係什麼泰式雞翼。同大班朋友食飯．．．有時味道相差一點都算數，但今次係勁跌Watt，於理不合。

我們一行8人吃了醉雞、咕噜雞、西芹炒帶子、冰鎮芥蘭、香橙牛仔骨、魚湯娃娃菜、銀絲卷。除了香橙牛仔骨及醉雞還可以外，其他一律唔合格。「西芹炒帶子」，碟頭細得可憐，每人一小匙經已可以收碟，用料成本應該冇８蚊，但盛惠88蚊，個80蚊應該落入服務．．．．．．．味道呢？名符其實ox醬炒，淨係落ox醬外，沒有任何味道，差過街邊小炒好多，師傅應該用兩成功力，辛苦晒！8人中在剛過去的春節品嘗過「娃娃菜」，大讚味美，今次亦極力推介，可惜由煲菜變成一碗，份量少了也另當別論，但用料減少，味道嚴重失色，令朋友大失所望。銀絲卷，驟眼看似饅頭，因為實在太細呢！味道一般，但盛惠48蚊。咕噜雞，好乾身，乾得有「嚼勁」，真係「一試難忘」。

年廿九，一家5口食團年飯，點了一個6人套餐。例湯是霸王瘦肉，完全沒有味精，好有住家湯感覺，老豆同老公連飲幾碗。燒味雙併-雖然是雙併，但一碟有燒腩仔、叉燒、燒鵝及海蜇四款燒味，燒腩仔及燒鵝的皮好脆。雙果咕嚕鳳球-原來雙果是腰果同夏威夷果仁，兩款果仁份量都不少；鳳球是雞肉及蝦球，雞肉的肉質較乾，而蝦球的肉質亦唔夠彈牙；而甜酸味調教得不錯。海參鵝掌-海參大大件；鵝掌亦炆得恰到好處，不太腍亦不太硬。薑汁芥蘭-味道較淡，薑汁唔算濃，不過莖的部份好夠爽。清蒸海班-肉質算唔錯，唔會霉，俾我想像中好，只是蒸魚的豉油味精較重。飯後有甜品及鮮果併盤，甜品是芝麻糊，好明顯是粉開，唔食亦無選失。除了食物OK之外，服務方面可以加分，媽媽鍾意佢服務有禮貌亦夠細心。至於環境方面，我o地5個人坐一張馬蹄型疏化，亦好寬落，不會太逼。

如果唔係見到隔離一路食一路撩撩下呢味菜一上碟果下都真係會嚇一跳以為就真係得果幾條芥蘭就收你八十幾蚊實情呢個叫冰鎮黃鱔雪得冰凍咬落好脆下既鱔肉深藏於冰下而且冰天雪地你唔知幾時先至食晒d鱔大家鬥尋鱔既過程真係夠晒好玩雪過之後鱔味唔豐富不過勝在有口感平日唔多好食鱔既都可以食到囉糯米籠仔蟹朋友一見到就即時指定要點既個籠好大不過蟹都算大隻蟹味不重不過好多肉(即為肉蟹乎?)鋪係糯米飯上好香更是飽肚之作炒牛柳粒同者者唐生菜都好鹹無咩需要都係唔好再叫喇酸辣湯麵大家食完都只有爆出痛苦既表情同一式一樣既五個字：「真係好辣呀」真係無試過既辣既酸辣湯麵佢辣得黎仲要係麵、湯以至每一樣配料都辣到入晒味之但係唔知點解大家又會食完一碗又一碗喎結果最終三個人(仲有一個怕辣無掂過)起碼每人食左兩碗幾先肯收手好彩最尾有返個紅豆沙回一回氣裝修不錯但係仍保留住中式食肆既嘈菜式看來真係好想好想創新如果朋友飯聚都值得試下果d法式片皮鵝(好似係鵝肝夾鵝)之類等既新派fusion feel 廣東菜值得一提埋單check單發現雜費好多茶錢同醬同小食要幾十蚊就似足舊式茶樓囉好心要創新就改埋呢d惡習啦本身d價錢都已經唔平喇嘛…

知道佢係富記粥店老闆開既, 對佢都有信心。入到去個環境好舒服, d service都好好, 不過一開始佢無問我地食唔食煙就安排左我地坐吸煙區,之後我地要求轉檯, 無問題啦, 有得轉就可以~我地叫左5樣野:1/ 冰鎮黃膳比我想像中多, d黃膳都好爽脆~2/ 踏雪紅梅(唔記得係咪咁叫)都ok, 清清地幾好~3/ 黑椒雪魚煲依個比較多油, 雪魚都比較少~4/ 臘味煲仔飯比我地想像中好味, d臘味好好味~~!!食完之後仲問我地要唔要將個飯焦做泡飯tim, 不過我地實在太餓, 所以無要到啦~~5/ 漁湯浸娃娃菜依個都好好, 原個湯咁既~食完仲有糖水生果送tim, 見佢地咁好service, tips俾左$20佢地~

尋晚同男友去旺角行街街，正煩惱緊dinner食D乜好，隨街收到D宣傳單張，其中一張正是介紹這間『富記飯店』，本來都不以為已，隨便一看，單張中所影的食肆環境尚算不錯，而最重要既都係價錢，二人套餐都係$188，都諗得過喎，於是便上去試試了！一入到內，果真環境如單張中般優雅舒適，坐下便點了單張中介紹的二人餐了！單張右下角有印花可換一客西班牙焗紅茄，我便問職員是否適用，那位男職員很有禮貌，更主動多送一客給我們，令人喜出望外，印象分都加多幾分啦！先看看我們的二人餐單是什麼：(1)養顏木瓜盅(2個)(2)沙律凍紅蟹(1隻)(3)富記兩小碟--------->是海蜇及鴨舌& 鵝肉片(4)堂煎牛仔骨(5)日式什菜(6)生炒糯米飯(7)合時生果我和男友的意見是：沒有任何一樣餸是不滿意的(當然以我倆的口味啦，而且份量十足，隔離枱兩位女士都要打包三盒走！)再講講其他：-環境新淨，只係開張左半個月！-D職員好細心，我用左筷子食沙律，佢地即刻意會到攞番個叉比我，仲細心過我！-個經理好NICE，會問客人的意見，盡量做到客人的要求！所以本人認為，值得再光臨！(聽聞午餐套餐仲抵，只係$118，由十二點至到五點

Seat comfortable, good service and food quality is up to standard. I like it.