Fu Wah Cafe (Closed)

呢個年代，傳統既茶餐廳真係買少見少，好彩喺我工作既紅磡舊區仍然不乏好味抵食既茶餐廳。呢間富華就係其中一個例子。已經食過富華好多次，呢度既茶餐同碟頭飯都幾高質，再加上一杯正宗既凍奶茶，作為一個打工仔既醒神午餐的確唔錯。今次就揀左碟頭既時令臘味炒飯，炒飯賣相都幾好，驟眼睇落就似生炒糯米飯，不過今次呢碟就係普通炒飯底黎既，只係有部分臘腸粒炒得略為少少燶。食落口，唔會太乾亦唔會太油，雖然落左豉油炒但味道唔會太鹹，夾埋臘腸粒一齊食就啱啱好喇。餐飲當然係頭先講過既凍奶茶少甜，茶香奶滑。都係嗰句，今時今日要搵到一間飲到正宗港式奶茶既茶餐廳，已經好難架喇。…Read More

今早外賣一份外賣牛扒、火煺炒旦、多士35元(外賣盒加一元)，凍飲加3元，加火煺通粉8元(外賣盒加一元)，加菠蘿油8元(外賣盒加一元)，總數收咗3個盒錢，但菠蘿油係用纸袋裝，無俾盒何解要收盒錢，向收銀查詢時只回答公司規定，有被騙感覺，回家後仲要發現菠蘿油變咗奶油豬���…Read More

邊個話茶餐廳係只屬於男人既浪漫？女人都覺得好正。茶餐廳有乜好，快靚正，又多選擇。我最怕茶餐廳地下油淋淋，又多蒼蠅，四圍飛😖但呢間係新式茶餐廳，望落好整潔！我最愛緊係常餐同特餐啦！特餐》叉燒公仔面+火腿奄列+牛油方包係基本。個奄列好足料，有雞蛋味，唔係用溝好哂既蛋漿，入面係滿滿既火腿，絕不馬虎！常餐》瑞士雞亦撈丁+嫩滑炒蛋+特脆奶油豬仔包炒蛋好香滑有奶味，撈丁配左小小沙律菜，雞翼嘅瑞士汁甜甜地味道剛好，奶油豬唔會輸蝕俾翠X。整體來講價錢同質素成正比，係不錯嘅新派港式茶餐廳。…Read More

每逢放假自然醒都特別肚餓,又唔想自己喺屋企煮早餐,朋友介紹過富華嘅早餐ok,咪即管一試.可能因為早,唔使等位.照慣例都係叫咗沙爹牛肉麵同埋五香肉丁麵呢種失敗機率較少嘅餐. 更何況依兩個餐係跟奄列既,中正我果飯.先來杯奶茶,一般啦,茶味唔夠濃.奄列送上枱果陣,齋睇賣相真係有少少失望,又扁又平睇落仲乾爭爭.咬落去之後先至發現原來裏面仲有蛋汁既.要做到呢種效果可能好簡單,但係依家出面嘅茶餐廳有幾多間可以做到,真係好少.非常可惜嘅係裏面只有火腿絲一種餡料,如果有得選擇加埋煙肉/肉鬆/芝士etc就真係完美啦喇.呢度既肉丁麵,用既肉丁唔算鞋,唔知係咪同其他茶餐廳用嘅牌子唔同.至於沙嗲牛肉麵,最起碼牛肉無被醃到林坺坺,仲有咬口,唔鞋無渣,淨係依樣我已經好滿足喇.要留意依度既枱好細張,2個人2個餐放晒上枱都顯得非常逼夾,如果想另多加單,最好食到咁上下先落order,到時可以新碟換舊碟.或者因為食得多唔用心煮食既茶餐廳,對茶餐廳食物嘅要求變得越來越低.當遇到符合標準嘅茶餐廳食物就會驚為天人.好簡單嘅沙爹牛,五香肉丁,奄列已經睇得出一間茶餐廳嘅態度. …Read More

The waitress(old) missed our order, also over heard the next table also the same experience, not even apologize and pretend nothing wrong...#%+¥&@$Food also lousy and will not come back again.…Read More

地點: 紅磡湖光街1-7號聯成大廈龍圖閣地下1至2號舖 交通指引: 港鐵黃埔站 B 出口, 步行約4分鐘 電話: 2334 2106 我很喜歡這一家香港茶餐廳，第一次來吃早餐的時候，就發現這一家店有很多常客，很多一個人來吃早餐的景象，吃完之後就離開，很像台灣我家附近的美而美。 這家早餐的黑松露炒蛋價錢也很親切，加了奶茶，只要HKD33。回想我在旺角華星冰室，光是黑松露嫩滑炒蛋烤土司，就要HKD42，外加熱奶茶HKD18，吃下來要HKD60，在這裡整套一模一樣的餐點，只要HKD33。果真是觀光區和當地居民生活區的物價，差很多呢~ 黑松露火腿嫩滑炒蛋 (HKD 33) 黑松露非常非常多，堆成一座小山。我不吃火腿，所以就跟店家說，”走火腿”囉~ 我好喜歡吃香港的滑嫩炒蛋，香香軟軟的，每次吃都好喜歡~ 香港茶餐廳的早餐，一定要附上一杯香香濃濃的奶茶~ 香港茶餐廳的奶茶或咖啡，都是用這種厚厚的小杯子裝的。小杯子通常都很舊了，很多人喝過，也不一定洗乾淨，但也習慣香港茶餐廳這樣的文化了。 是一家，我早餐會想來吃的店。 …Read More

今次第二次去富華小厨做節，叫左個$1888套餐，份量足12人份量，蟲草花豬肺雞腳湯好飲到連湯渣都食哂！其他菜式碟碟都好美味，呢D水準依家既酒樓好難吃到除飛去D名人飯堂例如福臨門，阿一等等但價錢一定唔小錢所以小妹誠意推介！…Read More

天氣咁熱, 唔明為何不開大D冷氣, 經常係咁, 是否慳電?奶茶呢, 越來越冇茶味, 食物放十分多味精, 每次食完後, 整日也十分口渴.在紅磡區, 以茶餐廳來說, 他們的價錢也算貴, 不作改善的話, 很快會被淘汰吧.…Read More

又到三四點，係時候食tea,經過呢度三十蚊左右有個茶餐，覺得幾吸引就試下喇我覺得呢間野既賣點係大份，見到隔離枱食飯係勁大碟，可以兩個人share!我就食牛扒蛋公仔麵，勁大塊牛扒，無乜牛味，不過肉質都林，個蛋都煎得幾靚，而味精湯味道都不錯，幾好飲，$33包熱飲一杯。朋友食豬扒薯條，又係勁大碟，痴線，勁多薯條食唔哂，佢話豬扒都炸得幾鬆化，都算厚，唔錯，一樣都係$33包熱飲一杯。…Read More

今晚去了富華食晚飯，感覺被騙了！黑店？我先叫了兩個晚餐小菜，然後再要一個油菜，通常我都係咁叫晚飯食！首先他先來了兩個例湯（臉色很差的，而且還把手指插進湯內的）拍一聲放下了湯，湯汁彈起還彈到我件衫！！（不知是否因為佢叫我加22元轉燉湯我無加的關係。）然後有個女的放下了一張單，𥚃面除了有我們叫的兩個餐外仲有個單叫 抄菜五十幾蚊，我老公走去問個女人點解叫個油菜咁貴，佢話你睇餐牌啦！但我係要油菜唔係抄菜，餐牌無寫油菜價錢！而且餐牌上有多個小菜，有菜有肉的都只係五十多元，仲要跟飯同湯！😞咁之後個女人就話咁取消羅，跟住佢大聲向廚房方向叫，佢地嫌貴唔要個菜，但如果整左就無計！廚房立即回應巳經整左，大約五分鍾後，就來了一個油抄菜…其實我通常晚飯都鍾意叫小菜後加個油菜走油，就算餐廳餐牌無佢通常都係收20一38不等，而且30以上通常都會同你講聲，但依間餐廳無，52元的價格在紅磡區是不合理，如果佢有同我講聲或許都可以勉強接受，但佢冇！仲大聲夾惡。失望之餘，感覺十分被騙！…Read More

冬至與家人吃晚飯，媽咪推介呢間茶餐廳因為好味又抵食去到要等位，一早講左三位，經理毫無反應，隔一陣問佢落左位未，佢黑面並反問我地有無同佢講過 費事嘈，再提佢多次三位，依然無回應等左30分鐘終於入座入座叫野食，想點脆皮蔥油雞，經理搖頭拋低一聲 “無”，走左去。 唯有點其他菜式等20分鐘先上菜，先來咖喱牛腩煲和菜心炒鮮魷，味道不錯，就係等極都等唔到蒸倉魚。先後向幾位侍應跟進，個個都係hea答，“魚要耐d”，“幫你跟跟” 都明白蒸魚可能要耐d，食完兩個餸再等左20分鐘，再問經理經理答覆竟然係 “原來倉魚賣曬，一入單已經彈左，而家幫你落返蒸桂花魚?" 難道要我再等多四個字！？！？ 八點開始等食到十點都黎緊。飽又唔係 等又唔係 燥得濟埋單走人。做冬食唔飽 平心而論，食物質素不錯，但服務態度真係不能接受明白人手緊、多野做、壓力大，希望下次幫襯有改善。…Read More

今次已經係我第三次去食，頭兩次都無專登打食評，今晚再食覺得真係好好食，遇到咁好既餐廳真係要讚下～今晚我地４個人去，見到有羊腩煲同麻辣雞煲真係諗都唔洗諗，就叫兩個煲啦。羊腩煲羊腩多，夠淋，湯底濃郁仲有生菜麻辣雞煲我叫左小小小辣，因為我唔太食得辣，初頭食一兩件覺得又好似真係唔夠辣，但係因為係有爐熱住，於是越食越辣呀唔係誇張，真係想大嗌…好好食呀～結果連好小會食雞腳既我，連兩隻雞腳都食埋就知唔講得笑。炒蜆香又有些小微辣，真係無得頂相信我好快會再去食過PS 我九點先去食，因為晚餐時段人較多…Read More

成日lunch都黎呢度食,今次寫下食評~賣相唔錯~開胃清新,菜好新鮮👍賣相吸引~雞翼味道ok,但肉質略嫌粗鞋。撈丁彈牙,唔太鹹~不過食完都幾口渴😅價錢都算合理~座位ok舒適~服務ok~裝修簡潔明亮~…Read More

紅磡餐廳小館處處，想揾食不困難，但是想搵好吃又便宜又高質的，特別推介[富華餐廳小廚]，位置街角，"人"字汔車中心附近，晚上一行八人走進這間小廚吃大廚主理海鮮宴。避風塘炒蟹（$248) 香辣味濃，肉蟹又大又肥美，可以媲美海鮮酒家。主廚推薦的麥皮大蝦，外面鋪满麥皮，口感脆脆的，相比吃黃金蝦球不甚肥膩，是必吃之選。墨魚餅，大大件，熱騰騰的，雖然略鹹，配上腰果伴食，佐酒小吃推介。麻辣豬耳，大大碟，足料足味道，才$48 ，抵三五知己茶敍必選！中秋節將至，小家庭不想上酒家吃固定菜式，可以考慮轉換新口味，試試富華的海鮮小炒！  …Read More

工作忙食飯盒是常識吧 茄汁正常，吾算太酸，又吾會太甜，配上洋蔥送飯，都OK。牛扒份量都算多，有2塊長的，可惜肉質實在好鞋..... :( 白飯 ，沒有一般飯盒的倒汗水，所以口感還算OK連同一杯凍奶茶，這個茶味比較重就不是我的口味，我是重奶控 ，同事就話佢鐘意呢個。$45.5平均每位…Read More