富臨皇宮 (Closed)

雖然中國人著重過節一家人坐埋一齊食飯慶團圓，但係今年大家應該要謹守在家的崗位，減少人群聚集和社交活動! 疫情下大家都憂心忡忡，想帶點正能量和節日氣氛俾屋企人，就揀咗富臨的大熱流心奶黃月餅，完美結合頂級鹹蛋黃、牛油、麵粉和奶黃的流心月餅，醇滑甘香的口感，百份百香港製造，送禮自用都食得安心。以紙盒雙層包裝的月餅共有八個，每個以獨立包裝，衛生易保存。富臨的流心奶黃月餅選用優質的食材，其中以牛油代替傳統的豬油或廉價的棕櫚油，而且百份百香港製造，帶來意想不到的驚喜。切開流心奶黃月餅，在室溫下洶湧的奶黃流心溢出，散發醇滑的奶油香氣。月餅入口甜滑豐富，黃金比例，鹹蛋黃咸香和甜度平衡適中，別具獨特的月餅滋味。鹹甜皆備，選用最優質的食材，配合黃金比例，精心焗製而成。而且百份百香港製造，絕對是慶賀中秋、送禮之選。

近排因爲新冠肺炎買多了外賣，上星期就買了富臨外賣，原本以為沒有什麼特別。想不到這間酒樓這次頗有驚喜！第一道菜是揚州炒飯，飯本身夠乾身，應該是隔夜飯才能做到的粒粒分明。材料也沒有馬虎，叉燒蝦仁份量足夠，值得一讚另一個餸係馬來咖喱雞，雞球分量也是很足夠，兩個人剛剛好，咖喱味偏濃，本人很是喜歡。須然我未試過正宗的馬來咖喱雞，以這個價錢，我覺得非常值！這間酒樓的準備時間算很快，我剛下單好快就有了，食物熱度適中，我們不用返熱就可以食了。總括來說，這次我們兩人食了$151，這個質素來說無得輸

今晚冇煮飯 見富臨有48折 非常抵就打去叫左幾個外賣 48折真係超抵 平時7 80蚊一個餸 依家半價都唔使 3 40蚊就有自己煮都唔只呢個價！ 抵！我地就叫左兩個餸 一個伊麵大澳香蝦骨用大澳蝦醬餣嘅豬扒 再炸 非常香口惹味！ 餣得剛剛好 唔會太鹹再叫多個 黑椒薯仔牛柳粒好夠鑊氣 薯仔炸得脆 牛柳粒夠林之餘 都唔覺有鬆肉粉味 加埋黑椒汁 真係食到停唔到啊 最後就係瑤柱金菇炆伊麵煮得幾好 食左2碗都唔會太油膩 好味啊抵食又方便 就打個電話 行到去酒樓就有得拎！

同爸爸媽媽食飯 最好就係去酒樓 地方大坐得又舒服方便傾計 今次去咗青衣富臨皇宮 唔使等位好快就可以入座啦 餐牌選擇都好多 我哋三個人就叫咗三個主菜同一個小食沙薑豬手 $28叫咗個小食 個豬手整得好林 個煮同平時有唔同 已經撈好曬唔係自己點沙薑汁食 睇落唔似沙薑豬手 但食落個沙薑味都幾濃芝士波士頓焗龍蝦 $238龍蝦大隻啖啖肉 龍蝦肉彈牙 最鍾意配埋芝士撈埋伊麵嚟食 好滿足極品燒鵝皇 $128富臨啲燒鵝 真係唔錯 皮下脂肪唔係好多 充滿油香 皮脆肉嫩 瑤柱海味什菜煲 $88瑤柱啲味好出 配埋蝦米瑤柱北菇煮成一個海鮮湯味道真係好鮮甜 最後連湯都飲埋今次整體屋企人覺得好滿意 有機會下次再嚟食

今日放工老媽子唔想煮飯，但又有肺炎關係冇所出街食，屋企人又想食中菜，所以就叫左個外賣自取翻屋企食，去間久仰大名嘅富臨皇宮，結果完全冇失望。第一道招牌菜係蓮藕咸魚煎肉餅，香香嘅肉質，煎得啱啱好，富臨皇宮作為主打中菜嘅餐廳，果然冇令我失望！之後叫左個西蘭花炒蚌片蝦球，都做得唔錯，味道夠之餘脆軟適中。啲蚌片同蝦球好有鮮味，西蘭花入哂味，值得一試。最後叫左個糯米飯食，啲飯香好正，食落唔會太淋啱啱好，簡直係上品！最後講下依間餐嘅服務。部長好快就幫我落單，啲餸都好快有，所以服務上我俾滿分！價錢黎講我地兩個人食左大概$144。以咁高質素嘅食物黎講算係物超所值。所以整體黎講我對今餐嘅評分係9分！

中午lunch飲茶富臨無咩人上去即有位Xo炒腸粉，都幾香 幾入味煎蘿蔔糕 煎得唔夠香 好普通叫佐個拼盤 得個籠大😂😂入面d野食好hea無咩印象有邊款好食紅棗糕算最好 係甜佐少少個包好似食緊饅頭甘😂最過份係金錢肚 同 青瓜海哲金錢肚聞落去係霉佐既咩同經理講 佢話落錯汁😑😑但我地都覺得唔似😂😂海哲唔爽口 唔知以為食緊粉皮拍青瓜另外有個瑤柱金菇炒米粉就炒得香口 都足料炒得又唔乾 濕濕地幾好食

酒宴不嬲都要等一餐先上菜，唯有飲住菜先啦，但啲玻璃杯好恐怖。。。好污糟。。。好似冇洗過咁，叫侍應換幾個杯黎，竟然換左個有紅色唇膏印既杯。。。。😓基本上所有主菜質素係好差，我本時食得好健康都覺得碟碟淡而無味，但衛生情況真係唔得。個翅一黎又係冇味，係完 全 冇，好似水咁，重點係，有 膠 紙。。。好核突呀 🤢 好彩係大人食到唔係小朋友，唔係吞左/哽親真係大件事。個伊麵又係完全冇味。。。唔知點解可以做到咁。。。個甜品。。。。芒果果個雪到硬晒好似咬膠咁；粉紅色果舊唔知咩黎，又完全冇味。。。

親戚小朋友百日宴去青衣富臨，星期日下晝好多人等位，排晒長龍，好彩位酒席有位，唔係等兩個鐘都未入到。中菜lunch都400蚊個，仲要啲野食好難食，雖然係開心事，但親戚們都食得好唔開心 😵柱甫個汁多到可以游水，個柱又鬆散，味淡好似煲完湯咁。生菜好稀好水。 🤮蟹拑係我食中菜套餐最期待既一樣野，但都係令人失望。個皮硬到不得了，好似落左幾層粉咁，入面又一pat野好多麵粉咁。🤧炒飯係唯一較好既一樣，之前啲餸食到冇胃口，麵有個炒飯頂下肚。。。🤒

今晚諗住同屋企人去酒樓食飯，順便當中秋節晚餐，於是揀左富臨皇宮！食完晚飯之後，又可以去海旁散完步，先搭車返屋企！魚肉煎得幾香口，美中不足就係西蘭花比較硬同一條魚可以用兩種烹調方法，岩岩講左煎，淨低就係清蒸！魚肉同魚皮都好肥美，咬落去果陣，會覺得啖啖肉！乳鴿！之前食過，果陣係切得比較細件，可以分成四件！今次只係切開一半，食既時候覺得好唔方便！鮑魚都算大隻，但係蒸既時間耐左，食果陣覺得好硬！屋企人想食得清淡d，所以揀左上湯時蔬，但味道一般，下次唔會再叫！

青衣富臨，幾大裝修幾靚，下午茶冇咩人，煎青椒，煎到金黃色，幾香口，d魚肉彈牙。南瓜煎堆，好薄身，好味，唔會好油煎釀茄子，煎到金黃色，好香口，茄子夠juicy馬拉糕都唔實，鬆軟，唔太甜鯪魚球都係彈牙的，唔會好實同太淋雙皮奶熱辣辣夠晒滑身，好香，也不是好甜呀。好味道！鳳爪賣相幾好，入味蛋白白米炒飯，好大碟，炒得乾身，唔會好油，有d菜粒，瑤柱蘿蔔絲酥餅，夠鬆化，入面好多蘿蔔，好味呀！流沙奶黃包，賣相好靚包夠軟身，入面奶黃唔會好多，好香蛋黄味道燒賣大粒足料

跟朋友到青衣想吃中菜，就看到富臨皇宮，開頭以為離地鐵站不方便，其實在二期走過去只需要幾分鐘路程。我們分別點了-鮑魚，吃下去爽口，$138有8個絕對超值。片皮鴨，師傅切出來比較薄，以一百頭有這個質素的一食絕對係驚喜。此道菜比較辣，可是很開胃。上湯龍蝦伊麵，我認為用上湯煮較淡，龍蝦肉也豐富，用芝士焗相信也好吃😋。芒果布甸，跟平時在酒樓吃的不同，上面舖滿芒果肉，唯一中心落魚膠粉太重，稍為硬身，可改善。晚上去客人不算多，環境算寬敞，又沒有限時，朋友間暢所欲言的好地方，下次也會去再光顧。

富臨可以說是我和家人每個星期必去的飲茶之選，座位闊落，價錢公道，服務周到。今次想介紹我每次來到必吃的食物，先說說這個南瓜煎堆，即叫即製，放入口時熱辣辣，味道非常香脆，是小朋友的最愛。這碟椒鹽鮮魷非常大碟，同樣是新鮮製造，食落去時脆卜卜，再加上點點的七味粉，非常惹味。我們選擇了薑汁紅棗糕作為甜品，薑汁帶了點點的薑辣味，紅棗給人的感覺亦很健康，整體味道不會過甜，是母親的至愛甜食。

今天陪家人去青衣看樓盤，順道在灝景灣的富臨皇宮吃晚餐。餐牌上的食物款式雖然不算太多，但是款式總算是包羅萬有，而且價錢以酒樓來說比較實惠。四位晚飯，每人都不用$200，感覺是大件夾抵食。一行四人，共點了一款湯和三個菜式。先說我最喜愛的一道菜—上湯焗加拿大龍蝦伊麵。食材如此昂貴的一道菜，售價亦只是$128。雖然價錢便宜，但龍蝦的份量卻沒有偷工減料。龍蝦的肉質鮮味，而且很彈牙，非常新鮮。姬松茸燉響螺湯是我更一款極力推介的必點首選。燉湯很具份量，我們四人喝每人都分到最少兩碗。目測湯料中最少有半隻雞，加上響螺和姬松茸來燉，味道非常鮮甜。$128 這價錢，連湯料也可能買不到，我認為這燉湯絕對超值。海參花菇肉掌煲中的花菇尺寸比湯匙還大，炆得柔軟又入味。玉掌更被炆成被化了骨的綿掌般，吃得讓人很滋味。鐵板黑椒豬手大大隻，以鐵板上碟，中西合璧。配以黑椒汁，味道中規中矩。爆炒海參花生苗最具特色便是花生苗。花生苗在一般食肆中並不多見，它無論賣相或是味道都跟豆芽很相近。不同的是，它比豆芽粗很多，而且味道亦鮮甜得多。花生苗連同海參經過爆炒，味道頗為惹味。看見鄰桌點了生煎菜肉包，媽媽又忍不住點了一碟。菜肉包的表皮被

一年一度的爸爸節，跟家人外出食餐好是常識吧。這次選了人流相對較少的平日聚餐，選址在沙田石門站旁的富臨皇宮吃中菜。富臨皇宮的裝潢頗有氣派，巨型水晶燈，光猛而寬敞、一望無際無柱的大堂，整個格局非常優雅舒適。酒樓無論是套餐還是散點項目的價錢都頗為實惠，不少項目的價錢更甚為頂爛市，例如芝士龍蝦伊麵亦只是$128一碟。我們一行四人共點了四餸一湯一點心，足夠捧腹而回了。姬松茸燉響螺燉湯大大的一盅，足足約有10碗湯的份量。燉湯相當足料，除了姬松茸和響螺，還加入半隻雞來燉。單看燉湯的顏色，已經知道滿載湯料精華。一喝之下，果然是相當鮮甜。上湯焗加拿大龍蝦（伊麵底）$128的龍蝦伊麵，是難以想像的豐盛。先經走油的龍蝦，肉質結實而鮮味。伊麵盡情吸收了龍蝦的精華，味道當然是相當不錯。鐵板黑椒豬手服務員會把豬手預先切好，無需自行費力切豬手。豬手啖啖肉，筋腱位膠質很豐富，黑椒醬汁的味道調味適中。海參花菇肉掌煲被湯匙還大的花菇排得滿滿的，視覺上相當豪華。海參花菇和玉掌，都炆得很入味很腍。爆炒海參花生苗這是我第一次接觸花生苗，它就像粗版的豆芽，尺寸比筷子還要粗。花生苗味道鮮甜，口感爽脆，值得一試。生煎菜肉包家人愛吃菜

同屋企人食餐好嘅！去青衣富臨皇宮，雖然係集團式，但非常高質！姫松茸炖燉響螺湯特盛size！響螺、雞腳、松茸、豬展全部真材實料！湯好甜好鮮！生煎菜肉包 煎得好脆！而且超多肉汁！餡料又多！推薦！頭抽走地雞走地雞木桶上新鮮雞！新鮮雞！肉質好有口感加拿大龍蝦伊麵大大隻龍蝦啖啖肉！龍蝦肉夠新鮮，上湯又夠濃，食到停唔到口！荷香豉味蒸白鱔無腥味！豉味好夠好香！！海蔘花菇玉掌煲料勁足！海參好腍身！成個煲味道十足！極力推薦！🤘🏽🤘🏽🤘🏽