Fulum Palace (Closed)

三五知己唔想打邊爐又想坐下來吹下水不如食中餐，慢慢吹慢慢食，朋友話不如食富臨皇宮因為我們志在吹水，當然吹水還吹水食物質素也不能太差，而且富臨皇宮總有一間喺左近十分方便，坐低望望餐牌都幾多選擇，有海鮮有小菜梗有幾款啱大家野山參燉水鴨 - 材料用上水鴨雞件瘦肉紅棗和野山參清燉參味突出，飲了一碗全身也一熱起來。波士頓龍蝦(伊面底) - 龍蝦份量不少而且新鮮彈牙，配上香濃鹹香的芝士汁和伊面，伊面盡得芝士和龍蝦汁的精華實在美味。豉汁蒸大鱔 - 大鱔新鮮配上較為濃味的豉汁，上枱前加上蔥花淋上滾油，香到不得了真的要食多碗飯😋香薯一口牛 - 煮得很有水準,香薯切粒不大不細很有口感，而且炸過後才和牛粒一起煮不會散晒，食的時候盡吸牛柳和黑椒汁的味道，十分正花膠北菇鵝掌煲 - 單睇已知道有花膠、北菇、鵝掌而且還有菜膽，味道濃厚厚身的，北菇完全吸收了𧐢油汁的味道，真的很滋味生煎菜肉包 - 即叫即煎所以等的時間比較耐，一上枱菜肉包面加上蔥花和芝麻香味十足，食落包身軟腍可惜餡料較少。…Read More

今天去屯門探朋友，在他附近鄉事會路的＂富臨皇宮＂吃晚飯，想不到富臨皇宮的小菜幾夠鑊氣味道也不錯。環境寬敞服務員換碟勤快價格親民又沒限時，是吃晚飯小菜的好地方👍🏻野山參燉水鴨 $98水鴨湯十分足料不但有水鴨，還有雞腳，瘦肉，紅棗，野生參所以很清甜，足夠有八小碗非常抵飲😋芝士龍蝦伊麵底芝士汁夠香滑，龍蝦件份量足龍蝦肉鮮甜無比啖啖肉彈牙爽口👍🏻花膠北菇鵝掌煲 $98花膠大大片很膠口，北菇超厚身肥美無比，鵝掌炆得時間夠喉，味道偏鹹也要送飯香薯一口牛$98牛柳粒嫩諗黑椒味很香口，最精彩係啲薯仔外面微微炸過吸收了牛柳汁的精華一口咬下即化本來配角也變主角😆豉汁蒸大鱔$108大鱔新鮮肉質彈牙加上濃郁的豉汁鹹鮮味把大鱔的味道提升啱送飯😋…Read More

服務差到爆⋯樓面一係就唔應人直行直過 一應只話等等⋯最後都冇人幫你落單拎bb凳⋯😡😡😡😡😡😡😡😡😡個個樓面包括部長都好似未訓醒咁 揮哂手叫哂咁近都當睇唔到!好嬲好嬲！食到火都黎 單又落漏…Read More

那天同爸媽來這裡飲早茶，其實早已略有聽聞這間酒樓的服務態度不好，但因為那天有事要在雅都處理，所以貪方便，便中招了，向公關取了三位的飛，很快便有枱叫我哋入座，那張枱是未執的，坐下等人執枱，有個女侍應經過，我便叫她幫忙執枱開茶，她說等等，可能她另有工作在身，等了超過五分鐘，見她沒有什麼事做緊，但就是不過來執我們的枱，唯有看看有沒有其他伙記幫忙，但人手真的很少，根本想有人看到客人揮手都難。 後來我隔離枱起身去埋單，剛才那女侍應馬上走過來叫我們調坐這張枱，難得佢肯執枱，我哋梗係調過去坐，後來給我見到原來佢將剛才的枱留了給幾個婆仔，還收揸手呢，難怪她就是堅持唔執那張枱。 為什麼富臨酒家的管理會淪落到這地步？…Read More

6月份到這間富臨食晚飯孖寶有龍蝦，木筒雞等覺得唔錯，今次轉食自助火鍋，一行5人剛好用到4送1優惠。這間火鍋食過幾次，但今晚很少人。自助火鍋啤酒汽水雪糕雪條糖水任食，今晚較少人酒樓無出晒熱盤，連蒸包點共8款熟食，之前人多會多兩款，個人覺得這間任食火鍋的熟食較其他酒樓好食及款式多，是夜較好食有肥牛包金菇，咖喱蘿蔔豬皮魚旦，粉皮蒸排骨(這個超好食，排骨很嫩滑，口感極似上海菜的肴肉)火鍋料選擇唔多，都是大路平價貨式，基本的丸煩，芝士腸，餃類，肥牛，海鮮類，都有，但海鮮類比較少。可能是夜客人少，各侍應職員的服務態度都很稱心，尤其一讚當我們開位時有兩人未決定是否來食，知客即提醒我們有4送1優惠。富臨原本主打晚飯，於兩年前做埋火鍋，屯門區任食火鍋以東城較多人食,兩間都食過幾次，以下為對比：東城 VS 富臨火鍋料：東城勝，海鮮款式較多，尤其丸類很多款，但價錢關係兩間肥牛都麻麻，本地滑牛反而更好食熟食：富臨勝，款式較多，經常有剩餘物資(鳳爪排骨，煎釀三寶，京都骨等), 東城則常以炸雞翼，串燒擋等香口食物作主打醬料：東城勝，20款左右好豐富，富臨4,5款左右啤酒汽水雪糕：東城稍勝，都係大路款式，但東城有埋涼茶環境：富臨勝，地方較闊落，東城主打火鍋通常都迫人有時要爭熟食時間：富臨勝，雖限個半鐘但唔係大時大節無人理，這晚我都打左兩個半鐘，東城雖兩個鐘，但由於有分兩輪所以夠鐘就要走，會食得有少少趕價錢：平手，富臨$118,東城$128-$138 ,富臨做緊4送1,東城之前7送1唔知重有無，但東城有8:45後宵夜市段平$10,宵夜火鍋料及熟食少款啲結論：如鍾意食串燒及好多火鍋料選擇可選東城，如鍾意圍住爐慢慢傾下食下唔想迫人及趕，或較鍾意熟食，可選富臨…Read More

之前放假同爸媽去海港飲茶，今次放假就去富臨試下佢個早茶。朝早十點幾唔算多人，唔駛等位就入得。茶介每位 $6， 早茶黎講算喺幾平，不過搵人加水又係要等。叫左兩個早市孖寶 $24.8芝麻包 - 搣開個包芝麻餡都幾小下， 皮又厚，勝在芝麻夠香口。雞絲腸 - 腸粉皮都幾厚， 唔夠滑，餡料唔係好多， 呢碟麻麻地 。魚片粥 - 粥都煲得幾綿，幾好食，不過魚片多數連魚骨，魚肉唔算好多，呢個價錢算係咁。鮮蝦菜苗餃 - 一籠有四隻， 餃皮煙韌又好黏， 餡料都幾多， 不過蝦粒就細隻咗啲。另外加左兩籠點心蟹籽燒賣皇 大點 $19.8岩岩蒸起熱辣辣無話唔好食，燒賣大大粒，肥豬肉餡較多，但係冇咗隻蝦，性價比就相對低啲。鮮竹牛肉球 小點 $11.8冇乜牛肉味，即係牛肉成份唔多，不過就幾彈牙，落埋喼汁，酸酸甜甜嘅味道都可接受，墊底塊腐竹就成為焦點。質素好一般，價錢又唔算平，下次飲茶都係去番海港好啲。…Read More

之前朋友話香港仔富臨有平野食，今黎到屯門富臨就係前面就話不如去食…去到有一半搞聯歡都比較嘈，出面散客坐到滿咁滯，今次我地叫左元貝，魚和豆腐和一個甜品…$292蚊都係正常價錢。魚差不多食完大半先黎到，份量正常啦，肉質食落去都嫩滑，配上䓤都好味道。豆腐最先黎到，豆腐係凍，但其實本質吾錯，食到魚肉加豆腐有炸過配上醬汁ok...但如果係熱就更好。元貝，只可以講微溫，失望，蒜頭味都重而粉絲吸晒味係好味，但都係如果係熱就更好。之後見到人地食燉奶當然即叫，平常我早茶都會吃的甜品，熱呼呼又大碗，仲好食過早茶味道添，仲要$10.8堅抵食。…Read More

早上有點兒懶惰，不想煮早餐，唯有去富臨買數籠點心作早餐~蝦餃，燒賣這些經典點心當然是必買呢~ 透著粉色的蝦餃，讓人很難抗拒吧，而且沒有破皮，這還不錯! 半透明的皮透著粉嫩色的蝦子，真的讓人很心動，咬一口蝦餃，蝦肉彈牙程度可接受，加入少許露筍，整體調味尚可。至於燒賣賣相蠻討好，橘橙色的蟹子滿鋪燒賣上，而且相當飽滿，味道方面不過不失，略嫌燒賣蝦肉不足，主要都是以豬肉為主，我所吃四粒當中只有兩粒有蝦肉，其餘肥肉偏多，但滑嫩感屬一般。最愛還是富臨的珍珠雞~這裡的珍珠雞深得我心，餡料豐富不用多說，最重要它的糯米不會蒸得軟爛，保有煙韌的口感。餡料十分彭湃，雞肉軟嫩，所用豬肉均是瘦肉，故不會太膩味，有著鹹蛋黃提味，肉汁與蛋黃的鹹香完美融合，令珍珠雞更為滋味。…Read More

富臨下午茶平靚正，我都幾鍾意。不過富臨唔係周圍都有，剛巧今日要入屯門新墟，附近已經有，即管去試試。富臨兩點已經開始下午茶，先叫蝦餃，蝦餃貴，得三粒，但味道好好，蝦肉大，蝦餃皮都夠黏，不錯！蘿蔔糕配甜醬係最好味，但煎得有啲過左火位，因為有點兒燶左，但蘿蔔糕質地柔軟，加返分！蒸馬粒糕雖然沒有黑糖，但係好香蛋漿味，送點心阿姐仲好貼心，見我地成枱野就比埋個蓋我地叫我地蓋住先，雖然開蓋時有啲倒汗水，但不失味道，甜甜的馬粒糕，中間沒有餡料，最正宗。$14.8尚算便宜。燒賣都係$14.8，比起馬粒糕，燒賣更抵食，四粒不是三粒，燒賣粒粒大大粒，豬肉加蝦肉餡料，蒸的時間岩岩好，不會太老，燒賣皮都好味道，係雲吞皮黎既。…Read More

之前去打邊爐，野食款式好小，湯底係無味，問侍應話係咁d野係點鼓油食😰熟食叫做正常小小但都擺左勁耐咁款，味試過打邊爐可以覺得咁難食，大xx 60幾蚊都好過佢，絕對唔會有下次！…Read More

我同朋友去任打邊佬。啲野食種類少！仲有最基本嘅魚蛋都冇* 啲丸全部雪到硬崩崩同黐埋一大嚿。 味道都唔太好。佢講有得任食雪糕雪條。但一杯雪糕都冇。雪條又得果2款。 同埋服務人員又唔知去哂邊！ 所以我第一次去.亦都係最後一次去跟本食唔飽。…Read More

新年出去食飯，好多地方都唔開，就Book咗間酒家食飯。新年食燒春雞，個屁燒到勁除，不過個雞肉就驚鬼死乾。真係唔係好掂，連雞翼雞髀位都勁乾囉！偏鹹，真係千祈唔好再點鹽會食死人。糯米飯都係比較乾嘅食物，我都唔明點解屋企人會叫呢樣嘢食，又乾又鞋！好彩佢都唔想太難食，念念地又唔會好行，料都算幾豐富，不過食完真係會好口乾。最後黎個甜品紅豆沙。租就夠甜，但質地好水，唔知加左幾多水落去，加左咁多水都咁甜，可想而知d糖落左幾多……Read More

之前介紹過兩間雞煲，我發覺「搵食」真係沒有最好，只有更好﹗屯門新墟富臨雞煲，半自助形式，價錢每人百零蚊，地點超方便屯門人。這富臨的其中一個很重要的好處，地方夠大，枱與枱之間算闊落，抽風系統好，雞煲的油煙味很微。這一點真的很讚，坐在這裡有一種很輕鬆很hea的感覺，人生理當如此吧，好好享受每一個時刻﹗樓底夠高，空間感夠﹗由於這裡很多枱客都是吃雞煲的關係，這裡的材料感覺也特別新鮮一點，侍應夠多，服務態度良好，加分加分﹗雞煲來了……2個人食，這隻雞又未免太大了吧﹖﹖味道很好，雞也算滑，正﹗我們還order了午餐肉、肥牛、尤魚、牛栢頁、西洋菜、公仔面等……個人認為肥牛不吃也吧…可能平時火鍋也常吃，又吃了很多雞……尤魚是質地很軟那種，不爽口，不推介…不過，午餐肉真的很好吃，與雞煲湯底很夾，最後的公仔面簡直係火鍋後的甜品，吃完了就像完成了這一餐。不過，這樣吃真的會很肥又不健康的，怕肥的人要注意………Read More

團購$228餐(實價約$260)大閘蟹2隻 - 新鮮大隻多糕鮑魚1隻 - 新鮮大隻但唔夠鮮味ok蟹粉小籠包1隻 - 唔覺有蟹粉,蟹油可能有少少:(竹笙海皇燕窩 - 燕窩少到好似唔存在,味道都唔得:(碧綠鮮菌炒花膠 - 薄細魚膠1人有1片,味道一般:(臘味糯米飯 - 足足等左1個鐘先有得食,9個人每人得兩湯匙份量甜品桂花糕 ok生果 - 唔甜西瓜1人無兩片:(食物唔得,服務完全唔得,D樓面睇唔見聽唔到以後都唔會再去…Read More

平安夜的晚上，6時左右就出發去吃飯，本來打算去雅都商場的薩莉亞意式餐廳碰碰運氣，但原來早已堆滿了人，於是也賴得再周圍搵地方，退而求其次去同一商場的富臨皇宮食任食火鍋。坐下之後就已經聽到後面兩個人在投訴坐下15分鐘也沒有人招呼氣得走掉，我們則還可以，雖然可能因為任食火鍋包汽水而沒有人開茶，總說有人拿火鍋紙給我們落ORDER，落好ORDER之後就安心等食。很快，我們點了的火鍋料陸續送來，但主角那湯底卻未見影踪，分別問了兩個侍應加一個部長都說幫我們跟，等了超過15分鐘仍然得個等字，火鍋配料已開始出水，我們再捉著一個侍應追問，她CHECK完之後說發現沒有幫我們的湯底落單，那之前的三人在幫我們追什麼？湯底終於上桌，味道是OK的，特別是沙嗲湯底都幾惹味。火鍋料質素一般，不過以任食火鍋來計，這種質素也是意料中事，所以也沒有驚喜，但也沒有特別投訴。不過，當我們在打邊爐的時候，生氣的事性再次發生，因為我見一個掛著經理名牌的男人正在收拾我們的枱面，於是打算順道向他反映一下剛才遇到的問題。我問他你是經理？他好像喉嚨給塞住了般"哦"了一聲，我就跟他說了剛才的問題，他竟然一邊清理枱面而眼神一直迴避著我，甚至不發一言就走開了，沒有作任何的回應。上樑不正下樑歪，我不是要你卑躬屈膝的跟我賠罪，只是不希望同樣的事情發生在其他食客身上，否則早已發難了。但當經理面對顧客提意見都是如此處理的時候，對這個餐廳日後的服務質素也不會有什麼期望了。…Read More