Fulum Palace (Closed)

臨時話要返屋企食飯，唔想媽咪咁麻煩又要再外出買餸再準備，於是便選擇了屋企樓下的富臨皇宮。選擇又多，而且又成日都有新菜式就優惠。好少晚飯黎食，原來都幾多人，爸媽已經早就攞左位坐住等。金裝拼盤都好豐富，有炸豆腐，炸腐皮卷，煙鴨胸同燒腩仔。煙鴨胸同燒腩仔係爸爸最愛，用黎送酒一流。我個人就比較鍾意炸腐皮，最有驚喜係估唔到炸到外層香脆，裡面的腐皮依然可以好滑好香豆味。生煎菜肉包($38/6隻)因為唔想點飯或麵類，於是便點了生煎包比較飽肚。每隻生煎包都好飽滿，兩邊都炸到脆口金黃色，都唔算油，加上芝麻係面，咬落都幾香口。餡料都滿是肉汁好香，豬肉都調味好好，連埋無咩味道的包一齊食都幾吸引。泰皇蝦球通菜($78)不論通菜還是蝦球，份量都幾多。但蝦球食落唔算好新鮮，不過加左惹味的蒜頭和醬料炒香，食落仲好有鑊氣。菠蘿生炒骨($68)生炒骨最怕就係醬汁調到會刺喉嚨，這個生炒骨醬汁調味都幾好，酸甜味都好平均。生炒骨先炸到香層香脆，咬落啖啖肉。花膠北菇玉掌煲($108)好豐富豪華的一個煲，又花膠又北菇又鵝掌，仲要都唔係細細隻的，每樣都好厚身。鵝掌好滑，北菇好厚身但好入味，係花膠有點唔夠淋，有幾部份都比較硬。…查看更多

臨時回家食飯，媽媽未及準備我和寶寶的晚餐份量，不想麻煩，便走到樓下富臨皇宮食飯。門口就放著不同的優惠推介。平日比較少到食晚餐，都是下午飲茶居多，原來晚餐的食客都蠻多的。金裝拼盤當作一個豐富的小食拼盤，有腐皮卷、炸豆腐、煙鴨胸和燒腩仔。個人蠻喜歡腐皮卷，外層炸到香脆，裡面的腐皮還是很滑身，而且配料又多，層次豐富。花膠北菇玉掌煲($108)好大堆頭的煲，有花膠、冬菇、鵝掌，用的花膠和冬菇都蠻大塊蠻厚身的，不過花膠煮得再淋身一點的話會更好。泰皇蝦球通菜($78)以為欠了蝦球，原來都在通菜下面。通菜加上調味醬和蒜頭等炒香，十分爽口。蝦球應該不是急凍的那種，不過煮得有點過火了。菠蘿生炒骨($68)醬汁稠度和味道剛好，不會太酸或太甜。生炒骨咬落爽口，肉汁和醬汁令肉咬落感覺更嫩。生煎菜肉包($38/6隻)見到優惠推介的生煎包都蠻抵食，反正沒有點飯麵，便當主食。菜肉包兩面煎得香脆，咬開餡料不算特別多 ，不過調味很好，又有肉汁保留到。…查看更多

睇戲就話羊加魚就等於個鮮字，雖然我就唔係同一道菜色用曬兩種食材，但係就叫咗羊同鮑魚，兩樣都好美味！羊腩煲最重要就係火候十足，羊肉要夠嫩滑，湯底要夠濃厚，食完先至會有暖嘅感覺！而且佢有好多配料，例如馬蹄、竹筍等，令湯底更鮮甜，而且侍應幫我地定期搞下個開着嘅Gas爐，唔會黐底，食得放心！鮑魚非常之鮮美，而且一啲都唔細隻，我哋四個人一共食六隻鮑魚，而且用果皮去蒸，令到甜美更加出眾！我仲鍾意用啲豉油去配搭，味道更佳！花膠北菇煲真係童叟無欺，花膠真係好厚好足料，冬菇更加夠味，加上蠔油燜煮，味道非常之滿足！對女士更加係恩物啊！以前媽咪好鍾意煲豬肺菜乾燉湯，還可以以形補形，改善呼吸系統，但佢而家好少係屋企煲，因為洗豬肺好攰！呢個湯精粹係豬肺要洗得乾淨，否則就會有一陣奇怪味道，但呢度洗得好乾淨，清甜潤喉，我飲咗三碗！生煎包我比較鍾意呢款傳統的，實淨而且多汁！最後仲有個南瓜糖水，令今晚晚餐更加完滿！…查看更多

難得放假，所以就一於約埋阿爸阿媽一齊去食餐飯啦！今次我哋近近地揀咗富臨，除咗因為近之外，亦都覺得呢到環境唔錯，又大又舒服，阿爸阿媽都鍾意我哋先叫咗個金銀菜燉白肺湯$98，唔好講笑，真心幾足料入面除咗豬肺外，仲有半隻雞、同一大堆配料！重點係佢哋冇加味精，原汁原味飲多兩碗都唔口渴呀之後再叫咗份生煎菜肉包(6隻)，$38有6隻，價錢唔算貴！個皮煎到脆卜卜，入面嘅肉餡就鮮嫩多汁，食落外脆內軟，唔錯嚟到富臨，當然唔少得佢地嘅招牌叉燒皇$108！叉瘦係最靚嘅半肥瘦叉燒，食落一啲都唔韌之餘，仲好入味，送飯食一流之後再叫咗個 西蘭花炒帶子珊瑚蚌$128！老豆平時最鍾意食珊瑚蚌，貪佢爽口！呢到整得唔錯，老豆都讚最後再一日一碗南瓜西米露，味道唔太甜，而且西米份量超多，食完滿足晒…查看更多

又到一年一度阿媽生日嘅大日子由於阿媽唔想去太遠，所以我地依照傳統，去屋企附近嘅酒樓食飯！今次近近地，㨂咗富臨見到啲精選小菜都幾正，所以我地選擇散叫，無叫餐先叫咗個皇牌叉燒皇$108，雖然價錢有少少貴，但真係一分錢一分貨叉燒係最好食嘅半肥瘦，食落外脆肉軟！重點係食完都唔覺得膩，送飯食一流另外再叫咗個金銀菜燉白肺湯$98，唔好講笑！超足料而且食得出無加味精，真係飲多兩碗都唔怕！媽咪鍾意食花菇，老豆鍾意食鵝掌，所以我幫佢地叫呢個花膠北菇玉掌煲$108:)花膠爽滑，北菇就每隻都超大隻食落軟腍入味，見到佢地兩老食得津津有味，証明我無叫錯啦！哈哈之後再叫咗個西蘭花帶子珊瑚蚌$128，帶子煎得啱啱好，食落唔鞋口！加埋我最鍾意食嘅珊瑚蚌，正一餐滿足嘅晚餐，又點少得糖水哩！呢個係南瓜西米露食落唔甜之餘，仲有超多西米！比起啲旺區大酒樓，我更鍾意呢啲價錢比較貼地，服務比較好嘅屋邨酒樓囉…查看更多

近個幾星期返工都比較忙 都冇咩邊幾日同屋企人食飯咁岩今早收工終於可以做下孝子同屋企人食飯只不過屋企人都遲返屋企 所以異話不說直接一齊落街揾野食同屋企人食飯其實離不開都係食中菜 如果睇屋企附近 富臨係一個選擇人流如果冇特別活動都唔算多 walk in入去就有位 非唔方便因為等齊人先開餐 所以我地叫左個生煎包食每人食倒兩個 係一個唔錯既熱身之選 送上黎時仲熱辣辣 係新鮮煎出黎嫁！木桶豉油雞非常有特色而同時好入味既原隻鼓油雞聽阿經理講隻雞係鼓油浸熟 唔係就咁蒸所以比起平時食到既雞更入味 食落又真係真肉質嫩囗之餘仲幾入味啫啫蝦乾芥蘭煲開蓋個刻非常野味 非常香蝦乾同芥蘭好match鐘意食濃味既我岩哂菠蘿生炒骨呢個就係我老豆最愛 每次去食飯都一定會叫甜甜酸酸 非常開胃 肉質都唔錯 有輕輕外脆內軟感覺 老豆都讚好海味銀絲煲非常份量足既一個煲我諗呢度可以盛滿4個碗拎黎送飯一流 當然都可以用佢黎取代白飯都得屋村食店 價錢相當實惠 食物足夠你飽肚 大家可以一試丫…查看更多

同爸爸媽咪食飯，去酒樓食就最安全，坐得舒服又食得開心。出面的餐廳又遠，服務質素又唔好，都係落屋企樓下間富臨食最好！我唔好耐冇去食，唔知道原來夜晚都咁多人，食物質素比起出面啲餐廳更好！叫咗海鮮，小菜，生煎包燉湯，白飯，勁飽啊！先上果皮蒸鮑魚，剛剛好熟，果皮令海鮮好鮮甜，父母見到都好開心！天氣凍左，叫咗個好古法羊腩煲（$168），呢度羊腩煲一啲都唔騷，個汁濃得來又唔會太油膩，仲有馬蒂等配菜，好送飯呀！媽咪中意食花膠，我就叫左花膠北菇肉掌煲（$108），花膠好淋又夠大塊，多過8片花膠，成本都幾高， 補充骨膠原！冬菇都份量超多！而冬菇味道好出，正！西蘭花炒珊瑚蚌帶子（$128），我每次去飲最期待呢個菜，可能外面食先夠鑊氣，自己整無咁好食！而家生煎包款色越來越多，包到小籠包咁細都叫生煎包，我始終鐘意大大個包，肉汁雖然未至於噴出來，但依然好juicy，好好味！…查看更多

同長輩食飯去酒樓就一定無錯，起碼味道有保證！其實依家啲酒樓越來越精緻，服務越來越好！如果要比較，都係比食物質素以及方便程度！富臨係爸爸去開個間，服務佢一定滿意，食物質素同價錢都令我有驚喜！花膠北菇肉掌煲d料好足，花膠夠厚夠大片，價錢都係$108，我媽咪成日話煮花膠養顏，但又要浸又要煮，呢d功夫菜，出去食係值得的！咁岩天氣轉冷，去食羊腩煲就一流！呢度真係好足料，羊肉好多而且好腍，比個gas爐你熱住食物，仲有姐姐不時幫我地撈，提我地小心痴底！鮑魚一共六隻，用果皮蒸海鮮真係好甜好鮮味！而且夠腍，剛剛好可以脫殼，好味道！仲有西蘭花帶子珊瑚蚌，帶子大大粒，珊瑚蚌口感唔錯！其實最欣賞係個豬肺菜乾燉湯，青熱又潤肺，豬肺洗得好乾淨，我飲咗幾碗啊！最後仲有生煎包同糖水，4個人食飽到上心口，爸爸都好悶意我嘅安排，個侍應仲好好走過來同我地傾幾句！屋邨酒樓就係有依個好處！特別溫馨！…查看更多

同屋企人食飯 近近地簡左富臨 貪佢多選擇又方便4個人選了4個餸生啫蝦乾芥蘭煲-芥蘭新鮮配蝦乾非常match 送飯一流呀菠蘿生炒骨-生炒骨炸過 就算撈左甜酸汁都仲好脆口 味道美味唔會過甜過酸 就咁食個餸都送到碗飯海味銀絲煲-粉絲淋稔非常入味 配埋蝦乾口感好豐富 正呀 當餸或者就咁食都可以 唔會太咸木桶豉油雞-用木桶上一隻雞 風味十足 雞肉淋稔 有鮮味 生煎包-煎得好香 餡料豐富 啖啖肉 食完覺得好滿足呢間做家常便飯真係一個唔錯既選擇呀…查看更多

新年好多食評未寫，其實團年飯食咗好多餐，呢餐就同老婆嘅屋企人一齊食！由於有人中咗獎，請食飯，所以我哋食好啲！有龍蝦、有雞煲翅正！我哋搵咗一隻好大隻嘅龍蝦整咗呢個芝士伊面，芝士味非常之濃，我哋嗰個食到好飽，差啲都食唔晒！我最鍾意食翅，呢個濃湯雞煲翅，要＄480，我哋個個食到爽yy！仲有富臨最出名嘅燒鵝，呢個燒鵝唔會太肥，我識就剛剛好！仲有蒜蓉蒸扇貝，精華集在粉絲中！但埋單都幾貴，貴在隻龍蝦，比我選擇多次，我寧願拎隻龍蝦上湯伊面，更加食到佢嘅新鮮！同埋呢度嘅經理都幾小氣，食咗成＄4000野，叫佢俾啲靚啲嘅甜品，都唔願意比，之前其他分店都肯，又去其他分店度食啦！…查看更多

今天去上水工作，午飯時間懶行去上水火車站搵食，就貪方便去富臨皇宮酒樓上水分店，位於天平村商埸2樓，酒樓多數人多，不過一張細枱容易等的，5分鐘就有位。精打細算的OL, 梗係揀平靚正嘢食，粉麵點心孖寶$128扺吖，粉麵任擇一款，我們㨂了涼瓜班腩炒河；點心任擇五款，選擇了香煎蘿蔔糕、白灼西生菜、家鄕煎薄罉、金珠咸水角、鮑竹牛肉球。另加鹵水掌翼、脆滷豆腐（要讚下這個豆腐，不知點的做得味道極似臭豆腐，不過我同事話我傻嘅）。…查看更多

好大間但如题。一坐下等了十分鐘都冇杯。唯有自己行去搵伙記比柸我。真的很需要的加職員。平日有空位。但星期日就高朋滿坐。点心來得行慢很慢。有兩蝶我地要走先來。味道只是一般，有一d係唔夠熱的。但係正我樓下。我....冇得簡。…查看更多

今晚媽咪冇煮飯，所以我哋決定去附近嘅酒樓食晚飯，門口見到富臨皇宮酒樓推介嘅精選小菜咁平，就入去試吓。隨即坐低即刻睇下有乜嘢食，見到餐牌上嘅食物圖片非常吸引，忍唔住即刻叫六隻生煎菜肉包食下先。估唔到生煎菜肉包咬落去口感鬆軟，包底下香煎得非常香脆，而且內饀有好多生菜豬肉碎，食落去非常滿足。平時媽咪好少煲金銀菜燉白肺，所以叫咗四個人Share飲，飲落去好清甜嘅湯，食埋入面嘅拗湯配料，例如金銀菜同埋豬肉，更加滋潤。由於想試多啲菜式，所以淨係叫咗半隻BB乳豬、花膠北菇鵝掌煲、豉汁蒸大鱔同埋香薯一口牛。女人最滋補就係食花膠，花膠鵝掌煲得好林，食落去質感軟綿綿，好黏口。其他食物都炒得好有鑊氣，味道非常滋味。甜品方面都有好多選擇，我哋分別叫咗香芒糯米糍卷、養顏紅棗糕同埋大良雙皮奶。朋友都讚好香芒糯米卷，食落去好有質感同埋芒果肉好甜，而我就比較喜歡雙皮奶，食落去啖啖滑溜。總括而言，食物質素高，而且價錢合理，最適合一家人共進晚餐嘅好地方。…查看更多

今次一家大細去到富臨皇宮酒樓食晚飯，酒樓以白色為主，係我最鍾意嘅顏色。入到去酒樓佈置以白紫設計，而且座位非常舒服，一張圓枱比我地四個人坐。侍應們都好有禮貌，即刻開茶位俾我哋，仲同我地推介呢度嘅招牌乳豬。除此之外，餐牌都有好多特價美食。一向鍾意飲湯水嘅我，即時叫左一盅金銀菜燉白肺，入面材料豐富，果然真材實料，有非常濃郁同埋好入味嘅白肺，好正。當然之後要叫返半隻BB乳豬，外皮非常香脆，而且肉質鮮嫩，咬落去啖啖肉好小肥膏，難怪係酒樓嘅招牌菜式。小菜方面分別叫咗豉汁蒸大鱔、花膠北菇鵝掌煲同埋香薯一口牛。不得不讚就係一口牛外皮非常香脆，咬落去好有質感，而且薯仔好林，非常入味，必食小菜之一。最後叫咗幾款甜品試吓，香芒糯米卷必食呀，估唔到芒果一啲都唔酸，而且芒果份量都比較多，好想再encore。最後埋單都只係＄700有找，四個人平均消費每人＄200都唔使，咁嘅價錢非常超值。…查看更多

同屋企人係附近食飯 岩岩出左糧食餐好d 既！！咸魚煎藕餅-一共有八塊，每塊厚度均一，有半位手掌咁大而且非常厚身，味道惹味，蓮藕爽口配合微煎，份外好吃。BB 豬-半隻燒乳豬，好脆口，油香充滿口腔，非常滿足。金銀菜燉白肺湯-非常足料既老火湯，有菜乾菜膽夠哂營養 配合豬肺南北杏，秋冬天飲呢個寧舍清潤，飲落去好順喉，湯水真係唔少得。蒜蓉豆苖-份量好多，簡簡單單用蒜蓉炒已經夠好食，菜本身就係唔需要用咁多調味料。豆苖新鮮翠綠，非常好吃。食完燒乳豬真係要食番d 菜平衡番。菠蘿生炒骨-份量同樣大份，配合菠蘿青椒，酸酸甜甜，送飯真係一流。生炒骨炸得剛剛好，非常香口，令人食下一舊又一舊，非常好食。下次都會再來食，滿足的一餐。…查看更多