富港酒家

Open Now

Now Closed

同遠房親戚飲茶，附近唯一酒樓，冇得揀。食過最難食嘅燒賣，好鹹，面頭嘅蟹子好紅😣。長條型春卷，其他地方食過都好味，呢度就鹹同唔脆。服務：冇受到不禮貌對待…但係舉手冇人理你…待應行過要叫停佢先得。P.S. 早市收茶收加一4人8碟野$220，唔貴，但係樣樣都差過平時（名港）少少。

今時今日仲有免茶免加一既酒樓，平日夜晚都好爆場，叫條蒸魚都係幾十蚊，如果6人以上就有2碟特價野擇，其他小菜全部都唔錯，埋單價通常一個人都係$100內😅😂😂係抵食既但唔好有太高要求😂

老人家都係鍾情於中餐，聽聞呢間酒樓晚市有$88驚喜優惠，五人同行可揀兩樣餸，仲要免茶芥，價錢相當吸引屋邨酒樓嚟講環境算唔錯，地方寬敞乾淨，好適合一家大細嚟食，印象加分游水沙巴龍躉（一條）（$88）條沙巴龍躉好大條，難得又蒸到恰到好處，而且肉質厚實嫩滑，簡單用甜豉油同香蔥作配襯，已經突顯到魚嘅鮮味，絕對係送飯嘅不二之選脆皮燒雞（一隻）（$88）色澤金黃，皮薄香脆，雞肉鮮嫩脂肪少，肉汁豐富，口感同味道都好有層次，屬高水準菜式，鍾意食炸子雞嘅朋友一定要試菠蘿咕嚕肉（$75）賣相誘人，酸甜適中，配菜有菠蘿、紅椒同洋蔥，果香味濃郁，咕嚕肉炸得外脆內軟，開胃得嚟又唔會太肥膩，一人一個白飯，飽晒！

十二人餐，生日飯。有人生日所以Book定位，仲收埋蛋糕系雪櫃。炸蝦，炸粉比較厚，中間條蝦還可以。但不特別彈牙爽口。一般般。龍蝦伊面，龍蝦肉啖啖肉，鮮味，幾好。勁大鍋湯，會拎埋湯料比你。乳豬，唔算肥，肥膏都唔多，肉嫩，幾有肉，脆皮，好味。呢個魚幾好，淡淡肉又真心無骨，唔會一夾就散，好味。西蘭花正常。皮脆肉嫩，最正系個雞。清菜。無咩特別。福建炒飯，乾身。幾甜下既紅策糕。但幾彈牙，算好食既甜品，唔痴牙。

成班同事嚟飲茶，叫咗燒鴨配米線鍋個樣幾靚，不過燒鴨皮有啲韌，硬得濟咬唔斷鴨肉幾香，同醬汁都幾夾嘢食嚟得好快，經理同姐姐都好快手有鳳爪，蝦餃，馬拉糕，煎鹹薄罉，牛肉腸，蘿蔔糕，雞扎，津白嘢食熱辣辣夠新鮮

門口姐姐好溫馨我們仲有十分鐘就有下午茶，我地一行九人就等下午茶。一點四十五就入去，其實不是平很多，預一個一點心約平一元。點心款式都可以而味道都不錯。但蛋散就淋身了一點，義燒包勁大個但包好淋身沒有口感，入面義燒幾好味，鮑汁鳳爪入味又夠淋身，燒鵝半只加個米線勁大碗，七人份量都夠。䐎粉份量少但味同口感都夠滑身，咸水角都做得不錯。茶方面味道偏淡，椒鹽豆腐好味但如果熱點更好。位置都坐得舒服，仲有不少電視睇都幾方便。

去探親戚兼食晚飯，一行六人，有老有嫩，近近哋喺隔離邨食，揀咗富港酒家，地方乾淨，幾抵食，屋邨酒樓嚟講唔差！片皮鴨清蒸沙巴仔都幾大條，仲幾滑添👍鮑魚仔雞煲估唔到又幾惹味！賽螃蟹，麻麻地，上到枱唔熱，暖嘅！欖菜肉碎四季豆，好食😋粟米魚肚羹份量大，每人最少3碗！

清蒸沙巴仔（$88），脆皮燒雞（$88），士多啤梨骨（$68），椒鹽焗鮮魷（$68），雜菜沙律海鮮卷（$60），蒜蓉炒白菜仔（$55），茶芥全免今晚全家人一齊去試下呢間街坊酒樓做冬節飯， 價錢真係平到冇朋友，呢間酒樓中寫到明一年365日茶芥全免。唔單止平！！啲餸菜都唔錯，好出色。 食到成枱餸都仲可以五百蚊有找。 環境都算唔錯坐得幾舒服好寬敞，服務都唔錯。贏到好多嘅分數。 1. 清蒸沙巴仔（$88）： 條魚好新鮮，蒸嘅時間啱啱好。2. 脆皮燒雞（$88）： 隻雞熱辣辣，皮又夠脆、雞肉又嫩滑。3. 士多啤梨骨（$68）： 甜甜酸酸好開胃。4. 椒鹽焗鮮魷（$68）： 雖然唔可以話好脆，最起碼唔會食落口成口油。5。雜菜沙律海鮮卷（$60）：海鮮卷入面有大蝦、鮮果，好飽滿！有口感！6. 蒜蓉炒白菜仔（$55）： 啲菜夠多，炒嘅味道好似屋企食咁。

唸住就老人家 黎左呢間酒樓食飯 但真係唔會再黎食 叉燒 硬到不得了雞 「鞋」到不得了蒜香骨 面頭耍d炸蒜就算想叫伙記 遞左手五分鐘都無人應 唔係無人返工 而係係到吹水 有人行過問兩句野 態度衰到無人有

朋友住彩虹附近，踏入秋天天氣轉涼，剛巧大家也想吃火鍋，就隨便在他附近的富港酒家晚餐。128塊一位，很划算。酒家在二樓，底下是停車場，方便駕車人士。酒家挺大，客人不多，食火鍋的只有兩桌，坐下以後我們就出去拿菜。醬料不少，食物款式不多但是量大。特別的是有鹵蛋，不過鹵水汁已經差不多揮發掉了，廚房帥哥在要求下加添鹵水，挺貼心的。我們點的是皮蛋莞茜湯底，加水的話最好自己來，服務員好像挺忙的，不知道在忙甚麼。飲料有汽水，檸檬茶和啤酒，啤酒只有一款，不過飲料種類也是挺多，總有一款合口味。加水的話要解釋給姐姐們聽原因，不然的話她們會詳細的問你為甚麼要加水，為甚麼不自己加，免麻煩下建議先說。百多元免加一，不要有甚麼期望和要求。

以茶樓黎講免茶介加一真係慳好多加上有幾款$88平價之選真係幾吸引一行二人點了3個小茶$88選了蒸魚蒸魚：等候時間超過45分鐘，心急既人不建議點這菜，魚夠大條，但味有d怪，有好濃既油溢味，如果唔點鼔油都ok中式牛柳$78: 唔講睇顏色以為係豬扒，淺色到咁..仲要入面唔熟唔肯換小炒皇$65:知道成個小炒皇的皇點是什麼嗎？是韮菜花可惜..有70%係老既。叫人點食呀？食每一沒啖都要吐..有意思嗎？第二主角是魷魚..不好意思！消失了第三主角係蝦乾..切到好細粒我想知道還有什麼是賣點？

一家今晚來食晚飯，野食ok..但服務態度好差。幾檯客好似搞到好多野做甘...永遠叫人冇人到，一係就扮睇唔到。特別係一個侍應（男人）長期黑面，叫咩冇咩！個男侍應過來幫我地加下水，好似扮到好多野做甘，我地想順便加個白飯都大大聲叫我地等陣，轉頭又冇左件事呢d就叫拿錢仲要受氣囉

難得老人家推介話好食得黎又好抵，當然順下佢意黎食飯。近地鐵仲唔使等位，老人家平日早食飯，等我已經有啲晏，嗱嗱聲叫兩個餐前小食俾佢餸啤酒先。海蜇勳蹄，厚切海蜇又夠粗條，只係$38。乳鴿仔唔夠熱，肉都算多既$40正常價白灼蝦話有一斤，我睇就唔足既🤔不過幾大隻，幾新鮮。象拔蚌帶子炒西蘭花$78象拔夠大塊又厚肉又軟，帶子都幾大飯有67隻成碟好大碟其實有幾張點菜紙，炒小菜$58-78仲好多款餐前小食仲低至$38有交易海鮮當然會貴啲，但無加一就抵晒仲有張$88驚喜，有買開餸就知其實同自己街市買黎煮差唔多價，但唔使煮唔使洗有得食仲有人服侍都幾好插曲，我黎到望左好耐果幾張點餐紙，有個鄉音呀姐不停sell我食班頭腩兩味$388，另叫隻$88咪抵，我心諗我地得兩個唔使食咁行呀～我笑笑口話諗諗先，佢仲不停講話咁叫抵🤦🏻‍♀️我面有難色話我唔食苦瓜架唔使sell喇，諗住佢唔會再sell，佢仲黎話幫我問下改野好唔好，我話唔使喇我想食其他（都已經唔再望佢喇）佢仲死纏爛打🤷🏻‍♀️最尾都係要黑面話唔啱食佢先識行開（我都明可能部長要佢sell,咁sell左一兩次就算啦🤦🏻‍♀️明唔明香港人唔迫得架）除左呢下之外，個阿姐其實

今日到富港酒樓食自助餐，有幾款無酒精飲品，芒果汁， 蘆薈汁 ，啤酒有ice任飲，生力啤酒一打左右给客人取，食材有蝦都幾新鲜，蔬菜有幾款，粟米，菜心，黃帝菜，秀珍菇，都好新鲜好抵食，免加一，兩個人任飲任食都係276埋單，我見到隔離枱叫了雞煲都包埋，我哋實在太飽，還有 茶葉蛋， 炒粉炒麵 畀你選擇好過乜香酒樓同乜活快餐， 還有糯米飯， 整好嘅豬紅， 紅腸， 有少少白切雞， 整好嘅豆腐 ， 你話好好食又未算好好食， 但係好抵食， 食材都算好新鮮， 熟食就一般， 晚飯六點鐘開始自助餐任食冇限時段最好

經常四圍去嘗試酒樓嘅點心， 有驚喜嘅酒樓， 做點心好出色。 大致上香港地方嘅酒樓都不過不失。今早帶父母到富港飲早茶， 難食嘅叉燒酥， 不知怎形容椒鹽味嘅炸牛奶， 70年代做法嘅蝦餃， 非常難食