Fu Tung Restaurant

### 食評：金華火腿翅與避風塘炒蟹在最近的一次用餐體驗中，我有幸品嘗到金華火腿翅和避風塘炒蟹。#### 金華火腿翅首先來談談金華火腿翅。這道菜的外觀就讓人食指大動，翅膀的表皮金黃誘人，裡面的餡料則十分豐滿。每一口都能品嚐到火腿的濃郁風味，肉質鮮嫩，與翅膀的嚼勁相得益彰。湯汁清甜且不油膩，完美地提升了整體的味道層次，讓人感受到一種難以忘懷的口感。#### 避風塘炒蟹接下來是避風塘炒蟹，個人覺得這個比較遜色，蟹炒得太乾了。…Read More

今日晏晝約朋友仔👭食飯，佢話想食啲傳統嘅小菜，例如蝦子柚皮，煎藕餅，我就即刻諗起好耐好耐以前係呢度食過晚飯，所以即刻帶朋友黎呢度。呢間酒家真係好耐歷史，位置就係近天后地鐵站幾分鐘路程，行到清風街橋底，就會見到一個好大個招牌，酒家仲有二樓。門口餐牌寫哂佢地招牌菜同埋大廚名字，中午生意都好好，差不多滿座，所以侍應都忙個不停。我們見樓下差不多滿座，於是就行上樓上閣樓 ，樓上仲光猛些， 樓梯旁邊見到舊式出菜窗口，好似時光倒流，落地玻璃窗可以望到街景。打開餐牌不單止有我地想點的蝦子柚皮，香煎藕餅，仲有呢度嘅招牌菜紅酒炆牛尾， 真係正中下懷，三樣野叫齊。然之後坐係度慢慢飲茶傾計，發現有一特別現象，就係顧客絕大部份是男性，因為聽人講這里的餐份量比較大，所以適合男性顧客，我們都是大食怪，所以都適合我們 。🤪🤪菜式製作需時，我們都等了一段時間，蝦子柚皮首先上台，賣相都幾靚，兩塊大柚皮加四條正菜心 ，聞到蝦子同柚子皮嘅香味， 食落感覺一般，因為柚子皮燜得太淋，入口即化，冇左柚皮的質感，有少少失望。🙄香煎蓮藕肉餅就非常出色，咬到一粒粒蓮藕好爽口鮮甜，肉餅鮮嫩多汁，點少少喼汁更滋味，真係一個可以找回兒時感覺的小菜，其他地方是吃不到的。第三個小菜更加出色，紅酒炆牛尾好大一煲，牛尾燜得夠淋，但又唔會散哂，時間掌握得很好，數下有成8舊牛尾，加埋紅蘿卜薯仔同芹菜，紅酒汁好和味， 盡顯廚師功夫。兩個人叫左一碗白飯，連汁都撈埋，簡直一流享受。不得不說，價錢是非常合理，一大煲牛尾只係168，香煎蓮藕肉餅都係118，如此實惠價錢，食到出色嘅小菜真係賞心樂事，見到隔離枱有例湯好正，但係已經好飽 ，唯有下次再嚟試過，如果柚皮整得好 D 就更加完美啦。😘😘…Read More

約咗幾個老友食飯吹水，朋友介紹去天后嘅富東海鮮飯店。舖頭唔係大，但有兩層高，每層都有幾張枱。先嚟碟蜆介鯪魚球送酒，跟叫咗砵焗魚腸，雞蛋焗得好香脆，下面嘅魚腸肥美，正！老友話蝦子柚皮同咕嚕肉都唔錯，咪每碟都叫嚟試吓。跟住經理介紹時令嘅羊腩煲，味道都尚算可以，不過價錢就比較偏貴。我哋自己帶酒嚟，經理免收我哋開瓶費，真係唔話得。…Read More

大份夾抵食嘅中菜。食得西餐多想轉下口味，可以一試既中菜。💜法式紅酒繪牛尾 $168 （⭐️⭐️⭐️⭐️⭐️/5）大推，呢個係酒樓嘅招牌菜之一，嚟到一定要試，醬汁濃郁，可以撈飯，牛尾大件，配菜可口，整體味道一流。💜椒鹽豆腐（⭐️⭐️⭐️⭐️⭐️/5）炸得好脆口，唔會太乾，仲可以食到豆腐嘅嫩滑，椒鹽味十足，點埋喼汁，味道仲正👍🏻💜乾炒牛河（⭐️⭐️⭐️⭐️/5）鑊氣十足，牛肉嫩滑，份量足夠，河粉炒得勻循，剛剛好💜菠蘿咕嚕肉 $118（⭐️⭐️⭐️⭐️⭐️/5）大分夾抵食，咕嚕肉炸得脆口，賣相靚仔，甜酸汁剛剛好，非常開胃😋💜黑椒脆皮薯仔牛柳粒 $148（⭐️⭐️⭐️⭐️/5）脆皮薯仔有驚喜，牛柳粒一般，份量較少💜雜菜粉絲煲（⭐️⭐️⭐️⭐️/5）味道正正常常，份量足夠，可以淨飲湯💜香煎蓮藕肉餅 $108 （⭐️⭐️⭐️⭐️/5）蓮藕爽脆，肉餅彈牙，火候剛剛好🍴整體評價：✅大份夾抵食✅份量足夠✅服務態度真係好✅沒有限時，可以坐好耐，唔會趕你走✅適合一家人👨‍👩‍👧‍👦朋友👫長老👵👴聚會❌黑椒脆皮薯仔牛柳粒嘅份量大啲會更好💰人均消費大約$150…Read More

咪被呢樸實嘅門面迷惑咗，主理竟然系林永春師傅（楊貫一嘅徒弟）多年嚟獲獎無數並喺多個地方開有分店🤩呢家店於1994年開設，已經快30年歷史啦，果然唔可以睇少～🦀避風塘炒肉蟹蟹季食蟹好時機，而且目前有活動，唔嚟一隻都對唔住時節嘞😋入廚房前會透明袋展示一下，超大隻足足一斤八兩🤩擺盤仲還原蟹嘅位置唔會亂糟糟，對於打卡真係超鍾意👍🏻蟹鉗及各部位已經敲碎，唔使太嘥功夫喺呢上面🥰味道非常出乎意料嘅入味好食，睇得出師傅功力十足，突出食材嘅鮮味同口感🤩🐮芥末牛柳粒份量十足火候控制完美，每條都沾滿溫和嘅醬汁，有芥末嘅味道又唔會嗆鼻，入口鮮嫩😍🌊西蘭花帶子粒粒飽滿，入口Q彈，份量都唔少哦🤩跟蠔油上，鍾意重口嘅可以點下😋另外有西芹可以選擇哦😝🍳瑤柱水晶炒飯調料比例與米飯結合得恰到好處，唔會過硬過老，粒粒分明，酥腍卻又有噍勁😌🍲雞茸粟米羹清甜嘅粟米同碎雞肉，入口鮮甜適中😋比起老火湯，偶然飲下哩種都幾健康嘅，大人細蚊仔都鍾意食😚酒樓嘅人十分熱心，好鍾意呢種老店嘅人情味，因為蟹上嚟時醬料系堆滿嘅，教我哋撥開拍照更好睇😝而且因為我哋坐喺一樓，可以同門口嘅經理傾偈，得知原嚟有3層，表示飯後想上去拍照都十分歡迎，二樓亦有專門嘅服務員，上去之後搵唔到樓梯，問靚女後會熱情帶我上去，不過三樓冇開燈，就影咗下🤣樓梯仲有🍾櫃，裡面有d老客戶存嘅酒哦😎雖然裝修保留懷舊風格，但系整體系十分整潔嘅，細節位決定品質同印象，台布乾乾淨淨冇穿窿之類嘅，餐具都冇任何缺口👍🏻換碟同茶水都十分勤快👍🏻屹立多年果然系有原因☺家庭聚會、宵夜之類都十分推薦😏營業到12點，完全唔驚要拿拿臨食完飯，因為疫情後好多地方都好早閂門，食完飯吹多陣水都唔行😖…Read More