富景清香麵家

Open Now

Now Closed

過海開會開到夜晚七點，所以喺街食埋飯先至返屋企。行行吓經過富景，之前都有喺度食過午飯，記得嗰陣食個味道都OK，所以諗都唔諗就入咗去啦。我好鍾意呢度佢跟餐嗰碗湯，係紫菜魚片湯，入邊有好多紫菜，另外仲送兩塊魚片俾你食，本人覺得呢碗湯係粥麵舖之中算數一數二的。我就叫咗滷水雞肉飯，佢係送同范分開上的。碟餸相片有滷水蛋，滷水雞肉，同埋墊底有啲生菜。啲雞肉大部份係雞胸，咁樣比較有啲乾，對此感到有少少失望。佢滷水汁唔算好鹹，配雞胸及生菜味道都唔錯，我全部食晒，因為唔係好鹹，全部食晒都問題唔大。呢度最出名其實係牛腩，下次我會再豉油南的。

去北角嗰頭做嘢一定要去食呢一間富景清香麵家因為佢嘅牛肉非常之新鮮同埋係好好食嘅味道因為佢嘅崩沙腩非常之好非常軟囉同阿勁非常之好所以建議大家如果去開北角可以試一試依一間餐廳

行過街頭嗰家餐廳，飄過嚟嘅牛腩香就已經好吸引人。落座後，頭先點嘅牛腩麵上咗枱，碟牛腩滑嘟嘟，好似叫緊你快啲嘆佢。話唔多講，一啖入口，牛腩就喺舌尖上散發出嗲嗲嘅甜味，肉質正岩岩好，唔tough得滯，仲有股微微嘅辣椒香，真係一流👍。跟住呢，叫咗碗滑蛋金菇肉鬆炒飯。啲滑蛋靚仔過人，同金菇、肉鬆拌埋，米飯粒粒分明，乾爽彈牙。通常飯乾滯我會唔鍾意，但依家絕對係例外，每啖咀嚼都充滿滿滿嘅幸福感，實行每過多陣都想再嚟一啖😋。最後呢，就係甜品收尾－柚子蜜糖凍。這款甜品清新得嚟，又唔會太甜膩。食完鹹嘅，嚟個柚子凍，絕對係最佳收場！喺呢種輕盈嘅甜味中結束了今次嘅食評，下次再識真啲，一齊嚟個大飽口福啦🍴！

有一段時間想食清淡啲，於是揀咗雲吞麵嚟食，上網見到comment唔差，所以就嚟試吓。聽講食鹼水麵可以化解胃酸，唔知係咪真呢？食雲吞麵到底應唔應該落醋呢？小編之前都唔會落醋，但後尾發現加咗醋之後，會提升鮮甜味，建議大家試吓。雲吞麵🥟🍜 4/5 $32五粒雲吞同鹼水麵嘅配搭，雲吞都幾大粒，都幾爽口彈牙，麵嘅質地就唔會太韌，唔會太乾爭爭，保持一定嘅彈性，湯底就唔會太強烈嘅鹼水味，小編到幾喜歡呢碗雲吞麵🥰😘。水餃伊麵 3/5 $38水餃有四粒好大粒，分數係俾晒係水餃，伊麵其實係冇乜味，仲要煮得太淋，冇咬口冇味道。講返水餃，皮薄餡靚，見到有啲木耳絲增加一個爽脆口感🤩🤩。炸兩 3/5 $12正常發揮，普普通通冇乜太特別太突出嘅諗法。$12一碟炸兩超平嘅價錢，所以要求都唔可以太過苛刻。炸雲吞 1/5 $30依頭講完熱氣，嗰頭就嗌咗炸雲吞，所以就後悔啦。佢炸得過火，燶味同苦味好明顯係個雲吞皮出晒事，完全破壞晒，擺唔到落口😢😵‍💫。我要加少少糖先至放到入口。地點:北角站A出口，隔籬就係嗰間舖頭，方便，做開街坊生意，甚至乎打工仔都會去呢度食飯。對面仲有北角匯，渣華道體育館。環境:鋪面都幾大，目測十幾張枱，

第一次食呢間店舖見到都有唔少街坊叫所以試下叫外賣速遞送到屋企但一打開袋已經發現唔多對路🥶兩碗都比較細碗特別係湯飯 如果平時其他鋪叫同款湯飯呢個價錢大碗好多 而且冇乜料😮‍💨湯底亦都偏鹹要飲水先得而四寶紫菜幼麵份量正常😬呢魚蛋/鯪魚球/墨魚丸/魚片頭都唔錯但都係偏鹹 紫菜都可以接受魚皮一小袋 都脆但偏硬 要大力啲咬可能係外賣焗住咗導致 不清楚原因🫠不過始終係叫外賣 可能新鮮堂食會唔同下次再食過俾次機會試真啲先🫡

多元化粥麵今日星期六返完課外活動，試左北角一間富景清香麵家，店家地方很大，除了粥粉麵還有很多其他選擇雜果沙律女兒最愛…大大碟生果配上沙律醬，好似以前酒樓…大大碟都只是$22⋯⋯非常抵食，生果亦很新鮮清甜招牌魚旦魚片河粉果然係招牌，魚旦大大粒非常可口彈牙，細食啲食魚旦都飽，配上清甜湯底！推介💕蠔豉粥粥底非常綿滑，灑上一些胡椒粉更為惹味，蠔豉大大隻手指公般大，有一些冬菇，very good炸墨魚頭新鮮嫰滑的墨魚頭…大大隻非常鮮味，在炸漿上灑上一些淮鹽🥳食到停唔到口

尋日約咗好耐冇見嘅朋友等佢收工，我哋喺北角買外賣返去屋企食dinner同吹水～佢之前食過呢間茶餐廳話唔錯，今次我哋再嚟試吓～鮑魚雞粥一大碗雞粥，有好多雞肉，仲有啲鮑魚片，佢嘅冬菇好好味😋好香甜，雞粥好香焯通菜腐乳焯通菜好鍾意佢嘅調味，我哋好快就清晒成碟，幾正崩沙腩麵有好多崩沙腩，食落覺得好爽口，麵條同湯底都好正海蜇好鍾意海蜇，好好味😋凍凍地，佢嘅調味十分好，我哋都讚不絕口碎牛肉腸粉碎牛肉夾係中間，腸粉皮有少少厚🤏夾埋都唔錯雞蛋腸粉雞蛋係腸粉夾心，同樣起厚厚地

🤤間唔中都好鍾意食下呢啲地道港式食物其實牛腩先係最花心機嘅嘢要炆得又腍又入味真係少啲功力都唔得仲有要花嘅時間好長❣️切腩撈麵加墨魚頭啲牛腩鋪滿成個碗 唔肥 中間有嗰啲薄膜位（我唔知點叫佢地）食落好有口感有心出濃厚嘅牛香味撈麵仲跟幾條菜 配埋蠔油食一流仲有雙拼只係加$10啲墨魚頭嘅份量真係超級多係多到有啲過分 有成碗咁😆係超級慷慨識落爽口彈牙 而且舊舊都夠粗 好有口感❣️皮蛋雞絲粥即叫即煲嘅生滾粥個粥食落好棉 夠味但食完絕對冇口渴即係冇落味精 可以放心食比起瘦肉我更加鍾意雞絲感覺上比較健康❣️鮮蝦腸又係即叫即整 啲蝦好實淨唔係發泡膠蝦（楊州炒飯嗰啲😂）啲腸粉比較厚身 夠晒飽肚值得一讚嘅係老闆會叫煮麵師傅唔好咁快出住因為我啲粥同腸粉相對較耐驚我啲麵凍哂

🍜 #北角 #富景清香麵家今日返工要做跑腿，就順手喺北角食埋個午餐先返去😚 呢間麵家就喺赽鐵站隔離，地點超方便，座位又夠寬闊明亮，所以就揀咗佢～🐮 崩沙牛腩麵 （$43）好多牛腩！啲牛肉一層肥一層瘦好正啊🤤 麵嘅份量正常，但牛腩份量超多，大滿足🤭！🦐 鮮蝦腸粉 （$25）鮮蝦腸粉嘅皮一層一層好有口感，裏面有好多蝦仔同香蔥，加埋豉油好味😋🥬 油菜 （$12）跟餐價超平嘅油菜，仲有四款菜揀，生菜夠新鮮嫩綠👍🏻🍹 凍檸蜜 （$9）

今日遲左出門所以去左北角站隔離呢間麵家食lunch🤣點知呢間麵家啲野都幾高質喎！價錢又好抵食 即刻成為我嘅新飯堂😎-🐮崩沙腩河粉 $43 (加紫菜+$8)$43真係好抵 但佢比啲崩沙腩份量又好多！🤩性價比超級高呀😌😌崩沙腩嘅牛肉味係比較濃 靚過普通牛腩好多架😎河粉都唔錯 夠滑 而且係分開一條條 🍜唔會痴埋一堆咁🤣👍🏻-🐮牛坑腩米線 $43 牛坑腩嘅牛肉味冇崩沙腩咁濃 但係就唸身啲😙入口比較嫩滑 都一樣好正架😍真係鹹魚青菜 各有所愛呀😌😌加埋餐廳自己炒嘅辣椒油 都真係有啲辣架🌶鍾意食辣嘅話要挑戰下呀😎-🥗郊外油菜(生菜🥬) 跟餐$12菜可以揀菜心/ 芥蘭/ 通菜/ 生菜🥬我地揀左生菜～ 佢係配蠔油嘅😋啲蠔油都好鮮味 生菜都新鮮綠色嘅唔會變黃😌-🐟🍢蜆介鯪角球(炸) $33好新鮮又冇腥味😋炸到外脆內軟好好咬口😝點埋鹹鹹地嘅蜆介食 又唔同感覺～-同場加映 🐠🍲鮮鯇魚腩粥 $40覺得幾好食所以第二日又返黎買多個外賣粥食🤣鯇魚都新鮮、有少少骨😌不過愛食魚嘅我唔介意～加左啲薑蔥去腥 正😋

富景清香麵家😋😋清香牛腩麵專北角美食琳瑯滿目⋯尤其是喺北角匯附近吃東西一點都不便宜⋯⋯居然有一間簡約裝修以紅色的卡位配藍白色為底啲清湯腩麵舖🍜！卡位寬闊坐得很舒服、環境光亮整潔！員工熱誠招待👏🏻👏🏻👍🏻店舖的食品種類很多、早餐以粥、炒粉麵、腸粉、粢飯、油條、豆漿為主、特別袐製牛肉儍！午歺和晚餐都有很多選擇👍🏻👍🏻🍜🍜牛腩肚筋麵、大大碗都係$48、香濃清湯配上幼滑嘅河粉、牛腩超腍好入味、牛肚爽口彈牙、牛筋軟滑⋯⋯三種材料融滙一起食、口感豐富真係好滿足！再配上🐟魚皮）$15（細）+ 🥬油菜$12（跟餐）晚餐好豐富！😋😋店舖仲有好多小食提供超好味😋爽脆海蜇（爽）$33、炸雲吞（香脆）$30、鮮蝦腸粉$25（皮滑🦐爽）⋯yummy yummy 粉麵飯餐點仲可以優惠價加配熱飲$7凍飲$9⋯⋯或者半價配特飲🥤☕️🧋、豆漿都好好飲😁粢飯唔一定係早餐食、店舖午餐晚餐都有提供非常迎合街坊！👍🏻軟綿腍香嘅糯米包裹着榨菜肉鬆油炸鬼捲摺已成的粢飯$29、好香腍⋯⋯好難怪咁多人鍾意食😘😘街坊價錢#美食多元化#正宗牛腩#富景清香麵家北角渣華道132渣華商業中心地下地鐵北角站A1出口，向右行一分鐘

適趁北角上堂，早少少係附近搵野食，見到呢間富景清香麵家，頗為多人，入黎試試！有別一般麵食店，呢度做埋腸粉，幾特別！天氣熱，點左青瓜同鳳爪做前菜。青瓜冰涼爽口、鳳爪酸酸辣辣，兩款都夠開胃！鮮蝦腸粉即叫即蒸都好快，蝦肉食得出唔係雪蝦，頗有甜味。腸粉皮夠薄夠滑，十足潮式腸粉做法魚片河魚片油香十足，咬落夠彈牙，河粉幼滑，好食！蠔豉滑雞粥生滾粥，要等十至十五分鐘。新鮮熱辣又足料！有冬菇、蠔豉同雞，粥底超甜，而且夠綿夠滑，正！

富景清香麵家 北角渣華道132號渣華商業中心地下前一晚同朋友去了飲酒, 喝得半醉回來, 早上起來個人都提不起精神, 肚子又作響餓了,索性買早餐 吃清淡此, 回家慢慢食邊爭取時間休息再睡多一回兒。11:30前有 粉麵，粥，腸粉, 易消化夠清淡, 醉宿時食佢舒服又正氣, 多買點回家當埋午餐好了。$25 皮蛋雞絲粥,粥底很綿, 外賣拿回家溫度剛剛好, 唔會熱到邊食邊出汗。$21 蔥花雞蛋腸粉蛋+蔥花的香，只需簡單淋上甜豉油, 滑嫩有米香, 伴粥一起吃。女朋友要了 $25 鮮蝦腸粉, 佢食海鮮平時都要人幫手去殼,呢個岩佢食呀! 甜豉油是精華同提升風味的要點, 腸粉整得好滑。魚皮當油炸鬼食，送粥$32淨雲吞雲吞夠皮薄又滑，鮮蝦豬肉餡實在,撈了大地魚乾碎調味, 入味芳香渴也好喝, 多了份鮮味哦。$37涼拌黃瓜拼海蜇, 黃瓜清爽少許辣, 海蜇也是爽口, 鹹香彈牙,而且黃瓜海蜇都是低卡,這一餐是米製品, 多澱粉質, 用來平衡一下。

今日係北角匯睇完戲，又唔想食商場啲千篇一律嘅餐廳，行出商場見到對面呢間粉麵檔就入左黎食，原來價錢咁抵食，地踎得黎又幾唔錯。.粉麵類由$32起，我地叫左「招牌魚蛋片米粉 $32」、「雲吞伊面 $38」、「淨水餃 $32」，雲吞水餃🥟好值得推介👍🏼又大粒又薄皮，蝦🦐夠爽口彈牙。尤其淨食都係同價🙈真心抵。伊麵底爽爽地，配埋秘製辣椒油夠晒辣。.呢度除左粉麵仲有粥同腸粉食，叫多左個「炸兩 $12」😅😅平到呢，唔知幾耐無食過$12既炸兩，仲要油炸鬼係脆既👍🏼大魚皮都正，$23大大份。.跟麵+凍飲$9。選擇種類算多，又大大份，價錢真係算合理，可以再食🤭🤭

早兩日同朋友去完北角新光戲院睇戲，睇完戲餓餓地就入左間新開既麵店食個宵夜，裝修新淨座位闊落，牛類净食 雙拼 $110牛腩同牛筋炆行好淋身易咬口，仲好入味，一d 牛嘅臊味都無。鮑魚滑雞粥 $45大大碗份量足夠兩人食用，雞肉鮮嫩滑溜，帶有少少酒香，同鮑魚絲一食，味道好夾，粥底綿滑。蜆介鯪角球(炸) $33用新鮮鯪魚造成嘅鯪魚球，炸得外脆內軟，配埋俾自家製蜆介汁食，簡直絕配。雞肉腸粉 $25第一次食雞肉腸粉，呢個配搭幾新鮮 ，手拉腸粉裏面夾住用雞肉做的肉餅，味道幾特別。