富來粥麵小廚 (Closed)

今晚選擇去富來食個簡單晚飯，我order咗粟米石斑飯同西炒飯，伙記提議我另選招牌炒飯，我知招牌炒飯價錢貴好多，同埋我想食茄汁味道嘅飯，所以禮貌地拒絕咗，伙記落完單後，再次提議我order例湯飲，但係其實我不太肚餓（到最後我仲剩咗一整盒西炒飯打包返歸），所以亦禮貌地拒絕咗。到上菜時，除咗西炒飯，仲上咗一碟粟米石斑（小菜，冇白飯）俾我，我當然同佢理論啦，但個伙記非常堅持我係order粟米石斑冇個飯字嘅，佢問我收唔收貨，我話小菜貴好多喎，伙記話貴廿蚊啫（正確係貴廿幾蚊），我心諗，廿蚊唔係錢呀？仲要冇白飯，order個白飯咪再俾多十蚊你賺？我好老實同佢講，你一係就送碗白飯俾我，如果唔係我唔要碟石斑啦，你哋自己食埋佢啦，最後個伙記送咗碗白飯俾我，但係餐飯我已經一肚氣食唔落。好味道嘅話我一定會再幫襯，但係你要用呢啲手段去搵錢，我對富來嘅名譽失晒信心......喺跑馬地我以後都唔會再幫襯富來！

朋友介紹來食家常小炒，跑馬地俾我印象都幾遠。原來在銅鑼灣搭小巴5分鐘左右就到，都ok. 講番正題，食野。由於當日蒸蟶子賣晒，店員推介了蒜蓉粉絲蒸茄子, 整到白雪雪，又係蔬菜類，食落好諗身，加埋蒜蓉味，真係好清同juices.咕嚕肉及秘制雞，太趕，太好味道忘拍近照，個咕嚕肉真係有脆身，不是硬石頭，個汁唔太多，掛得剛好，不會一pat pat, 秘制雞如果可以再辣D就好。避風塘炒蟹，小辣已經好辣，內有很多小小的指天椒，一食中招，不過堅野味。D碎加少少在茄子，更好味。個菜煲用啫啫煲上夠鑊氣，上台還是脆綠色。外表唔靚，不過幾爽口的煎年藕餅，小食多滋味，因為都幾熱氣的。

Boyfriend always wonders why we never eat in any of the numerous restaurants located near my home. I always tell him because it's usually over priced restaurants serving over hyped food that have been pimped on local media. Don't get me wrong. There are the odd gems near my home but most of them aren't all that great. Or they started really good but then probably due to high rent in the area, they either close down or just cut costs and quality decreases. So, one one hot summer evening, when I w

原本為招牌炒飯而來, 朋友說這裡的招牌炒飯很出名，阿蘇都來個，炒飯是我的最愛。於是，來這裡試試，食下去脆脆的炒飯，好好味，好似有飯焦甘，同埋有咸蛋碎，超香口，我一個人食左兩碗多。炒菜，正常有鑊氣，無特別可以介紹。鹽燒馬友，好好味，有點日本款，燒完肉好滑，個皮夠脆，加埋0檸，夠香，佢有個汁，味道同日本店的無咩分別，一尾甘大，平過在日本店食呀。估佢唔到茶餐廳會有甘既水準。粟米羹煮得比較厚，似足栗米班塊的汁，對於我來說不錯的選擇。有剩果D打包，第二晚再自己煮。總結： 平平無期又無裝修的店，竟然有好出品難得難得。魚同炒飯必食。

多謝姐與姐夫帶我去試新餐廳!終於一嚐衣個馳名蕎頭咕嚕肉，真係好好味!咕嚕肉好鬆化，鬆化得黎又唔厚粉~蕎頭其實係後下，但用來去油膩一流~!雞就不過不失~凍食的~ 雞唔夠滑，但個汁好正~肉片河麻麻...覺得唔係好夠味...菜都幾有鑊氣~ 味道亦不錯~呀！剛剛見評分，見到環境，想起我個位濕晒，係因為冷氣機滴水，但我坐咁耐都無滴到~

由養和醫院行出黎, 同老豆兩條冷食飯, 最緊要係平靚正.小廚不算係跑馬地中心地方, 由街市行多兩個街口就到.一入到去, 好local既小廚/茶餐廳格局. 簡潔.不過都有好多款野食. 老豆唔可以食肥膩野又得兩個人食, 所以我地都係叫左兩個清清地既餸.伙記介紹個老火湯, 又即管試下. 花生雞腳赤小豆. 正. 每人一大碗, 又有三隻雞腳. 一D都唔油.麵醬油墨菜 -油墨茶生炒. 非常爽脆冬菇魷魚煎肉餅 - 餸飯一流, 好味. 不過多左小小豉油食完仲有糖水. 超豐富. 本身諗住求求其其, 點知原來咁好味.

本來去happy vallery 食日本野, 泊車後才發現果間野已執左。泊左位又費時又搵位。於是去旁邊的茶餐廳食Dinner. 店員好落力推介咕嚕肉，不妨試下LA，口淡淡叫左個西湖牛肉羹。西湖牛肉羹： 足夠鹽西，肉都有醃下，好好味，重有一碗打包走。雜菜煲： 幾足料，同賣相不錯，起碼唔會好似D連鎖店得幾條菜，而且菜上台還很綠。咕嚕肉： 真係好味，有拔絲的感覺，同平食開硬硬的不同，果然店員推介。問左店員，原來用新鮮梅頭肉，所以不會硬。回味無窮，酸酸甜甜在夏天食，不錯之選。個雜菜煲，算幾多菜同料，加左蝦乾堅出味，菜KEEP 綠色，不會黃晒甘。個雜菜煲，算幾多菜同料，加左蝦乾堅出味3人平民消費@跑馬地。

在銅鑼灣shopping 完撞正，等位時間1-1.5小時，於是兩口子上網search下附近有咩食。剛剛見到推薦古嚕肉，反正要等去下平時唔會去的地區，決定浪漫一下搭叮叮出發去。總站行去要5分鐘，很來店員告訴我們在CWB蘋果商場門口有30號小巴（循環線)，可以在跑馬地郵政局下車，行幾步就到。說回食物先，個咕嚕肉堅拔絲,不是平時硬掘掘油油的。這個很鬆化。兩人炒飯未到已經食了半碟。個汁掛得剛好，不會一pat pat, 堅正。炸豆腐，看來平平無期很普通，但內裡很滑，一件一件好整齊，不過兩人食一碟，食唔晒有點流。表面有一點很少的七味粉，少少香辣味。小菜算有心機同注意細節。招牌炒飯，也是值得一提，食入口脆脆，chuch, 炒得不油，幾乾身。如蛋白炒飯進化版，我很喜歡。總算不枉專登到這裡一遊。*沒有加一很好。

友人介紹，呢道咕嚕肉出名，一家三口假日車到這裡食個新年飯。個咕嚕肉真係堅脆同正，有點拔絲感覺。同出面果D硬屈屈的，真的很不同。個汁剛好掛上，我食到有少許山楂汁的味。不過，我唔知係咪山楂，不過，真好味就一定係。店員介紹油泡筍殼，堅脆，D魚旗很好味，魚肉好滑呀。平時不喜歡魚的我也覺得must try item. 古老懷舊樽裝汽水，加冰同檸底，好正，夠晒氣。Bottle coke ; ]個樣堅平平無奇，見到以為佢好難食，點佢唔到又嫩又滑的三色蒸水蛋.正呀！好足夠氣的啫啫芥蘭煲，一打開香味四濺。朋友果然無介紹錯，只係地點比較遠。如果九龍有分店，我們應該會成日去的。呢道坐既環境一般，不竟它下午是茶餐廳，晚市做小菜。

係Open Rice search 到呢間小廚，又要就朋友放工，咪黎試吓。。點知一試愛上咕嚕肉，招牌炒飯超正。伙記哥哥好好人重介紹左個秘制雞同啫啫芥蘭煲(掛住食唔記得影炒飯同菜😭)。。同樣好食。下次要帶埋阿爸阿媽黎食👍👍

茶餐廳一人前去了跑馬地，去個邊開會傾下freelance，搵下外塊。傾完在附近食個飯先番屋企，在OPEN rice Search 下 search, 見到我的最愛咕嚕肉，於是一試。來到沒有菠蘿，於是問下伙記，佢說富來咕嚕肉是配喬頭的。如果要菠蘿要提早講。沒有都不太重要，想講是堅脆皮，內心鬆化，同平時硬屈屈的不同。D汁剛好，掛在肉粒上，不會一pat pat。太X果D都唔夠呢道好味。其實喬頭配搭都不錯，酸酸地，也是脆口的。"脆" 咕嚕肉是也,如果100滿分，我俾90分，因為配菠蘿比較傳統 ;]$88係比平時貴左$20，不過以份量，地點，味道計就不算特別貴。一間小店，平日晚上都坐滿，伙記話星期六日最忙，所以book定好D。

由於，就個舊朋友，佢又要番美國，於是去佢住果邊食個一間其貌不揚的茶餐廳，晚上食家常便飯的小廚。我的朋友回香港渡假時，佢話近近地佢會黎食呀。起初，見外表，堅覺得無咩特別。上台是熱的，同平時酒樓食的差很遠，這裡不是凍冰冰的沙薑雞，食落去都好滑不"鞋"，不用點沙薑已然足夠味道。 我會推薦呢個沙薑雞比大家。 蒜蓉粉絲蒸聖子，是我同愛人最愛是菇類的食物，聖子新鮮既汁被金菇同粉絲吸收了，好好味。D聖子不會很老，蒸得剛好。點下次在家都可以自己加金菇蒸呢個蒸蛋堅滑，裡面一點鞋都無，平時茶餐廳點會蒸得甘好，唯一是三色蛋，但忘記放鹹蛋。美中不足我愛人整都不能保證完全不鞋，下次有機會會再點。小炒皇，一般，我希望佢可以多D，XO醬同辣多少少。三人家常便飯，每人$135 （連白飯，野飲等）無加一跑馬地都算OK LA。

人愈大愈怕等, 現在約朋友吃飯都喜歡挑人不多的店。除了免卻排隊等位之苦, 也想可以慢慢吃, 一邊多花時間和朋友catch up, 甚至吃完東西之後也不用急著「還枱」, 可以多坐一陣。今晚來到 富來粥麵小廚, 位置在不算很方便的跑馬地。平日晚上客人較少, 是一個不錯的選擇。但若週末前來的話很是旺場! 必需訂座噢。是晚只有幾枱客, 廚房不急不忙, 一道道菜現叫現做, 熱辣辣的特別滋味。來到富來不可不叫的就是富來咕嚕肉。素聞此間的咕嚕肉有「全港最棒」的美名, 自然不可錯過。和坊間的出品不一樣, 富來咕嚕肉的配菜是蒿頭和青紅椒, 沒有下菠蘿。咕嚕肉的樣子圓滾滾的, 個子也差不多大小, 非常討喜。豬肉外裹了炸漿, 然後是一層微粘的醬汁, 包得很均勻! 每吃一粒咕嚕肉都有足夠的甜酸醬, 口感脆脆的, 一點都不膩。把蒿頭加入這個菜之中對咕嚕肉的味道影響著實不大, 但蒿頭不論爽口度、酸度都比菠蘿高, 所以來得更清新呢。比起咕嚕肉我更加愛這一道蜜椒合桃牛柳粒。蜜糖合桃是炒好了牛肉之後才撒到碟子邊上的, 雖然一開始覺多此一舉, 但吃幾粒牛肉之後再挾粒甜甜脆脆的合桃吃, 感覺卻是很不錯。牛肉切粒狀, 沒有牛

去富來叫外賣做晚餐。招牌咕嚕肉啲汁甜酸度夾得啱啱好，凍咗都唔會一pat pat，咕嚕肉啲皮重keep到少少脆㖭。粟米斑塊汁同魚分開裝， 斑塊外層keep到乾身，炸粉只係薄薄一浸，魚肉軟身，粟米汁夠濃夠香，撈飯都好好食！荷塘豆腐夠滑又夠味，生炒牛肉飯夠香夠乾身。食物質素好先keep到外賣到咁正㗎！

團年飯送蛇迎馬，帶了一個 寶（老人家）去。呢款酸酸甜甜，好開胃，正如食評說的拔絲感覺，不是平時果D硬的，脆，好似食油條甘。堅推！一個寶也食了3件。第一次試，欖角蒸馬友（咸水魚），好得意，少許甜甜地，又不是豆是的味，但呢個汁好好味，送飯一流。一寶至愛。招牌炒飯，果然正，炒得乾之餘，並內有乾坤，有脆巴焦在內，出面平時酒樓未有食過。炒豆苗，上湯汁。金黃豆腐拼鮮魷，OK，鮮魷不過不失，相反豆腐好滑同脆皮，一寶都食了兩件。整體滿意，團年時間，整店坐滿，好在提早訂位。跑馬地有少許掉腳，有車就方便D。外面有錶位，不過好易滿。店員叫我們泊去警署前，油站，一轉就見到car park