Dragon Inn Seafood Restaurant

因為屋企長輩同佢有深厚淵源，父母親節生日或者做節都走唔甩嘅飯堂，我大大話話至少去咗100次，應該係我幫襯得最多嘅餐廳😆講少少背景，其實容龍已經有85年歷史，前身係容龍別墅，有酒店、游泳池、露天茶座，仲有動物園，有馬騮籠，孔雀籠，真係好巴閉，感覺有少少似龍華酒店咁，30幾年前改建咗部分地方做餐廳，而家餐廳停車場都仲有幾架老闆嘅勞斯萊斯泊咗喺度。一坐低嘅餐前小食係蕎頭同花生，講返海鮮，我每次都會去三聖海鮮街揀完海鮮就擰上去食，長輩淨係幫襯關財記一檔😅除左自己擰佢哋仲可以幫你搵架貨車車埋上容龍，自己買海鮮上去會抵過喺容龍直接叫海鮮，基本上我食左十幾年每次來來去去都係食果幾樣餸。。。簡稱容龍十寶🤣美國桶蠔：一定係砵酒焗蠔做法，一打開錫紙係好香，食落個邊位好脆口，表面好乾身得嚟肉哋又creamy，外脆內嫩，有時蠔種問題會比較糊口及淋身😬海龍躉🐟：通常買到大嚿腩位就會兩食，分別係紅燜斑頭腩及海龍𧄌炒球，如果比較細嚿就只會揀前者，其實食龍𧄌最正係層皮，脆粉包住啲魚皮加嫩魚肉，好重魚油香，曾經試過有一次餐廳煮果陣整走晒啲皮，長輩鬧到傻😅蟹🦀：因應唔同季節買唔同嘅蟹，通常都係蒸香蒜奄仔蟹籠仔糯米飯，蒜蓉滲落個糯米飯度超香噴噴，起碼要留肚食返兩碗飯，另外試過有一次餐廳整錯咗，整咗鹽焗奄仔蟹，即刻覺得好有新意好好味，下次又多咗一個選擇😂大蝦🦐：揀啲大隻蝦做豉油王乾煎大蝦，走過油成隻都好脆卜卜，蝦身蝦尾嘅殼都可以吞埋，豉油汁味道甘香，通常每人一隻已經好夠，但如果請客最好唔好第一味上菜，否則客人以為你好寒酸，雖然其實食到最後係會飽到反艇😅澳洲龍蝦🦞：容龍最出名嘅係脆皮芝士焗龍蝦，不過我只係食過一次，因為家中長輩話佢哋用嘅芝士唔靚，同埋食落好乾爭爭🤫🫣所以我哋都係配搭返傳統嘅上湯焗法最正路，味道濃郁，有時偏鹹😅象拔蚌: 長輩唔食刺身，所以我哋擰嚟打邊爐🤣仲加碟生菜，比隔離檯係咁眼望望👀然後有個象拔蚌膽，餐廳提議椒鹽食法，又真係好惹味喎🤩扇貝🐚：蒜蓉粉絲蒸扇貝，唔駛多講，蒜蓉粉絲勁入味，發揮正常水準，如果買到蘇格蘭扇貝更加肉厚鮮甜👍除左海鮮之外，容龍其實有其他小菜都好有水準，重要事情講三次，一定要叫中式牛柳！中式牛柳！中式牛柳🐮😆爆多汁同洋蔥，甜甜哋好開胃，撈飯一流，牛柳好軟淋但唔會乸到好大陣鬆肉粉味，反而有陣煙燻香味，牛味濃郁，必食推介🤩另外仲有紅燒乳鴿同燒鵝都好出名，有啲人會叫佢嘅煙倉魚，大嘅倉魚已經買少見少，所以都幾難得可以食到咁厚肉嘅倉魚。仲有一味餸係歷史悠久，叫做美籃雞🐔， 係一個籃裝住啲炸雞，炸洋蔥圈，炸南瓜，類似天婦羅咁，超好味，但而家唔知仲有冇做，我都係食過一次，佢係比起韓國嘅炸雞早好多好多年代已經有，走在潮流嘅尖啄😅最後到甜品，好多人必叫佢嘅椰皇鮮奶燉蛋白，但長輩話佢好似係奶粉開所以唔會叫🫣🤐，我哋只會食佢送嘅陳皮紅豆沙，以前真係好香陳皮味煲到起晒沙，而家比較失色，連以前送嘅飯後果西瓜都唔見鳥🪽自費海鮮連酒樓加工火料錢及其他雜費，人均消費$400，未計酒樓嘅小菜費用🙂容龍海鮮酒家屯門青山公路19咪半評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺 × ♾️ 我冇得揀😆…Read More

［香港］容龍海鮮酒家這是一間位於屯門三聖邨附近已經很多年的老店，專門吃海鮮的。今天慶祝新居入伙，所以預訂了位置在這吃午餐。先去三聖邨買了海鮮，再到容龍海鮮酒家加工，容龍海鮮酒家有一個很大的停車場，不用怕沒有位置停車。🥢 白灼海蝦因為海蝦新鮮，白灼沒什麼技巧也很好吃。🥢 （炒麵底）豉椒炒蟶子皇醬汁很香，把聖子襯托得很好吃，聖子也煮得剛剛好，不會太老。放在最底的炒麵有炸過，沾上豉椒蟶子汁很美味。🥢 乳鴿乳鴿小小的一隻，但是炸得很香脆。🥢 薑蔥炒鮑魚鮑魚不會煮得太老，每一隻都很有口感又不會很難咬開。🥢 香濃芝士牛油焗龍蝦這個龍蝦真是必點的一個菜式，與平時在酒樓吃到的芝士焗龍蝦不一樣，芝士皮焗得很香脆，襯托爽口的龍蝦肉，真是人間美食。🥢 龍躉兩味魚肉很鮮很爽口，烹調方法沒有把魚肉的鮮味蓋過。🥢 蒜蓉蒸肉蟹糯米飯這道菜蒜蓉很多，肉蟹鋪在糯米飯上面蒸，令每一粒糯米飯都吸收了蒜蓉蒸肉蟹的汁。🥢 蒜蓉粉絲蒸北寄貝蒜蓉、粉絲、豉油、北寄貝，4樣東西份量配合得剛剛好，火喉也很適中，新鮮甜美。🥢 椰皇燉鮮奶蛋白美味嘅海鮮餐以養顏的鮮奶燉椰皇作見，每一口都有鮮奶及椰皇的香味，好吃！！這間酒家服務態度很好，食物好吃，駕車進來也不枉此行。餐廳資料：容龍海鮮酒家 (屯門)屯門青山公路19咪半…Read More

今日阿仔生日，佢鍾意食海鮮，所以早幾日已經訂定枱。我哋先去三聖邨買海鮮，再去容龍加工，今日買海鮮時招呼我嘅職員知道我去容龍食，即刻俾啲85折coupon 我，可惜因為時近母親節，coupon 暫停使用（coupon 上有寫的），但經理都好識做，俾咗個95折我哋。齊人就開始上菜，芝士龍蝦照舊保持水準，非常香脆美味。其餘嘅海鮮都煮得恰到好處，最有驚喜係個海鮮湯，老婆話係咁多次嚟最好飲嘅一次。最後梗要食埋紅豆沙，呢度嘅陳皮紅豆沙真係好食過好多甜品舖，陳皮嘅香味融入埋啲紅豆度，真係好正。…Read More

因為屋企人要移民，特登去三聖邨食海鮮我哋幫襯嘅日子係星期四，其實唔算多人，咁佢叫我哋坐咗喺入邊包廂，唔知點解又冇開燈，冷氣又開到勁凍，成個氣氛好似搞喪事咁。後尾要我哋同服務員反映，佢先至開返着燈俾我哋。屋企人好鍾意食紅豆沙，所以一開始都有叫服務員留定碗紅豆沙俾我哋，但服務員就話每晚只係煲好少紅豆沙，我哋咁遲先入座一定冇得送俾我哋。咁我哋仲講笑話，我哋可以埋咗單俾咗錢先喎，咁係咪就有得送啊？ 好啦！我哋一枱八個人，帶咗一支酒嚟飲，叫佢攞酒杯嚟，佢拎過嚟嘅酒杯係爛嘅。我哋都冇影低相，諗住算啦，但其實都嬲嬲地㗎啦，因為我哋張枱有老有嫩，個玻璃杯可以鎅親我哋。之後埋單嘅時候，我哋問有冇紅豆沙，佢當然冇啦。但係我哋去廁所嘅時候，見到其他枱有紅豆沙送。最嬲嘅係，坐我哋隔籬嗰枱都有得送，仲要係每人送兩碗。我哋八個人，都食咗接近$3000 ，點解會咁樣差別對待？ 我哋唔係話一定要佢送紅豆沙，佢碗紅豆沙可以收錢，我哋都會買。最嬲嘅係，由入座開始佢就一直都話紅豆沙煲好少，一早已經冇晒。但誰知枱枱都有，只係我哋冇，我哋之後有向個部長投訴，佢仲喺度駁嘴，話唔關佢事唔係佢跟我哋嗰枱。我屋企人已經移民走，最後一餐響香港選擇咗容龍，我哋一早已經訂定咗枱，結果搞成咁樣！食到成肚氣！奉勸各位如果有啲乜嘢好重要嘅飯局，千祈唔好選擇喺容龍度做！…Read More

同屋企人去咗屯門嘅容龍海鮮酒家，一間有80年歷史嘅老店！佢的環境好舒適，樓底好高、容間好大，真係好適合一家人或者朋友聚餐。我去咗三聖村買咗海鮮，然後佢哋酒家幫我哋加工。我試咗好多款菜式，包括乳鴿、砵酒焗生蠔、椒鹽瀨尿蝦、炸麵底豉汁炒聖子、辣酒煮花螺、中式牛柳、金磚豆腐、脆皮龍蝦、蒜蓉粉絲蒸北寄貝同肉蟹糯米飯。佢地加工出色，果然不枉我地揸車入去吃，服務亦都好好，上菜都好快。如果自己揸車入去食，只需要離場時比$20就可以了，比起去三聖要再搵車位方便!搭電梯上去時，同𨋢有一位伯伯，屋企人話呢度係佢的飯堂，伯伯就話，已經幾十年的事了，可想而知呢度幾耐歷史，同埋有保証，伯伯Keep住都黎食👍🏻乳鴿好嫩好多汁，醬汁入味，真係好開胃。砵酒焗生蠔有濃郁嘅奶香同鮮甜嘅生蠔味，一啖落去真係好美味。椒鹽瀨尿蝦炸得香脆，蝦肉鮮甜多汁，好好食。炸麵底豉汁炒聖子好滋味，豉汁入味，聖子爽脆可口。辣酒煮花螺辣辣嘅味道好開胃，花螺嘅鮮甜味道好滿足。中式牛柳肉嫩滑口感好好，牛肉嘅鮮味好突出。金磚豆腐外脆內軟，豆腐有魚滑，好好味。脆皮龍蝦肉質鮮嫩，外脆內嫩，好好味。蒜蓉粉絲蒸北寄貝鮮甜嘅北寄貝同蒜蓉粉絲結合得好好，味道鮮美。肉蟹糯米飯香氣四溢，蟹肉多汁，糯米飯口感綿軟，好滿足。今次個個食得好滿足，期待下次再黎食過😉…Read More

唔好問點解香港啲飲食業會越嚟越差，咪就係拜呢啲侍應所賜囉！入去呢間餐廳食嘅要殺咗佢全家，全程西口西面，一啲笑容都冇！我哋係俾錢入去食嘢都要受你哋氣，下一次一定唔會再嚟！ 埋單check單都係好正常啫，使唔使俾晒面口啲食客睇？ 服務已經不在話下，仲要衛生好差，一坐低見到個匙羹已經黐住啲食物殘渣，已經冇胃口想食。侍應話最出名嘅芝士龍蝦超級推介咪試吓囉，龍蝦煮到超乾，浪費晒買去新鮮嘅龍蝦！ 呢間餐廳絕對唔會再去…Read More

嫲嫲生日🎂當然要食餐好☺️ 傳統歴史悠久酒家🫖🔸招牌脆皮芝士焗龍蝦🦞-脆皮芝士真系好正🤤配上嫩滑彈牙既龍蝦肉 真心絕配❣️ 🔹砵酒焗生蠔🦪-脆卜卜外皮 內軟既生蠔 🥟爸覺得一流👍🏻🔸香蒜奄仔蟹糯米飯🦀-奄仔蟹隻隻都有膏😍仲要多蒜去蒸糯米飯 鮮甜香味🔹一口欖角骨🐽 - 酸酸美味肉嫩 🥟好鐘意❣️ 🔸滷水鵝掌翼🪿- 🥟嫲好鐘意❣️鵝掌夠淋 平時出去酒樓都會叫返一兩碟😆😆🔹椰皇燉蛋白🥥 - 招牌甜品🌟真系好好好香椰汁味 嫩滑嘅蛋白 🔸大壽桃包🍑 - 嫲嫲生日當然唔少得壽桃包❣️拳頭咁大嘅包🤭壽包入邊仲要有一隻鹹蛋黃😍😍🔹紅豆沙 - 一粒粒紅豆仲要起埋沙🤭忍唔住要食多一兩碗啊❣️…Read More

容龍必食的椰皇鮮奶燉蛋白沒有令人失望，椰肉滲了奶香味，很夾。其餘食物（蝦餃、粉果、燒鵝瀨、滷水牛𦟌）味道不錯，唯牛𦟌再入味點會更好食。洗手間幾好。會再來的。…Read More

今次同屋企人食飯，特登揀咗容龍餐廳！餐廳因為太熱門，好full，所以要早啲訂位。今次九個人食飯包咗一間房，環境唔錯👍🏻都係自己買完海鮮再拎去加工！餐廳價錢合理，煮嘅嘢食口味啱晒一家大細，唔會好鹹之餘軟硬適中😆🤗😋特別推介王牌芝士焗龍蝦，呢種芝士嘅做法出面其他餐廳絕對試唔到😂脆卜卜得來又熱辣辣，加埋煮熟咗嘅龍蝦好似入口即溶😃店內嘅椰皇燉奶特別出名，冬天一定要食暖笠笠，唔會油膩又唔會好滯，甜度各樣都係滿分🥰…Read More

容龍海鲜酒家最初是一所渡假別墅，面向青山灣，所以这里四周林蔭翠綠，美丽的海景盡入眼帘60容龍別墅於1989年拆卸，於1993重建為容龍海鲜酒家，自此便成為有名的海鲜食府。除了餐牌上的海鮮，顧客更可以自行購買海鮮，再交由容龍主理。很出名的十大招牌菜：1. 手烤BB乳豬2. 碳燒叉燒3. 芝士焗龍蝦Houdly Carpark4. 西沙律煙鲳魚時租停葷場5. 豉油皇乾煎大蝦6. 呠酒焗生蠔7. 辣酒煮花螺8. 蠔皇生扣四頭南非鮮鮑魚9. 香蒜奄仔蟹糯米飯10. 椰皇鮮奶燉蛋白…Read More

今次來到這家店，心機仔咁試咗幾款招牌菜，每一款都係平民化嘅價錢，但俾我嘅味蕾一個驚喜🤩！首先，啲薯條鬆化又夠鹹香，啖啖脆口，真係停唔到口！繼而，主角炸雞滿登登咁上枱，脆皮係啲真係金黄誘人，一啖落去，啲肉多汁、唔乾身，係咁叫正👍🏼！攞啲炸物嚟講，佢哋嘅魚蛋配上特製醬汁，味道夠哂濃，啖啖都彈牙彈性十足。至於漢堡包啦，肉餅煎得外脆內軟，同啲生菜番茄一齊咬落去，真係好match㗎，鮮味中帶點微妙嘅甜，令人一試難忘。而家講下甜品盞，芝士蛋糕綿軟得嚟又唔會太甜膩，每一啖都係細膩嘅享受。食罷呢個，成個下午都心情好晒😊。呢間餐廳嘅環境同服務都算係簡單樸素，但食物質素同對嘴嘅享受絕對係一流，下次再同三五知己嚟，嘆返轉，我好期待呀！…Read More

位於擁有懷舊歷史容龍酒店的米芝蓮一星食府，近期我有幸品嚐了這裡的美食。我必須說，這裡的食物品質非常出色，絕對值得一試。餐廳的招牌菜是脆皮芝士焗龍蝦。這道菜以新鮮的龍蝦為主角，搭配脆皮芝士的獨特口感，令人驚艷。龍蝦肉質鮮嫩，芝士的香濃味道完美地融合在一起，帶來了令人難以忘懷的味覺享受。除了招牌菜，豉椒聖子也是一道令人印象深刻的菜品。這道菜擁有豐富的中式風味，聖子的嫩滑質感配上豉椒的香濃味道，簡直是絕配。另外，蒜蓉粉絲扇貝也是我在用餐中的亮點之一，扇貝鮮甜多汁，粉絲的滑嫩與蒜蓉的香氣相得益彰，令人回味無窮。值得一提的是，容龍海鮮酒家的服務人員非常好，態度有禮貌。他們總是微笑著迎接客人，提供周到的服務，讓人感到受到重視。他們專業的態度使我在用餐期間感到舒適和放鬆。總而言之，容龍海鮮酒家是一家值得推薦的米芝蓮一星食府。這裡的食物品質非常出色，尤其是他們的招牌菜脆皮芝士焗龍蝦、豉椒聖子和蒜蓉粉絲扇貝。此外，優質的服務也是這家餐廳的一大特色。如果你正在尋找一個能夠品嚐美味海鮮並享受專業服務的地方，容龍海鮮酒家絕對是一個不容錯過的選擇。…Read More

我從來沒有寫食評，但今次太多中伏，不能沉默。在三聖買了五樣海鮮，因為有兩架車，所以去咗容龍酒家食。花竹蝦：買咗六隻大花竹蝦，蒜蓉開邊蒸，變咗六隻中蝦。大連鮑：我話薑蔥炒鮑魚，上咗一個薑蔥鮑魚煲。瀨尿蝦：椒鹽瀨尿蝦，炒得非常之濕，唔乾身唔好食。扇貝：蒜蓉粉絲蒸扇貝，普通做法，普普通通。花甲：豉椒炒花甲，侍應又提議加米粉底，味道可以。之後加其他餸菜，我叫椒鹽豆腐，佢就幫我叫咗個椒鹽百花豆腐，加咗啲蝦膠上去，收咗我百幾蚊，再加半隻燒鵝，和金銀蛋莧菜。我海鮮自己比錢買咗$1200 ，酒樓加工錢再加三個餸共收咗我$1800 ，如果加工錢一對一的話，一個豆腐加一個菜加半隻燒鵝共$600。我和朋友七點前到達，八點未到已經叫我哋食糖水，好似想趕下一場客，但仍然有好多枱未有人坐，門口亦冇人排隊，何必要咁快趕我走。留港消費，支持本土經濟，好食都話，後悔做咗傻仔。…Read More

其實在屯門食海鮮選擇多的是，由三聖輕鐵站沿路都有各式各樣的飯店，有大排檔也有高檔，今次選擇一家位置更偏遠，因為餐是為了慶祝老爹七十大壽，所以選擇有米之蓮美喻的容龍。是晚六時正到達，只有好幾枱客，邊吃客人不斷，最後八點鐘近乎座無虛席，門口有不少私家車停泊，亦有不少的士落客，大家都慕名而來。香濃芝士焗龍蝦（$360/隻）是這裡的招牌菜，幾乎每枱都有點，我們六個人點了三隻每人半邊，芝士香脆，裡面啖啖肉，香甜彈牙，半邊已經夠飽，少見這個做法，必吃！香蒜糯米蟹飯（$480）份量不算多，蟹有一隻，蟹尚算夠肉，爽口香甜，不過略嫌蒜茸太多，飯吃不到絲毫鮮味，不推薦！砵酒焗牛柳（$200）酒味不算太明顯，味道卻不錯，牛柳肉嫩，底下有一堆洋蔥，味道同是好吃！大澳唐生菜煲（$108）所謂大澳就是蝦醬，惹味卻不會太喊，連挑釁的老爸都讚不絕口，略嫌份量太少！鮑汁遼參炆豆腐（$168）正常發揮，遼參大概四件左右～碳燒叉燒（$180）肉質嫩，肥膏入口即化，味道好，如果能燒至脆邊會更出色！椒鹽鮮魷（$98推廣價）份量不多，有時去大排檔也是這個份量，炸得番口惹味，推廣除了特價還送一枝細的1664，值！附送糖水，碗已經細，只裝半裝滿，話雖送，未免有點兒那個，扣點分！總結感覺未夠米之蓮的水平，只是水準在一般酒樓上一點而已。論環境排場，作為壽宴確不錯！建議海鮮要早落單，因為要時間即場烹調，蟹飯更要等一小時！如果不會位置可以坐港鐵巴士K58總站下車，不過晚上8時尾班車已經開出～…Read More

🍽容龍海鮮酒家 (屯門)🫶🏻子薑皮蛋糖心皮蛋，口感滑溜，味道香濃子薑酸爽醒胃，係道好好既開胃菜.🫶🏻鹽焗黃油奄仔蟹啲黃油爆哂出黎，軟滑甘香啖啖肉，味道鹹鮮.🫶🏻椒鹽賴尿蝦香港特色菜之一椒鹽偏鹹香辣肉質彈、鮮、甜.🫶🏻自家掛爐燒鵝 $660必試💓果然係招牌菜！皮脆肉香，一啲都唔韌/柴.👍🏻滷水鴨掌翼 $68入味軟滑，係滿滿既骨膠原呀.👍🏻楊州炒飯 $130炒飯粒粒分明，味道正常發揮.👍🏻特色意大利黑醋骨 $168同生炒排骨差唔多味道酸酸甜甜.🫶🏻椒鹽百花豆腐 $138大推💓外脆內勁嫩滑鹹鹹地辣辣地食到停唔到口🤤.👍🏻上湯海鮮粗麵配料豐富，可以一試有魷魚、鮮蝦、冬菇、叉燒等.👍🏻白果百合炒荷蘭豆不過不失，正常發揮.👍🏻蒜蓉炒蒜心蒜心清甜爽脆.🫶🏻椰皇燉蛋白必試，清香細膩滑嫩😋甜而不膩～連入邊嘅椰肉都可以食埋📸09.10.2022.💁🏻‍♀️不愧為米芝蓮食店💓廚師有水準，可自行買海鮮加工服務親切友善，換碟速度都幾快下😂👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.🤞🏻#no852屯門🤞🏻#no852推介🤞🏻#no852酒樓🤞🏻#no852米芝蓮推介…Read More