KASONG KITCHEN

幫襯咗呢間嘢接近半年，全區兩餸飯基本上冇乜選擇，差唔多日日幫襯呢間或者去一田買飯。呢間嘢整體嚟講冇乜大問題，唯獨係有潛規則呢下有啲離譜，希望老細見到可以正視下。$45份一個兩餸淨餸，個膠盒一邊大一邊細冇問題。但你間嘢唔同餸有唔同份量限制嘅潛規則而員工/鋪面都冇提及就有問題。好似今日去揀咗鱔同西檸雞，你個員工隨便將鱔嗰餸放咗去大邊嗰邊然後淨係放咗一半。我問「仲有一半空咗喎」個員工然後仲理直氣壯話「公司規矩係咁，最多6舊」。喂，你係最多6舊點解唔一早講？人哋個個兩餸都係填滿，你個員工就一半空咗想俾盒嘢我。仲大條道理搬「公司規矩」出嚟。其實我真係唔明，點解個員工唔將鱔放返係細格然後咁大格俾返西檸雞我囉。點解要呃份量？呢個係咪都係「公司規矩」？…Read More

一直好鍾意去街市呢間兩餸飯到買淨雙餸，雖然味道一般，你唔好預有樣嘢好好食，但唔係差，椒鹽豬扒係正常質素，但唔會係伏，之前試過蒸魚佢係好多碎骨嘅魚，驚魚骨嘅就唔好揀，咕嚕肉味道係OK，兩餸飯你預咗多骨就OK，其他食物都真係不過不失，炒菜嗰啲係OK，唔會有啲特別奇怪調味。價格以兩餸飯嚟講係少貴，不過依然揀佢真係貪佢係載滿，所以加價都會照買，算係實惠為主。不過近幾次去買，佢真係唔會載滿，淨餸已經貴過買兩餸飯...以前一直覺得佢最大嘅優點立即無哂..…Read More

今日試左屋企樓下新開既一間賣兩餸住家飯飯盒既舖頭，叫做家餸小廚！驟眼睇佢舖面啲食物其實幾吸引！望落賣相都幾新鮮，有我最鐘意食既蜜椒薯仔雞球（其實如果係牛柳粒會更好）、蒸水蛋、咕嚕肉，我覺得住家餸黎講就不過不失啦，味道同佢地應有既味道一樣，符合預期。畢竟又唔係貴，但佢份量都算多，好飽，尤其是我係一個比較食好多野既女仔都係食唔哂。我覺得如果平時屋企冇煮飯，又唔想食太貴，而且想食住家餸既話，呢間係一個唔錯既選擇！…Read More

樓下商場有一間專食住家飯既舖頭，叫做家餸小廚。驟眼睇佢舖面啲食物其實幾吸引，整體環境都幾乾淨，店員都好好禮貌，而且啲姨姨好親和友善，比到我個FEEL真係好似我呀媽為我煮住家餸咁！唔係為講而講，我真係有呢種感覺！食物方面，望落賣相都幾新鮮，有我最鐘意食既蒸水蛋、咕嚕肉、肉碎炒四季豆，我覺得住家餸黎講就不過不失啦，味道同佢地應有既味道一樣，一般般吧，唔好有太大預期囉。畢竟又唔係貴，但佢份量都算多，好飽，我一個食咁多野既大男人都覺得啲飯同餸太多。…Read More

家餸小廚通常去食都係打工仔(地盤佬)及買餸師奶。通常兩餸飯拎走。我幫襯過兩，三次，最後果次大感失望。今次買兩餸，個四眼著便服男人好似装金甘。吾係下話，專程幫襯甘玩法:(:(。返到屋企，未食一肚氣。不過吾緊要，專業試下味先，今次食豬扒同咕囉肉。吾係下化，甘多味精，食完飲左2支水。街坊注重健康就自己諗下幫吾幫襯拉。。失望失望…Read More