家家樂風味茶餐廳 (Closed)

一直都覺得呢間茶餐廳味道不錯，但無諗過服務態度可以差到咁，員工俾錯左個餐俾客，客人食左一啖發現有問題，就同員工講系咪俾錯左，個員工仲要西面，話客人有問題，最大問題是個老闆娘覺得個客有問題，話個客見到錯左就唔應該食，仲要鬧翻個客人，嬲到爆，未見過咁差的人同服務！

屋企樓下的商場有不少茶餐廳, 我通常固定吃某一兩間, 今天經過家家樂, 見裡面有位置便進去坐了, 當時未算很餓, 預計自己也吃不下一個飯, 便只叫了一個雞腿沙律, 賣相比起平時算是不錯了, 雞腿熱辣辣的, 皮脆, 可是肉有點老了. 沙律醬有點過多, 但整體上也不差.家人叫了 時菜班腩飯. 平常我們都愛吃這個, 不會很油, 又夠味道.埋單$88, 普通茶記來說, 質素算正常了.

今日抱住個女（4個月大BB) 叫左個下午茶餐係三絲炒烏冬，同熱朱古力！落單時已經講得好清楚，三絲炒烏冬、走芽菜，熱朱古力。先黎一杯熱奶茶，同佢講黎錯，係熱朱古力，（職員回答：我掛住望你個BB無為意添）ok換過杯。之後再黎個炒烏冬，無走芽菜，我話我落單時講左要走芽菜，（職員：整左啦，無得換《好不滿咁拎個碗同隻叉黎叫我自己挑》），我話：我就係抱住個BB唔方便同埋我係唔食芽菜，你而家要我晒時間自己挑？我堅持要換，最終佢發晒皮氣拎返入去。然後有第二個職員就好不滿咁問我差咩？我同佢講完，頂住度氣，仲覺得係我唔岩！我就話我唔食，杯野飲我無飲過，我話我怕左你地，臨走個職員仲要鬧我，咁驚死唔好出街食！

在家家樂吃過常餐、面餐、泰式系列，唯獨海南雞飯最出色！通常點海南雞飯都要5-10分鐘，但係絕對值得！這家並不是沙田那家少爺專賣海南雞飯，但贏既係味道及茶餐廳既特色；呢個海南雞飯包例湯、飯、餐飲都係40蚊有找。先講雞，事先已拆骨，食落淡淡肉，肉質仲好嫩添，仲配有泰式辣醬，唔係m記果隻，呢種帶少辣，非常㘃味！跟住到飯，黃油飯，淨食飯都好好味！湯，正常茶餐廳味精湯，飯未到前先喝兩口頂肚餓（有次喝咗淡例湯發現太咸就提提老闆娘，就係咁知道可要求轉西湯，即係羅宋湯），伴碟有青瓜蕃茄片各一同埋一條菜，通常我會最后食，可以清一清味蕾

我認識這餐廳已有數年了，不過光顧這裡還是第2次，記憶所及，第一次來這裡是06年的夏季了，印象也很模糊啦！原因這商場食肆多的是，通常到這裡來時，很少會到最上層的呢！今天在這裡吃了一個下午茶餐，食物選擇了、香矛豬扒、火腿奄列及熱好立克，價錢也算抵食，食物質數屬OK啦！香矛豬扒：外表煎得輕微金黃，咬落肉質鬆化入味，肉質也不錯，味道也OK，可昔欠缺香矛的味道？火腿奄列：餡料頗多，味道也OK。熱好立克：味道不夠香濃，可能料不夠多吧！