家之味美食

Open Now

Now Closed

紅磡呢間外賣店絕對係平民恩物！$29就買到兩餸飯，價錢抵到難以置信，但質素完全超出預期。餸菜選擇多到眼花繚亂，目測超過20款，每日新鮮輪換，由經典家常菜到特色小炒應有盡有。今次試咗咕嚕肉同豬肚，兩款都極有驚喜！咕嚕肉外脆內軟，酸甜汁開胃醒神，絕對唔係求其翻炸貨色；豬肚清洗得乾淨，炆得入味又爽彈，醬汁濃郁送飯一流。$29有咁高質素，真心抵讚！性價比爆燈，絕對會encore。如果你追求平靚正，呢間絕對係隱世寶藏！

紅磡街坊真係有福啦，最近發現蕪湖街又開多咗一間抵食之選，仲要好早就開門，今日大概10點經過嘅時候本身諗住食早餐，點知聞到真係勁香，望入去所有嘢都係新鮮即煮，就決定買兩餸飯返屋企食。朝早啲店員哥哥同姨姨都好有禮貌，超有人情味，而且見所有新鮮即炸嘅嘢都好酥脆，我自己就叫咗兩餸，兩個都係又有蔬菜又有肉類，直落唔會覺得太多味精，南瓜同埋蘿蔔都炆得好入味，肉類亦都唔會太嚡，而且有住家味，所以真係勁推介。 呢度嘅價錢亦都相當抵食，最正就係有得淨叫餸。

小妹經過紅磡蕪湖街見到一間兩三餸飯店😆 兩餸飯都係$29，3餸就$35，仲有淨餸$39😍價錢親民，超抵🙂 唔掛得keep住好多人排隊買飯，人流超旺☺️ 南瓜排骨🎃🐖絕對營養及豐富，口感既餸菜，南瓜🎃非常鮮甜，排骨既新鮮味道👅相輔相成🤩加上南瓜有咬口，帶黎多重口感😊豬肉釀節瓜脯🐖🥒真係好少見呢款豬肉釀節瓜脯，節瓜切片燜，保存不少營養，加上食落口好腍不爛，非常多汁，面頭豬肉嫩口爽滑😀紙包：維他檸檬錫蘭紅茶🍋🧃素豆腐🫔平時既二三餸飯店好少見，一定要試吓，呢款色靚味道佳😍 不錯冬瓜火腩🥒🐖冬瓜配搭火腩滲出陣陣清新，減去肉的油膩，加上冬瓜釋放清新香甜味道，而火腩帶來鹹香既味道👅絕配～不愧男人的浪漫👯‍♂️紙包：道地綠茶🧃呢間兩三餸飯店絕對係人龍店，因為真係幾抵食，而且環境讓感到乾淨衛生，而且可以堂食或外賣🥡真心不錯😆👍🏻

紅磡新開了一間兩餸飯，晚上都有唔少人排隊，店舖很乾淨企理，而且是開放式廚房，見到里面廚房也很乾淨！$29可以有兩餸飯，$35有三餸飯，都幾便宜，今晚一於偷懶不煮飯😜😜有好多唔同種類的餸，可以選擇，之前比較怕食兩餸飯是因為通常兩餸飯都很油膩，但這間一點也不油！很又在家裏煮的感覺👍👍👍叫了兩盒飯，一盒是酸菜魚和豆角，另一盒是西芹炒雞和豬肉釀節瓜。豬肉釀節瓜，真的超級大件，我也喜歡他的米飯🍚，硬度很適中！

見新開張既兩餸飯 經過幾次都想試 今日到飯點又係附 終於可以試下淨兩餸39蚊 排隊有d亂，我到既時候篤左口水牛肉同咕嚕肉 諗住咁樣係$39跟住哥哥問我分唔分盒，原先以為佢驚口水牛肉有汁整辣個咕嚕肉，所以我不以為意，就同佢講話分盒。點知收錢嗰陣佢收我$78 ，直頭o左如果收我$78呢個價錢係完全唔值 兩盒又唔係裝滿晒，比呢個價錢不如食其他同區嘅兩餸飯同埋如果分盒就要收我Double錢嘅話 佢好應該問我嘅時候就已經同我講 而唔係收錢嗰陣先同我講收$78 搞到覺得好唔抵肯定唔會有下次

依家兩餸飯真係開到總有一間在附近 勝在當然係平 但係質素會較為參差 朋友話佢屋企附近開咗間又平又好食的兩餸飯 去到見到舖頭光鮮明亮 最緊要係門口揀餸位置夠闊落 方便客人排隊等候 呢間兩餸飯只需要$29😱 如果淨餸無論單或雙拼都係$39 價錢真係完勝餸菜款式都不少 有驚喜嘅係除咗普通一定會出現嘅咕嚕肉、蒸肉餅、豬扒雞翼呢啲之外 竟然仲有䱽魚（姐姐力推 不過價錢有分別的）同埋有釀節瓜脯呢啲比較特別的菜式我們點了比較特別的蜜椒骨、釀節瓜脯同釀豆腐 另外仲有個炒西蘭花 幾款餸味道和份量都很好 特別係店員推薦嘅蜜椒骨 肉質唔差 味道甜甜地幾惹味

經過見到呢間兩餸飯幾抵食，兩餸$29，3餸$35，價錢親民，keep住都有生意，人流好旺我嗌返經常食的蕃茄炒蛋、紅燒豆腐和蒸肉餅，蕃茄酸酸甜甜，配飯一流，蛋炒得幾嫩滑，紅燒豆腐個芡汁煮得剛剛好，不太厚重，肉餅好考功夫心機，啖啖肉最正🤩整體而言是水準之上，價錢取勝，希望開多嘅呢類親民小店～我嗌返經常食的蕃茄炒蛋、紅燒豆腐和蒸肉餅，蕃茄酸酸甜甜，配飯一流，蛋炒得幾嫩滑，紅燒豆腐個芡汁煮得剛剛好，不太厚重，肉餅好考功夫心機，啖啖肉最正🤩

紅磡係平民美食地區，真係一條街都有好多間小食店，而我最近愛上咗蕪湖街，蕪湖居地下嘅呢間家之味美食，佢同個名一樣，食完真係覺得有家嘅味道，同細個喺媽咪屋企食開嘅家庭飯餸味道好累近。加埋係外賣店，買完之後即刻返屋企食，返到去都可以保持到啲餸熱辣辣咁樣，感覺新鮮又健康，加埋呢度每一樣嘢嘅調味都恰到好處，唔會太鹹唔會太味精，大家都可以食得安心！最重要就係呢度啲店員個個都好親切，好有禮貌，嚟咗幾次其實大家已經認得我，每次一嚟到就已經會問係唔係係要平時嘅嘢，同埋都會介紹吓今日有咩特別新嘅菜式，感覺真係好溫馨。今日叫咗個四季豆，顏色清脆，口感都有少少脆，食得出好新鮮，另外苦瓜炒蛋都做得好出色，條味一流，苦瓜唔會太苦，蛋亦都唔會煮得過老，正。

兩三餸飯已經深入民間，廣為人知。我哋最近去咗紅磡新開嘅飯堂——家之味美食，買返屋企食！發現呢間飯堂超足料又大份，多達30款不同菜式，兩餸$29、三餸$35、淨餸$39，價錢非常親民，性價比極高，絕對係街坊和學生日常飯堂。啊姨和叔叔都很有善，亦都好照顧街坊，仲同我哋推薦咗一啲好食嘅菜式！除了外賣，店內還設有座位，可以給客人在店內進食。外賣返到屋企，飯餸依然新鮮，米飯粒粒分明！蒸肉餅係必點美食，充滿肉汁帶鹹香，配飯一流！另外，椒鹽豬扒、炸雞翼製作得非常香脆又惹味，蒜蓉炒雜菌西蘭花🥦健康又有營養！推薦飯菜蒸水蛋、蒸肉餅、椒鹽豬扒、魚香茄子、蘿蔔炆牛腩、炸雞翼、蒜蓉炒雜菌西蘭花、冬瓜火腩

次次唔知食咩好就會去買兩餸飯，因為性價比太高啦，唔使自己煮又唔使煩，最緊要快靚正。今次經過紅磡見開咗間新嘅兩餸飯店，有兩餸飯三餸飯或者淨食。中午時間到貨都幾多人排隊，食物款式大同小異，因為屋企住咗飯，所以叫咗兩個淨食Share。粟米魚柳，口感上算係幾滑，魚肉新鮮，配上香脆的外層，唔會太油膩。雖然冇特別突出嘅味道，但食落去有啲淡淡嘅甜味，係粟米帶出嚟嘅，感覺幾舒服。至於椒鹽豬扒，豬肉嘅質感都幾好，切得唔算厚，咬落去有啲嫩。椒鹽嘅味道適中，唔會太重，帶出肉嘅原味，適合配飯食。