Hakka Cuisine

晚餐生日飯，到黄大仙客满庭酒楼食，點了六人套餐，其他餸菜没有特色，不作詳细介绍，就是這碟咕噜肉比較不同，本以为是酸酸甜甜橙色的咕噜肉，誰知道來了啡色的糖醋味道的，吃起来有新意，很好味…Read More

8月1日政府工前上司，請揾食肥華和其他兩位同事，到此店飲茶兼食中午飯，本來肥華等人都同意叫一個，此店一位部長級男員工，推薦的$298元，沙巴龍兩味套餐，但到扑鎚向另一位女侍應，落呢個餐柯打時，竟獲此位姐姐提示，$298元係呢個餐晚飯時段價錢，若日間時段點呢個沙巴龍兩味餐，就要加多$5O元附加費，係酒楼食同一款食物，日間收費仲貴過晚飯時段，真係令我哋呢枱四位耆英，大開眼界，結果就放棄食個餐，求其柯打其他點心及麵飯，唻食就算，雖然食物有啲掃興，但老同事敍頭，吹水飲酒，氣氛愉快，呢一餐都食得好開心👍👍…Read More

好似乞求佢俾我免費飲茶咁？？？？？？？「唔搭檯唔開位俾你」晨早諗住去黃大仙現崇山客滿庭試下，一入到去係自己搵位，搵到位之後，個部長就話「唔搭檯唔開位俾你」，好似我都係要俾錢買單架喎，俾錢仲要收到咁嘅服務。其實你可以唔洗咁問掛，好似個客唔洗錢免費黎乞食咁。好聲好氣啲咁提一提「多人嘅時候可能會搭檯」咁樣大家都會唔會舒服啲，咁其實你服務好品質好先會有回頭客嘅…………….服務態度真係「一流」第一次試就咁樣好失望：）…Read More

豆苗同蒸魚不過不失。朋友評價雞肉有點霉。燉湯最好，足料，味道清甜，並且份量足（大約六，七碗）。壽包的蓮蓉饀比較少而且偏甜。無蛋黃。肉似是肉排（無骨），但體積偏小及份量偏少，大塊的是甘薯。但甘薯味道不錯…Read More

來到第四年的「SEAFOOD LOVES SAKE」活動，今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗😋今晚提早同屋企人食冬至飯，揀左呢間位於黃大仙現崇山既客滿庭，岩哂鐘意食中菜既屋企人啦，呢個Seafood Loves Sake. 限定套餐有有燒雞、蝦球、鮑魚同斑腩，款款海鮮都好吸引，配埋日本清酒黒松白鹿 中取り 純米 透き SUKI，呢款清酒只用「中取」部分，酒質特別清透無雜質，味道香醇富旨味，特別適合配搭風味突出的料理，同海鮮就最夾啦💯💯🌟鹽焗燒雞雞皮燒到好香脆，雞肉嫩滑多汁，正😉🌟新鮮活鮑魚平時屋企人間中都會去街市買新鮮鮑魚，不過處理上比較費時，都係出去食就最爽，鮑魚蒸到剛剛好，口感爽彈有嚼勁，配搭香醇既日本清酒超夾👍🏻👍🏻👍🏻🌟脆米黃金蝦球香口小食就最岩我，蝦球爽口彈牙，作為佐酒小食一流😚😚🌟干煸野菌鮮斑腩呢道菜用上熱鍋盛上，上到枱聽到滋滋聲聞到好香，斑腩片無骨啖啖肉超正，魚味濃郁，再飲一啖清酒夠哂寫意😍…Read More

朋友剛剛搬左去黃大仙, 咁就要賀一賀佢新居入伙, 於是去左現祟山商場客滿庭食個入伙餐.望望餐牌, 有個第四年的「SEAFOOD LOVES SAKE」活動, 限定套餐. 話明入伙酒, 於是就叫呢個+清酒啦. 「SEAFOOD LOVES SAKE」呢個活動, 係有約40間粵菜餐廳合作，提供日本清酒與廣東海鮮菜式的配搭菜單，提供日本清酒與各式菜餚的配搭。每款清酒 x 海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次. 鹽焗燒雞脆米黃金蝦球新鮮活鮑魚干煸野菌鮮斑腩黒松白鹿 中取り 純米 透き SUKI鹽焗燒雞 – 燒雞燒得皮脆肉嫩, 雞肉好滑, 燒雞重有肉汁流出.脆米黃金蝦球 – 炸到趣卜卜, 又係外脆內軟, 蝦肉彈牙爽口.新鮮活鮑魚 - 鮑魚新鮮, 蒸得剛剛好, 彈牙入味.干煸野菌鮮斑腩 - 斑腩大大件, 魚肉嫩滑, 配上大量蔥段, 野味非常.黒松白鹿 中取り 純米 透き SUKI - 呢款酒只用「中取」部分，酒質清透無雜質，味道香醇，特別適合配搭風味突出的料理.…Read More

Seafood Loves Sake 每年臨近聖誕既活動，美酒配粵菜，原來好幾間老志號餐廳都有參與。唔講唔知既原來已經黎到四年喇，簡單介紹一「SEAFOOD LOVES SAKE」今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗。黃大仙客滿庭亦係其中一間參與活動既餐廳，當中有個Seafood Loves Sake.限定套餐，估唔到粵菜配清酒，別有一番風味。1) 鹽焗燒雞燒雞皮脆，雞肉唔算滑但juicy2) 脆米黃金蝦球 粒粒大蝦球以脆米包裹4) 新鮮活鮑魚鮑魚唔韌新鮮爽，有咬口6) 干煸野菌鮮斑腩斑腩肉厚實，鮮味食物都不是主點，重要既係配上黒松白鹿 中取り 純米 透き SUKI此酒只用「中取」部分，酒質特別清透無雜質，味道香醇富旨味，特別適合配搭風味突出的料理。同中菜非常之咁夾。滿足既一餐。趁住而家活動期，一定要試！…Read More

今日有事情要到黃大仙附近去辦，湊巧又有個朋友在附近工作，於是兩人相約一起去吃個午飯順帶一聚，朋友說之前去過那間叫客滿庭洒樓食過覺得不錯，提議再去試多次。因酒樓位處比較新的商場中，所以見到陳設、裝潢都很新淨，而且洒樓面積都都很大，室内亦夠明亮。今次由朋友發版我只是坐定定的等著吃。今天叫了叉燒腸粉、燒賣、乳鴿和乾炒牛河。 腸粉的粉皮就中規中矩不算太滑但又不會太厚，内裡的叉燒餡份量也不算得多。至於燒賣上面鋪滿了蟹子，顏色配搭上算是比較好看，豬肉比例也恰當不會只是肥肉，且入口亦很有豬肉味道。乳鴿和乾炒牛河差不多同時上枱，乳鴿就單看外表賣相都很吸引，炸到色澤金黄;不過乳鴿的個頭就小了些，因為沒有太多肉，在少肉的部位就變得有過乾的感覺，猶幸是乳鴿的味道不錯，而且乳鴿都是炸好就很快上枱，所以夠熱辣辣十分惹味。乾炒牛河就炒得很有水準，上枱時都熱氣騰騰，而且沒有河粉是兩條黏在一起的情況出現，每一條河粉都沾滿惹味的醬油，色澤又夠明亮鮮明;也沒有太多油積聚在碟底上。至於牛肉咬入口沒有整口渣的感覺，肉質還算是夠嫩，整碟乾炒牛河有一定的水準;只是份量個人就覺得少了些。 綜觀今次午飯各方面都達中上的水準，是一個不錯的選擇。…Read More

這不是我第一次去客滿庭食飯，可能剛好是星期五晚上，所以客人特別多，真的可以說是客滿了！餐廳名字改得真貼切！之前去是坐在雀籠的位置的，這晚人太多，就只能坐其他位了。坐在雀籠的位置影相效果會更特別。龍蝦淮山麵很值得推薦，鮮味，龍蝦份量不少，面的份量也不少！芥菜煲也不錯，芥菜也不算很苦。湯可飲添！石斑腩煲皇帝菜整體來說味道價錢服務也不錯，物有所值。雖然他的位置與地鐵站有少許距離，但也不是太遠，值得去試一試。…Read More

下午到了黃大仙 現崇山 客滿庭飲茶。叫咗蝦餃、燒賣、叉燒包， 上台食物是熱辣辣的，可惜有點怪味，我相信是非常重味精， 下了十分重的鹽，特別係蝦餃和燒賣嗰啲餡， 我的舌頭告訴我感覺唔新鮮； 叉燒包嗰啲餡少， 肥豬肉多， 味精同樣太多。 之後，叫了一碟生菜，爽脆、熱辣辣、好吃。環境可以接受的，紅紅的燈籠掛在天花上挺漂亮。客人也比較多， 碗+ 枱布 衛生方面可以的。等位時間也不太長，大概十分鐘可以了，侍應工作態度不錯。老實說，食嘢食味道， 點心咁鬼差，以後都不再會回頭。…Read More

星期日午餐諗住同屋企人食點心外賣左佢地嘅點心套餐。黎到見到好多人等梗位黎到拎外賣嘅時候 問有得拎未門口既帶位不斷話包梗包梗我知客人多 我都五想麻煩到d 員工企係旁邊繼續等待但越等越覺得有問題明明foodpanda app show 左已經可以拎距離可以拎個時間都過左成15 mins無理由禁耐之後再問員工想跟單但員工完全無意思同你跟單甚到叫我自己行去廚房出餐區態度惡劣!!!等待五係問題但態度差 完全唔helpful!!以後都五會再幫襯…Read More

自從限聚令實施以來，都唔知有幾耐冇試過全家人一齊飲茶。而家疫情好似冇之前咁嚴峻，又有措施可以令到餐廳容納更多客人，所以我哋全家終於鼓起勇氣去飲一次茶！呢間茶樓位於黃大仙現崇山商場，商場人流唔算好多，不過黎親都係諗住食嘢。呢間茶樓最好嘅地方就係可以book枱！一家人食飯，當然叫咗好多點心，所以都冇謂一一詳細列舉出嚟，總之一般茶樓有嘅佢都有。我哋另外叫咗個蒜蓉開邊蝦荷葉飯，認真估唔到呢個荷葉飯好好食，雖然佢隻蝦唔係好乾淨，中間仲見到有一條蝦腸，不過整體來講蒜蓉蝦再加荷葉飯配搭得幾好，如果大家唔介意有蝦腸的話絕對可以一試餐後感：今次我哋六個人都係要分枱坐其實疫情已經唔係咁嚴峻，所以我覺得可以逐步回復正常。當然我亦都要戴頭盔咁講句：我哋唔可以鬆懈啦，希望呢個難關可以快啲過…Read More

之前因為樓上冇位，無意中發現呢間試過飲茶，覺得ok. 奇怪嘅係彩x軒有高度評價但呢間係出奇地冇咁多人講，講真兩間都試過，其實呢間唔會差過樓上好多講返晚餐，試過4 5次，水準都keep到，有一味餸係黑醋金薯咕嚕肉，我帶親戚朋友來食，100%係有讚冇彈嘅大斑兩味，炒球，又係正到不得了，超入味，又夠鑊氣，d龍躉肉咬落口個感覺係香軟鬆脆，唯一可能你會嫌嘅係油左dd今日仲叫左乳鴿同雞，煎釀豆腐都係第一次叫，家庭小吃，用鐵板上，都食得過，反而呢度d家禽類就一般加上之前叫過乳豬都唔掂，得塊皮，下面全肥高咁滯，所以呢度燒味唔好叫咁多我不是打手，普通街坊，見呢度d正反比例怪怪地，忍唔住幫幫手，因為我真心覺得呢間幾好食我哋5人食左700左右希望大家街坊如果先睇開飯再去決定幫唔幫襯一間食店嘅，可以比下機會，信下我，唔好俾d負評呃到論食物，真的ok…Read More

黃大仙咁多間酒樓入面，客滿庭算係比較有特色。除咗傳統嘅點心，佢仲有客家風味嘅菜式。傳統嘅點心方面，蝦餃、燒賣、春卷等等必備嘅點心佢哋都保持到一定嘅水準，而且相比起其他酒樓，點心亦都相對比較大件，非常抵食。但係最值得推介嘅，就係佢哋嘅鹹雞飯同埋叉燒飯。咸雞飯啲雞整得入味，而且份量夠多，唔會出現返多個雞嘅情況。叉燒飯有別於平時食開嘅廣東蜜汁叉燒，反而有少少似日式叉燒，感覺健康啲之餘味道有幾新鮮。兩個飯星期六要等到11點之後先至可以叫，但係都值得等嘅。服務方面，見其他食客都講咗，街坊嘅感覺啦，可能因為限聚令之前坐得比較多人佢哋比較忙，服務唔算非常殷勤，如果坐咗出去露台，都幾難叫到人幫手落單或者斟水。…Read More

自從限聚令生效之後，都沒有在茶樓喝茶了。有點懷念喝著茶、吃著點心的感覺，於是我們到現崇山商場買點心外賣回家吃。四寶滑雞扎$29- 雞扎裏面我最愛吃芋頭，入味且軟綿。鮑魚燒賣$28- 鮑魚賣相不錯，因為知道是茶樓質素，都沒有對這個點心抱甚麼期望，都是一般的燒賣味道。蝦餃皇$26- 蝦肉爽滑彈牙，推介！牛肉球$20- 牛肉球質素普普通通。紅燒乳鴿- 推介！乳鴿醃得入味，脂肪比例較少，當小食一流！廈門炒米- 味道十分淡，像忘了下調味料，有點失望。總括而言，點心不過不失，始終外賣會有些少影響，乳鵨依然保持水準。…Read More