客家莊

Open Now

Now Closed

新張期間 人氣真係好旺盛， 不過佢地嘅人手管理真係出現咗好大問題， 人手嚴重不足， 門口收銀櫃柜長期係冇人看守， 尋日上午 早市見到 樓面嗰兩三位企堂肯定做到氣咳， 等佢收枱開茶足足每咗十幾分鐘， 點心紙欠奉要自己走去 櫃檯找尋， 寫好點心紙又要周圍搵佢哋幫手落單， 足足又要等多十幾分鐘先有點心慢慢拎過嚟， 好在呢度啲出品係唔差，最後來到 山竹牛肉又要等多五分鐘先攞到喼汁過嚟， 結果碟牛肉變咗暖暖哋先食到。 最後埋單時候 好再身邊有幾十蚊散紙， 就咁放低喺櫃檯就算喇， 如果唔係又要 分分鐘等多 十分鐘左右。

客家莊餐廳剛剛進駐於牛頭角得寶商場1樓,餐廳裝修簡約,設有貴賓房,仲有半圓形卡座位,餐廳主打廣東客家菜,設有點心的中菜館,有早午市下午茶晚飯,提供不同优惠,服務員招呼到位。蝦餃拼粉果(早晨啖啖肉午孖寶$32.8)蝦餃兩粒粉果兩粒,剛剛好每人一粒,蝦餃好大隻,蝦肉彈牙,粉果餡內很多配料,粉皮軟糯。燒賣拼干蒸牛肉干蒸燒賣和乾蒸牛肉各兩粒,燒賣本身好大隻,蝦肉彈牙,乾蒸牛肉啖啖肉,好有牛味。原隻大蝦腸粉(早晨孖寶$33.8)腸粉蝦肉好大隻,入口爽彈,腸粉皮不太厚。鮮蝦菜苗餃三大隻菜苗餃,菜苗食落鮮嫩,鮮蝦爽滑彈牙。

唔好以為客家莊淨係有晚飯食，佢哋朝頭早七點就開門㗎喇，早市同下茶市都有特價點心，大中小點都計小點價錢，我試過佢哋好多款蒸嘅點心都好好味，但炸點比較少又唔出色，我最想食嘅炸芋角冇（ 我發覺好多酒樓都冇炸芋角，可能功夫太多又唔賣得貴），錦鹵炸雲吞又冇，真係令人有啲失望。 雖然地方略細，但因為新開張店內環境相當光猛，仲有VIP房， 至於服務方面很不錯， 侍應姐姐相當有禮貌， 值得一讚 下次要叫多啲人嚟， 試下四大天王粥粉麵飯