Hak Ka Hut (Closed)

我沒記錯,入坐時,晚上8時半,我和女友兩人,考慮了大約5分鐘,決定好要叫乜,但我點3款菜式,有2款都話沽清,我又唔係話叫d乜野特價野,但就係無得你食,其實我當時有d都起身走,但自已又口快快叫了個頭盤,因為女友激愛雞絲粉皮,我睇到餐牌有,所以立刻叫了,頭盤2分鐘之內來到,當時我們還在考慮叫什麼菜,仍不知咁多款野都賣晒,無言雞絲粉皮,唔好食,因為麻油太多,所以油益味好重,唔掂味菜胡椒豬肚湯,豬肚唔夠淋,胡椒味都夠,味菜唔夠咸酸,我的評價是剛剛不合格砵仔飯,呢個都唔錯,都有d飯味,我一向比較愛乾身的飯,所以我覺得正客家豆腐,我唔明白點解成檔野都只係賣20幾款菜,都要用包裝豆腐去比客食,豆腐一d鮮味都無,我覺得唔會係即日來貨的一板板的豆腐囉,而且釀上去的肉好梅,我諗都放左好耐,呢個我比30分砂窩焗魽魚,全晚只有呢個好食,我覺得呢度唔係話做唔到好味的出品,而可能係我(簡)錯野食,不過我都無辦法,我最初叫(上湯浸魚標,客家炆腩仔)因我記得呢2樣都食得下,我本來就叫呢2款,佢就無,無辦法,我只好叫其它,但就唔好食,好在呢味魽魚真係好食,追番分數全晚的菜式草草了事,好啦好啦,快d食甜品啦楊枝甘露,夠凍,女友話好食,應該都唔錯木瓜雪耳糖水,算唔錯,都叫做熱辣辣,唔太甜,幾合口味…Read More

是晚在荃灣辦事, 所有事搞妥後已是八時許, 三人不知吃什麼... 於是走到城市商場那邊看看有什麼選擇, 抬頭大望, 見商場外場上有幾個廣告牌分別指示此地有的食肆, 客家好棧正是從沒光顧過的, 便乘電梯到三樓... 門面都算不錯, 望進去座位亦算舒適不擠, 看一下餐牌後見價錢可接受, 菜式亦很多, 便進去了.:)$18一隻的紅燒乳鴿, 一試無妨, 結果皮脆肉嫩, 味道很好在堂邊一個counter位置有即煮o者o者煲, 氣味撲鼻, 便來個香蔥土雞煲, 雞很嫩滑, 非常出色, 味道香口, A+在來一個秘製芝麻骨, 份量剛剛好, 味道既香甜又香口最後是花膠海味什菜煲, 材料十足, 尤其沒吝嗇於花膠上, 意想不到到最後, 雖然這是稻香集團旗下的一家食肆, 但竟然沒加一, 免茶芥, 很驚喜! 員工有很好的訓練, 果然是大集團式training, 換碟也有三次之多, 很細心! 另話, 有趣的是這裡是自己拿單到收銀處結脹的, 很特別…Read More

打電話book定大枱食飯慶祝生日，去到攞位時，竟然俾間房我:)，心想都幾好喎!!點知原來係惡夢嘅開始......我地坐低之後，當然想傾下計先(因未齊人)但佢個staff以經入黎問食咩，不斷推介我地食套餐，又話好抵食呀!!枱面只有2個牌，全部都係套餐Menu，都唔啱食，叫佢攞個小菜Menu睇睇，佢好似好唔願意咁，之後前前後後入來今多次就講足今多次話叫套餐好，煩到你爆~~~!!我真係嬲嬲地，但我好聲好氣同佢講個餐唔啱食，同我地無12個人，想散叫小菜食，佢就改口話叫我地蒸條魚........如是者係點菜過程中，佢重覆又重覆Hard Sell我地蒸魚，我答佢我地無人食魚架，點知佢重話你叫條魚我送多個菜俾你，Oh!!My God!!究竟佢識唔識聽中文...........之後到食Birthday Cake，問佢借火機點蠟燭，佢答我話無，重話我地無人食煙架!!!!態度真係好到無人有..........唔使只意有下次幫襯…Read More

約半年前來過吃特價食品，覺得質素不差，很抵食。可是今天再來，已取消了九時後七折優惠，唯有食正價。我認為，價錢貴一點不重要，最緊要係食物好吃。否則，再平也是沒有意思。要了咕嚕肉，粉漿厚，肉少，青椒雖爽，卻不甜美，很是失望。記得上次來吃時還不是這樣的差；炒珊瑚蚌和花枝皮，前者味帶點腥，後者則不爽脆。還有幾片木耳，單看色水已知不對辦，豆又是不甜美。鹽焗雞等了半個小時才送上，幾乎想去取消。當然，這不是正宗的鹽焗做法，但勝在幾入味，肉亦嫩滑，是三味之中最好的了。DBS信用卡埋單有甜品送，是桂花糕。吃不出什麼桂花的清香，可以用淡字去形容。上次吃特價餐質素還好，為何正價反而會搞成咁?…Read More

雖然10月1日係紅日，夜晚8點4去到唔駛等位，但只有一個膠餐牌，所以點菜款式有限，落菜雖快但要成30分鐘先到齊。梅菜扣肉$62: 味道適中，扣肉入味，但梅菜略少了。客家風味魚$55: 味夠香，但炒時落得太多油，好油膩。客家炆米$50: 因為用豬油爆香，所以D炆米超多油，我男朋友一聽到炆米內的不是肉絲宜係肥豬油，嚇到佢食第二碗時D豬油絲要拎晒出嚟。味道不及屯門店，而已好油Y，埋單仲要自己去櫃台埋。…Read More

八點五十分去到，知客話九點後某些餐牌的菜色會有七折優惠，問我們等唔等。既然係咁，亦唔差在十分鐘，九點才入坐。一早在門外看了優惠餐牌，有十多款家常菜，原價為五十至六十蚊左右，現有七折優惠，仲要係免茶免芥免加一，真係平到無人有。商議一會，選定了以下幾個餸。先有欖菜肉鬆四季豆，四季豆都幾爽脆，豬肉鬆亦不會硬柴柴咁，或許是下了欖菜的關係，整碟菜味道是偏咸，對我來說還勉強可以接受，但相信一般人會嫌佢太咸。其後是鳳梨咕嚕肉，甜酸味道調校得恰到好處，粉漿不過厚，脆口又鬆化，做得不錯，只嫌青椒稍稍硬了一點。客家風味魚，原來是魚塊配上炒什菌，幾特別的。炒過的什菇，寧舍香口，亦很入味、爽口，魚塊雖肉質也嫩滑，但味道卻進不了魚肉裡去，較為淡口。最後一味是蟹肉桂花炒粉絲，點點蟹肉、雞蛋、芽菜和粉絲，炒起來幾乾身，不會過油，感覺是很清新的一味，吃落層次感都幾豐富，我喜歡。用DBS信用卡埋單，原來仲有甜品送，真的喜出望外。甜品是桂花糕，幾清新的，桂花亦不少，糕也不會很容易散，贈送的甜品不是馬馬虎虎，而可以有如此的水準，實在值得一讚。四個餸加一個白飯，仲有埋甜品贈送，埋單$159，平得無話可說。…Read More

琴晚成班人一齊去o左呢間店到食飯,好多人,book o左位都要等15分鐘,d位好迫,坐得不太舒服,叫o左8樣菜,只有以下三樣好食,其他都係一般,第一樣好食o既,雜菌一品煲,第二樣係係碧綠炒花枝,第三樣係梅菜扣肉,雜菌一品煲夠熱,而且炒得好野味,不錯,碧綠炒花枝d花枝好有鮮味,好爽口,脆肉瓜都炒得幾爽口,梅菜扣肉就真係好食到屈機,d扣肉好入味,唔太肥,好軟淋,入口即溶,梅菜好香甜,呢碟扣肉,淨係捞汁都可以食一碗飯,一定要試.…Read More

稻香集團旗下之食肆, 原本想去西餐廳, 見今晚凍凍地, 好似中式飯會暖啲! 我們約六時到達, 人流明顯比荃灣廣場多, 亦較街坊, 編配入座時....明明大把位, 公公, 婆婆, 嬸嬸卻要爭著入座!入到去才知道又有一蚊雞, 但款式不同, 於是 ENCORE 一隻薑蔥霸王雞, $1, 比較昨天貴妃雞大隻啲, 熱啲, 油啲, 雞胸位置唔嚡口, 要評分既...呢隻好食啲! 另叫了濃湯瑤柱鮮菌菜苗, $50, 雞髀菇 + 冬菇, 唔覺有咩香味, 白菜仔硬了一點兒, 濃湯略鹹, 跟昨天蒸娃娃菜就失色好多! 砵仔蒸飯, $10@, 飯粒硬, 同一集團, 可能都有同出一轍! 侍應不會強迫換碟, 態度較好, 不收茗茶, 前菜及加一, 結果 $71, 呢間更貼近共渡時艱價!…Read More

2-03-2009　DAY OFF同媽媽*肥仔3個人去客家好棧飲茶yeah!!又係我最愛既"hot cha"..搭小巴巧遇同年同月同日生既小學同學,yu ho yin唔知係咪咁樣都會心靈相通,一估就估到佢去打機!哈我2點半去等位.但都要等到3點幾先有得食*佢都未執檯就嗌左我地no.要我地搭檯!之後我地企係度呆等..企多2個字,問佢入得未...佢話等執檯-.-但佢又係咁嗌其他no.俾佢地入...等多幾等又話俾張檯我地,唔洗搭檯一坐低就即刻錫紙,嗌左下面d野灌湯餃*雞扎*咸水角*牛肉球*臘腸卷鳳爪*蝦腸*黑椒魚雲*雪菜蝦炒伊麵,仲有芥莧鯪魚球全部都好好味*唯獨覺得個伊麵麻麻地仲有漏左單,芥莧鯪魚球冇黎到!所以冇食到埋單$12x,冇加一冇茶芥,都好平呀…Read More

8/1/2009叫左一個河鮮窩同一個三少炒什菜河鮮窩成條魚上,豆腐,腐竹,羅白同黃牙白湯好鮮味一D都唔腥,豆腐超滑,其他配料開住個爐一路滾食個時入哂味樣樣都食到鮮味三少炒什菜就有花膠碎連粉絲炒同三款菜做一個煲出來又係好好味但都係河鮮窩出色D…Read More

經常去客家好棧食飯，貪佢免茶介，免加一話就話免茶免加一，每碟菜貴幾蚊，D茶介加一返晒黎一行三人叫左：蜜汁燒鱘魚扒 - 差差差個蜜汁去左邊？一D蜜味都無，魚扒煎得香口，乾身，內有肉汁，only 燒鱘魚扒花膠海味什菜煲 - 又係差差差花膠？海味？去左邊？全煲得一隻蝦米，無花無假，花膠，得兩舊，仲要隻勁似啡色（象巾），係諗都無諗過花膠係咁既樣only 什菜煲炸子雞半隻 - 好大隻，好夠份量:)皮脆肉滑，戒雞皮既我都食左唔小梅菜扣肉 - 好彩無令我失望，水準味道以然，今次扣肉有一層肥一層瘦一層肥一層瘦，尼味可以（送）到三大碗飯！結賬時，侍應問個花膠海味什菜煲好唔好食，大家緊係答唔得啦最後大家都食唔晒，打包兩大盒回家去！…Read More

今日原本打算出去清真食野既但係因為某D因素,而家決定左去客家食飯但係,無諗過,難得食得咁有水準既野食柱候牛筋腩--真係好林,又夠入味,應該係煮完擺過夜之作,所以先咁入味,8分瑤柱竹笙灌湯餃--幾好食,不過因為浸餃子浸得太耐既關係,好多野都散晒,扣少少分,7分時菜牛肉球---時你個死人頭咩......牛肉就牛肉啦,不過唔錯,7分蟹子燒賣皇---首先,呢個真係蟹子,而且豬肉都ok,不過d蝦就嫌唔夠鮮,7分迷你雲吞雞--啖啖肉既雲吞,仲有乜野好炸型?9分蟹粉小龍包--嘩~~~~~~~~~~~~咁大個仔,第一次會連食兩籠既野 不過問題係,佢蟹粉同肉既比例差唔多係1:1 鍾意食蟹既人都覺得佢太重蟹味 我本人就覺得好似俾隻蟹打左一鎚 10分,抵俾埋單都係114,無茶介加一仲有咩好要求?(不過唯一唔好既就係,即叫即蒸,次次都要等成15分鍾先有得食,呢點各位要留意)…Read More

無厘頭行開荃灣, 當然想喺呢頭搵d野食啦, 但又唔知食咩好, 左行右行最後見到呢間食店, 兩口子就決定入黎填飽個肚先!行到埋去唔使等位, 對師傅黎講呢樣先係最重要, 坐底睇左一陣就決定要鹽甑雞, 梅菜扣肉同埋椒絲腐乳通菜, 再加一渣橙汁!等左一陣鹽甑雞率先登場, 其實同普通鹽焗雞差不多, 雞肉都幾滑, 一d都唔韌, 加上唔會過咸, 味道唔錯; 梅菜扣肉非常香, 梅菜唔會太咸, 而扣肉半肥半瘦, 肉質夠香夠滑, 真係好好味, 送飯一流; 而椒絲腐乳通菜炒得幾香, 不過通菜略嫌硬左d, 一般啦!總括黎講食物質素令人滿意, 環境就一般, 服務就麻麻啦, 而價錢都可以啦, 埋單二百幾, 都算抵食; 師傅覺得偶然一餐唔健康兼且肥膩嘅餸菜都幾過癮, 而呢間係店都值得一試, 笑臉可以比, 皆為戾幾好味!…Read More

難得的一家人吃晚飯，便來到客家好棧試試，反正能坐得舒服點吧。不過就算Book了位，也要在門外等上半個鐘，可想而知有幾多客人幫襯呢。是水準好的原因嗎？點了六道菜。鹽甑雞：和普通的鹽焗雞差不多，正常水準，雞肉不算滑，感覺上好有住家Feel。梅菜扣肉：作為客家經典小菜，這兒的扣肉水準麻麻，最起碼的肥扣肉不夠肥，而整碟都不太夠味似的，比較失望，是為了客人食得健康嗎？脆皮炸大腸：處理得最好的一道菜，份量認真不少，加上皮脆，點上醬汁吃實是不錯！客家風味魚：味道較模糊，魚肉很滑幾爽口，但代價是沒有魚味，是好是壞？濃湯瑤柱鮮菌菜苗：湯底幾有味，配上菌類吃，味道清淡，是水準較好的另一道菜。醬皇翡翠爽花膠：花膠真的幾爽口，而同碟的醬汁都幾淡。整體上，不太貴服務也可以，而且口味偏淡，一家人在此吃飯也不賴，夠穩陣。不過，不算得是非吃/試不可的食店就是了。…Read More

(2/7/08)我覺得這分店的東西,無銅鑼灣的好,這set好的套單,好像精緻o的,可以一吃。棧簋雙(拚拼貢菜)─豬頸肉唔錯,仲有我最鍾意的魚肉卷,70分金沙大蝦(8隻)─金沙唔夠,不過炸得幾爽身,蝦算大隻,80分農家燉湯>>因為太夜了,無晒燉湯,轉成金剛海皇羨,雖見南瓜絲,但一點南瓜味也沒有,而且「海皇」,我淨係見到蝦粒ju 喎!─20分金瑤白玉磚(釀豆腐)─豆腐好滑,瑤柱+金菇剪得太粹了,60分醬皇珊瑚花膠仔─得個辣字,50分茶寮魚龍鬚,即西芹魚片,沒見特出,50分千島煙花卷─名字同材料好相應,煙肉花枝卷,全靠沙津醬帶鮮明味道,70分污糟雞─紅棗頭菜蒸雞,無乜味,40分福建鍋飯,好多帶子片,但汁「炒」得太過濕了,60分鴛鴦茶粿─黑色是椰絲芝麻餡,正正常常,40分;白的是南乳肉粒餡,極怪極難食,0分…Read More