安祖家廚

有時想食啲精緻啲中菜(fusion)，又有budget，但同時又想有啲privacy，咁就要try try試房菜👍🏻今次去左安祖家廚，我地揀左個入門價$520/位，連甜品有total 10個菜，仲要免收開瓶同切餅費！同埋大部份菜式都俾我好新鮮好有心思嘅感覺🧡鍾意食海膽嘅朋友一定要留意：因為成個套餐有兩個菜式都有滿滿嘅海膽☺️我特別鍾意海膽肉鬆凍豆腐（配上秘製Wasabi汁），因為真係冇諗過肉鬆、海膽同豆腐係可以咁夾！首先擺盤非常精美，而且佢哋都選用加拿大海膽同日本絹豆腐，特別鮮甜，特別嫩滑。但影相過後我哋就要摧毁佢，因為最好嘅食法就係每一啖都食到唔同嘅材料😋第二個我想推薦嘅就係黃金一口鮑！今次配上海膽嘅係慢煮鮑魚，鮑魚汁煮非常入味之外，仲非常之腍，一啖食落口完全唔怕哽親😂而且兩樣配埋一齊真係好好味，兩者嘅鮮甜互相輝映🤤期待下次再食其他菜式🤩🤩🤩…查看更多

今天下午經Food Panda 平台點餐，叫了75元的N6 套餐，份量奇怪地少，只有一份烏冬+3隻雞翼味道正常，但食完零飽肚感，超肚餓，個份量連小朋友都食唔飽，最後重要出去叫多個飯食…查看更多

早排喺屋企人生日，佢話好想食私房菜，我哋一家去咗位於火炭工廠區附近嘅私房菜，由於我哋食嘅時候都已經係假日週末嘅日子，所以地區位置比較靜。但係私房菜真係好好食呢款蕃茄菜既湯底係魚湯，好香濃一口鮑魚上面有海膽，好創新呢款係勁好食！豆腐上既脆脆好令人難忘，但入口成個口感都好好好夠味既木耳水果係芭樂，係香港都比較難食到蒸魚好好食，蒸得岩岩好，唔會過生/過熟🥰🥰🥰🥰🥰不得不提呢一個燉湯！超級好飲！！！！！飲得出店家用料十足，無揸流攤hea我哋㗎🫢🫢🫢🫢🫢🫢🫢🫢🫢士多啤梨骨做得好精緻，味道剛剛好魷魚炒麵做得好好食，唔會太油膩！🤤🤤🤤🤤甜品最後以紅豆沙湯圓作結，整體嚟講，私房菜好反映到店家嘅心思，環境亦都好舒暢，可以舒舒服服咁坐低食飯係好難得㗎❤️…查看更多

火炭工廠區有唔少食店呢間算係比較常去的不二之選試過湯麵、蕎麥麵、冷烏冬湯麵湯底好味想介紹花雕醉雕拌冷烏冬醉雞好入味、烏冬彈牙、價錢合理、份量足夠自家製飲品都好飲、唔太甜～…查看更多

第一次透過 OpenRice 外賣自取，選了海南雞飯連湯飲品。預約了12:30，未預備好。問員工，佢大聲同廚房講：海南雞 openrice. 我感到奇怪，點解會講 OpenRice.返到 office打開飯盒，有一個雞pat pat, 有4件雞背。湯內有一個四腳朝天嘅雞腳。我放棄咗。另外，飯內的豆芽是無味的（未放鹽）。「可能」因為參與第三方平台而賺少咗，所以有這安排。站在顧客嘅角度，打開見到件雞 pat, 已經無食慾。…查看更多

今日跟公司嚟到呢一間私房菜，住喺附近，第一次嚟，食物非常新鮮足料，特別係迷你佛跳牆，同埋海膽，有驚喜反而係款牛肉麵，好美味。老闆兩夫婦一腳踢，睇得出佢哋有心機，但價錢就略貴…查看更多

今日食左一間老闆介紹既餐廳，地點都比較偏遠，仲一定要訂位，客人非常多，好快爆滿，一定要早一兩個星期前訂位，最好就係可以同餐廳傾要咩菜款，一早預定當晚既餸菜。地方唔大，但裝飾得好靚，整個地方既感覺非常舒服。佢每一樣野都係師傅用心自創既菜款，絕對不能係外面食到，首先第一個道菜叫黃金一口鮑，黃金原來係海膽，下面係一隻新鮮冰震凍鮑魚，甜甜地既醬汁，上面既海膽超級新鮮，兩樣加起非常夾。第二道－龍皇多士V3.0見到個名個時已經有好多問號，問老闆先知原來係改良版第三次，一直都會聽客人既意見，不停為每位食客做到最好，非常專業，呢個主要係大頭紅蝦，在用勁脆既多士包住隻蝦，整個變得非常豐富，啖啖又脆又爽口，勁正。第三道－上湯農家雜菜呢個真係非常非常有創意，入面包括有好多紫薯，蛋黃薯，蕃茄，菜芯，生菜等，令到整個湯超級甜，蛋黃薯好難搵到咁甜，全部都係健康既食材。第四道－邪惡炒麵呢個基本上真係必食，叫邪惡係因為呢個炒麵用豬油炒出黎，所以令到呢個麵超級香，仲有D肉絲同芝麻，成個配合得天衣無縫！最後仲會有甜品－朱古力慕斯杯朱古力唔會太甜，食個時要加碟邊個D開心果碎碎，咁先最夾。絕對推介既一間私房菜，呢間真係好特別，同其他既完全唔同。…查看更多

朋友極力推介火炭的一間私房菜，心諗有冇咁勁呀，讚不絕口咁，上星期終於約齊腳去試(因為要六位起）。地點在工業區，但都算就腳，火車站行去約5分鐘路程。室內環境很舒適，有一幅由紅酒箱砌成的 feature wall，映相位冇走雞！成個 menu 由前菜到甜品共十一道菜式，免茶芥冇加一，不收其他收費，實價$520/位。講真，訂位時覺得有小小貴，但食完我覺得超值！講返食物，前菜有芥辣雲耳及話梅芭樂（唔記得映相)，兩款味道都恰到好處，好快被掃清！主打冷盤前菜，海胆肉鬆凍豆腐，要按大廚的規矩來進食，加埋秘制 sauce，真係正到冇朋友！然後再來燉湯，蒸魚都係水準之上！另一款signature dishes，黃金一口鮑 (掛住食無影相)，規矩係要一口食，滋味我唔識形容，最好比我食多幾隻試清楚！😋跟住來的龍皇多士，3D造型好特別，店員說已演進至V3.0，由剌身級帶子鑲蝦膠及原條蝦尾，以豆腐卜包住來炸，蝦頭以椒鹽泡制，再配以自家制的酸甜醬，冇得輸！👍🏻已經飽飽地，鮑魚雞煲上枱，份量十足，一人有一隻鮑魚，睇落重有成隻雞貢樣。。。。。好味道，食唔晒打包走!尾聲啦，上湯農家雜菜，顏色配搭好吸睛，食左咁多好嘢，清清地唔錯喎！ 壓軸的邪惡炒麵，店員話點飽都要試，可以挑戰下佢地嘅黃辣椒醬，超香超辣！甜品是藍莓慕斯生日蛋糕，店家自制的，蛋糕的味道比外面買的要清淡，因為是用新鮮水果制成，沒加添色素及合成香科的味道添加劑，純天然的味道，外面食唔到囉！整體來說我覺得超值，環境，食品及服務都非常滿意，我都會同我朋友ㄧ樣，極力推介比其他朋友 ！好嘢要分享嘛！…查看更多

坊間私房菜有好多選擇，個人認為真正用心機，優質食材再加上有創意菜式先算係私房菜！此店菜單中有多樣菜式係大廚自創，值得推介，其中以黃金一口鮑及海胆肉鬆凍豆腐更是一絕，兩款菜式均以海胆入餚，配以不同食材及自家醬汁，令菜式完全達至水乳交融效果。除咗自創菜式外，鮮拆蟹肉魚肚羹同招牌鎮江骨都係強烈推介，用藍花蟹拆肉，每碗蟹羹都有一只蟹鉗同啖啖蟹肉，囗感十足，令人回味。鎮江骨肉質鬆軟，肥瘦適中，醋香柔順，甜酸度恰到好處，絕對係上佳之作！溫馨提示：此店必須預約！…查看更多

係工廈入面都會有好多好餐廳，朋友之前帶過黎食私房菜，味道都唔錯，而家有午市，午餐既選擇都幾多，店員都會向我地介紹今日既午餐店員話口水雞醬係佢地自家製既，而自己本身都鍾意食口水雞，所以決定試呢個，黎到既時候都有少少愕然，因為雞既份量好少，同以往食開既份量好似有少少差別，不過最緊要好食姐！首先試個口水雞醬，好香蒜味，個味道同出面食果d唔同，個醬的確做得幾色，但個敗筆位就係個雞，一般食開既口水雞都係用雞件，呢度係用雞朳，個味道有d唔太夾，浪費左個醬不過呢度既特別之處就係飲品，有洛神花茶，苦蕎胚芽茶同埋羅漢果茶，都係自家製飲品，而我就比較鍾意苦蕎胚芽茶，因為有一種好特別嘅味道，但係今次飲覺得比之前淡左😭😭😭，希望下次食嘅時候唔會係咁啦…查看更多

如果唔係有朋友介紹，根本唔會知道呢度有間餐廳，簡單既裝修，環境感覺好舒服每個月都有唔同既set lunch，個menu中，日，韓，台既款式都有，我食既時候係星期二芝麻雞朳飯雞朳好大塊，份量都幾多，熱辣辣，上面有甜酸醬但係個人覺得芝麻太多，雞朳冇點調過味，要靠個甜酸醬佢用既唔係普通既米，係用珍珠米，仲加左飯素係上面慢煮安格斯牛小排係工業區既餐廳入面竟然有慢煮，侍應姐姐話唔係成日有架因為我地果日客流比較少，所以仲有得食但係上菜既時候都呆左一呆，賣相唔多吸引心諗大獲啦，係咪中左伏呢？首先就試一試個汁先啦，放入口個醬汁好香牛肉味，真係估佢唔到但係食唔出佢係咩汁，但係好好味再黎就係試個牛小排，濃濃既牛肉味，入口即溶既感覺有時真係唔可以睇外表苦蕎胚芽茶另外值得黎呢間餐廳既原因就係佢跟餐杯野飲呢度唔會有凍檸茶奶茶果Ｄ，只有汽水同埋。。。。。自家煲既涼茶呀！！！！！！有洛神花茶，羅漢果茶同埋苦蕎胚芽茶苦蕎胚芽茶，唔會太甜，飲落口好香既胚芽味，仲有介紹埋功效好健康呀再有機會真係要試下個燉湯！！…查看更多