季季紅風味酒家 (Closed)

今日吃生日飯當然想食餐好啦，最後我就去左季季紅訂位，因為之前都有唔少人講米乳豬十分之好食，今次我哋一行五人過到嚟。見到都有唔同嘅餐牌，同埋嘢食，最後選擇左海鮮四位餐$888，最後加一之後900多元，價錢方面唔算十分之貴，但嘢食方面就有失望。即燒烤米乳豬唔夠熱，而且下面嘅飯好淋，比較多水，十分之唔好食。因為乳酸凍左關係，所以味道唔好食之餘，皮好硬，絕對失望。咖喱龍蝦配金饅頭，反而有驚喜，咖喱味唔算十分辣，龍蝦的肉口感都還可以，饅頭吾似炸過，比較偏淋，整體仲可以接受。果皮蒸南非鮮鮑魚，鮑魚唔算十分之新鮮，但唔知點解有豉油，味道好淡，唔吸引。菜膽豬肺湯，爸爸講味精味太重，豬肺少。清蒸龍躉吾太熱，而且都係味道偏淡，食咗一半已經冇食。油鹽水浸田園時菜，有驚喜好味，菜心十分之好食，夠爽口，而且分量十足。紅燒乳鴿味道都唔錯，套餐仲有四罐汽水送，整體來講味道真係只屬一般，可能去返總店味道應該會更加好食。…Read More

成班老友聚埋食中菜就最好啦, 荃灣季季紅位置超方便, 地方寬敞舒適 椒絲通菜.. 都夠鑊氣算唔錯睇返舊食評才知道有米豬原來係酒樓推介, 乳豬下面係飯好有趣, 不過今次乳豬肥膏多過肉, 基本上只食了脆皮, 失望 😞炒四季豆都夠味呀咖啡蟹配黃金饅頭, 咖哩點饅頭都幾惹味, 只嫌饅頭略涷, 熱食會好好多....另外仲叫了幾碟餸只顧食無影相 🙄 又叫左幾支青島, 幾碗白米飯, 八人食到飽埋單$1000有找, 相當抵食! 雖然並非算得上超美味, 但一大班人坐得舒服又有服務, 算不錯吧 ~…Read More

15/8/2018 下午3:30左右扶老攜幼到來飲下午茶，因已較晏，員工已提醒四點截單，於是點了一碟燒肉雞飯和七、八款點心，員工告之可慢慢坐到5:00。家人提議在燒臘部買些金沙骨回家加料，因未知味道如何，故買了一盒在酒樓內試食，在這時候，有位短髮自稱「主任」的女士，义著腰兼用猙獰的臉口責駡我們，警告要收取堂食費用。此時家人已向該主任說「不好意思，忘記了是不可堂食」，唯那主任的態度極惡劣，把我們當作乞丐般⋯大約4:15我們被要求先埋單，本以為可繼續食多一陣，但約4:30就全店熄燈熄冷氣，此舉令我們十分不方便，我們有八十多歲的老人家，又有未足一歳的嬰兒，何解在完全沒通知情況下熄晒燈？到底有沒有理會客人的安全？如果有意外跌傷誰負責？外賣堂食又是什麼大罪？這酒家有沒有服務可言？還有的是洗手間環境惡劣不堪，到底是怎樣管理的？？？本人是絶不會再光顧的…Read More

家庭聚會去左荃灣既@季季紅酒樓！聽聞最出名既係有米豬！叫左好多野食：-即燒有米乳香豬-片皮鴨-粉絲蒸 元貝-上湯龍蝦-金銀蛋時菜仲有幾個主菜不能盡錄！有米豬係今日既主角，脆口的乳豬皮包上咸香既糯米飯，糯米飯加上烤豬既油香，好正好好食！果然是招牌菜！現場所見每桌都有叫另外個上湯龍蝦伊面也製不錯，新鮮龍蝦肉，不會太過鞋！好好食！個粉絲蒸元貝，garlic味好足夠，配埋飯食可以食2碗飯呢！片皮鴨不過不失啦，同其他餐廳一樣！如果想食打定黎book位會好d!…Read More

一早陪老爸去工聯會睇中醫，睇到十點幾，時間唔早唔晏，不過佢慣咗早食飯，所以三個人都係去咗對面間酒樓飲個 “晏早茶” 兼 “早飯”。酒樓都幾 full，樓下嗰層已無位，要上多一層搵位，仲要搭檯。茗茶每位$8，叫咗香片和普洱。普洱茶味都幾濃、淳厚，沖多幾次水都仲有味。時間仍然是早市，食孖寶係最抵，又有飯食，啱晒老爸。一不用二不休，實行食晒孖寶A、B、C。孖寶A，揀咗牛肉腸、雞包仔。牛腸粉皮較厚，不算太滑，牛肉餡尚算多。雞包仔都係皮厚，餡唔多，不過夠熱辣辣，肚餓起上嚟，唔可以計較咁多了。孖寶B，揀咗鹹魚肉餅飯、鮮竹牛肉球。鹹魚肉餅飯，唔為意，俾阿姐加咗豉油，好彩啲豉油淋唔正舊鹹魚，否則鹹死。啲飯比較腍，後生唔多啱，反而老爸鍾意。至於舊肉餅唔肥，都好啱老爸食。牛肉球，三大粒，有馬蹄、香茜，爽口又香口，幾好食，又可以餸飯。孖寶C，揀咗鳳爪排骨飯、韮黃鮮蝦腸。鳳爪排骨飯，都係嫌啲飯腍得滯。不過，都好多餸。排骨都幾腍，又無咩骨，鳳爪好亦夠腍。老豆俾讚，我哋唔多同意。韮黃鮮蝦腸，又係厚皮。蝦肉不是原隻，亦見唔到有韮黃。即是名不符實。因為是周六，所以每個孖寶都要加$3。埋單連加一，只需$115，每人都唔使出40，計落都好經濟實惠，抵過去食茶記的早餐，仲可以由十點半坐到十二點都無人趕。…Read More

今日放飯念住慳時間打過去叫外賣佢第一句季季紅酒樓我話要個叉雞飯 小姐呢到只接受book位要買自己黎買啦態度惡劣 我就問佢咁你擺個電話系Openrice 托 佢話五系托架小姐…Read More

呢間酒樓食物質素已經冇咩好講啦，講嚟 盞嘥氣，服務態度真係超差，我地坐到三點幾，個類似部長嘅呀嬸已經叫我地埋單，巧便速速出去埋，埋完單都未坐低佢地就燈都熄埋，大佬，當時還有四，五枱客未走，要收工都唔爭再等d客走咗先熄燈呀，咁嘅態度真係初次領教，唔洗有下次幫襯😠…Read More

真的是慕名而去，年初去吃時沒吃招牌燒豬，今次想食就去了。兩人吃，不太餓，點了三個菜，吃完就算了。例牌份量。乳豬有陣不好聞的豬味，肥肉也不少，可能個人喜歡少點脂肪更好。脆是幾脆的。雜菜粉絲蝦米煲，那些蝦米很硬，沒弄透，吃了一粒已不想再吃。還有個鮮竹雜菌浸時疏，中規中舉。專門去吃，失望。…Read More

去季季紅就係想食有米豬打頭陣就上有米豬果然名不虛傳個色水燒得好靚豬皮脆卜卜入面既炒飯香噴噴熱辣辣大家食完都好滿意另外跟餐既小菜好大份我估份量應該係平時既兩倍到其他小菜都大致可以有魚有雞有海鮮可以接受…Read More

又貴服務又差、貴花魚扮龍躉魚仔！笑死人咩，豪華字既菜色、件頭少到呢！炸蒜頭浸菜芯、真係難食！仲要對住冷氣出風口食飯！大佬你係咪低能架、風口對住人吹都唔整整佢！唔會只係我本人投訴卦！炸子雞、多人叫！枱枱都吹佢快啲上炸子雞！梗係喇、枱枱被屈叫套餐有炸子雞跟嘛！炸子雞體形仲細過門口外賣八十八蚊半席餐冇米豬跟要加四百五十大元、真覺得唔底食、一隻有米豬只係六百六大元！但冇人理會擺明坤人、叫白飯就寫完單行開半小時都冇攞來要再吹佢！叫埋單最快、我冇下次、唔敢來幫親👿我唔想劣評架！…Read More

今日提早做節，黎咗季季紅食，total 7人，叫咗個餐，半席嘅，以為佢個豬係有米豬，點知係普通嘅乳豬，想食嘅有米豬係全席先有首先黎咗個湯係雞湯，湯幾好飲，飲落好重果皮味，湯料有螺頭，但太多雞油，可以撇下d油會好d，或者要加瘦肉落去索返d油。之後黎嘅乳豬，要讚一讚，個乳豬燒得幾好食，個皮幾脆，肉都唔會好肥之後黎咗兩碟菜，上湯蒜子浸菜心，蠔王花菇扣鵝掌，呢兩樣就算大碟，同埋水準正常，但由於我地嘅位置緊冷氣，所以d餸菜好快就凍曬。之後黎咗一個黃金蝦，普普通通，冇話特別好食，個人覺得佢炸得唔夠脆，搞到咬落去牙蛟好辛苦。剩底最後兩樣餸菜黎得特別慢，係炸子雞同埋壽包，壽包催咗3次都未到，等咗成半個鐘有多，炸子雞皮唔夠脆，味道偏咸，要餸飯，同埋佢應該係擺咗好耐，因為我地催嗰陣店員先話攞俾我地仲有一道清蒸沙巴龍躉，睇落去條魚有d細，食落有d草味，同埋油渣味，麻麻地所以呢間除咗乳豬比較出色之外，其他冇乜特別…Read More

都唔知點解出邊咁多人排隊食晚飯，扇貝唔新鮮又細隻， 服務態度勁差，燒鵝凍冰冰，叫佢攞去叮翻熱，等到食完餐飯都仲未返嚟之後話退咗佢，又唔俾，仲叫我地等多陣，永遠唔會再食。…Read More

星期日約左屋企人飲茶，老媽提議季季紅，話假日午市茶芥都係$8/位，同埋啲野幾抵食。樓高兩層，地方幾大，枱同枱之間都好闊落。小點: $14.8，中點: $18.8，大點:$20.8蜜汁叉燒包 - 蜜汁叉燒包唔係好大個，但熱辣辣，好食。懷舊馬拉糕 –香甜軟熟咖喱水魷魚 - 咖喱汁濃，微辣。水魷魚易咬彈牙。鮮蝦韮菜餃 - 皮薄，鮮蝦都算大隻。金珠鹹水角 - 凍左，有啲硬硬地。南乳蒸豬手 - 好香南乳味，豬手好腍入味。香蒸芋頭糕 - 煎得唔夠時間，表面唔脆。北菰棉花雞 - 雞肉滑，可惜棉花得1條… 食唔到….豉汁蒸鳳爪 - 鳳爪入味，唔錯。銀芽肉絲炒麵 $35 – 麵煎到好金黃，上面有銀芽、韭黃同肉絲，脆卜卜，好香口。鳳爪排骨飯 $38 – 份量十分多，蒸鳳爪排骨時，啲汁落晒個飯到，正。…Read More

因為爺爺生日，一家人食飯成10幾人，咁點都出去食酒家，懶得煮。出去連鎖酒樓又無乜特別。咁就岩哂啦，可以去季季紅試一試個隻有米豬。有米豬係用比較細隻既孔豬烤成，所以會比較嫩口。首先隻豬會俾大家影完相，之後侍應先再將佢切開， 好貼心。豬肉嫩，唔鞋。佢裏面個飯亦好出色！粒粒都沾滿醬汁，另外仲有啲芋頭粒，所以好用咬口。另外外皮好脆，簡單點砂糖就已經好好味！如果想食全隻有米豬就一定要預早訂先有！所以大時大節就要訂定先啦！…Read More

又係gathering 時間，同老友相聚，梗係要坐得舒適。平時啲餐廳限時個半鐘食飯，趕頭趕命，都唔知為乜。食得飯嚟又唔夠時間吹水，同老友耐無見，梗係要傾耐啲。所以去咗呢間幾次，坐耐啲都不會被趕走，同朋友聚舊一流。呢間啲野比較抵食，水準亦有保正。以前有米豬🐷要叫一隻，所以唔夠人成日食唔到。而家有四份一隻叫喇，正呀！雖然嚟到啲飯涼咗，無叫原隻咁好食，不過未試過可以試下麻。叫咗個芥末牛仔粒都好好味，馬拉盞通菜又大大碟。但個炸綾魚球比較腥，之前叫蓮藕餅好吃好多，下次都係叫番蓮藕餅好了。…Read More