孖寶發哥豬扒酸辣米線

Open Now

Now Closed

下午茶時間去買外賣豬排米線，味道好，份量多（兩大一小塊炸豬排），分大中小辣或清湯。不過你一定要大聲說是下午茶，否則會收你正價。問點解，店主話加幾蚊多D豬排。講清楚就比較均真。我的外賣碗沒有被焫穿，也沒有見到蟲蟲。

叫咗個外賣豬扒酸辣米線+炸雞翼雞翼好似係拎地溝油來炸 返炸咗40次個米線湯完全冇酸辣唔正宗 呢個都算舊豬扒同個雞翼完全咬唔郁硬過石頭最過分係嗰兩杯嘢飲 完全唔知乜嘢嚟一杯柚子蜜冇柚子味另一杯金橘蜜打開嗰個金橘？？係灰色好似啲潲水咁 係灰色 我人生未見過灰色嘅柑桔蜜真係冇下次可一不可再食完仲有啲肚痛 唔知佢唔衛生定啲油唔換係人都知炸嘢啲油要定時換新蒲崗咁多餐廳有好多其他選擇千祈唔好幫襯 我真係冇諗過豬扒米線可以咁難食

味道吾錯 但食到一半甘大隻昆蟲 都吾敢食落去啦...間餐廳衛生情況就真係麻麻地...有待改善 😰..................……...............

米線癮又發左😖，專登過黎新蒲崗試試好多人推介的豬扒酸辣米線。餐廳門面唔太起眼，入面的地方細細，小編差不多兩點去到都有位坐，仲可以食到下午茶餐，包一杯熱飲☕️，凍飲加$3 🥤 。我地梗係要試佢最招牌的豬扒酸辣米線($37)，仲叫多個手撕雞酸辣米線($37)。大約等左15分鐘先有得食。🤭兩碗米線大大碗，配有好多好多酸菜、花生、生菜；豬扒兩塊，唔算好大塊，但味道的確唔錯，醃得好入味，又唔會太老；手撕雞就普普通通，有點”鞋”，要浸湯先好味；湯底就麻麻地，酸味足夠，但辣味欠奉，飲完仲有啲口渴；而最令人失望的……竟然係米線！煮得太淋了，一夾就斷開，對於米線控來說，真係扣晒分…😅總括來說，下午茶餐算係抵食，但就夾唔到小編的口味，不太推介大家專登來試食啦。

真係好鐘意食呢間酸辣豬扒米線，不過唔就腳又總係太早收鋪，今次終於趕到來食喇！！食完足料米線加邪惡小食，滿足！！酸辣豬扒米線 ：好大塊嘅豬扒！酸辣手撕雞米線：辣辣地好惹味。麻辣豬耳 ：好爽！炸韮菜餃：香口！

呢間野係好食嘅，唔係都唔會不時掛住要食，同埋食晏都勁人多。但外賣方面，唔該換過第個兜啦。 你d野熱食，但個兜唔受得熱。 一拎返黎倒湯就發現爛晒喇。點食呀？落公司街口食野，唔記得拎電話，想買個外賣返去食，但成個碗熱穿左。。。見圖好在仲有個膠袋，唔係就成身湯喇

慢慢行過去餐廳剛剛好下午茶時間平時呢個時間都特別多訂單外賣今日竟然吾多單walk in 買外賣到不用等很耐可能係天氣太熱啦少左人食，叫左3碗2碗豬扒酸辣米線（1碗中辣,1碗大辣）不過今日無寫到邊碗係中辣邊碗係大辣好彩自己分到韭菜豬肉米線清湯豬肉比韭菜多1杯柑桔，1杯柚子,1杯凍咖啡（凍飲加$3）

之前爸爸買過兩次外賣，個人麻麻地譚仔或者三哥，但妹妹鍾意，成日三哥會食厭，突然諗起呢間啲米線好想食，但唔知叫咩。終於我請爸爸又買咗次，今次mark低咗名啦！叫咗一碗豬扒同一碗水餃。水餃妹妹食冇影低，但水餃啲餡好好食同健康，豬扒量足又夠香，整整三塊，唔韌，要揀嘅話一定係豬扒！呢間啲酸菜冇醃製個陣怪味，好開胃，小辣辣度適宜，配菜啲蔥夠，湯都好味，酸菜泡耐嘅仲會多咗酸味，鍾意食酸嘅我真係覺得太好味啦！！

經過新蒲崗，突然醒起朋友介紹既酸辣米線，於是就去試下。鋪頭細細，但坐滿人客，等左一陣，終於可以坐低一嚐。當然要叫返招牌野啦，唔該，黎一碗豬扒米線小辣….嘩，豬扒份量相當多，仲要係肉而唔係多骨，仲要係好香口有少少脆，湯底個味道唔係味精湯，再配埋花生，米線煮得有啲林，本人比較中意硬身爽口，不過米線既texture因人而異既，唔係大問題。朋友仲有介紹蓮藕餅，我會下次再黎試下👍🏻

終於寬放可以做運動爸爸做完運動番黎買野俾我食下午茶豬扒酸辣米線（大辣）配熱咖啡一碗有3塊豬扒米線的湯底好正外賣佢會將湯底如米線分開放米線番到家食都吾會軟晒豬扒酸辣米線（中辣）配凍檸檬茶

兩星期前WFH屋企人買外賣今個假日見爸爸想食去買下疫情嚴重真係小左好多出去食一般都係買回家下午茶豬扒酸辣米線（3份）2大辣1中辣2杯熱柚子蜜1杯熱咖啡今日的大辣比平時辣柚子蜜回來後加了點熱水

酸辣米線選擇有好多不過就吾想食譚XWFH 有屋企人買回來好幸福❤️好耐無食好掛住佢地的招牌菜豬扒酸辣米線下午茶2點開始叫餐有飲品送豬扒酸辣米線（2碗）一碗配熱菜勿一碗配熱咖啡太耐無食覺得粉的份量比以前少左，豬扒細塊左（以前係食完個粉塊豬扒我食吾落）依家我食得晒成碗唯一係味道依舊

經過新蒲崗唔知食咩好，好似好耐無食酸辣米線，見到呢間人少少，雖然門面望落有啲舊，不過通常小店會有驚喜就入去試下啦。叫得豬扒酸辣米線，梗係要叫返碗黎食！▪️豬扒酸辣米線 ($40)豬扒份量唔係講笑，比起出面既份量係多，講緊既唔係骨，係啖啖肉，至少有3塊！而且浸住湯都仲有少少脆，另有大量配料，加埋脆既花生仲好食。米線亦都煮得啱啱好，唔會過腍！▪️肥牛酸辣米線 ($40)叫左個小辣已經好夠味！又係超多肥牛同酸菜，好食到成碗食晒Overall性價比幾高！再幫襯既機會都好高

講起酸辣米線, 我就會諗起發哥, 算係唔錯既米線其實主菜既味唔係十分出色, 但味道係好多層次, 每樣野夾埋, 會挺喜歡!佢既招牌係豬扒,個量真係多到好誇張, 有成3塊超大豬扒, 次次食到尾都話食唔晒啦, 唔食啦而且都好夠淋, 係味道咸左少少所以話主菜方面不是很出色, 但配料就好夠會加配好多好多配料, 呢個就係我好喜歡既原因有甜酸菜, 大大粒, 我十分喜歡, 而且叫多酸, 佢真係唔會手軟落勁多俾你個酸菜切粒SIZE 比較 大, 所以口感好好, 我次次都食晒酸菜!仲有花生粒, 新鮮既, 脆既, 咬口好夠仲有我會叫多蔥成個配料配合超好所以我話佢唔係靠單一味道, 係整體配料夾!唔食得辣既人, 都可以試到, 因為佢可以要酸(酸菜), 走辣, 係咪好開心!個排我胃唔好唔食得辣, 就可以叫走辣啦~但酸感口感都係咁好~如果經過呢度可以考慮下!

假日那裡都會人很多中午又不想煮只好等下午茶時間會平價點到下午茶時間那裡也會比平常閒日多人點此家也不例外店內不算大，也大約有3至4張桌都坐滿了，今天不堂食叫外賣也要等一會此店有外賣平台外送服務，單子也不少下午茶一碗米線包熱奶茶或咖啡米線可選（BB辣、小辣、中辣、大辣）除你喜歡2碗豬扒酸辣米線（大辣）配一熱奶茶一熱咖啡米線份量很多含酸菜、花生、生菜等的配菜豬扒做得剛剛好，不會另肉質變得太老外賣盒子要加一蚊