嫦餐

呢間嘢唔知點形容😅🤪🤣生意少咗啲就呻🥹😭😖生意好佢地又做唔切，就做到黑面，發脾氣，對客態度差😡🥵😔🙂‍↔️7:30已經百冇🤷🏻‍♀️🫣人客已經冇要求，叫佢發板配搭回答係：我都唔知點幫你配搭咁不如一早截單，唔好嘥客人時間🤯😤😱😰鐘意休息就休息🥶🤯😳唔係休息日，又突然唔會開門😓🤬🫢視客人為冇物😏☹️😡😭🤫咁樣做食肆生意，但係又想好生意，又想賺到錢🤣…Read More

屋企人始終鍾意食呢間，所以嬲咗一排之後最近响冇咁繁忙嘅時間再去過兩次lunch。 冇咁多人，阿姐客氣返好多，於是公道啲再給評。 想食家常飯呢度確是好選擇之一，想避免遇到我上次嘅不快經歷，避開放飯時間應該就會好啲，阿姐仲得閒話歡迎你添飯。我通常嚟食木耳炆雞飯，一碟份量都非常夠食，炆得好入味，而家配有翠玉瓜，有菜有肉平衡得好好。 呢度個例湯同一般茶餐廳唔同，清清地咩料都有啲，夾埋一齊好夠味，比較接近屋企煲嘅湯，所以飲起嚟感覺健康啲。 …Read More

喺福民路兜左好耐好耐，然後打電話去問先知原來喺市場街24號🤣好有住家嘅味道，好多人幫襯外賣都要等45分鐘阿～想食住家飯又唔想煮可以去幫襯👍🏻湯飯好濃味，煎蛋煎得勁香…Read More

岩岩搬入西貢廚房都未執好，都係岀街食。朋友介紹嫦餐似住家菜冇味精就去一試，喺外面望入去都相當唔住家feel，枱與枱之間幾乎冇咩距離，應該為咗可以多放幾張枱，大約可坐十幾個人。當時有三張空枱但未執拾叫我哋岀返店外面等，點知等左一陣都未有人執，個肥女人執左一張枱又走左去做其他野，又唔係岀黎嗌我哋入去，佢好似唔知應該做咩咁，我哋咪繼續企喺度等，有兩母子直行直入居然有位坐！咁我哋企喺度餵蚊托呀？！我哋乖乖地唔想阻住佢岀去等結果俾人遲黎先上岸，個肥女人應該冇左件事咁照俾佢哋坐，唔記得咗係佢叫我哋岀去等。終於入到去啦，好多野賣哂（果陣夜晚7點）嗌兩個餸話要30-45分鐘，冇哂湯又唔岀聲，食食下問先話冇哂，見到個份量好似好少咁就想再加多個，我第一次嗌佢佢聽唔到，佢走去同人傾偈，我咪大聲嗌唔該，佢望住我個樣係覺得我有問題，我話加多個蕃茄炒蛋佢用一個理所當然既語氣話要等30-45分鐘，份量又細食完都唔飽，味道還好啦住家菜咁樣囉。其實如果manage唔到就唔好加咁多枱啦,10幾個都搞到咁又慳皮唔請人錢就想賺到盡，擺副唔憂做既姿態咁你唔好做啦炒個蛋要30-45分鐘，松子魚都整到岀黎啦！我自己都係開餐廳，同行有難處都盡量理解，但今次真係忍唔到要公開鬧呢間嫦餐！永不幫襯！…Read More

一位家住西貢嘅同事帶領嚟到嫦餐呢度食飯，同事事先聲明呢度好細，冇靚靚裝修，而且入座叫嘢後仲要等，呢度係賣住家菜，仲係西貢地道人嘅食堂⋯⋯我話冇問題，試吓好又一餐，唔好咪冇下餐囉🤣🤣第一次到，一行三人分別叫咗清蒸魚腩，魚卜涼瓜煎蛋炒銀針粉上枱時，蒸魚上面灑滿蔥薑👍🏼👍🏼👍🏼👍🏼好好味煎蛋，有燶邊係香口好食嗰隻，銀針粉炒得有鑊氣，而且材料十足。霎時間俾滿枱美食吸引咗，根本唔記得影相。跟住連續兩個星期都進行了二訪及三訪。好彩我嘅心水「腩卜」每次都俾我遇上最後一份😋。由於已經到咗放工時間，陸續有人前來外賣，但都失望而回，因為好多好嘢都已經賣晒⋯⋯老少平安，番茄煎紅衫魚，炒魚滑，黃花魚等等，呢啲都要記錄在案，下次有機會試一吓。老闆仲久唔久有楊枝甘露，紅豆沙，馬蹄露及夏枯草，雞骨草等出售，大家有冇機會碰到就要睇運氣同老闆有冇時間整啦⋯⋯…Read More