La Dolce Italiana (Closed)

兒子愛上做話劇，這晚在學校有演出，舉家來捧場支持，來到調景嶺，先和老公，女兒吃個晚餐。在商場走一圈，大家的眼光一致向這間餐廳投下了一票，因裝修和價目都較其他食肆吸引。我們看上了一個二人套餐，只賣$168，有齊沙律，湯，焗蠔，意粉，pizza 和咖啡，女兒則點了意式全餐。 意式全餐看來頗豐富，有兩條不同顏色的香腸，一塊煎豬柳（麥記那種），一塊火腿腸，一條煙肉，另外有扒茄，炒雜菌，炒蛋，茄汁焗豆，沙律菜，麵包，牛油，咖啡。配搭組合像是吃早餐，味道一切都正常，惟獨是炒蛋中加了黑松露醬，是一大敗筆，因為用了非真正的黑松露醬，虛有黑色物體，但香氣欠奉，味道還怪怪的，cappuccino 普通，咖啡味一般，不太濃。我們的二人套餐，先來餐湯，一紅一白，忌廉湯很差，是無味漿糊水，老公的紅湯較正常，酸酸的番茄湯味，幾開胃。再來是豆腐沙律和焗蠔，先説擺設，焗蠔連殼與沙律放在同一碟，有違衛生守則，因蠔殻外面多菌或病毒，與其他食物（直接）同放，有機會汚染。沙律是雜菜，青瓜，車厘茄，粟米，紅腰豆和豆腐粒，芝麻醬很少，不夠拌匀沙律。焗蠔用菠菜墊底，上面放芝士汁焗，蠔沒有蠔味，又不夠熱，芝士汁也沒有芝士味。慢煑加拿大石斑蜆肉鮮茄意粉，有一大塊魚柳，口感平平無奇兼帶些少雪藏腥味，蜆是連殻，蜆肉細少，茄汁味道略怪，也許是下了不合適的香草。海鮮至尊薄餅，我們選了厚批，材料豐富，蝦，煙三文魚，魷魚圈，蜆，鱈場蟹棒，白菌，粟米，洋蔥，Parmesan cheese, Mozzarella cheese，千島醬，剛焗好的薄餅不會差到哪裏，海鮮料普通貨色，融掉的芝士最好味，惟醬汁較甜。咖啡和熱檸茶，不用評了。…Read More

將軍澳的早餐，已經移師至調景嶺站。是日從西貢方向出發上班，我並沒有跳上 101M 小巴，反而跳上 792M 巴士，不在坑口落，直接坐到調景嶺站，既順路又可發現一下新大陸。在調景嶺站的都會駅下車，感覺在這些新式商場中，應該不會有什麼非連鎖餐廳，沒有什麼不尋常的突破。幸好，一上電梯，我看見了一個平日少接觸的名字，門口就有一間叫《La Dolce Italiana》提供早餐服務，肚子餓的我，需要早餐來提升能量的我，當然推門直入。餐廳的環境原來是不錯的，在晚上，有這樣的一個無敵海景陪伴下用餐，感覺應該會很浪漫。而在晨咁早來到這一個風景不錯的餐廳食早餐，感覺也是特別的醒神。可是，這兒的早餐，也要配合一下大眾的口味，看了兩看 menu，早餐的選擇，實在是非常之香港式。歐陸嘛，所以我特意地點了一份歐陸早餐。雞扒，煎蛋，茄豆加多士，我看到的不是英國的 All day breakfast，而是香港的 fast food breakfast。幸好，份量上同味道上都可以把連鎖快餐店的出品比下去，雞扒雖然有點 over cooked，但依然是充滿肉汁，茄豆是熱的，感覺開心。奶茶，是香港式的沖法，味道雖然是比較淡，但總算合乎我心意。這一次到訪，令我感覺早餐時段絕對只是此店的副業，看來日有沒有機會及時間，品味一下這兒的 lunch 及 dinner 吧。…Read More

黎到都會駅唔知食咩好，有間舖門口好多人排隊，就行左過去。又怕要等太耐，結果去左隔離個間，就係娜多。lunch set有pizza，意粉，焗飯，選擇都唔少。雖然佢叫意大利餐廳，但感覺有D似旺角皇后冰室。茄汁焗豬扒飯，用個細細既鐵板上，賣相唔錯，重鋪左芝士係面。鐵板好淺，份量偏少。味道OK啦，正常質素，但D飯太稔，一pat pat咁。比我揀，我寧願食大家樂豬扒飯，份量大D，豬扒厚切D，飯粒乾身D，味道差唔多，價錢平D。…Read More

首先，服務真係極之一般。點菜一次過上，但張2人枱根本無可能一次放得下6碟菜。急食完前菜，已令到主菜凍哂。:(食物:薯蓉唔似真薯蓉，無味+粉粉地色。焗豬排飯，唔係焗，只係煮好後放係個好似焗盤嘅碟上。黑椒汁魚排鐵板燒，雪魚味，黑椒汁亦放過多黑椒粒。真係只此一次。:(…Read More

呢間餐廳我第一次食就中招,環境服務呢d都唔講喇,重點係食物!!我同老婆叫咗個二人套餐,有焗蠔,有意粉同埋有個海鮮Pizza,首先焗蠔擺上抬已經唔係好熱,咁嗱嗱臨食咗先,跟住意粉就OK,最後一味Pizza,一上抬個Pizza完全唔熱嘅,馬上同侍應反映,佢即刻幫我哋再整熱個Pizza,轉頭攞返嚟今次真係熱喇,咁食完埋單差唔多兩佰蚊.夜晚返到屋企都無事發生,點知瞓到半夜突然肚屙,屙咗幾次完全瞓唔到覺,跟住到我老婆又肚屙,我哋兩個接力入廁所屙,差唔多天光我仲嘔添,我嘔返Pizza上面d海鮮出嚟,跟住我老婆又嘔,我哋肯定食物中毒！！當時嘔完好似舒服d,兩公婆商量再又屙又嘔要call白車入院,朝早就無嘔但係仲有肚屙！跟住幾曰新年假期邊度都唔使去又無胃口食野曰日食白粥！我已經將今次嘅經歷公告天下,所有住將軍澳朋友,小心飲食！，…Read More

極之少系將軍澳食飯 因為好多食店都好似普普通通 今日見到呢間有得食all day breakfast 所以即刻入泥食。我地坐系轉角位入面 原本以為有太陽曬少少入泥個feel好warm 點知完全吾系 反而有d焗。我地好快就點左野食 等左大約15mins 無拉拉有個waitress話無哂焗豬 明明已經等左好耐 又要再叫過。之後繼續等等等 其實已經見到d人好忙 應該系爆哂場拉 所以等左成35mins先泥齊2樣野！意式全餐 入面有茄汁豆、沙津菜、backed tomato、德國腸、松露炒蛋、mushroom、午餐肉、漢堡扒、bacon、餐包。我覺得材料種類都算系ok足夠既 但系份量就吾太多 而且味道系普普通通 炒蛋就比較出色 味道幾香。仲有 杯阿華田系大杯d既 但系味道較淡架。 男朋友就叫左和風醬芝直焗雞扒飯 雖然份量比較細 個碟系細細碟架炸 而且只系淺淺一層 但系味道幾好！雞扒食落去系嫩口既 好多燒汁。價錢吾貴 但系真系等左好耐好耐 如果可以改下呢個問題會好d 同埋應該要熱辣辣甘上 仲要改大少少冷氣 真系幾焗！…Read More

經過呢個商場見到有一間西餐廳就入去試下，價錢便宜，午餐大約$38-48，下午茶大約$31-38 叫左個咖哩吉列豚肉飯，咖哩係一般椰汁咖哩，幾香，吉列豚肉炸得太乾身，豬肉一啲都唔juicy，有少少dry。另外叫左個心太軟，上枱時有少少凍，蛋糕質感較粗糙，而且完全唔流心，其實係失敗。整體嚟講野食就麻麻地，但價錢係平既，其實從來無期望，就唔會有失望。將軍澳區都真係冇咩好食肆 haha…Read More

今日星期日,打風,無得去街。係屋企好無聊,就落街買少少野。跟住去食個沙律先返屋企。在調景嶺，個景算好好。之前食過幾次,食物OK,而價錢無想像中貴。約5點去,今次有9成客,可能因為打風。今次第一次食佢沙律。我叫左走汁,健康D。除左蕃茄之外,沙律(菜)新鮮,但吾會太多水。煙三文魚切左條,味道濃,吾錯。得閒去食下,睇下個景,好舒服。…Read More

公眾假期的下午兩時多，冰在調景嶺鐵路站上蓋，要找點東西吃。由於平日沒機會在這區出沒，對於內裡食肆分佈，是毫無概念。胡亂走著，到達娜多意大利 La Dolce Italiana，見到外邊等候入座人士眾多，心想這應該是間不錯的食肆。一人用膳最大優勢是不用等位，只需搭檯，即時入座。冰坐在窗旁位置，景觀挺開揚。下午茶時段的餐飲選擇相當多，粉麵飯小食一應俱存。冰最後決定點一客咖喱熱帶風情薄餅。跟餐的是一杯熱檸水，檸檬有三片，有相當厚度，令其檸味充足。薄餅是厚度只得2mm脆薄批底，十分鬆脆，唯略嫌熱度不足。咖喱香氣挺濃，但不辣，切合冰的喜好。配料份量不多，且薄切，是不會令食客太飽之作。講到尾，這是一客下午茶啊。食物質素不過不失吧。至於侍應服務，大致接近茶餐廳水平，不要期望太高哦。…Read More

話說今日上完堂諗住食番個下午茶一直都有食開哩一間，因為就腳，亦都唔算太差d食物咁我照舊食番黑椒猪柳意大利包暑條咁拒出嚟果陣有兩份一樣嘅黑椒豬柳意大利包暑條，咁我果份嘅猪柳係超細舊咁我就問個服務員，點解我果份咁細？拒答我差唔多姐嘛，每块都唔同加啦！然後拒轉身，好大聲咁講佐 癡線 兩個字，仲要重復講佐2次！服務態度真係好差！我無刻意寫衰拒，但我覺得問一句都要俾人話癡線，真係好唔尊重人，而且我無要求拒換俾我，因為一向食開哩個豬柳都係足料嘅！唔係食物問題！係態度問題！…Read More

晚上和男友收工後經過這所謂意大利餐廳一起去食費事唸咁多, 入到去叫了個2人歺$138, 先來兩個湯一個忌廉, 一個雜菜湯兩個都不好飲又不夠熱, 通常上了歺湯便立刻上歺包, 結果飲晒D湯歺包都未來火都來, 跟住歺包又跟沙律, 薄脆一齊上不知所謂的配搭, 之後再上埋Pizza, Pizza大大塊, 中間Ｄ料少得可憐, 唸住叫歺飲, 等極都無侍應得閒, 佢老板請着這伙計真大鑊, 成4個伙計去拾一張枱及清潔, D客無人理, 好啦叫了兩個歺飲凍寧茶, 再來埋個意粉, 食完埋單, 居然收我$180元, 再睇下張單兩個歺飲凍寧茶收了正價, 咁的服務態度死得, 食物又差, 總之下次不會再去 …Read More

23-4-2013(二)是日晚上，需往將軍澳替德國老外夫婦補習廣東話。我一人先在石硤尾坐港鐵，坐車途中，見還有時間，於是便早了一個地鐵站 - 調景嶺站下車，當認識一下將軍澳一帶的街道，順便吃個晚飯。在都會駅商場逛了一會，隨意選在 娜多意大利 吃個薄餅吧！叫了一個 薄 pizza，名字已不記得了！ 薄 pizza 的賣相頗吸引，厚度很薄，店鋪聲稱其只有 2mm 薄，單用肉眼看應大概差不多呢！ 很喜歡這裡的薄餅真的做得夠薄，也以新鮮、即製取勝；餅邊焗得非常，吃起來香脆可口，也沒有厚批所帶來的肥膩感。 餡料也不少呢，薄餅上鋪滿新鮮的香草、芝士、蟹柳、肉腸和菠蘿等，肉腸雖然有點過鹹，但因有菠蘿去中和，原來抵消的味道也相當夾啊，熱燙燙很好吃呢！吃完後，便再坐港鐵往將軍澳站補習了！…Read More

「LaDolce Italiana」是唯一在調景嶺站提供西餐的食店。這裡的裝修簡單沒有什麼亮點，最顯眼是門口這棵白色假榭。雖然裝修欠奉，但環境舒適，餐廳有落地大玻璃，外邊境色開揚，是一個可安坐的地方。這裡的薄身Pizza是我的最愛，飲品味道都可以，而且沒有加一服務費，因此平時都會幫襯。今天放假加上落雨，都係留係調景嶺站食飯。等到下午茶時段先去幫襯，諗住避人潮及省錢。去到門口，嘩咁多人等位？！平時都唔駛等位兼可自己選位坐．．．忘記了今天是清明！！大批市民湧去拜山也．．順便去附近醫肚也．．．即是調景嶺站。每年清明重陽前後，除街上警察増加，商場人流都會激增，食肆生意當然直線上升；同時都會對居民有少少影響。下次都係跨區避一避～今天坐無虛席，兼且４人枱變成亦６人枱；令平時工作散慢歎慣的服務員忙到出曬煙；今日真係對「LaDolce Italiana」的壓力大測試！下午茶價錢大約$35以下（已包熱飲），另外可按喜好加小食、甜品、餐湯．．．豐險由人。之前食過意粉及飯，但最終都是最愛這裡的Pizza，今次都不例意外，點了2mm薄大島Pizza $32Menu 列明有這些材料：火腿絲、菠蘿、洋蔥、白菌、煙肉、Mozzarella cheese & Parmesan Cheese這裡的Pizza真係好似紙咁薄，好脆而且料又足。雖然望落好大個，但因為薄所以小妹一個人都可以勉強食完。可惜今日客人太多，個Pizza雖然Keep 住有2mm薄，但賣相大打折扣，個邊不整齊好似俾人咬了一口的感覺，D料及醬都不是置中央，差！味道雖然同平時差不多，但由於D料及醬都不是置中央，不是每一啖都可以食到醬料。再細看下，原來少了菠蘿．．．香濃咖哩大吉豚肉飯　$37炸粉夠薄夠脆，可惜呈啡色，炸得不夠金黃，影響賣相。豚肉肉質結實完全沒有脂肪，口感”鞋”咖哩汁香，不太辣；快餐店的質素～飲品：凍奶茶及熱朱古力凍奶茶沒有之下今好飲，少了茶香今天這裡好似打仗咁亂，漏單，沒有餐具．．．．食物質素下降．．．．壓力大測試不合格！下次都係少客人先回來…Read More

十月二十三日 (星期二)將軍澳區是架架麵甚少踏足之地一來這裡週圍都是千遍一律的倒模住宅，二來這裡怎樣也找不到一家稱心的食肆認識的食友中，也沒有人住這區的，可見情況之壞是日為重陽，架架妹竟仍要上班工作，不過心早已放在落班後的任務放工後即與架架仔會合，深入將軍澳工業區，接受一家報章的訪問是哪一家? 看題目，也可猜得出!是吃大閘蟹的旺季，我們就擔任當中兩位的大閘蟹試食員只吃大閘蟹，對於我倆來說當然不夠填肚，訪問過後，便乘坐接駁巴回到都會駅商場，一上電梯就見到這家西餐廳由於當時已十分餓，加上如上文所說，在這區不會期望找到一家合心意的餐廳，所以不多想就進了店一人晚餐也只是五十多元有湯,主菜及飲品，加多一款小食亦只是七十多元，價錢也算相宜即各點了兩個套餐意大利菜湯已賣光，是日餐湯只剩下羅宋湯湯的蕃茄味道香，有點酸湯料配有大量的雜菜和紅蘿蔔，挺健康的想不到這西餐廳也有供應焗田螺薯蓉一向吃到的田螺，也是連殼的，而薯蓉則鋪底送到桌前的這碟田螺薯蓉卻已除殼，也放在薯蓉中田螺細細粒，肉質太軟腍，口感欠奉，味也不太鮮薯蓉份量少，質地一般通粉質地偏硬，忌廉汁太稠，令整個通粉吃起來太滯太膩吃到一半已覺得有點滯，配料也少煙肉份量少且薄如絲，反而菇就落得重手，喧賓奪主而且，卡邦尼為什麼有那麼多菇呢?海鮮焗飯賣相如連鎖快餐店的那款，來得不太有誠意雖然用料多，但海鮮方面，仍以非海鮮的蟹柳為主另有帶子及蝦，帶子十分嚡口，蝦也欠鮮還是快快吃完，埋單離座每人約七十元的西式晚餐，既無驚，亦無喜倆口子雖然捧著肚子回程，但味蕾未有滿足是晚的總結，沒有期望，也沒有失望也繼續為住將軍澳的朋友感到難過…Read More

下午5點左右, 小弟連lunch都未食, 肚餓到不得鳥...正在覓食嘅時候, 比我發現調景嶺一個商場內, 有間意大利餐廳,餐廳景觀開揚, 大大塊落地波璃, 感覺不錯, :)再望望個餐牌, 下午茶有焗飯食, 價錢仲唔貴, 只係$3x左右, 正合我意啦! 點左個芝士焗斑球炒飯, $35仲跟杯咖啡添, 抵芝士及斑球都焗得剛剛好, 不錯! 特別在意大利餐廳竟然有炒飲底, 經焗過嘅炒飲底有D飯蕉, 好食! …Read More