娘之食堂 (Closed)

食物用料高質，雞扒肉嫩，而且採用讚岐真烏冬😍老闆態度好好👍仲細心問你走品走洋蔥👍同埋地方十分乾淨，坐得非常舒服係香港經營小店已經品容易所以一定要支持用心製作既小店❤️…Read More

28.02.2023 星期五 晚娘之食堂今晚又去扮靚靚，扮靚前到屯門虹橋附近食好西，周圍食肆不少，好多都試過。在Open Rice搜尋了一番，突然見到這間小店，在一年前多新開張時幫襯過，當時連招牌都欠奉，印象中是不錯，可惜當時太新，OR榜上未有名，所以當時無留食評。今次下午五時多就到，未有其他人客。小店地方小小，基本上沒有甚麼裝修，連枱凳都好似隨便湊合，有幾款不同款式，真的好少見。🤭餐牌仍然是貼在牆上，有些座位可能看不清楚，總體上分丼飯類、烏冬類和小食，其中兩塊大黑板是特別解釋美食的特色之處，例如：「酸may may咖喱雞丼」- 咖喱以鮮甜香橙入饌，酸甜辛辣相輔相成；「滑蛋吉列豬扒丼」- 厚切西班牙黑毛豬扒口感一流，保證你食完返唔到轉頭；「溫泉蛋牛肉丼」-蘭王溫泉蛋加美國Prime牛肉，啖啖味覺享受！解釋得很有趣傳神，令人看見回心微笑，躍躍欲試，很是吸引。最吃驚是小店哥哥還認得我，說上次一年多前我也是吃大蝦沙律，可能比較少人食沙律，而且上次也是下午五時多，沒有其他食客，哥哥記性真的超強。海鮮鰹魚湯烏冬（少烏冬）$64包括有帆立貝、大蝦、魷魚，烏冬屬於我喜歡的幼身，加上鰹魚湯湯底，很美味。叫了少烏冬，據說比平時少了30%。黑板上寫明「丼飯全部都大大碗架，唔想做大嘥鬼，記得落單叫少飯」這樣做實在值得鼓勵和讚賞，不會浪費食物。車厘茄蝦沙律（醬汁另上）$48賣相如朶心型花般漂亮，蝦經過微煎，特別香口，沙律菜份量不少，夠新鮮，$48，實在很平宜。白桃烏龍$15熱烘烘的烏龍茶，一開初傳來陣陣白桃香氣，之後就只有茶味，很解喝。雖然沒有精緻的裝潢，但用心烹調美食，是比環境更重要，大家請來支持一下小店。…Read More

呢間小店前後都食過兩次，覺得幾好食，又整得有heart. 今次帶個朋友過黎食個快飯，支持下間小店小店座位唔多，略嫌迫左少少，但都乾淨企理，感覺舒服滑蛋吉烈豬扒飯$72朋友點左滑蛋吉烈豬扒飯。一黎到就比個滑蛋吸引左，好鍾意呢種半熟又帶有蛋汁既滑蛋，整得好靚好有heart, 仲有幾粒車厘茄做點綴，顏色撞得好靚。個吉烈豬扒我試左1舊，炸粉好薄又香脆，豬扒又鬆化又好食。滑蛋果然冇失望，蛋汁夠滑溜，用日本靚蛋整既。每啖珍珠米連埋juicy 既滑蛋放入口真係好幸福見到朋友都大讚個吉烈豬扒整得好好食，佢都食得好開心❤️嫩滑親子丼$64因我唔太敢食煎炸野，我就點左個雞飯。雞件既份量都幾多，採用美國雞。食落d 雞係好嫩滑又肥美。連埋滑蛋一齊送入口就更滑口，無得彈食物有質素，值得再encore 既小店🥰…Read More

經過門口見到Menu寫著橙咖喱🍛，好奇心驅使下入左去幫襯，開門入到去淨係見到食客，等左陣先見到男店員係廚房走出黎，望著我地點左下頭就入返去， 我當下呆左😧自己搵左個位坐低，睇完牆上餐牌等左陣男店員拎外賣出黎，我地先落到單，點知橙咖喱已經售罄😩 ，唯有食其他。落完單，主食好快已經上齊，但一直未見餃子蹤影，於是就問下男店員點知冇落單，再等佢落單出餐，都要多10幾分鐘。都明白小店一人分飾幾個角色難免會出錯，但今日成個用餐都覺得冇咩招呼，感覺差左少少。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 滑蛋吉列豬扒丼 $72嘩！超級大塊豬扒，忍唔著即刻咬左啖，炸粉勁薄，一啲都唔油膩，米飯用左珍珠米，軟硬適中，整體係出色既👍🏻👍🏻♥️ 海鮮鰹魚湯烏冬 $64鰹魚湯底味道唔錯但唔算好香，海鮮份量都幾多有4粒帆立貝，4粒蝦🦐，總有2粒魷魚🦑，海鮮整體都爽口。♥️ 娘之手作餃子🥟 $36純人手包製，選用當造時菜，今次係冬菇豬肉餃，第一啖咬落去好重冬菇味，但整體味道偏淡，調味比較輕手。- - - - - - - - - - - - - - - - - - - - - - - - - - - - - - - - - - - -——————————————♥———————————————…Read More

店內環境乾淨，乾淨企理，枱面唔會油立立之前已經黎食過一次，覺得味道唔錯，今次再黎試下佢地既招牌菜，覺得有驚喜！滑蛋吉列豬扒丼 $72過返一上嚟就已經覺得塊豬扒勁大塊，夾起舊豬扒望吓，哇層炸粉勁薄！簡直係良心製作，而且啲米係珍珠米，整體既講真係好唔錯！天津飯 $64見到個餐牌係寫炒飯底，以為就係好似茶餐廳普通炒飯咁，點知原來係菜飯，我本身好鍾意食菜飯所以見到呢個飯係菜飯底就覺得勁開！味道唔鹹唔淡啱啱好，而且啲蛋同醬汁都好多，攞黎送飯好滿足！…Read More

我平時好少寫食評，啲嘢食好好食，吉列豬扒極力推介，好食到唔記得影相，一定要支持小店餃子好味，唔太鹹，價錢合理，成為我屋企一個飯堂優質食材，老闆好有禮貌，重點個豬扒唔會喊…Read More

店面不是很起眼，較難發現，但裏面環境乾净企理本來沒有抱太大期望，但沒想到味道出乎意料地好味橙味咖喱酸酸甜甜，鷄肉煎得皮脆但肉質嫩滑天津飯的蝦肉蟹柳都夠鮮味，滑蛋包飯整個presentation做得很好沒想到一間簡單小店的食物做得如此用心，吃慣了連鎖餐廳，很容易忽略了這種隱藏在角落的驚喜一定會再來幫襯的…Read More

有橙味既咖哩酸酸地～幾好味 😌😌店鋪低調而且服務好好😸值得去食下～朋友叫左吉列豬扒都好吸引～唔錯👍🏻仲有就係大蝦沙律🥗大蝦沙律嘅份量都仲好好味，我哋會再去幫襯😙…Read More

娘之食堂本來一心諗住去紅橋食窩夫正當花多眼亂嗰陣又想試吓呢間喎🤨所以就……女人就係咁架啦🤣🤣今次揀咗個滑蛋豬扒飯食再叫咗碟餃子一嚟到已經覺得個賣相唔錯一路食一路讚件豬扒我真係好少讚豬扒架😂😂😂碟餃子都唔錯無論係口感同味道都好掂👍🏻👍🏻正當我哋再討論緊一陣買唔買西米露店員就話👦🏻西米露…我哋有喎👱🏻‍♀️😮😮😮👦🏻送架…要唔要👱🏻‍♀️😊好呀今次真係飽到食唔到下場喇😂😂😂再叫店員介紹吓紅橋其他美食😊下次要再嚟搵食喇😂😂…Read More

外賣咗個滑蛋吉列豬扒飯($72 包紙包飲品一盒或罐裝汽水)新鮮炸起嘅豬扒炸得一啲都唔油，豬扒肉質又淋個飯係用珍珠米，加埋洋蔥同滑蛋成個配搭好好食😋可以再encore估唔到呢區有咁好食嘅丼飯😌…Read More