好運泰國美食 (Moved) New Location

確罐蝦，我地係食野唔抹嘴嘅拉拉屎戰隊。今日我地戰隊人少少,想搵啲刺激,於是就決定去食泰國菜，可惜今次食完都係未搵到刺激感。屎女人(黃)戰士:海南雞好普通,醬汁淡左啲,份量唔係好夠,性價比一般。餐廳環境一般,好多野都痴立立咁。但呢間係附近唯一一間比較出名近似傳統泰國菜的餐廳,想試既就一於試下。(5/10)屎橋(青)戰士:咖哩汁好稀,無香濃的感覺,味道都淡淡地,好一般。我本身唔好辣，但起碼都想食番咖哩的香味，可惜都無乜。豬扒份量都算少,而且就真係啲普通豬扒咁,無咩特色,差啲都唔記得左食左啲咩。(5/10)屎靚(紅)戰士:咖哩汁好稀,唔似平時會杰啲咁可以撈飯,豬扒好乾,味道一般。整體就覺得性價比OK,四十幾蚊有埋飲品。(6/10)拉拉屎conclusion算係新蒲崗附近一間較地道的泰國菜餐廳,未試過可以試下。但整體食物味道好似差左,無以前咁好食,而環境就一般,一係坐門外的位,店內的位比較少同迫夾。

小時候住在黃大仙，對新蒲崗這個社區算是有些認識，週末心血來潮，來到這裡逛逛，見到一家泰式小店，餐牌價錢挺合理便進去一試。泰式螄蚶 - 很少泰式餐廳有得食，剛煮熟的螄蚶不是很大隻，但粒粒飽滿，入口鮮甜爽脆，點些醬汁更添風味。香葉辣椒炒青口 - 青口大隻又結實，還加了不少青豆炒，惹味非常。冬蔭功海鮮湯金邊粉 - 這裡的湯河全部可加10元轉冬蔭功湯底，湯底酸酸辣辣，加入了金不換煮起來十分香，配上蝦，青口及魷魚，新鮮彈牙。泰式炒椰菜苗 - 椰菜苗鮮嫩，選了微辣，簡單美味的炒菜。雖然小店裝潢普通，但勝在性價比高，而且服務態度友善，這就是小店吸引之處。

知到呢間小店好耐，但是一直無入去食過嘢！終於搵日食左佢既「泰式牛丸船河」！🤤無問老闆牛丸係唔係泰國貨，但係有少少特別，同平時食嗰D唔同～牛肉片碎左，份量一般，可以接受（本來以為得牛丸咋😆）！同場加影一堆金不換、芽菜等配料😍要左河粉，唔吸水，食到最尾都無爛！👍🏻👍🏻👍🏻地方細小，好似得4張檯，門口可以再開摺檯！如過追求舒適環境、一般質素食物咁呢度就唔係好適合你啦。

之前見佢鋪頭細細，路過都冇光顧過，未食過船河，見佢有貪得意入去試吓，叫咗船河，肉碎炒金邊粉，咸魚炒通菜，全部都勁得，食晒先記得寫食評，冇相睇🤣🤣，非常值得推介

炎炎夏日，胃口不佳，在新蒲崗見到此泰菜小店，其貌不揚但價錢相宜，姑且一試。先點生蝦刺身，$74已有8隻，冰鎮奉上。肉質彈牙，沒有雪藏得死實。吃下鮮味，配上酸辣醬汁十分開胃。什菜簡單以蒜蓉炒香，火候剛好，沒有過老且種類豐富。冬蔭功海鮮湯金邊粉同樣高質。湯底味道較少油天然，以大量莞茜、香茅和月桂葉調味，酸辣又清香。海鮮新鮮結實，有4隻大蝦、青口、魷魚等，誠意十足。只收$52實在超值。這裏環境一般，但食材高質且收費相宜，大推。

嗰日約咗朋友去新蒲崗附近做嘢，之前諗住先食啲嘢，所以決定喺附近搵下有乜嘢食。行經康強街見到一間泰國小店。望到門外廚師推介，非常吸引，所以決定入去試吓。坐低之後望到餐牌，選擇都有好多。無骨鳳爪沙律，鳳爪爽口而且酸酸地非常開胃。炸蝦餅炸得非常香脆，而且蝦肉爽口彈下。泰式海南雞飯，油飯好香，雞肉肉質嫩滑，而且已經去骨食起嚟非常方便，點埋秘製醬汁更加美味。泰式炒鮮蝦金邊粉，醬汁味道香濃，鮮蝦口感結實，食之前加埋花生碎同青檸汁，味道非常豐富。龍眼冰非常清甜，而且龍眼數量都唔少。餐廳食物美味，而且價錢超值。

今日去完新蒲崗考試局拎啲嘢,拎完就帶埋爸爸媽媽去搵嘢食,記得之前喺facebook一啲群組見過有人介紹呢間餐廳,之前有收藏咗,今日就去試下 去到大約七點半左右,入面已經坐滿客人，同埋有另一枱等緊，不過好好彩大約等咗15分鐘左右我已經有位喇， 喺等候期間都有唔少人嚟買外賣，店主亦都好細心有拎餐牌畀我哋睇住先，同埋拎咗幾張凳叫我哋坐住等，值得一讚我哋三個今日嗌咗獅蚶，炸芝士蝦丸，泰式豬頸肉，海南雞金邊粉同埋一個蝦頭膏炒飯芝士蝦丸內脆外軟，蝦膠入面有半溶嘅芝士同埋牛油，蝦丸打得彈牙，好邪惡豬頸肉醃得好好味，同佢哋個醬汁配搭一流，不過最驚喜都係有獅蚶因為唔係太多餐廳有，佢哋啲獅蚶好鮮唔算好大隻，但係清理得好乾淨，店主都話係泰國空運到港，令我食得更加安心蝦頭膏炒飯炒得好有火喉，配上三隻大蝦，呢個係媽咪今日最鍾意嘅菜式本身諗住食海南雞飯，但係嗌咗炒飯嘅關係所以嗌咗一個海南雞金邊粉，雞肉好嫩滑皮下仲有啫喱，雞肉亦都好嫩滑，再睇下餐牌原來佢半隻海南雞賣都係賣86蚊，亦見到隔離枱有叫，都好大碟，下次經過呢度會買半隻返屋企最後埋單都係二百幾蚊，每人唔使一百蚊，正宗價廉物美！店主好有禮貌好有笑容，雖然鋪頭細

同媽咪去接爸爸放工自然食埋野先番屋企啦～經過一間小小既泰國餐廳就Shu一聲入左去間泰國餐廳得4張檯禁岩去到即有位就唔洗等Lu1)泰式生蝦生蝦新鮮有彈性，上面既辣椒唔會辣配埋蒜頭掂泰式生蝦汁食，其實真係好好味，而且啲腸仲清得好乾淨2)炸皮蛋外面係類似炸蝦餅包皮蛋泥炸，刀功好好切皮蛋冇散曬，個皮炸得好夠脆同香口，如果外面層蝦膠再做厚少少加多少少，一定會令到個口感仲豐富3)肉碎生菜包（中辣）中辣其實唔多辣，味道偏酸，如果想個味道再Balance啲而又係辣妹辣兄既話，建議試試佢既大辣，事實冇咩特別中規中矩泰國菜，換句話泥講姐係好夠地道，唔算超有驚喜但不失期望4)豬手味道偏甜，好入味，整得好林，放入口滿滿既膠原味道5)炒通菜（中辣）好惹味，啲通菜唔會好老，剛剛好

附近一田大減價，同媽咪血拼完就上網search下有咩好食，搵到呢間泰國嘢，媽咪又鍾意食辣，見到佢評價都幾好所以就去試下我哋一行二人叫咗個小食拼盤，拼盤有蝦餅、豬頸肉、炸皮蛋球同埋香茅雞翼，原來份量都幾大 ，我地又嗌咗一份生蝦，一碟蝦頭膏炒飯同埋一杯龍眼冰，店員好細心，聽到我哋嗌幾樣嘢都係蝦，又提議我哋試多啲唔同嘅嘢，不過我同媽咪都係好鍾意食蝦嘅，講下個生蝦先啦，一客有8隻，都係賣七十幾蚊，好抵食，爽口新鮮，值得一讚係佢哋個生蝦汁酸酸辣辣又開胃，蝦頭膏炒飯有三隻大蝦，蕃茄，洋蔥等配料，炒得好有火候好香口依家天氣咁熱，飲埋杯龍眼冰真係消暑一流嘅選擇 ，杯龍眼冰有成七至八粒龍眼好足料好清甜 ，唔會一味得個甜字拼盤嘅炸物都做得好出色，外表炸到金黃色，唔會太燶，尤其係蝦餅，係我嘅推介價錢合理，服務態度好好會介紹朋友幫襯

今天內地同事來香港掃貨，晚餐約在新蒲崗見面，路過見到門口帖著明星的照片，同事便拉著我要進入試試。我們兩人點了三個餐和飲料，每個餐的份量都很十足，一百多就讓我們吃得飽飽的。 泰式龍眼黑珍珠冰有蘭香子和龍眼肉，味道很清甜，甜味是龍眼肉自帶的天然甜味，這麼熱的天氣，喝杯冷凍的飲料，真是很爽。 泰式黃咖喱牛肉飯有三種咖喱，包括青紅黃，自問吃辣的程度不高，老闆說黃咖喱不太辣，所以選了黃咖喱牛肉飯，味道香濃，很多牛肉。 正宗泰式船河之泰式豬肉丸湯河船河這個名稱很特別，意思是湯河，有很香的香葉味道，加上濃濃的湯底，風味比較特別。 碎肉粉絲沙律雖然是沙律，但由於份量多，完全可以當主食，有香茅味道，酸酸甜甜，挺開胃的。 

我相信大家食泰國菜第一時間都會諗起去九龍城，依家有多一個選擇喇今日同屋企人去完老人院探媽咪， 肚仔打鼓，又係搵嘢食嘅時候喇，即刻用咩apps搵下附近有咩好食先，見到呢間嘢都幾多好評，同埋唔少人都讚佢價錢好抵食，所以入去試下，見到小食類咩都想試下，所以，叫咗個小食拼盤唔使諗咁多，見到佢寫住廚師推介係豬手又嗌咗一客試下嘩！好開心呀！見到佢哋原來有獅蚶賣，依家唔係好多鋪頭食得到，最後嗌咗個蝦頭膏炒飯首先講講個拼盤先啦，有豬頸肉，蝦餅，炸皮蛋同埋雞翼，豬頸肉同皮蛋係我嘅最愛，皮蛋炸得啱啱好，蝦餅嘅蝦膠都打得好彈牙，雞翼同埋豬頸肉都好有水準，螄蚶好鮮甜，都係賣五十幾蚊，廚房處理得好乾淨，唔會有泥，大力推介！豬手炆得好淋亦好入味，加埋隻雞蛋，撈飯一流，半隻原來份量都好大，抵食！蝦頭膏炒飯賣相一流，配上三隻大蝦，加埋蕃茄洋蔥等配菜，既香口，又美味一般小店裝潢，員工友善有禮貌，冇好靚嘅裝修，反而多左一份人情味

懷緬過去, 是樂事, 還是令人流淚的事? 再次到來新蒲崗, 目的是吃今年第一頓生日飯. 可是, 當小巴駛進新蒲崗, 一幕幕舊片段便浮現在腦海中. 以為已忘掉了, 其實仍然忘不了.這晚是慶祝我和另一壽星女的生日, 因此好友便提出到她的飯堂吃飯慶祝. 既然是她的飯堂, 菜式也是由她發板, 就點了小食, 冷盤, 咖喱, 飯和河粉, 四個人一同分享.率先來的泰式小食拼盤內, 有炸雞翼, 炸魷魚, 炸皮蛋及燒豬頸肉. 小食盡都炸得香脆, 但我最喜歡的, 是那燒豬頸肉, 軟軟的帶肉汁, 做得不錯.當看到這碟螄蚶還流住血水, 心中是有點害怕的. 我自己只會在吃叻沙時, 才會有機會吃到螄蚶, 那都是全熟透, 沒血水. 據朋友說, 這兒的螄蚶都已清潔乾淨, 而且店家都已把它們灼到剛剛熟, 所以難免有血水, 但可以放心食用. 螄蚶圓渾肉厚, 也不算細小, 吃著很血腥, 卻是鮮嫰爽脆的.蝦膏醬炒飯是令我最有驚喜的一道菜. 飯粒都是炒得粒粒分明, 蛋絲, 蔥花也不缺少. 放置於炒飯上的中蝦, 也夠紮實彈牙. 當然, 不得不讚這炒飯的靈魂---蝦膏醬是也! 蝦膏的香氣甚為強烈, 滲入在炒飯之中, 惹味非常, 讓

閒來無事做，最好搵食試新嘢，依間普通小店，坐位不多，估唔到看似普通的食材，煮出來的食物又唔錯喎！除了食物之外，店員亦很親切，感覺就像街坊一樣，最重要價錢亦好親民，嘻嘻..."無⻣鳳爪沙律拼炸蝦餅" 無骨鳳爪又爽又夠酸辣，正！而炸蝦餅同平時食開有些不一樣，表面好脆，內裡蝦肉好鮮味，彈得來又鬆鬆的口感，唔會太實心，得喜歡。"炸皮蛋球" 我好鐘意食皮蛋，一食就知這裡的流心皮蛋值得比好高分，外層被蝦餅包住，外脆內軟，口感豐富，真係好食...好好食。"泰式炒通菜" 今期通菜好鮮嫩，加上少少辣味道剛好，又炒得唔太油，唔錯。"泰式鹹魚炒飯" 用咗芥蘭粒粒炒飯，第一次試又幾爽口喎，加埋鹹魚的鹹香味，又好夾，最重要炒飯唔會太鹹，又加分。"柚子果纖蜜" 唔會太甜，果纖又有口感，加上柚子感覺都幾健康。

海南雞係我同另一半的Comfort Food久唔久都好想食下我地搬到這區一段時間，食勻九龍城、黃大仙、鑽石山，尋尋覓覓，竟然係新蒲崗小店搵到最佳海南雞雖然不在大街但燈火搭夠，不算太難找到小店海南雞的肉質有光澤一夾都知真係好滑😂而且我鍾意既泰式的無骨版本可以無後顧之憂食到鮮甜的滋味秘製醬汁好開胃水準之高 坊間少見海南雞有得全隻、半隻、跟飯叫另一個重點係好抵食另外仲食左貼滿海報推薦的正宗泰式船河湯底好有泰國風味勁足料抵食街坊之選又平啲又份量多啲黑珍珠龍眼冰好欣賞佢清清地 唔多糖漿 消暑解渴叫埋野飲都食得平過平時出色海南雞 加上 抵食可入再光顧之例

最近工作很忙，很久都未能抽空陪家人外出晚饍，幸福的我今天被愛了，爸爸媽媽來接我收工，一起去食泰國菜。這間小店每日午飯時間都爆滿，難得晚飯時間有機會來一試。雖然坐位不多，勝在店員很親切有禮，食物質素也很好，最重要價格也很親民。泰式豬手：當然要揀款廚師推介試下，個滷水汁味道又幾好，啖啖肉，皮又唔肥膩。炸皮蛋球：個人喜好，我只係食流心皮蛋，流心有少許滑滑的香濃味；加上外面的炸蝦肉，又脆又鮮甜。這種整得好的小食真係唔多地方食到㗎啦！泰式炒通菜：通菜新鮮又嫩口，揀配少少辣，以泰式炒法都幾惹味。泰式牛丸船河：牛丸有口感彈牙又不失肉味，牛肉又鮮嫩，配埋湯河，味道剛好。青檸冰：酸酸地，又夠凍，熱天食辣時飲返杯，爽呀！