Good Luck Thai Cuisine

新蒲崗廣場雖然舊舊地，但交通超便利，係民生區嘅美食寶地，感覺間間都平靚正。試咗其中一間泰國餐廳，裝修正宗有氣氛，食物夠水準又唔貴，服務有溫度，好適合家庭同朋友聚餐呢，頭先仲見到店員哥哥幫一枱客影相！🍴睇下有咩食先飲品呢度裝修都好有特色黯然銷魂飯 $72泰國都有「黯然銷魂飯」？嘅碟飯泰式叉燒真係幾特別，一樣用梅頭肉，但唔係港式麥芽糖甜味，而係胡椒加泰式香料，香甜至於有少少辣，有啲似芭堤雅排骨嘅融合風味。而太陽蛋少少流汁，配合泰國絲苗米，真係豐富又開胃🍚🔥。燒元貝 （2隻） $48燒元貝睇落好誘人，雖然燒過，但無燒焦，仍然保持嫩滑多汁，蒜蓉、香蔥同辣椒，令味道更鮮美。因為個飯無豉油，剩餘嘅醬汁真係倒落泰式叉燒飯，同飯一齊食超夾！😋龍眼冰 $24呢杯龍眼冰真係唔錯，啲龍眼粒飽滿鮮甜，飲落有煲過嘅濃郁龍眼味，飲得出無點落糖，仲帶少少薑嘅暖香，但原來完全無落薑，真係靠時間慢慢熬煮。唔怪得侍應哥哥話足料，啱晒想清涼又養生嘅你🥤✨。總計 $144…Read More

【黃大仙區】【好運泰國美食】一行六人打完羽毛球去新蒲崗食飯，有朋友話呢間泰國嘢幾好，就過咗去。食咗 $78 嘅「泰式炸蝦餅」同 $74 嘅「炭燒豬頸肉」都唔錯，而之後到 $58 嘅「炒通菜」就揀咗泰式同埋 BB 辣，食落都幾好喎，起碼唔會得鋪死辣，本身個菜都炒得幾夠味咁嘅。主食就要咗三款，各 $70 嘅「蟹肉炒飯」同 BB 辣嘅「冬蔭功鮮蝦炒飯」好似都差唔多，正正常常炒飯一個，不過速度係幾快。而 $74 嘅「泰式炒金邊粉」揀咗配牛肉，唔知點解食落偏酸，感覺冇咁好。之後嚟埋 $100 嘅「黃咖喱海鮮」，呢個就幾好食。食得咖哩梗係配埋各 $32 嘅「香酥薄餅」同「蒜蓉包」，兩者本身都整得幾好喎。嘢飲分別有 $42 嘅「泰象啤」、$24 嘅「椰汁冰」、$20 嘅「泰式奶綠」同 $40 嘅「新鮮椰青」，都係正常。食埋 $42 嘅「芒果糯米飯」，幾好，六個人 $862，價錢可以喎。。。（地址：新蒲崗祟齡街33號新蒲崗廣場2樓C38號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #新蒲崗 #好運泰國美食 #泰式炸蝦餅 #炭燒豬頸肉 #炒通菜 #蟹肉炒飯 #泰式炒金邊粉 #冬蔭功鮮蝦炒飯 #黃咖喱海鮮 #香酥薄餅 #蒜蓉包 #泰象啤 #椰汁冰 #泰式奶綠 #新鮮椰青 #芒果糯米飯 #1am1841 #1ambackup…Read More

朋友話發現咗呢間好運泰國美食，話係間街坊小店，價錢親民但啲嘢食好有傳統泰國風味，今次特登去試下！首先嚟講，佢哋嘅招牌黯然銷魂飯真係冇浪得個名！個蛋煎得金黃蛋液未全熟，切開嗰陣蛋汁流哂出嚟，配埋啲燒得香噴噴嘅叉燒同香噴噴嘅白飯，簡簡單單就已經好滿足！最緊要係佢啲叉燒夠香夠嫩，完全冇韌身嘅問題。青木瓜沙律就更加正！個青木瓜爽脆清甜，配埋花生同蝦乾，酸辣適中，食落去開胃醒神，完全冇咩怪味。泰式燒牛肉就香辣夠味，啲牛肉燒得啱啱好，冇嚼不爛嘅問題，配埋佢個特製辣醬，香辣過癮！香葉辣椒肉碎炒飯雖然叫少辣，但係香料味夠晒濃，個香葉香氣撲鼻，肉碎炒到粒粒分明，唔會一嚿嚿咁，飯粒都係粒粒分明，完全冇濕淋淋嘅問題。最令我驚喜嘅係串燒！雞腎串同雞心串食落去香口彈牙，完全冇雜味，調味入味又唔會太重，連平時唔食內臟嘅朋友都讚好！總括嚟講，呢間好運泰國美食真係街坊價就食到地道泰國味，份量夠，價錢又親民，最緊要係啲嘢食真材實料，啲調味又夠道地！…Read More

好耐之前嚟過新蒲崗廣場2樓嘅好運燒烤，印象中平價得來環境幾好，今日二訪食吓平價泰國菜。呢度喺2樓自成一角，除咗擺滿泰國布飾幾有泰國風情之外，細心留意吓啲Figure擺設都好得意😂唔起眼但幾好坐，同Fd嗌啲串燒小酌聚下一流白鱔串 $24幾好食同抵食，食到燒得香脆嘅魚皮，都算鮮香雞全翼 $20 雞肉燒得仲好滑亂，火候唔錯，肉質Juicy，推介泰式燒牛肉 $78 估唔到牛嘅份量真係咁多！成塊薄牛扒香煎😆做到焦香效果，個人鍾意牛肉串燒嘅質地多啲泰式叉燒（例牌） $88叉燒已經切好一嚿嚿，份量都幾多，有成24舊咁多，好抵食。味道上，叉燒用蜜汁調味，有啲似中式，再加少少酸汁提鮮；另外胡椒味會偏重，調味相對冇中式咁濃郁泰式串燒飯 $68 已配太陽蛋，豬、牛、雞串燒各一串。賣相唔錯，個人而言最鍾意雞肉串燒，肉汁相對彈牙泰式奶綠 $20食濃味的泰國野，當然要配返一杯經典嘅泰式奶綠爽吓啦😌…Read More

知道新蒲崗有呢間又平又好食嘅泰菜餐廳，即刻今晚去試下係咪咁好食。4串串燒(雞肉，豬肉，免治雞肉串，翠肉瓜)食得出幾串肉類串燒個火候燒得剛剛好，外面燒到微微有啲脆口感覺，同時保留到裏面肉汁。而翠肉瓜同樣咬落好juicy。串燒係分別跟酸辣嘅泰式醬同沙嗲醬一齊食，兩個醬（沙嗲醬&泰式酸辣醬）都好夾啲串燒。泰式炒通菜碟菜上枱嗰陣見到個份量都算幾多，落單嗰陣我係揀左小辣，但對我呢個唔食得辣嘅人嚟講，個辣度係剛剛好，我鍾意呢度係用比較粗嗰隻通菜，食落會比幼身嗰隻有口感多啲，再加埋啲炸蒜一齊炒，好夠鑊氣。泰式脆皮燒五花肉飯落單嗰陣店員話呢度嘅燒肉飯係推介，所以我地都嗌左一份試下。呢度嘅泰式燒肉同喺泰國食嘅一樣塊皮脆卜卜，下面連住肥瘦交替嘅豬肉，碟飯大約有7至8舊燒肉，加埋個醬汁食好開胃。青檸梳打呢個天氣飲，冇得輸。椰汁紅豆冰椰汁好夠香濃，紅豆煮得夠淋。芒果糯米飯用左蝶豆花糯米飯配白糯米飯，好軟糯，椰汁好香，芒果切到一粒粒好香甜。總括嚟講呢間泰菜性價比好高。…Read More