好蔡館

Open Now

Now Closed

呢個價錢食呢d嘢，唔會有下次囉，又貴又小碟又唔好食，食到一半喉嚨已經乾到死，蠔烙好少蠔，粉絲好鞋。個地方仲好難找，伏到一個點。好評是真心嗎？！？！定是質素不穩定？？

初頭係俾佢個蜆肉吸引咗，所以好想去食。當然個蜆係冇令我失望嘅，佢個汁好特別，唔識得點形容個味道，會令人密密食，食過不停。至於其他小菜都勁好味，特別係個炒飯同反沙芋，推介！

成日聽人講係出色隱世小店, 今次4個人一齊試試佢花甲 (例) - 擺滿一碟已經好有睇頭, 花甲尺寸合理, 海鮮汁除咗豉油、魚露仲加咗蒜蓉、九重塔、小辣椒, 開胃惹味, 花甲新鮮彈牙方利三食 - 三食即係蓀方利同時用咗3料配料, 薑蔥、豆豉、潮式菜甫, 魚肉鮮甜滑溜, 配料就分開定撈埋都好味, 不過呢道菜係貴, 但上碟都超大條, 有拳頭到手踭咁長, 最少要4個人以上先好叫墨魚腐炆白菜 - 第一次食墨魚腐, 比魚腐更爽口更彈牙, 浸住嘅魚湯都好鮮味 蝦棗 - 香口爽彈, 但欠少少蝦味蟹肉黃金炒粉絲 - 蟹肉鮮味唔足, 但好食嘅蠔烙 - 蠔嘅份量好多, 都煎到好香脆, 只係隔油功夫可以做得更好反沙芋頭 - 一咬外層脆糖就散開, 脆糖同芋頭都係偏實 平民小店嚟講味道尚可, 價錢進取咗少少, 期望冇咁大可能會好D 

本來訂了7:30的位，5:00打電話過來確認，我好心說因為大雨，可能計畫有變，六點下班會告知到底能不能來，這家就著急取消我的定位，說不取消我的沒法接台。請問店家只有一桌位嗎？我反覆說，現在只有5點，都沒收工，放工雨小一些就可以來，但她非要取消我的定位。怎麼了，兩位賺不了錢著急改大桌嗎？完全無語，首次體驗都沒進門就極差體驗，再好吃也不會再去。黃雨的天氣，這麼著急取消openrice訂位？？希望生意興隆吧呵呵

拖延症…..將之前嘅相連埋一齊post，兄弟店新派潮州菜，嚟到除左睇餐牌上嘅嘢之外，你仲要叫一啲餐牌上係冇嘅嘢，唔食過婆參就真係唔叫真正嚟過呢度吃嘢京蔥婆參好香口好惹味脆皮婆參係一定要試潮州翅份量十足，非常足料啖啖翅

📌烚花甲 $198(細）賣相精緻🤍花甲加入蒜蓉、九重塔、小辣椒、陳醋等一同來蒸，十分入味。📌蜆肉撈飯 $88/碗香港真係好少地方有呢款傳統潮州美食😍 先入瓜子蜆，菜甫蓉、蒜蓉及韭菜，爆香後再撈米飯😆 蜆肉吸收咗醬汁的味道，配合熱烘烘的米飯，可以品嚐各樣食材嘅鮮味😛📌咸菜胡椒豬肚湯 $38/碗煲開湯嘅就會知煲胡椒豬肚湯係好麻煩🥲豬肚洗唔乾淨會有腥味，所以係餐廳見到都會嗌嚟飲！呢款湯有散寒暖胃功效，因為豬肚有健脾胃之用，咸菜亦能宣肺豁痰及溫中利氣，啱曬胃寒人士飲用。📌香芹咸菜炒豬大腸 $98咸菜及香芹爆香後加入豬大腸，食落非常之惹味！豬大腸表皮帶微脆口亦保留焾滑軟綿，令人按耐不住，想一口接一口地食啊😛📌手磨蛋白杏仁茶 $48/碗呢個真係必叫🌟 價錢偏貴但絕對會令你一試難忘😭杏仁茶熱辣辣送上來，舀一啖送入口白滑細緻，完全無渣！

懷念疫情之前可以一群人一起吃飯的日子，那一天去吃潮州菜，位於太子的好菜蔡館。店舖不算大，一共有兩層，但兩層的面積也細，一層大概只能夠坐四、五枱。店舖的裝修也很古色古香，就是很舊式的菜館裝修，座位擠擁，鋪的枱布也有點坑坑洞洞的，但只要菜式好吃，就管不了那麼多。前菜：臘肉我們安頓好之後店家先送上前菜，是一份晶瑩剔透的臘肉。別看這份臘肉好像全部都是肥膏，但其實已經經過充分的煙燻，又瞓已全部逼出來，一片片的肥肉已經變成膠質狀態，煙韌有嚼口，鹹味適中，最緊要是煙燻的香氣入晒味，好吃。焓花甲(大)$398第一碟上的菜式是焓花甲，花甲的尺寸頗大隻，焓好後去掉半殼，只保留有貝肉的半殼，砌靚之後再臨上經典的潮州海鮮汁，海鮮生醃做法是潮州的招牌菜之一，就是醬油、魚露、糖、蒜蓉、芫荽等等混合的惹味醬汁，鮮甜彈牙的花甲肉配上如此開胃的醬汁，真不錯！我覺得美中不足的是醬汁味道有點偏淡，可能是醃製的時間不夠，也可能是花甲本來還剩餘少許水份，醬汁倒落去以後味道就沖淡了。滷水鵝拼盤滷水鵝片$268、滷水鵝腸$168、滷水鵝肝$176、滷水鵝掌$128、滷水鵝翼$98這個滷水鵝拼盤是大家選擇了喜歡吃的滷水鵝部位，然後拼

想食潮州菜,選了這間原因他不在旺區,又是小店,諗住水準應該都不錯,誰知發覺物非所值,又毫無應有的潮菜特色,先上海鮮汕頭梅汁蒸花甲,竟然唔熱,再上羔蟹蒸肉餅,仲更加唔掂,肉餅實到險些揾刀鋸,隻蟹尚可但無法食到蟹味肉餅,仲價錢不菲。所謂鮮味走地雞都買六百幾蚊一隻,鮮味唔覺囉,大家都無乜意欲夾,所以食剩大半隻。諗住鹵水應該有番些水準,但是鵝片偏肥掌翼又偏廋而無肉,以上幾味已過三仟蚊,但已經好失望,接著的小菜淮山浸牛角,煎蠔烙,菜脯蛋,炒芥蘭及炒面線,反而变得珍貴美味。還有就是一早訂位訂菜更要坐無背圓櫈,又迫又凍冷氣,總括絕對是物非所值。

招呼超差，我明白要趕夜晚做兩轉8:30要交枱，而我張枱成7點都未齊人，佢就不停吹，其實由6:30已經開始吹，我一坐低話知道8:30會準時交枱，但佢起碼吹左5,6次，每坐一個人就吹一次，真係好煩！

嗰晚食嘅蔡太寫嘅菜單。烚花甲。擺盤花咗心思係值得一讚。開頭以為烚花甲係hea底嘢，但原來係用咗啲自家製汁去烚，個汁酸酸地辣辣地非常開胃，作為第一道菜當之無愧。獅頭鵝頸拼盤。原來鵝肝唔煎，用嚟鹵水都可以咁好食。口感係超級嫩之餘完全食到鵝肝嘅油香味，真係有種入口即融嘅感覺。鵝頸、鵝翼部份，佢斬到每一件都係剛剛好可以入口嘅size，大家唔會食得太狼狽，鵝肉又係超嫩超入味。嚟好蔡館淨係食呢一碟嘢都可以滿足對潮州菜嘅渴求。蝦棗鳳陽酥。擺盤好大排檔feel但入口有驚喜。長啲嗰嚿係用腐皮包住馬蹄、豬肉、芋頭同起肉九肚魚嘅炸物，馬蹄爽、豬肉鮮、芋頭有口感、九肚魚滑，成嚿嘢可以用口感豐富、層次分明嚟形容。至於佢隔離嘅蝦棗，即係蝦滑，如無意外都係全人手打，否則唔會咁彈牙。芋泥手磨杏仁茶。完全顛覆我以往對杏仁茶嘅印象。因為我一向都唔喜歡杏仁茶陣味，一開頭我都對呢碗嘢冇乜期望，不過果然冇期望先會凸顯到有驚喜嘅反差。呢碗嘢完全冇普通杏仁茶嗰陣臭到攻鼻嘅氣味，feel到係杏仁香多啲。配埋芋泥嘅香氣同口感又豐富小小，成壇嘢係香甜而不膩，如果唔係食到幾飽我都想添多碗。當晚仲有花膠羹，食咗一千蚊一位，但我覺得呢個價錢食

幾年來去過10次左右，每次都會返轉頭. 呢次提早訂位，但真係大失所望：凍蟹問極都無價錢、埋單一隻索價$1280；$88蚊蠔仔粥裡面應該唔夠一碗飯；四眼阿姐好差禮貌，我地話你明碼實價，我都心甘命抵，但都唔話比客人知要問好多次先入去問廚房隻蟹有幾重. 講真，成千蚊去食呢隻蟹我都係覺得西貢啲海鮮新鮮好多，至少明碼實價.我地三人埋單成2千蚊，就係一隻凍蟹；蠔仔粥；鵝片（7塊，個底都係骨$268）；炒海參（$196）.同埋，記得要現金俾錢. 無卡機、無電子payment 例如Payme/AlipayHK之類.最差係，明明8點還檯，但居然7:30未到就要我地走.一肚氣，無下次. 去西環其他潮式鋪頭好好多.

餐廳地方唔大，位於太子，但係唔難book枱既！有某啲菜式需要預訂，訂枱嘅時候可以問清楚睇吓自己有冇興趣!最最最最最最出色係個蜆仔肉撈飯，可以一個人食晒成碟！蜆仔肉加韭菜加蔥加潮州菜必備嘅橄欖菜，再加埋粒粒分明圓潤彈牙嘅飯。噢好好味🤤烚花甲都唔錯，醬汁酸maymay加上大量香料碎（有芫荽），蜆肉鮮甜好開胃。另外要提一提呢度啲鵝腸，真係好好好新鮮彈牙，呢度啲滷水汁都好啱口味，個醋都有比心機調較過唔會太酸！必食！其他鹹食例如蠔餅炸蝦棗等等都冇咩非常之特別，正正常常。甜品方面都唔算非常之出色， 熄咗反沙芋頭同埋芋泥，講真真係潮州城好食好多。 本身話手磨嘅杏仁茶亦都比想像中失色，偏甜之餘，杏仁味都唔係好出。甜品可以skip，或者可以預訂羔燒芋頭/蕃薯。但係我可以淨係去食嗰碗飯😋

早幾年都有嚟食過幾次，味道都唔錯。但經過今次後，真係無下次，亦唔會推介朋友嚟食。首先先講下個鵝片，味道還好，賣相唔錯。但其實得面頭幾塊有肉，下面墊底多數是骨同肥肉嚟，成碟野差不多1/2唔食得，索價$268…蠔仔粥仲衰，得個一兩湯羹米，我哋要另叫一碗白飯加落去先叫似返個粥…. $88+$16 ….份量好少。最早伏係潮州凍蟹。因未食過，早一日落order問要幾多錢，唔講，幾錢両都唔講….最後到食個日埋單先知$1280…佢話隻蟹1斤2両wo… 坦白我未食過潮州凍蟹，正所謂食米唔知價。大開門做生意，你咪同啲客講100蚊両未得囉，食唔食俾客人考慮吓都得掛。今鑊真係覺得入咗x店，食物質素亦差過以前….為咗賺錢，手法太低劣。個四眼阿姐仲一直狡辯。永世唔會再入嚟食。完

同行如敵國？不。我總喜歡到不同的中餐廳，不論是貴價或低檔，抱着欣賞及學習的態度。是次是本週第二次光臨「好蔡館」。店舖的老闆，蔡昱先生，正是屢獲殊榮的名店「好酒好蔡」大廚蔡昊先生的哥哥。「好酒好蔡」的老闆不用多介紹，畢竟大家吃飯是吃出品，不是吃老闆名氣。但值得一提，小弟小時後的偶像七旋斬碧咸/貝克湯姆上次來港的時候正正有到訪此餐廳。言歸正傳，蔡兩兄弟同是潮州菜的高手。相比於弟弟的店，「好蔡館」當然貼地很多，無論裝修環境價錢，都成為了「好酒好蔡」的強烈對比。是日晚飯和家人一起，四位用膳。點了包括滷水拼盤（鵝片 鵝腸 鵝肝 鵝紅）、花甲，煎蠔餅，蜆肉撈飯，鶯歌凍魚。各款食物各有特色，值得推介。

餐牌冇特別，如果冇特別order話要食啲乜嘢其實餐牌點的東西都好簡單，簡直唔值😭😭😭，職員態度一般，可能係有階級分別😂😂，當晚叫左個酸辣翅，叫咗兩款貝殼🐚，一條方利魚（條魚有個名稱頓時忘記咗😂），蝦早有啲澀味，我覺得唯一特別就是酸辣翅👍